TGAlertsBot

Каналингиз репостлари ва эсловлари ҳақида хабар беради.

SearcheeBot

Telegram-каналлар оламидаги сизнинг йўлбошчингиз.

TGStat Bot

Telegram'дан чиқмай туриб каналлар статистикасини олиш

Telegram Analytics

TGStat хизмати янгиликларидан бохабар бўлиш учун обуна бўл!

Statistika Saralanganlar

❤Sheriyat❤ ❤shaydolari❤

Kanal geosi va tili: ko‘rsatilmagan, ko‘rsatilmagan

Toifa: ko‘rsatilmagan

🤍Sizlar uchun mahsus kanal
🔥Eng yangi Rasmli statuslar
💔Armonli sherlar va aforizmlar
❤️Sevgi sherlari va manaloglar
🍁Ma'noli so'zlar va hikoyalar
Creator: @Charosbonu

☝️Unutmang biz faqat siz uchun yozamiz...✍

Связанные каналы

Kanal geosi va tili

ko‘rsatilmagan, ko‘rsatilmagan

Toifa

ko‘rsatilmagan

Statistika

Postlar filtri

O‘chirilganlarni yashirish

Repostlarni yashirish

❤Sheriyat❤ ❤shaydolari❤

20 Jun, 19:28

Odilbek Qodirov | Sheʼrlar 🇺🇿 dan repost

KELIN BOʻLDI SUYGANIM

Qiynayverma yurak qoʻy,
Kimga qiziq kuyganim...
Mahallamda bugun toʻy,
Kelin boʻldi suyganim.

Yor topilib shoshganga,
Oʻz haddidan oshganga.
Andijondan Toshkanga,
Kelin boʻldi suyganim.

Bahor aprel boshida,
Yangi oʻsma qoshida.
Oʻn yettinchi yoshida,
Kelin boʻldi suyganim.

Otam boʻlsin deb rozi,
Sir qoldi eʼtirozi...
Kelar yor yor ovozi,
Kelin boʻldi suyganim.

Taklifnomaga qarab,
Yurak ketdi qaltirab.
Oq libosi yaltirab,
Kelin boʻldi suyganim.

Hushyor turar shum yanga,
Hilpiraydi goʻshanga...
Uzatdilar oʻshanga,
Kelin boʻldi suyganim.

Muhabbat hazon endi,
Orzular armon endi...
Yor demoq yomon endi,
Kelin boʻldi suyganim.

Hajri ekan ozorey,
Yurak qoldi zor zorey...
Yolgʻonchi qiz yor yorey,
Kelin boʻldi suyganim.

Goʻzal edi kunchaday,
Oq atirgul gʻunchaday.
Sogʻinchga qay kun chiday,
Kelin boʻldi suyganim.

Kimga qiziq kuyganim,
Qancha azob tuyganim.
Mahallamda bugun toʻy,
Kelin boʻldi suyganim.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

6 0 0

❤Sheriyat❤ ❤shaydolari❤

20 Jun, 05:08

8 0 0

❤Sheriyat❤ ❤shaydolari❤

19 Jun, 17:52

Ona — Sarvarbek Haydarov

#premyera #mp3

ONA (Ona sizga vaqt topolmadim)

Qo’shiq muallifi: Sarvarbek Haydarov
She’r muallifi: Odilbek Qodirov

Qadronlar yana bir premyeramiz sizlar uchun ✊

@Ijroyim

7 0 0

❤Sheriyat❤ ❤shaydolari❤

19 Jun, 04:09

Muxoyyo

@Ijroyim

8 0 0

❤Sheriyat❤ ❤shaydolari❤

18 Jun, 19:21

Odilbek Qodirov | Sheʼrlar 🇺🇿 dan repost

BOYGA KOʻNGIL BERIBSIZ

Uzun sochlar kesildi,
Qoshlarni ham teribsiz...
Yurishlardan sezildi,
Boyga koʻngil beribsiz...

Goʻzalbonu oybonu,
Aynidingiz hoybonu...
Bizga ahdupaymonu,
Boyga koʻngil beribsiz...

Yoʻldan urdi qay shaqal,
Soʻzlaringiz ex dagʻal.
Yoqmay qolib kambagʻal,
Boyga koʻngil beribsiz...

Sevibmanda dil bilan,
Quchoq quchoq gul bilan...
Baxtlimisiz pul bilan,
Boyga koʻngil berib siz...

Gullar tutsam dastalab,
Qoʻydingizku hastalab...
Sevgi sotib rastalab,
Boyga koʻngil berib siz...

Yorsiz qolgan oxiri,
Zuhroni ham Tohiri..
Hiylakorlar mohiri,
Boyga koʻngil berib siz...

Bugun boyman oʻ zarlik,
Yoringizdan oʻzarlik...
Endi qilmang oʻjarlik,
Boyga koʻngil berib siz...

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

9 0 0

❤Sheriyat❤ ❤shaydolari❤

17 Jun, 17:46

Odilbek Qodirov | Sheʼrlar 🇺🇿 dan repost

ARMONIM

Keldingu koʻnglimga hush boʻlding,
Soʻng ketib qaytmading qush boʻlding.
Tush boʻlding, eng shirin tush boʻlding,
Armonim oʻzimning armonim...

Jonimga tikilgan dordeksan,
Gohida sevgimga zordeksan...
Yoʻqsanu yomonimda bordeksan,
Iforing sogʻindim rayhonim.

Sen tomon uzatsam qoʻlimni,
Gʻururim toʻsadi yoʻlimni.
Boshimga tiriklay oʻlimni,
Solgancha ketganim yomonim.

Ond ichib hiyonat qilindi,
Qadrimiz yoʻqligi bilindi...
Yurakning har yeri tilindi,
Gulim deb quchgandim tikonim.

Dil ado, aytildi alvido,
Ishq narxi chaqalik bir mato...
Eng katta gunohim bu xato,
Sevmasdim boʻlganda imkonim.

Gulim deb quchganim tikonim,
Yomonam sogʻindim rayhonim.
Sevmasdim boʻlganda imkonim.
Armonim oʻzimning armonim...

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

9 0 0

❤Sheriyat❤ ❤shaydolari❤

16 Jun, 22:51

Odilbek Qodirov | Sheʼrlar 🇺🇿 dan repost

YARATGAN

Oy chexranga meni qaratgan,
Yuzlaringdan nurlar taratgan.
Tan olaman boshqachasan sen,
Xudo seni ajib yaratgan.

Quyoshdek taft, guldayin ifor,
Meni yutar kulguchlaring bor.
Yagonasan butkul betakror,
Xudo seni bitta yaratgan.

Bir bahorsan, gul beadoqsan,
Toshqin soyday sal erkaroqsan.
Sen dunyodan chiroyliroqsan,
Xudo seni go‘zal yaratgan.

Maqtasam har so‘zimniki san,
Sog‘insam zor ko‘zimnikisan san.
Sen shubhasiz o‘zimnikisan,
Xudo seni menga yaratgan.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

8 0 0

❤Sheriyat❤ ❤shaydolari❤

15 Jun, 07:12

Odilbek Qodirov | Sheʼrlar 🇺🇿 dan repost

QARAGAN QIZLAR

Uzun sochin taragan qizlar,
Boy kuniga yaragan qizlar...
Qancha kerak bugun pulim bor,
Choʻntagimga qaragan qizlar.

Koʻngil bersam koʻnglimni yancha,
Hanjarlarin koʻksimga sancha...
Mensimayin ranjitdi qancha,
Choʻntagimga qaragan qizlar.

Hiyonatga botishgan edi,
Yolgʻon ishqdan totishgan edi.
Oʻzlarini sotishgan edi,
Choʻntagimga qaragan qizlar.

Chin muhabbat armon ekanda,
Kul ekanda hazon ekanda...
Shunchalaram arzon ekanda,
Choʻntagimga qaragan qizlar.

Ishondilar soʻzimga emas,
Koʻkka tikkan koʻzimga emas.
Sevdim desam oʻzimga emas,
Choʻntagimga qaragan qizlar.

Hamon oʻsha koʻkda oymisiz?
Goʻzal qalam qoshi yoymisiz?
Boyvachchaga tegib boymisiz?
Choʻntagimga qaragan qizlar.

Qosh chimirib asablar tarang,
Oʻtayabsiz yonimdan arang.
Mana bugun boy boʻldim qarang,
Choʻntagimga qaragan qizlar.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

9 0 0

❤Sheriyat❤ ❤shaydolari❤

14 Jun, 19:03

Odilbek Qodirov | Sheʼrlar 🇺🇿 dan repost

QIRGʻIZ QIZEY

Bahmal olmaday totli,
Ikki labi novvotli...
Qaraydi oʻtli oʻtli,
Qirgʻiz qizey, suluv qiz.

Kuydirishi yomonda,
Kulib yurar omonda.
Yashaydi Oʻsha tomonda,
Yashaydi Aravonda,
Qirgʻiz qizey, suluv qiz.

Nima boʻlsa boʻldirsin,
Bu nozlaring oʻldirsin...
Sendan akang oʻrgilsin,
Qirgʻiz qizey, suluv qiz.

Qadami mayda mayda,
Yuzlari toʻlin ayda.
Sendayin qiz bor qayda,
Qirgʻiz qizey, suluv qiz.

Unda hayolim daydi,
U esa dilim yeydi.
Oʻzbekcha akov deydi,
Qirgʻiz qizey, suluv qiz.

Oxu koʻzli gul badan,
Jilmayadi oynadan.
Yolchidimey qaynadan,
Qirgʻiz qizey, suluv qiz.

Ranjishib oʻzbek qizlar,
Endi xatoyim izlar.
U senlasam ham sizlar,
Qirgʻiz qizey, suluv qiz.

Dil koʻnmaydi faryodga,
Ayriliq yomon dodga...
Yor boʻl Paxtaobodga,
Qirgʻiz qizey, suluv qiz.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

8 0 0

❤Sheriyat❤ ❤shaydolari❤

13 Jun, 18:38

Odilbek Qodirov | Sheʼrlar 🇺🇿 dan repost

ЭРКАКНИНГ ОМАДИ КEЛГАНДА

Йиқилса синди деб миш мишлар,
Тарқалар бўронлар елганда...
Ўтади кетади бу ишлар,
Эркакнинг омади келганда.

Ортидан тош отиб турганлар,
Дўст деса жим сотиб юрганлар.
Қайтаркан юзини бурганлар,
Эркакнинг омади келганда.

Менсимай кетдингиз ой гўзал,
Бойга ёр бўлдингиз бой гўзал...
Аттанглар қиласиз ҳой гўзал,
Эркакнинг омади келганда.

Сохтасиз бошга дард соласиз,
Икки юз ранги ҳил оласиз.
Ўйнашманг уялиб қоласиз,
Эркакнинг омади келганда.

Номардлик қилмайди асл шер,
Номардлар ҳаммадан зўрман дер.
Тескари айланиб кетар ер,
Эркакнинг омади келганда.

Кун келар бошида ғам бўлмас,
Пинхона кўзлари нам бўлмас.
Худойим берганда кам бўлмас,
Эркакнинг омади келганда.

Битмаган ишлари юрсиней,
Худо бер қаддини урсиней.
Сурсиней, даврини сурсиней,
Эркакнинг омади келганда.

✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

12 0 0

❤Sheriyat❤ ❤shaydolari❤

12 Jun, 22:23

01:06

Video oldindan ko‘rish uchun mavjud emas

Telegram'da ko‘rish

14 0 0

❤Sheriyat❤ ❤shaydolari❤

12 Jun, 22:23

Tiriklar bormi 🗣

@Ijroyim

14 0 0 1

❤Sheriyat❤ ❤shaydolari❤

12 Jun, 19:42

Odilbek Qodirov | Sheʼrlar 🇺🇿 dan repost

Oshnalarga tashab qoʻyamiz

OSHLASHMASAK BOʻLMAYDI JOʻRA

Choyxonaga yetaklab yoʻlni,
Boshlashmasak boʻlmaydi joʻra.
Osh taftida kuydirib qoʻlni,
Oshlashmasak boʻlmaydi joʻra.

Yigʻilishib topib salqin joy,
Issiq kunda ichib achchiq choy.
Koʻrishmadik boʻlib ketdi oy,
Oshlashmasak boʻlmaydi joʻra.

Doʻstsiz totgan palovlar tahir,
Mehr koʻzda deydilar ahir.
Sergoʻsht qilib deziraga bir,
Oshlashmasak boʻlmaydi joʻra.

Qiyomatli doʻstginam ey man,
Sensiz ahir qandoq osh yeyman.
Yoʻqolmasin oqibat deyman,
Oshlashmasak boʻlmaydi joʻra.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

13 0 0

❤Sheriyat❤ ❤shaydolari❤

11 Jun, 18:16

Odilbek Qodirov | Sheʼrlar 🇺🇿 dan repost

YOR YOR AYTILDI

Sovchi kelib uyiga,
Qasamlardan qaytildi...
Yetib yetmay boʻyiga,
Yorga yor yor aytildi...

Goʻzal qalam qosh edi,
Yosh edi yuvosh edi...
Biroz bagʻritosh edi,
Yorga yor yor aytildi...

Majnuntolday bosh egib,
Ketdida kutmay tegib...
Oʻtiribman dard chekib,
Yorga yor yor aytildi...

Kuyar boʻldim firoqda,
Yetolmayin yiroqda.
Men musofir, qishloqda,
Yorga yor yor aytildi...

Qopqora koʻzi namli,
Alvidosi alamli.
Oʻsha qoshi qalamli,
Yorga yor yor aytildi...

Loladay yurak qonda,
Muhabbat oʻlgan onda.
Oʻlanlar Andijonda,
Yorga yor yor aytildi...

Yoqildi alanganlar,
Sochildi pul tangalar...
Joʻr boʻldi shum yangalar,
Yorga yor yor aytildi...

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

12 0 0

❤Sheriyat❤ ❤shaydolari❤

10 Jun, 14:37

Odilbek Qodirov | Sheʼrlar 🇺🇿 dan repost

QIZGʻALDOGʻIM

Baxtga yetay degan chogʻim,
Hazon boʻldi sevgi bogʻim...
Gulim endi oʻzga bogʻda,
Gullar boʻlding qizgʻaldogʻim.

Tikoni bor yomonimey,
Tilib ketding bu jonimey.
Jonim olib janonimey,
Armon boʻlding qizgʻaldogʻim.

Yuragimning chokin soʻkib,
Qonlariga choʻkib choʻkib...
Kuz kelmayin barging toʻkib,
Hazon boʻlding qizgʻaldogʻim.

Kuyar boʻldim yor zoringda,
Bugun qolib ozoringda.
Muhabbatni bozoringda,
Pullar boʻlding qizgʻaldogʻim.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

13 0 0

❤Sheriyat❤ ❤shaydolari❤

10 Jun, 13:54

5 0 0

❤Sheriyat❤ ❤shaydolari❤

9 Jun, 13:19

Odilbek Qodirov | Sheʼrlar 🇺🇿 dan repost

PULI BOʻLMAY QOLSA ERKAKNI

Ahvol emas qarzlar soʻralar,
Minnat uchun yoni oʻralar...
Choyxonaga aytmas joʻralar,
Puli boʻlmay qolsa erkakni.

Yaqinlari sizlamay qoʻyar,
Maqtov aytib soʻzlamay qoʻyar.
Qarindoshlar izlamay qoʻyar,
Puli boʻlmay qolsa erkakni.

Kasal boʻlsa yoʻq yaxshi qarov,
Qirq yoshida sochida qirov.
Qoʻngʻiroq ham qilmaskan birov,
Puli boʻlmay qolsa erkakni.

Kecha zoʻrsiz degan tulkilar,
Maqtab oshin yegan tulkilar ..
Qilar ekan pinxon kulgular,
Puli boʻlmay qolsa erkakni.

Ketganida omadi boqmay,
Davr soyi toʻxtasa oqmay...
Yoriga ham qolarkan yoqmay,
Puli boʻlmay qolsa erkakni.

Qilganida taqdir shumligin,
Oʻlganiga yoʻymang jimligin.
Bilar ekan kimni kimligin,
Puli boʻlmay qolsa erkakni.

Egilmasin bandaga boshi,
Yoʻqchilikdan oqmasin yoshi.
Koʻchalarga sochilsin oshi,
Puli boʻlmay qolsa erkakni.

Yetmay qolsa gohi madorim,
Sinmasiney gʻurur va orim.
Oʻzing qoʻlla Parvardigorim,
Puli boʻlmay qolsa erkakni.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

14 0 1

❤Sheriyat❤ ❤shaydolari❤

8 Jun, 23:18

Odilbek Qodirov | Sheʼrlar 🇺🇿 dan repost

SENI SEVISHIMNI ONAM BILADI

Kimlardir bizlarga baxtlar tiladi,
Kimlardir aybimiz gap so‘z qiladi.
Ular o‘z yo‘liga ammo bilib ol,
Seni sevishimni onam biladi.

Mening quyoshimsan, mening kunduzim,
Tunlar osmonimda porlar yulduzim.
Sira uyaltirib qo‘yma gulyuzim,
Seni sevishimni onam biladi.

Eng ko‘p tilangan sen ko‘nglim oxida,
Ochilgan guldeksan bodom shohida.
Kelinim yaxshimi deydi gohida,
Seni sevishimni onam biladi.

Sen kulsang, men ko‘rib tinchman hardoim,
Yashasang kifoya qilib duoim...
Baxtli bo‘lishimiz kerak tanhoim,
Seni sevishimni onam biladi.

Jahlimni chiqarma asabim kezib,
Urishsak qo‘yaman yuraging ezib.
Qovoq solishimdan qoladi sezib.
Seni sevishimni onam biladi.

Yonida o'tirib bir kun qizgina,
Birga qo‘yasilar o‘smayu hina.
Kelini bo‘lasan sapsariqqina😁
Seni sevishimni onam biladi.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

16 0 1

❤Sheriyat❤ ❤shaydolari❤

6 Jun, 18:15

Odilbek Qodirov | Sheʼrlar 🇺🇿 dan repost

HAQIQIY DOʻSTIM

Sen bilan ulgʻaydim, sen bilan oʻstim,
Yuz burib ketmading boʻlsa kam koʻstim.
Yaxshi yomonimda boringa shukur
Haqiqiy doʻstimsan, haqiqiy doʻstim!.

Bir tovoqdan palov yeganim oʻzing,
Doim sen bilanman deganim oʻzing.
Akamday ukamday jigarim oʻzing,
Haqiqiy doʻstimsan, haqiqiy doʻstim!.

Mening yutugʻimdan quvnab joʻshasan,
Soʻrasam yoʻgʻimga boring qoʻshasan.
Necha yil oʻtsa ham oʻsha oʻshasan,
Haqiqiy doʻstimsan, haqiqiy doʻstim!.

Boshimga kelganda turfa kulfatlar,
Tashlashib qochdilar soxta ulfatlar...
Sen ketmading, bosdik qancha sarhadlar,
Haqiqiy doʻstimsan, haqiqiy doʻstim!.

Oʻzingsan gʻiybatim tamin totmagan,
Pinxona ortimdan toshlar otmagan.
Oqibatligimsan meni sotmagan,
Haqiqiy doʻstimsan, haqiqiy doʻstim!.

Birgasan sinovda, yo omadda ham,
Doʻstu dushman qilgan hiyonatda ham.
Yonimda tur oʻzing qiyomatda ham,
Haqiqiy doʻstimsan, haqiqiy doʻstim!.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

15 0 0

❤Sheriyat❤ ❤shaydolari❤

6 Jun, 05:51

Odilbek Qodirov | Sheʼrlar 🇺🇿 dan repost

SIZNI SEVIB ADASHDIM CHOGʻI

Ketarmikin koʻnglimning dogʻi,
Hazon boʻldi muhabbat bogʻi.
Sira attang qilmadim ammo,
Sizni sevib adashdim chogʻi.

Chiroyligim osmonda oyim,
Yuragimda ogʻriqsiz doyim.
Men qilgan eng katta xatoyim,
Sizni sevib adashdim chogʻi.

Ajralishdi tutilgan qoʻllar,
Ayrilishdi kutilgan yoʻllar...
Boshni yordi dard degan doʻllar,
Sizni sevib adashdim chogʻi.

Sogʻinchlarim ketmaydi arib,
Toparmidim yursam ahtarib?
Malikani suyganday gʻarib,
Sizni sevib adashdim chogʻi.

Suyar debmanman boqsa koʻzingiz,
Aytilganda shirin soʻzingiz...
Meni aldab qoʻygan oʻzingiz,
Sizni sevib adashdim chogʻi.

Ketdingizey xayrsiz doʻqsiz,
Shoshdingizey bunchalar shoʻxsiz.
Koʻnglimda bor yonimda yoʻqsiz,
Sizni sevib adashdim chogʻi.

Hijroningiz dildagi oxim,
Baxtli boʻling ilohim mohim...
Bilib turib qilgan gunohim,
Sizni sevib adashdim chogʻi.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

13 0 1 1

20 ta oxirgi post ko‘rsatilgan.

80

obunachilar

Kanal statistikasi