ማጆር አጎሊኒ አዉገሥቶ በፈረሱ እንደተቀመጠ እስላሞች ወደተሰየሙበት ሄደና ድምጹን ከፍ አድርጎ ‹ እናንት የትልቁን ነብይ የመሐመድን ሃይማኖት የተከተላችሁ እስላሞች፤ ኢትዮጵያ አገራችሁ ስትሆን በሃይማኖት ልዩነት የተነሣ ክርስቲያን ነን የሚሉት ሃበሾች የበታች አድርገዉ ከርስት ነቅለዉ ሲገዙአችሁና ሲቀጠቅጧችሁ ይኖሩ ነበር ፡፡ አሁን ግን ጩኸትና ብሶታችሁን ታላቁ የኢጣልያ መንግሥት ስለሰማችሁ እናንተን ነፃ ለማዉጣት... ከእንግዲህ ወዲህ ካሁን ቀደም ተጭኖ የነበረዉ መከራችሁና ችግራችሁ ጭንቀትና ዉርደታችሁ ከናንተ ተወገደ› እያለ ይጮህ ጀመር።

ሸይኽ ሰይድ ሷዲቅ
‹‹ . .ምንም ስፍራ ቢቸግረኝ ቢጠበኝ ፤ ከአገሬም ድሎት ባላገኝ ፤ ተወልደዉ ያደጉበትን አገር መዉደድ የተፈጥሮ ልማድ ስለሆነ ያገር ፍቅር ወደፊት እየገፋኝ የስልጣኔና የነጻነት መሠረት ‹አንድነት› መሆኑን አዉቃለሁና በገሃድ ለአንድነት ስራ በየጊዜዉ ከመጻፍ አልሰነፍሁም. . . ››

በጊዜዉ በነበረዉ ‹ብርሃንና ሰላም› ጋዜጣ ላይ ተመሳሳይ አርቲክሎችን እያቀረቡ እንደ አንድ የትግል ዘርፍ ይጠቀሙ የነበሩት ታላቁ ‹ሸይኽ ሰይድ ሷዲቅ› ፤ በ15/8/1935 ከዚሁ ጋዜጣ ካስነበቡት ጹሕፍ ዉስጥ የተወሰደ

በሀገር ፍቅር የተማረኩ ነበሩና ፋሽስቱን ተፃርረዉ ይፅፉ ነበር ፤በዚህም ምክንያት ለሁለት አመታት በእስር አሳልፈዋል።