እኛስ ከየትኛው ምድብ ውስጥ ነን?

ሙሐመድ ኢብኑ ፈድል ረሒመሁላህ
እንዲህ ይላሉ፡-

“ኢስላም የሚጠፋው በአራት አይነት
ሰዎች ነው፡፡

1. በሚያውቁት በማይሰሩ
2. በማያውቁት በሚሰሩ
3. የማያውቁትን በማይማሩ እና
4. ሰዎችን ከእውቀት በሚከለክሉ፡፡”

አልኢማም አዝዘሀቢ ረሒመሁላህ ከዚህ
ስር እንዲህ ይላሉ፡-
“እነዚህ የዐረብና የቱርክ ቁንጮዎች መታወቂያ ባህሪዎች ናቸው፡፡ የተራው መሀይማን
ህዝብም እንዲሁ (ባህሪዎች ናቸው፡፡)

1. በሚያውቋት ጥቂት ቢሰሩ ኖሮ በዳኑ ነበር፡፡
2. በቢድዐህ መስራታቸውን ቢያቆሙ ኖሮ በተገጠሙ ነበር፡፡
3. ስለዲናቸው ቢፈትሹ፣ ብልጣብልጦችንና ሴረኞችን ሳይሆን የእውቀት ባለቤቶችን
ቢጠይቁ ኖሮ በታደሉ ነበር፡፡
4. ይልቁንም እየዋለሉና እየተዘናጉ መማርን ይተዋሉ፡፡

ከነዚህ ነጥቦች አንዷ ብቻዋን አጥፊ ናት፡፡ ሲሰበሰቡማ እንዴት ሊያደርጉ ነው?!
በነዚህላይ ኩራት፣ ዋልጌነት፣ አመፀኝነትና አላህን መዳፈር ሲደመርበት ደግሞ ምን የሚሆንይመስልሃል?!!!

#ከዚህ_ሁሉ_እንዲጠብቀን
# አሏህን_እንለምነዋለን፡፡”

[ሲየሩ አዕላሚ
አንኑበላእ፡ 14/525]

ከንፈር መምጠጥ፣ እራስን መነቅነቅና
መደነቁ ለአፍታ ከሆነ ምን ፋይዳ አለው?
ይልቅ ያለንበትን ሁኔታ እንፈትሽ፡፡

➴ለዘላቂ ለውጥ እንነሳ፡፡
➘ቀጠሮ አናራዝም፡፡
➴ያቅማችንን እንፍጨርጨር፡፡
~አሏህ እንዲያግዘን ዱዓእ እናድርግ፡፡

የሰለፎቻችንና የዑለማዎቻችንን
አስደማሚ የእውቀት ፍለጋ ታሪኮች

ከአጉል “እንዲህ ነበርን” ኩፈሳ አውጥተን ለተግባራዊ ጉዟችን እንደ ብርታት ሰጪ መድሃኒት እንጠቀማቸው፡፡
#አሏህ_ለመልካሙ_ያድለን።



https://t.me/Kamilaumusaymen