#مـرغـلـري
رسول الله صلی الله علیه وسلم فرمايي : څوک چي په لمانځه کي سُستي کوي الله جل جلاله به ورته پنځلس ډوله عذاب ورکړي، پنځه په دنيا کي، درې د مرګ په وخت کي، درې په قبر کي، درې د قبر څخه د راوتلو پر وخت.
۱ قِسم_عذاب ـ د دنيا د عذابو څخه پنځه عذابه:
اول عذاب : د عمر څخه به یې برکت ختم سي.
دوهم : د مخ څخه به یې د نېکانو علامه ختمه سي.
دريم : نېکي به یې هيڅ اجر نه لري.
څلورم : دعاء به یې نه قبليږي.
پنځم : د نېکانو خلقو ( خلګو ) په دعاء کي به دده هيڅ حق نه وي یعني هغه به دده په حق کي نه قبليږي.
۲ قِسم_عذاب ـ د مرګ په وخت کي درې عذابه:
اول : مرګ بې د ذلت مرګ وي.
دوهم : په لوږه کي به مړ سي.
دریم : د مرګ په وخت کي به دومره تږی وي چي د دنيا ټوله اوبه دده په نس کي واچول سي تنده به يې ماته نه سي.
۳ قِسم_عذاب ـ د قبر درې عذابه :
اول : د قبر د تنګ والي له وجهي به يې د بدن پوښتۍ يو د بله سره ور تیري سي.
دوهم : قبر به پر ده باندي اور بل کړي، سهار و ماښام به دی پر سکروټو اوړي را اوړي.
دريم : پر دغه کس به مار مسلط سي، ددغه مار نوم به شُجَاع اَقْرَعْ ( پک مار ) چي سترګي به يې د اور وي، نوکان به يې د اوسپني وي، دومره به اوږد وي چي یوه ورځ مزل به سړی پر وکړي خو ختم به لا نه سي، دا مار به دده سره خبري کوي ورته وايي به: زما رب زه پر تا مسلط کړی یم، د سهار د لمانځه په وجه چي تا ضایع کړی دی تر ماپښينه به دي وهم، د ماپښين د لمانځه په وجه به دي تر ماځيګر پوري وهم، د ماځيګر د لمانځه په وجه به دي تر ماښامه وهم، د ماښام د لمانځه په وجه به دي تر ماخُستنه وهم، د ماخُستن د لمانځه په وجه به دي تر سهاره وهم، او دغه مار چي یو وار انسان ووهي ۷۰ ګزه به په مځکه ننوځي، تر قیامته به ددې انسان دغسي عذاب وي.
۴ قِسم_عذاب ـ د قبر څخه د راوتلو پر وخت درې عذابه :
اول : ډېر سخت حساب ورسره کیږي.
دوهم : الله جل جلاله به ورته په قهر وي.
دريم : جهنم ته به يې داخل کړي.
۵ قِسم_عذاب : په يو بل روايت کي داسي راغلي دي چي دده پر مخ به درې ليکي وي :
اوله لیکه به دا وي : اې د الله د حق ضایع کونکې !
دوهمه لیکه به دا وي : اې د الله په قهر سره مخصوصه !
دریمه لیکه به دا وي : څنګه چي په دنیا کي تا د الله حق ضایع کوی نن ته د الله د رحمت څخه نا اميده يې. ماخذ : [ سراج الخطباء / ص ۴۱ ]
https://chat.whatsapp.com/E42aEcGowbtBRAPWs9WI1m
