Akhmedova typing...

Qattiq charchamasangiz mazza qilib dam olmaysiz.

Qoʻrquv boʻlmasa jasorat ham yoʻq.

Bevafo borki, sadoqatlini qadrlaymiz.

Juda och qolib yeyilgan yegulik eng mazalisi. Toʻq qoringa shohona taomdan u qadar lazzat topish mushkulroq.

Qattiq shovqindan keyingina tinchlik quloqqa rohat ekanligi seziladi.

Kirlik boʻlmaganda tozalik degan tushunchani ham bilmas edik.

Jazodan qochibgina mukofotga intilamiz.

Muammolar borligi yechimlar ham borligidir. Yoʻq muammoga yechim topilmaydi.

Davom ettirasizmi?

Buyurmaslaridan oldin qilishga/qilmaslikka farosatimiz yetmasa har doim kimlarnidir buyrugʻini bajarib yurishga mahkummiz.

6 yildan beri 100 dan ortiq qizlar bilan ijarada yashab koʻrib olgan xulosalarimdan eng kattasi shu.

Buni birga yashash, maishiy ishlardan boshqa koʻp joylarga ham moslab tafakkur qilish mumkin.

Boshqalarning fikri bilan yashamayman degan odam adashadi.

Agar shunday qilmoqchi boʻlsangiz Diogen2 boʻlishingiz kerak.

Ijtimoiy mavjudotmiz va albatta, miyamizdagi fikrlar shakllanishida boshqalarnikini oʻrni katta.

Maugli2/Tarzan2 desam yana ham yaqinroq misol boʻlar ekan :)

Shunda oʻzimiznikidan ham koʻproq miyamiz "wow" deb qabul qilayotgan boshqalarning fikrlariga eʼtiborli boʻlish kerak boʻladimi?

Zamonaviy dunyoda zararli odatlar borgan sari koʻpayyapti va foydalilariga odatlanish qiyinlashyapti, menimcha. Nima qilish kerak?

Google bergan bir nechta tavsiyalardan oʻzimga eng yoqqani jarayonni ijtimoiylashtirish boʻldi.

Biror odatni shakllantirish uchun sherik yoki jamoa bilan harakatlanish natijaviydir. Siz sustlashganingizda sherigingiz turtki berishi mumkin va bu alishib turadi.

Eng muhimi sherik/jamoada xohish boʻlishi kerak. Oʻzi xohlamay turib sizni koʻnglingiz uchun xoʻp desa uzoqqa bora olmaysizlar.

Islomda doʻst-birodarlik, oilaga eʼtibor darajasi yuksak ekanligi bejizga emas.

XXI asr TOP soft skills ichida Teamwork borligi bekorga emas.

Qolgan tavsiyalar:
Qulay format tanlash
Progressni kuzatib borish uchun jadvallar
Muhim bosqichga erilishganda oʻz-oʻziga darhol biror kichik mukofot berish

Sizda boshqa yechimlar boʻlsa izohlarda boʻlishing.

Nega yomon odatlar oson, yaxshi odatlar qiyin oʻzlashtiriladi?

Miya har doim qulaylik va baxtni xohlaydi. Nima bularni tez bersa u shunga qarab talpinaveradi. Bu miyamizda anglamagan holatda yuz beradigan jarayon.

Zararli oziq-ovqatlar (chips, cola, fast food, shirinliklar) isteʼmol qilganimizda shu zahotiyoq ta'mni his qilamiz va miya lazzatlanadi. Anti stress.

Toʻgʻri ovqatlanishga oʻtganda esa bir zumda yaqqol koʻrinadigan natija yoʻq. Nechidir oylardan keyin oʻzimizni yengil his qilishni boshlaymiz.

Kech uygʻonish va koʻp uxlash ham shunday. Reallikdan qochamiz. Miya uchun bu xavfsiz va qulay, boʻlibam qisqa muddatda.

Tepadagi misollar oʻrnini har qanday odatlarga alishtirib koʻrish mumkin.

Miyaga tezlikdagi mukofot yoqadi. Kunlar, haftalar va hatto koʻproq vaqt talab qilishi mumkin boʻlgan odatlarning uzoq muddatli katta mukofotidan zararli lekin tez va kichik(bir zumlik) mukofoti afzal.

Davomi bor.

Qilaman deb qilmayotganlarimiz bizga faqat azob beradi!

Bu haqida biroz izlanib koʻrdim. Tizimlashtirib biror qoralama qilgunimcha boshqa savol bor sizlarga.

Koʻp eshitilyapti xatolar qilish haqida.
Koʻp xato qilgan odam = koʻp tajriba qilgan odam. Xatolar insonni rivojlantiradi, oʻstiradi. Xato qilishdan qoʻrqmaslik kerak... va hkz

Rostan shunaqami?

Use it or lose it!

Ishlat yoki yoʻqot! Zoʻr ibora. Insondagi baʼzi ahamiyati juda kam organlar ular oldin muhim funksiyalarni bajarganligi haqidagi farazlar bor (masalan, appendix)

Sirli masalliq yoʻq, Po! Demak, nima ishlatilmasa u yoʻqotiladi!

Xotirangizni rivojlantirmoqchimisiz? Unda xotirani(ishlating) shugʻullantiring yoki yoʻqoting(susaytiring)

Kuchli mushaklar kerakmi? Ularni ishlating!

Speaking'ni yaxshilamoqchimisiz? Gapiring koʻp-koʻp!

Kommunikativ boʻlmoqchimisiz? Oʻzingizni jamoa ichiga oting.

Matn orqali oson tushintirish qobilyatini rivojlantirmoqchisan, unda kanalingga koʻproq yoz, Mehribon!

Siz esa davom ettiring, nimalarni ishlatishingiz va ularni saqlab qolib rivojlantirishingiz kerak?

Nega yomon tarafga ogʻib ketish juda oson, yaxshilash esa ancha mushkul?

Foydasiz va hattoki zararli odatlarni tez oʻzlashtiramiz, aksini esa juda sekin...

Use it or lose it!

Men bir hafsala qilib batafsil post yozgunimcha sharhlar boʻlimi ochiq, sizlar uchun.

Yaqinlar bilan munosabatlar

Odatda, bolalar oʻsmir yoshda ota-onadan ruhan uzoqlashishadi. Buni qoʻpollik yoki suhbatdan qochishlar orqali ochiq koʻrsatadigan bolalar bor. Ota-ona xafa boʻlmasliklari uchun maksimal darajada berkitishga harakat qiladiganlar bor.

Har ikkala holatda ham oʻsmirlik oson yoki qiyin kechishi mumkin.

Agar farzandingiz oʻsmir yoshida sizdan uzoqlashishni boshlaganini sezsangiz unga u haqidagi "kitob"ni bering.

Farzandingiz hali dunyoga kelmasdan boshlab uni qanday kutayotganingiz, u haqida qanday yoqimli hislar, gaplar, rejalar ... va hkz barcha yoqimli narsalarni yozib boring bloknotga.

Oʻsmir yoshigacha yozing. Har kuni yoza olsangiz qandayin zoʻr. Bunga qiynalsangiz mehringiz joʻshib ketganda yozing. U haqida nima yoqimli boʻlsa hammasini...

Tasavvur qilib koʻring, 14± yoshizda sizga siz haqizda "kitob" tutqazishdi, kitobda faqat pozitiv. Qanday his qilasiz oʻzingizni?

Meni Maftuna dugonamni kichkinagina daftari boʻlar edi. Onasi u tili ravon chiqib ketguncha soʻzlarni qanday talaffuz qilgani boʻyicha lugʻat edi. Menga tegishli boʻlmasa ham juda ijobiy ta'sirlantirgan daftarcha.

Eng asosiy nuqta esa, oʻzingiz ota-onangiz bilan qanchalik ruhiy kontaktda ekanligizni tahlil qiling.

Uzoqlashgan boʻlsangiz yaqinlashishga urining, siz endi oʻsmir emassiz (katta ehtimol bilan auditoriyam oʻsmir yoshdan oʻtgan) masʼuliyatni olib siz boring yaqinlashish uchun.

Oʻzim ham hali yaqinlarda har suhbatimizda ularni yaxshi koʻrishimni ayta olish bosqichiga chiqdim.

Men juda-juda hissiyotlarga yopiq oʻsmir boʻlganman. Men eplagan boʻlsam, sizga hech nimamas ))

Tajribaning oʻlchovi nima?
(Tajriba va professionallik)

Birdan misol keltiraman, xulosani oʻzingiz olasiz.

Siz 10-sinfsiz, 10 yildan beri maktabga borib kelasiz va har doim bitta yoʻnalishda, har kuni bir xil yoʻldan borasiz-kelasiz.

1-sinf ukangiz bor, 1 yildan beri maktabga borib keladi. Avval ota-onangiz hamrohligida borgan xuddi siz kabi. Ota-onangiz endi oʻzi borib kela olishiga koʻzlari yetgach bir oʻzini yuborishadigan boʻlishdi.

Ukangiz esa mustaqil borishni boshlagach har xil koʻchalar orqali, turli xil borib-kelish usullarini sinab koʻrdi. Oʻziga eng yoqqanini eng qulayini/chiroylisini/xavflisini-xavfsizini/gavjumini-siyragini/uzogʻini-yaqinini aniqlab oldi.

Endi u vaziyatga qarab xohlagan yoʻlini tanlay oladi. Kech qolayotgan boʻlsa eng yaqinini, ochiq havoda aylanib qaytgisi kelsa uzogʻini, koʻzini quvnatgisi kelsa manzaralisini...

Shunda maktabga borib kelish boʻyicha kimga quloq tutgan afzal?

10 yildan beri bir xil yoʻldan borib kelgan va boshqasiga qiziqib ham ko‘rmagan siz professional tajribalimisiz, yoki 1 yildan beri turli tajribalar/tadqiqot/izlanishlar qilgan ukangizmi?

Boshqacharoq savol:

Tajribaning oʻlchovi nima? Vaqtmi yoki boshqa biror mezon bormi?

Tajribali degani professional deganimi?

Deylik, 10 yillik tajribaga ega.


Fikrlaringiz boʻlsa yozing va longread oʻqishga tayyorlanib turing.

Siz ≠ tuygʻularingiz

Jahlingiz chiqayotgan boʻlsa siz yomon inson emassiz.

Xafa boʻlyapsizmi, yomon inson emassiz.

...

Yomon his-tuygʻular har birimizda bor. Ularni his qilsak biz yomon boʻlib qolmaymiz.

Ularni sogʻlom yashab oʻtish kerak.

Haqmi yoki oʻzinikini oʻtkazishmi?

Muhokama, munozara jarayonlarida bir nozik nuqta bor. Muhokamadan maqsad nima ekanligi unutilib qoldiriladi va bu muhokama ijobiy natija bilan tugashi amri mahol.

Kimdir bilan tortishyapsizmi, ichki holatingizga eʼtiborli boʻling. Maqsadingiz haqni topishmi yoki oʻzingiznikini oʻtkazish?

"100 ta millionerni yigʻib kimga pul yetmayapti deb soʻralsa 100 tasi qo‘l koʻtaradi" deb oʻqigandim.

Pul hech qachon yetarli boʻlmaydi. Uni koʻpaytirish bilan birga shaxsiy moliyani boshqarishni oʻrganish kerak.