البوست ده موجه لأخواتي وزمالائي المصريين الى نفس ظروفي وحالتي ومروا بنفس التفكير والتحديات وهدفهم السفر والنجاة من البلد دي بأقل الخسائر المادية لمستقبل أكثر بهجة وتفائل وحب للمهنة.. حبيت بس أنقلكم خبرتي جايز تفيد حد

لو حد مهتم بالطريق الى هحكي عنه ما يتردد ويسألني أو يقول interested وأنا هشرحلكم أكتر وان كان أرد على شخص شخص.. المهم نفيد بعض ولا أحتاج الا دعوة من القلب بنية خالصة

مبدأيا متأسف على البوست يكون Anonymous لكن أحب اتعرف عليكم وتعرفوا عليا.. ممكن وقت لاحق

السلام عليكم ورحمة الله وبركاته
معاكم زميلكم دفعة 2021 قصر العيني جامعة القاهرة
مستويا الجامعة مش كويس وسقطت أول سنة بالكلية
كنت مقرر تخصص جراحي بحت لكن بسنة الإمتياز فكرت بالعقل والمنطق وتيقنت ان الانتصار الحقيقي هو الخروج من مصر وعلى أساسه اختارت التخصص وهدفي السفر للUK
تخصص الرعاية مركزة وحالات حرجة
فلوس بدري وذلك لقلة امكانياتي المادية وتحويش للإمتحان وصرف على المسئوليات
اختارت ازاكر EDIC
European Diploma in Intesive Care Medicine
Postgraduate Qualification
كله حزرني منها وشهادة صعبة وسابع المستحيلات أنجح بيها بالعكس كله نصحني بالطرق التقليدية بالتسجيل فالGMC
لكن من بداية اشتراكي بEDIC وأنا فعلاً كذا فرصة اتفتحت قدامي
والحمدلله وفقت فى النجاح فى الجزء الأول بخبرة أقل من 10 شهور بالرعاية المركزة
ف هشرحلكم دلوقتي ليه الطريق ده كويس وأنصح بيه زملائي الى هدفهم السفر سريعاً..

أمتحان EDIC
جزئين .. الجزئين أونلاين فى بيتك تمتحنهم بالبيجامة ولا سفر ولا بهدلة ولا أى تعب.. مجرد أنت واللابتوب والID بتاعك
تكلفة الامتحان أقل تكلفة لإمتحان يسوي لك تسجيل GMC بالعالم لأن وبدون شك ما في سفر وعملتنا المصرية فى النازل للأسف

طريقة الامتحان والداتا تبعه للأسف هو امتحان جديد ومش متاح خبرات كتير ليه على مواقع التواصل الاجتماعي.. بس الفضل لله جمعت كل ما يخص هذا الامتحان من الألف للياء وده غرض البوست اني افيد حضراتكم وذى ما ربنا اداني الدفعة والثقة اني اعدي الامتحان ده بدعوات والدتي
ومجمع كل شيئ من Recalls لHigh Yields وخبرات الناجحين.. لو Interested اكتب وأنا اضيفكم بجروب أو ابعتها شخص شخص المهم الكل يستفاد والله يعلم مش عايز أى مقابل من حد.. فقط دعوة ليا بنية خالصة بالنجاح بالجزء الثاني ان شاء الله

التسجيل بالEDIC
لازم ولابد تبقى عضو بالجمعية الأوروبية لطب الحالات الحرجة
European Society of Intensive Care Medicine (ESICM)
عشان حاجتين
أول حاجة علشان تاخد تخفيض على الإمتحان
تاني حاجة علشان تقوي الCV بتاعك ودي هشرحها تحت

العضوية بالESICM
اشترك الأول فى الجمعية المصرية لأطباء طب الحالات الحرجة
Egyptian College of Critical Care Physicians (ECCCP)
الاشتراك ب150 جنيه فى السنة.. حرفياً ولا حاجة
تاخد به اشتراك
Dual Membership with ESICM بتخفيض يكاد يصل ل 50%

تقوية الCV
فى كمية كورسات وفيلوشيب متاحة على موقع الESICM ممكن تشترك بيها ولو كنت من المحظوظين مثلي ومن الأوائل فى امتاحات الكورسات أعطوني Fellowship فى مستشفى من مستشفيات الESICM بأوروبا للتدريب بيها تفنع بالCV جداً.. بل مدعومة ب1000 يورو كمان
ومسابقات أخري بسفر وعائد مادي عن كل شئ
بصراحة العضوية بيها مميزات كتير تحفة وممكن تستفيد بيها علمياً وعملياً كمان

EDIC gives GMC registration after clearing OET exam
EDIC Part one + OET gives the MTI or Direct Sponsership pathwyas

كذا حد من زمايلي بالقصر العيني وغيره سافروا بيها انجلترا وحتى التوجه فى الخليج بقى لها من فترة..

الخلاصة.. من وجهة نظري الشخصية دي أحسن طريقة للسفر حالياً مع وجود التنافسية العالية وقلة الوظائف وعدم الحصول على interview بالطرق التقليدية..

دمتم موفقين وداعمين لبعض البعض

♥️♥️♥️♥️♥️
جروبنا لكل مايخص بريطانيا
@plab_for_arab
جروبنا لكل مايخص الزمالات البريطانية
@mrc_with_connect_academy