አሁን አሁን ከሰው በላይ እንስሳ ያሳዝነኝ ጀምሯል. በእንደ እኛ ዓይነት ውለታ ቢስ ፍጥረቶች መሀል ተሰይመው መገኘታቸው በእራሱ ይደንቀኛል. እላይ እላዩን ሲታዩ ምንም ማያውቁ ምስኪን ማስተዋል የተሳናቸው ቢመስሉም ፤ ውስጥ ውስጡን ግን ብዙ የሚያውቁት ሚስጥር ያለ ይመስለኛል. በምድር ላይ የሚቆዩት ዕድሜ ማጠሩ ለምን ይሆን? የመኖራቸው ጥቅምስ ለኛ አገልጋይነት ብቻ ነው? ምን አልባት የሞኝ ሀሳብ ሊመስል ይችላል...ግን አስባቹታል? ከክርስቶስ ቀጥሎ ፍቅርን የት ታገኛዋለህ ቢሉኝ መልሴ ከሰው መሀል አይደለም. ከእነዛ ማውራት ከማይችሉ ነገር ግን ፍቅርን እንዴት መስጠት እንዳለባቸው ከሚያውቁ እንስሶች መሀል ነው. እንደ ሰው ዛሬ ወደው ነገ ማይጠሉ ናቸው. ፈጣሪ የፍቅሩን ተምሳሌት በእነሱ ውስጥ በምድር ያኖረ ይመስለኛል. እንስሳ ይባሉ እንጂ ከእኛ በዕጥፍ ዕጥፍ ይሻላሉ. ማሰብ አይችሉም ባዮቹ ማሰብ ካቆምን ዘመናት አልፎናል. ማሰብ አይችሉም ያልናቸው ማሰብ ከምንችለው በላይ ህይወትን የተረዱ ናቸው. እንደ እኛ መንታ ማንነት የሌላቸው ፤ ስሜታቸው፣ ንዴታቸው፣ ቁጣቸው ፊትለፊት ግልፅ የሆነ የማስመሰል ጥበብ የማያውቃቸው እውነተኛ ኗሪዎች. እንደ እኔ እንደ እኔ ከሰው በላይ ትልቅ ቦታ እና ትልቅ ክብር ይገባቸዋል ባይ ነኝ. ፈፅሞ ለእንደ እኛ ዓይነቱ ፍጥረት አይገቡም.
በኪሩቤል አሰፋ
@Ebuh_bhr
@Ebuh_bhr
በኪሩቤል አሰፋ
@Ebuh_bhr
@Ebuh_bhr