الشاعر عمار العيساوي الكربلائي

باربعينك جيت . خويه وتلكيت . بس الترايب
وصوتي صاح حسين . وينه كبرك وين . بس الترايب
قيدونا  سيّرونا كسبايا في البلاد
واتيتَ اليوم شوقاً كي ترى نار الفؤاد
وصوتي صاح حسين . وينه كبرك وين . بس الترايب
         . . . . . . . . . . . . . . . .

بالظلوع . حسره صارت من رحت مجتوفه
بالظلوع . جمره من يوم الدخلت الكوفه
بالظلوع . گلبي حنّ وآنه الك ملهوفه
بالظلوع . بعده أثر حافر عيوني اتشوفه

لهفتي البالروح . وآنه كلّي اجروح . حين اعتنيتك
جبت همي وياي . والك احمل ماي . حين اعتنيتك
جئتُ اروي اليومَ قلباً ضامئ ً جنبَ الفرات
جئتُ اروي ما جرالي في السبى من نائبات
وصوتي صاح حسين . وينه كبرك وين . بس الترايب
         . . . . . . . . . . . . . . . .
الك جيت . باربعينك واللهيب ابروحي
الك جيت . ياطبيبي وكوم داوي اجروحي
الك جيت . فوك كبرك ارد اوشل نوحي
الك جيت . وبالحزن يمك اشيد اصروحي

راح اشيد اصروح . بالحزن والنوح . بالغاضريه
ومن حزن عاشور . راح اخط دستور . بالغاضريه
سوفَ يعلو يومَ عاشر لكَ صوتُ الثائرين
وهتاف الحزن يغدو يالثارات الحسين
وصوتي صاح حسين . وينه كبرك وين . بس الترايب
         . . . . . . . . . . . . . . . .
جبت راس . باليسر ياخويه ظل يبرالي
جبت راس . هوَّ راسك يا حسين الغالي
جبت راس . ايزيد بالعصّه يضربه اكبالي
جبت راس . فوگه ماتت طفله شلّت حالي

بهاي أخذ مقياس . طاحت اعله الراس . بنتك رقيه
ويمه من ناحت . بالحزن ماتت . بنتك رقيه
حينَ تمضي لكَ شوقاً ها هنا ماتَ الكلام
واعتلى الصمتُ حِداداً حين واراها الإمام
وصوتي صاح حسين . وينه كبرك وين . بس الترايب
         . . . . . . . . . . . . . . . .
هالعيال . وياي ردت والألم واليها
هالعيال . بالصحاري الشوك اكل رجليها
هالعيال . الجانت اتطفي الجمر بيديها
هالعيال . اجفوفها امچوايه ومگيديها

عيله كلها اهموم . تعتنيك اليوم . تحيي اربعينك
وهذا خط احرار . تمشي بي زوار . تحيي اربعينك
سوفَ تُحيى لكَ ذكرى يا اخي طولَ السنين
وحشودُ الناس تأتي لكَ يوم الاربعين
وصوتي صاح حسين . وينه كبرك وين . بس الترايب
         . . . . . . . . . . . . . . . .
يزوروك . وهاي من زينب اخذها احجايه
يزوروك . الشيعه باجر كلها الك مشّايه
يزوروك . خويه شيعتنه صدك وفايه
يزوروك . وكربله للخدمه ترفع رايه

كربله المضمون . للخدامه عيون . ينبع كرمها
شما تجي زوار . كربله بإيثار . ينبع كرمها
كربلاءُ الكبرياءُ غصةٌ للظالمين
وستبقى هيَ سهمٌ في عيونِ الحاقدين
وصوتي صاح حسين . وينه كبرك وين . بس الترايب
         . . . . . . . . . . . . . . . .

خادم أهل البيت عليهم السلام
عمار العيساوي الكربلائي

#ويبقى_الحسين



ياسامعي . من ادمعي . اسمع جواب امصابي
انسم الجبد . لكن يهد . حيلي الجره اعله احبابي
بطف كربله فجعوني .. ابسم العده يسكوني
اسمع جواب امصابي
     . . . . . . . . . . . . . . . . . . .

جبدي مسموم . بالعمر يوم . باقي ودموعي تخط آهاتي
بالحشه جروح . گلبي مذبوح . من الجره بطف كربله لوعاتي
چم اخو انطيت . وباليسر جيت . للمدينه واكفلت عماتي
وخربة الشام . خلت الآم . بيه ومدافع غدن حسراتي

ياحسرتي . ويا دمعتي . اعله اختي رقية اجريها
من عالطشت . صاحت متت . وراس الابو امتانيها
وابچي سواد عيوني .. ابسم العده يسكوني
اسمع جواب امصابي
     . . . . . . . . . . . . . . . . . . .

ما عشت يوم . الا وتحوم . كربله الما تبتعد عن بالي
يسرح البال . لنه جمّال . خنصر الوالد يگطعه اگبالي
وشفت الخيول . گامت أتجول . فوگ صدر حسين ابويه الغالي
وانظر الناس . مامش احساس . تشوف ابويه ينذبح متبالي

وبهالوضع . السم ينجرع . اهون من القاسيته
بطف الحزن . ذاب الجفن . من كثر ما بچّيته
وگبل الابو ذبحوني .. ابسم العده يسكوني
اسمع جواب امصابي
     . . . . . . . . . . . . . . . . . . .

شفت الأيتام . بجمر الخيام . تنچوي وترد تظن تطفيها
والضمه يزيد . فروا ابعيد . الهيمه شوك وتذبح ابرجليها
شفت الأطفال . بذيچ الحبال . چفوفها الترفه العده امگيديها
والعده تريد . تهدي ليزيد . راس ابوي و عمتي تسبيها

وآل النبي . تروح بسبي . من انذبح واليها
بيت الفخر . عگب الگمر . يكون الشمر حاديها
وبسلسله گيدوني .. ابسم العده يسكوني
اسمع جواب امصابي
     . . . . . . . . . . . . . . . . . . .

انسگي ابسم . ظنهم اهتم . مادروا مسموم گاظي ايامي
گلبي ممرود . شفت الورود . بالحوافر تنسحگ  گدامي
علي الاكبر . من توذر . حيلي مات اعله الاخو وحزامي
احنه الاثنين . آنه وحسين . عالاخو اتكسّر ظهرنه ودامي

شفت الابو . يم الاخو . منحني وكض خاصرته
وآنه علي . الاكبر الي . مثل الهوى وفارگته
وبلا هوى خلوني .. ابسم العده يسكوني
اسمع جواب امصابي
     . . . . . . . . . . . . . . . . . . .

عاشت وياي . لهفة الماي . بعين عبد الله ولا انساها
اتمرني لحظات .بيها حسبات . وعالشريعه حسبتي الگاها
انظر اچفوف . ذبحة الخوف . امگطعه ويمها الرمح والواها
اصرخ بصوت . خذني ياموت . من بعدهم دنيه شترجاها

ومنّ الاجل . يمي وصل . وابتده يقبض روحي
گتله ابحزن . گلبي اليون . اقبض وياك اجروحي
والكربله ودوني .. ابسم العده يسكوني
اسمع جواب امصابي
     . . . . . . . . . . . . . . . . . . .

خادم أهل البيت عليهم السلام
عمار العيساوي الكربلائي




#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



________________________
لمن يجد صعوبة بالحن اطلبه من
@moatmed1

كل العدوان ايهابوها
واخت العباس ايسموها
..............

جيش العدوان امحيرتهم
ما راحت هيَّ ابأمرتهم
زينب هيَّ اللي ميسرتهم
تسبيهم لا ما يسبوها
واخت العباس ايسموها
................

من توكف جن هيبت فارس
تمشي . اجفوف الكافل حارس
لو صاحت يفزع جم عابس
وبحيدر كام ايوصفوها
واخت العباس ايسموها
................

قادت جيش أيتام اخوتها
وبالشام اتصدرت فتوتها
ويزيد ايسير الثورتها
واتيسر حين الجابوها
واخت العباس ايسموها
................

جابوها ابحجة مسبيه
وفرّوا بلدان العربيه
رادوا للذل تخضع هيه
ذلتهم بس ما ذلوها
واخت العباس ايسموها
................

زينب بت أوتاد الأمه
متمسكه ابجفين العصمه
عالهيبه وعالعز متعلمه
وحاشه يكدرون ايكسروها
واخت العباس ايسموها
................

زينب للطف نزلت آيه
وفوك التل من وكفت رايه
ما صارت للناس احجايه
يخافون ابجلمه ايذكروها
واخت العباس ايسموها
................

بالمجلس وكفت بت حيدر
ويزيد ابموقفها اتحير
صاحت يبن الطلقاء احذر
نار اتشب باللي يضرموها
واخت العباس ايسموها
................

والحره التدري ابتاليها
لابد ما يظهر مهديها
وياخذ ثاره امن السابيها
ويحاسب كوم الآذوها
واخت العباس ايسموها
................

خادم أهل البيت عليهم السلام
عمار العيساوي الكربلائي

دخول الشام


الشام عيد وفرحه علنوها ال اميه
الشام لوعة ونايبه وحسره ورزيه
مرّت اعله الهاشميه .. زينب الحره الابيه
..........................

من الشام انقل لك خبر بس ادري يصعب شرحه
من دگت اطبول الخلگ وأعلنوا عيد وفرحه
من طب عليل ال النبي وصوت الشماته يذبحه
من طبت اربات الخدر وكل راس يهتز رمحه

من تطب الحره مجتوفه وسبيه
والشماته تصيح هاي الخارجيه
اتمنت اتمرها المنيه .. زينب الحره الابيه
..........................

بالمجلس ايزيد اوكفت وكفت علي وكفتها
ابحبل الكفاله امجتفه بالذله ما متجتفه
بهيبتها تفخر بت علي ومتنومسه بهيبتها
متغشيه بجفوف الكمر تخسه العده الشافتها

وأطلقت اول شعار الهاشميه
( ما رأيت الا جميلاً ) بالرزيه
هذي تربات الزجيه .. زينب الحره الابيه
..........................

ومن مجلس ايزيد استمع انقل الك الحاله
من كعد ذباح الشرف ووكفت العفه اكباله
حاول ايظللهم واخذ يتفلسف بأقواله
وزينب ابلهجة حيدره تذل الرجس وارجاله

ابمجلس ايزيد ابلغة نهج البلاغة
خطبت الحره بكلام أجمل صياغه
وبالشجاعه الحيدريه .. زينب الحره الابيه
..........................

الخطبتها يشهد كل ردي حس ابخطر خطبتها
ذللت فرعون الزمن اترف بالنصر رايتها
وقرر يسكتها وطلب ايجيبوله روس اخوتها
وشفاف ابو اليمه ابعصى يظربهن وسكتها

سكتت وظل منفجع گلب العقيله
اختنكت ابعبرتها والونه ثجيله
وبالخرابه بهالمسيه .. زينب الحره الابيه
..........................

بذيج الخرابه امن انزلوا بس العليل اوياها
شتحامي جم طفله وطفل جم حرمه اجت بحماها
اتصبر رقيه . هنا بجت بت مسلم المبجاها
ترجع رقيه اعله البجي حد ما غفت عيناها

شافت ابطيف الابو وفزّت رقيه
اتصيح اريدن والدي بهاي المسيه
وحسّت بهاي الاذيه .. زينب الحره الابيه
..........................

صارت وماصارت كبل ولا مره اظن راح اتصير
والحاله ابد ما تنوصف يحتار بيها التفكير
يم راس ابوها وحاچته واحتار منها التفكير
ودت رساله أخذ العمر واعذرني عن التقصير

بالرساله ودت الروح الابوها
الاكبر وعبد الله همه استقبلوها
انفجعت بحالة رقيه .. زينب الحره الابيه
..........................

خادم أهل البيت عليهم السلام
عمار العيساوي الكربلائي

عظم الله لنا ولكم الاجر والثواب
باستشهاد سيد الساجدين زين العابدين علي بن الحسين ع