أضــغاث أقــﻻم

مسـاء الخيّـر آمـا بعد

لا شيء يستحق
أن تحزن لأجله ، وأن تتكور أحلامك ، وتبكي بحُرقه وتلعن حظك على الأختيار الخاطىء
لا شيء يستحق ،
أن تصرخ بنفسك وتفقدها وتجلس فوق أطلال حكايات ماتت،
ثُم تذبل وتتلاشى
لا شيء يستحق ،
أن تَبدأ بالسلام و تُقدم أيّ إعتذار ،
اوتنادي بكل ضعف لا تذهب
لا شيء يستحق ،
أن تكره الأماكن، وأن تكره بعد حُــب ،أن تتجنب الحديث عنهم
او أن تحترق شوقاً ،
لا شيء يستحق ،
أن تكتب ما بك، او أن تود القول لأحدهم لازلت أحتاجك فيحول الكبرياء بينكم
فتذهب وتنطفىء وحيداً
لا شيء يستحق ،
أن تجلس بمقاعد الإنتظار
لأماني أنت تعلم تماماً يستحيل تحقيقها

لا شيء يستحق البته*!

#samarً

أرَى فِيكْ المنْفَى و الوطَنْ لذلكَ حينَمآ أردْتُ أنْ أهجُرك عُدْتُ إليك !♥

-تذكر مهما بدى الجميع- حولك- أن البشر خسائر مؤجلة!*

. °σ͠.{ ♚ جْارَيَ الُكِتْابّةِ ... ♚ } σ͠͠...ٌ:
سكون الليل
هدوء البشر
النجوم المنثورة
السماء الصافية
القمر المبتسم
الارواح التي نحب
الأمان الروحي
السلام الداخلي
ألايكفي هذا لكي نتفائل وتظل الابتسامة
مرسومة على محيانا..
لنأخذ نفس عميق
ولنحمد الله
فغيرنا لايملك جزء صغير مما نملك..

Ryan Mohmmed:
#حبٌ _ فاشِل
اخبرتني اليوم عنها _ ليس لأنك قررت اخيراً أن تكسر حاجز الصمت بيننا ،، ليس لأنك أخيراً قد وضعت ثقتك بي ،، ليس لأنني صديقتك المقربه ،، فقط بالصدفه..!💔 _ اخبرتني اليوم عنها صدفةٌ ،، لأنك رأيت اسمها على ورقةٍ صغيرةٍ كنت احتضنها بين يداي 💔
قال لي صديقك المقرب أن اسمها "مها" ،، ولما اصررت ان يخبرني عنها .. قال لي أنها #قصة _ حبك _ الفاشله .
هه انت حتى لم تخبرني 💔 بل اخبرني صديقك ..
ما فهمته أنك قد كنت المظلوم في قصةِ الحب تلك .. كنت أنت ضحية ال " مها " ..
هل تصدقني إن اخبرتك أنني أعلم جيداً ،، أن حبي لك .. ما هو الا #قصة _ حبي _ الفاشله 💔 ،، ستكون انت ال " مها " هنا .. و سأكون أنا الضحيه .. أعلم جيداً أنك لا تحبني كما أحبك .. بل تكاد لا تحبني البته 💔
أتعلم ما الاختلاف بين القصتين ؟! حسناً سأخبرك ..
_في قصتك انت ،، لم تكن تعلم منذ البدايه ان قصة حبك هذه ما هي الا فشل عظيم .. ولو انك كنت تعلم .. لرحلت قبل أن تخوض التجربه ..💔
_أما عن قصتي أنا .. فإنني أعلم أن قصتنا فاشله .. و لكني لم ارحل بعد ..!!💔 و لن أرحل أبداً ..
فإني من فرط حبي لك .. قررت أن أكون زوجتك ❤ ..
_فإن لم أكن فحبيبتك ..❤
_فإن لم أكن فعشيقتك ..💔
_فإن لم أكن فصديقتك ..
_فإن لم أكن فأختك ..
_فإن لم أكن فوالدتك ..
أرأيت ؟! أنا لن أرحل أبداً .. سأبقى معك
~فالحب يا عزيزي _ كما لم تعلمه_ ليس منوطاً بالاهتمام المتبادل بين الطرفين ..🍃 بل الحب أن أحبك ... حتى و إن وضعت حد السيف على رقبتي❤
#Ryan M

اشتقت ليك💔
رغم انك غادرت فجأة من دون استئذان.. ورحلت بارادتك من حياتي.. كنت زي الموية البحاول امسك فيها واجمعها وما اقدر .. حبك ملاني ودفق..
رغم انه عارفاك مغادر وكنت مستعدة لرحيلك.. الا انه رحيلك كلفني كتييير زمن شان اقدر استوعبه واقدر اتقبله..
حاولت أكره نفسي فيك ما قدرت.. كان طيفك بيزورني في كل مرة ولسة بتذكر ذكرياتنا الحلوة.. في شي في داخلي بيقول لي لا.. دة ما الزول البيكرهوه..
عايشت كل الآلام أثناء كنت في حياتي واسي عايشت ضعفها عشان اقدر اتخلص منك.. وكل مرة بفشل وبرجع لنقطة البداية..
كأنك حاجة زي ما تكون محلق في العواصف.. وفجأة تهبط للسكون..
حاليا بجمع شتات نفسي وبحاول اتناسى الفترة العرفتك فيها .. عسى اقدر ارجع لنفسي.. او حتى ارجع للشخصية الكنت فيها قبل اقابلك..
اتغيرت انا شديد.. بس لسة الجواي ياهو ما اتغير.. سبق وقلت ليك انت من الشخصيات البتمنى ليها السعادة من كل قلبي .. حتى لو كانت سعادتك ما معاي.. ولسة بتمنى ليك السمح ..
وابقى طيب ياخ 💔
#Isra

شاركنا شيئا
@Isra_Imam

لا أظن أن هناك مشكلة مع الحزن
بل على العكس تماما -فالنفاق هو الذي كثيرا ما يجعل الناس سعداء،
أما الحقيقة, فتجعلهم يشعرون بالحزن..
___
شمس تبريزي

لما هو!؟
وحده الذي شعرت معه أن العالم جحر صغير
ولا شيء يعنيني، فتبسمت المسافات و إنتميت إليه!*
#samarً

-كان الأمر أشبه بالتحول من شخص محبوب الى أخر يصيب بالغثيان
-وماذا فعلت؟!
-طويته كطو السحاب
#samarً

قصة حقيقة حصلت لي.كنت راكبة الحافلة ماشة الشغل_ القدمت استقالتى منو حاليا_رموا لينا جوه الحافلة ورق دعاية لشركة.شلت الورقة وانا بزمجر فى العيشة والحياة الغالية والمرتب الضعيف وبيئة العمل الكلها دسائس ومؤامرات.الجنبي اتلفت علي وقال لي الدنيا دايرة صبر.قلت ليه والله الصبر زاااتو غلبنا نصبر علي شنو ولاشنو؟! قال لي اتفائلي حدرت ليه طبعا _البيعرفنى كويس يعرف انو عندى متلازمة صرة الوش والحدرة لاي شاب بيحاول يتونس معاي نظام ماتعاكسنى وكده !!!_ المهم قال لي اسمعي انا كنت فى السعودية_ (اوووبا !!!!! حنك الشباب التقليدى لما يحاولوا يثبتوا جديتهم للبنات. اللهم طولك ياروح)_ اشتغلت هناك عشرة سنين لميت 15 الف ريال.العزابة المعاي قالوا عايزين عشاء نزلت اجيبو من البقالة التحت ماشلت معاي اقامتى نظام انا نازل وطالع طوالي السعوديين كانوا نشيطين الفترة ديك فى ترحيل الوافدين. جوووه البقالة مسكونى قلت ليهم اطلع اجيب اقامتى من فوق دخلونى العربية بالرجالة وماسمحوا لي اتواصل مع ناسي كلمت الهندى الفى البقالة انو يكلم العزابة انو انا رفعونى خليهم يلحقونى بالاقامة.ماعارفو كلمهم وهم طنشوا ولا ماكلمهم طوالي رحلونى بورتسودان.قعدت هناك ماعندى ولاجنيه واحد آكل بيه.اشتغلت عتال 4 شهور القروش كنت باكل بيها واجرت مع شباب ووفرت حق التذكرة للخرطوم اتصلت بواحد من العزابة الهناك فى السعودية طلبت يرسلوا لي قروشي بحوالة.ووصفت ليه محل القروش.انتظرتوا تانى كم شهر ومارسل وغير تلفونوا واتواصلت مع باقي الشباب قالوا رجع السودان فجأة واختفي منهم وماعارفين ليه درب
هنا نططت عيونى من الخلعة والظرف السيئ المر بيه الراجل ده.كنت قايلة خلاص المآسي حقتو انتهت.
استطرد(دى طبعا من زمااان منتظرة استخدمها واهو جات الفرصة) قال لي رجعت امدرمان واشتغلت فى ورشة صنايعى وربنا رزقنى.عندى زميل معاي عرض علي اتزوج اختو وانا وافقت لاسباب كتيرة انى كبرت والزواج استقرار وووو الخ.المهم اتزوجت الحمد لله وربنا رزقنى بولدين واحد فى الروضة وواحد عمر سنة.انا مؤجر بيت مكون من غرفة واحدة ومطبخ.قلت ليه الحمدلله(لحد هنا فرحت ليه انو فرجت) اتشوبرت وسألتو ومرتك شغالة؟؟! سكت مسااااافة وعاين لي وقال مرتى عيانة.وبعد ماقلت ليه سلامتها وكفارة وووالخ اتشوبرت تااانى وسالتو عندها شنو المرة دى عاين بالشباك وقال لي عندها مرض نفسي(اقسم بالله شفتو قش دمعة سالت وماعايزنى اشوفها) اتخلعت(الراجل ده المآسي ال خلقها ربنا) قال بتصرخ وتكورك وهو بيضطر لما تجيها النوبة يقعد معاها لما تهدا.بيعمل الفطور للولد الكبير ويوصلوا الروضة ويرجع يحميها لانو لما تجيها النوبة بتقعد ايام بدون تستحمى وينظف البيت وياكلها هو وولدو ويوصى جارتها عليها ويطلع يشوف رزقو.طبعا احى من شوبارى سالتو تانى اهلها وين واخوانها واخوها الورطك فى اختو دى وانت مالك مااتاكدت منها قبل ماتعرس وووو.ابتسم بهدوء وقال لي علي شكل عتاب يااخت الحاجة دى ربنا كاتبها لي وانا صابر وراجى الله مرتى تشفي وتطيب.اخوانها اتملصوا منها ماعايزين يستحملوها وحاليا هى حالتها مستقرة وكل ماتلقي اولادها بتهدأ بس مرات النوبة بتكون شديدة وبضطر اوديها التجانى الماحى عشان تاخد جرعات كهربا.قال لي الليلة جاتها النوبة وانا طلعت متاخر ماشي سوبا الحق الناس البتلم باغات البلاستيك اشيلها منهم ابيعها للمصنع.ومااظن الليلة الحق لانو الشغلانة دى بتكون الصباح بدرى شديد.بس متوكل علي ربنا وان شاء الله ربنا بيرزقنى برزق العيال وامهم
محطتى جات ودعتو ونزلت وانا بفكر انو الراجل ده لاقيتو عشان اعيد التفكير فى حياتى واعدد النعم الكتيييرة العندى واتعلم الصبر
كسرة/ الايام دى بمر بحالة سخط واكتئاب نظام ماعندى عيال والشغل استقلت منو وقعاد البيت زهجنى وفجأة اتذكرت الراجل ده وقصتو.ياخ انا زولة جااااحدة جدااااا.عندى نعم كتيرة انا كويسة وبصحة جيدة وعندى خبرة وماستر وتخصصين وحياة واسرة وان شاء الله ربنا حيرزقنى بشغل واولاد وبنات سمر زيي كده ومشاغبين يخلونى النهار كلو اتجارى وراهم.قلت احكى ليكم يمكن تقرا البوست ده واحدة مارة بحالة كرب وضيق تستفيد منو وتعرف انو فى ناس حالتهم اصعب وتحمد الله علي نعمو الكتيرة

#منقول_بحب

ضيقة هي الحياة..
ضيقة هي مراكبنا..
للبحر وحده سنقول ..
كم كنا غرباء في أعراس المدينة

أنتَ لستَ مجبراً على أن تكون خارقاً دائماً ،
إحزن ، إبكي بشدة ، مارس إنفعالاتك العاطفية ،
ثم عُد قوياً.💛"

عن الذين أربكوا النبض بداخلنا يوماً حتى ظننا أننا لن نستفيق من خمرة الشعور ،
سبحان من جعلكم صفحة مطوية على رف قديم !

القصيدة السمحة 😍😍😍
#بكري_ود_الحلاوين