NB

Yangi yil nishonlaydiganlar, qiyomatda "nega?" degan savolga tayyor turing.
Javob bera olasizmi?


Shunday holatlarda haqiqiy musulmon kimligi bilinib qoladi

Bir mavzuni ochsam.
Yangi yil nega mumkin emas, bu bor yoʻgʻi silayi rahm-ku deyishadi baʼzilar. Aroqsiz, ayol erkak aralash oʻtirishsiz, musiqasiz shunchaki qarindoshlarni koʻrib suhbat qilamiz, kelasi yilni hamd bilan kutib olamiz, deyishadi.

Rostanam dinni shunaqa deb oʻylashadimi?

Yangi yil boshqa dindan kelgan boʻlsa, unda sen ham telefon ishlatma, texnalogiyalardan foydalanma, ularni ham gʻayri dinlar yaratgan, deyishiga odamni kulgusi keladi.

Paygʻambarimiz alayhissalom bizdan emas deganlarida, boshqalarning diniy fikri, amallari, odatlari, aqidalarga amal qilganlarni aytganlar. Hamda ilm qayerda boʻlsa musulmonlar uni olishi va foydalanishi kerak. Hatto kofirlardan boʻlsa ham. Ilm, kashfiyotlar bilan bayramni farqi bor-da endi. Ozgina aql ishlatishsa edi...

Bizga qolip bu Rosululloh va sahobalar hayoti. Ular bayram qilishganmi? Tugʻilgan kunda tabriklashganmi? YOʻQ. Agar ular hozir yashashganida ham texnalogiyalardan foydalanishardi ( deb oʻylayman albatta faqat va faqat foydali va halol yoʻlda) sababi bu ilm, ixtiro sababli paydo boʻlgan. Yangi yilni nishonlashgani uchun emas. Va toʻgʻri tarixni oʻqisangiz, hozirgi ilmlarning taxminan 95% ni musulmonlar sababli paydo boʻlgan. Kofirlar esa ularning kitoblaridan foydalanishgan. Hatto oʻzlashtirib olishgan ham.

Biz nega orqadamiz?
Dinni qoʻyib yubordik, ahamiyatini unutdik.
Islomda ilm olish farz. Tasavvur qiling. Namoz farz ekan , ilm olish ham farz.
Sahobalar, tobeinlardan shuning uchun kofirlar qoʻrqishgan, hurmat qilganlari esa musulmon boʻlishgan. (Paygʻambarimiz haqida gapirmay...)

Oldingi musulmonlar islomni namoz oʻqib keyin bir gʻiybat qilib, istigʻfor aytib qoʻyish deb tushunishmagan. Islom haqiqiy gullagan davr haqida oʻqisangiz, ular insonlarni musulmon qilishga harakat qilishgan (qilich bilan emas, bu haqida ham oʻqing), ilmga jiddiy kirishishgan, dinni hayotlari deb hisoblashgan.

Demak, siz oldin dinni mahkam tutasiz, soʻng rivojlanasiz. Shunda bilasizki, istalgan kofirlarining olimidan ham oʻtasiz İnşallah

Mayda narsalar bilan oʻralashib yuribsizmi hali ham?
Men dunyoga kerakman, uni qutqaraman deb yashang.
Inson kamida oʻzi isloh qilsa, zarari boshqalarga tegmaydi, shuni oʻzi katta ish. Hamda isloh boʻlgan inson albatta boshqalarning islohiga kirishadi))

Yil sarhisobini qachon qilasiz

•Nechta kitob oʻqildi , nechtasi uqildi
•Qanday oʻzgarishlar boʻldi
• Kimni qalbini vayron qildingiz yoki kim sizni qalbingizni vayron qildi
•Kimni qattiq hafa qilgan edingiz , kechirim soʻradingizmi
• Maqsadlar amalga oshdimi
• Qaysi kitoblarni oldingiz
• Kelasi yil oʻqilishi va olinishi kerak boʻlgan kitoblar roʻyxati tayyormi
• Ramazon kelyapti esingizda - a ?
•Vijdon degan joy bor edi , ana shu ishladimi yoki zangladimi

Obdon oʻtirib oʻzingizga shu savollarni bering