የሰው ጉዳይ ለማስፈፀም ታጥቀው የተነሱ፣ ጭንቅ ለመፈረጅ የማይሳሱ፣ ማንም የትም ቢወስዳቸው አብረው የሚንከላወሱ ናቸው። ታላቁ ዓሊም የእውቀት ቋት ሙፍቲ ዳውድ አቡበክር። ታላላቅ መሻኢኾችን ነው የሚያቀሩት፡ ከኪታብና ዒልም ጋር ነው ውለው የሚያድሩት

አንዲት አገልጋይ ሴት ወንዝ ወርዳ ውሃ ስትቀዳ እንስራዋ ተሰበረባት። እመቤቴ አታስገባኝም ትቆጣብኛለች ስትል ሰጋችና መላ ስታሰላስል ቆይታ አንድ መሻርያ አገኘች፡ ግራ ቀኝ ሳትል ከሙፍቲ ዳውድ መስጂድ ገባች። ከሁለት መቶ ደረሳ በላይ እያቀሩ ባሉበት "ያ ሰዪዲ፡ እኔ አዳልጦኝ እንስራ ሰበርኩና እመቤቴን ፈራኋት፡ ቤቷ አታስገባኝም እስዎ ያስታርቁኝ" አለቻቸው
ታላቁ ሙፍቲ "መርሐባ" ብለው ብድግ አሉ፡ እሳቸው ሲነሱ ያ ሁላ ደረሳ "ምን ሲደረግ! እኛ እያለን ለዚች ትንሽ ጉዳይ እስዎ አይለፉም እናስታርቅልዎ" ቢሏቸው
"እሷ እናንተን መች ለመነች፡ የጠየቀችው እኔን ነው እኔው እሄድላታለሁ" አሉ ሁሉም ተከትለዋቸው ወጡ
***

እመቤቲቱ በደስታ እልልታዋን አቀለጠችው፡ ገና ደጃፏ ሲዘልቁ "ሙፍቲን ይዛልኝ መጣች፡ በረካ ትሁን እንኳን ልቆጣት ካሁን በኋላ ነፃ አድርጌያታለሁ። የምን እንስራ! ሑር ብያለሁ" አለች ደስታ አቅበጥብጧት። የመንደሩ ሰዎችም እመቤቲቱ ብቻዋን ሰርታ መብላት ስለማትችል ገንዘብ አዋጥተው አዲስ አገልጋይ አመጡላት።

ማንንም ከማንም ሳይለዩ ሴት ወንድ፣ ባለሀብት ድሃ፣ ሹም ተራ፣ ሳይሉ ለሰው ሀጃ ይቆማሉ። ተምሳሌቶቻችን ይሁኑ 💚 አላህ ከነሱ የምንጠቀም ያድርገን።