الشاعرة الملة ام هجران العمارچيه

لطميه للاربعين

/////////////////////

يادفان درب المكبره امنين
عندي اعتاب للواحد وسبعين
//////////////////////

يادفان دليني عليهم
وين اليجبر الخاطر حجيهم
من الشام اجيت اليوم ليهم
كلبي اشتاك للعباس وحسين
//////////////////////

وين حسين كلي اوين عباس
جيت اشكيلهم من وليت الناس
كلبي تفور ناره وجايبه الراس
وجبت ايتام وياي ونساوين
/////////////////////

جبت نسوانهم واطفال الايتام
كلبي اعله النشامه هواي معتام
اريد اشكيلهم من جلست الشام
وكعدات الخرايب والدواوين
//////////////////////

اجيت اشكيلهم ضيم الخرابه
واكلهم ليش نمتوا عالترابه
مصيوب الكلب خزن اصوابه
عله اسباع الحرايب والميادين
//////////////////////

عله اسباع الحرب ينشد دليلي
اونن جيتهم مهدوم حيلي
عندي اعتاب مخصوص الكفيلي
اكله اعداك ضربوني عله العين
//////////////////////

اريد اوصل واسولف للكفلني
اكله ايزيد هضماني وشتمني
بلكي يكوم عباس ويزتني
خل ايشوف متني البيه نياشين
/////////////////////

متني امن السياط امصطر اثار
مايدري الكفيل شصار ماصار
اريده ايكوملي مااقبل اعذار
واكله امنين رديت وجنت وين
//////////////////////
الشاعره ام هجران العمارجيه

ديوان لبيك ياحسين
الجزء التاسع
ونسآلكم الدعاء
غير مبري الذمه من يمسح الاسم او ينسب القصيده لشخص اخر


https://t.me/amhejran12345

لطميه لمصائب السيده زينب عليها السلام


بطل يازماني وارحم بحالي
اخذت آهل المحنه ولا بعد والي


بطل يازماني واوگف شويه
اخذت اهل المحنه وانگطع بيه
اصدن للمباني الچانت امضويه
ضلمه وموحشه وصار النزل خالي
🌑🌑🌑🌑🌑🌑🌑

ظلمه لو شفتهه ينكسر ظهري
انشد دارهم واتكول ماادري
گبل اكبورهم ريت انحفر گبري
ولا اضلن غريبه انصاب دلالي
🌑🌑🌑🌑🌑🌑🌑
عكب اعيونهم بس انتحب ضليت
بطل يازماني بحالي شسويت
مالي عين مهضومه امن اطب البيت
حسبه فوگ حسبه ايمرن ابالي
🌑🌑🌑🌑🌑🌑🌑
حسبه فوگ حسبه وكثرن الحسبات
عگب اهل المحنه موحشه الجلسات
عفيه اعله الكلب ضل بيه نبض مامات
سل من الهضم والضيم دلالي
🌑🌑🌑🌑🌑🌑🌑
كلبي امن النوايب مابره ومصيوب
ضيم المر عليه ماسده اعله ايوب
اجرع بالصبر مر الصبر جندوب
ماعفت المناحه والدمع هالي
🌑🌑🌑🌑🌑🌑🌑
ماعفت المناحة ولا دمع عيني
لو ضاگ الخلگ همي يواسيني
اصيحن ياهلي ومحد يحاچيني
ليش البين هدم سورنه العالي
🌑🌑🌑🌑🌑🌑🌑
ماعندك رحم يالبين وامره
طشيت الحياده وفلو الخلوه
راحت وي اهلنه ايامنه الحلوه
ظل بس الحزن وياي والتالي
🌑🌑🌑🌑🌑🌑🌑
ظل بس الحزن مافارگ ايامي
غريبه امدولبه تتراجف اعظامي
اشوف اعله التراب مذبحه ازلامي
ذلاني الكبل يتطلب انوالي
🌑🌑🌑🌑🌑🌑🌑


للشاعره المله
ام هجران العمارجيه
من ديوان مصائب عاشوراء
غير مبري الذمه من يمحي الاسم او ينسب القصيده لشخص اخر


https://t.me/amhejran12345

#من_ديوان_جبل_الصبر_الجزء_الثامن_


موشح للزهراء عليها السلام بدايته هوسه


الهوسه

والله الوالده جنه وصدك حلوه
شوفتها لذيذه وللكلب سلوه
روحي بدونها تضعف ولا تكوه
لو شالت يضل البيت مايسوه

الموشح

امي شمعه وبالنزل محلاها
الموت اريدنه ولا فركاها
🏴🏴🏴💔🏴🏴🏴
الموت اريده ولا اضل بدونها
امي من فدوه رحت لعيونها
ودعتني وباجر يدفنونها
كون اروحن للبقيع وياها
🏴🏴🏴💔🏴🏴🏴
كون ارافكها واروحن للبقيع
من تشيل الوالده عني اضيع
يامصاب امصابها يشيب الرضيع
دورينه وما لكينه ادواها
🏴🏴🏴💔🏴🏴🏴
ما لكينه ولا دوه لكسر الضلوع
عيونها امورمه وتهل دم ودموع
ماتنام الطاهره ضلت تلوع
عذبوها وحاربوها اعداها
🏴🏴🏴💔🏴🏴🏴
عذبوها وحاربوها ياحرب
شلون تنسب الوديعه وتنضرب
ماهوينه اوداعها يفت الكلب
بالهضم والنوح ودعناها
🏴🏴🏴💔🏴🏴🏴
ودعيناها وكضه وداع الاخير
لا شيم عد الصحابه ولا ضمير
صار من بعد الرسول المايصير
والهجم عالدار والحركاها
🏴🏴🏴💔🏴🏴🏴
هجمو اعله الدار حركوها بحقد
نكرو احاكم الوصيه والعهد
ماترد الطاهره شالت بعد
شكال داحي الباب من دفناها
🏴🏴🏴💔🏴🏴🏴
شكال داحي الباب والله يعينه
من حفر كبر ام حسن بيمينه
راحت ايام الزهيه وزينه
صعبه اجتنه ايام ما ردناها
🏴🏴🏴💔🏴🏴🏴


*تـــمت والـــــفضـــ🤲ـــل لله تعالى*
*بقلم✍الشاعره المله ام هجران العمارجيه*
*صاحبه ديوان📚صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
https://t.me/amhejran12345

#من_ديوان_معاني_الحزن_الجزء_الاول_


فزاعيه للإخ (يبن امي وتعايدني)


حسبالي تمر بالعيد
يبن امي وتعايدني
🏴🏴🏴💔🏴🏴🏴
حسبالي تجي شويه
تطي الولد عيديه
جنك ماتهم بيه
ولا رايد تشاهدني
🏴🏴🏴💔🏴🏴🏴
ماناوي تمر جنك
كلشي ماردت منك
خويه بس اشوفنك
وعن حالي تناشدني
🏴🏴🏴💔🏴🏴🏴
ردتك بس تجي وتنشد
ساعه من الوكت نكعد
عليك الكلب متعود
شلون انساك رايدني
🏴🏴🏴💔🏴🏴🏴
خويه انساك ما اكدر
عني شلون تتأخر
كلبي عليك يتخسر
والونه تراودني
🏴🏴🏴💔🏴🏴🏴
اون اعليك تدريني
شعندك ما تحاجيني
ولا ينشف دمع عيني
بيش الدمع فايدني
🏴🏴🏴💔🏴🏴🏴
ماكو امن الدمع كل فود
ولا ردك عليه ردود
كلبي امصوب وممرود
اعتب عالذي ايودني
🏴🏴🏴💔🏴🏴🏴
اعتب والعتب بلوه
واطلبك جلمت الخوه
تدري افراك ما اهوه
دهري عناد عاندني
🏴🏴🏴💔🏴🏴🏴



*تـــمت والـــــفضـــ🤲ـــل لله تعالى*
*بقلم✍الشاعره المله ام هجران العمارجيه*
*صاحبه ديوان📚صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
https://t.me/amhejran12345

كروب خاص بمكساج المجالس
وعمل المونتاج
وهندسة الصوت داخل البيت
وغير ذلك

للاشتراك
https://t.me/joinchat/AAAAAEn5rG-Ed4OLKv-F5w

لطميه للسيده زينب عليها السلام


ماتحمل شتايم لا تشتموها
زينب والخمس خوان عافوها
💔💔
زينب هاي زينب اخت ابو اليمه
عزيزه مدلله ما تحمل الشتمه
شلون تعوف اخوها سابح بدمه
(بالسوط كباله يضربوها )
💔💔
تضربون العقيله كبال واليها
ياضلام بسكم شلكم عليها
من كثر المصايب حيل مابيها
(عذبها فراك العافوها )
💔💔
فراك اهل المحنه اغيار غيرها
ضلت حايره ومكسور خاطرها
تريد اليكعد وياها ويباصرها
(واتريد اخوتها ايحاموها )
💔💔
تريد اخوانها وتصيح الحكوني
ما احمل شتم لا يسر تدروني
شلون بوليه العدوان عفتوني
(واسباع الطف ماسمعوها )

💔💔

تجدونها كامله في ديوان جبل الصبر

لشاعرة اهل البيت
ام هجران العمارجيه

غير مبري الذمه من يمحي الاسم اويغيره


https://t.me/amhejran12345

#من_ديوان_صبر_العقيله_الجزء_الحادي_عشر_


مربعه للاهل (وايسنه من الاحباب)


صار افراك وايسنه من الاحباب
بعد شيعودهم لو سدو الباب
🏴🏴🏴💔🏴🏴🏴
صار افراك وايسنه من اهالينه
راحت ذيج لمتنه وليالينه
لا مرو بعد لا ناشدو بينه
نودي اعتابنه لليسوهه الاعتاب
🏴🏴🏴💔🏴🏴🏴
ودينه العتب وعتابنه نريده
للعافو نزلنه وسكنو البيده
ملكاهم حلو وارواحنه تريده
وين انشوفهم لو طال الاغياب
🏴🏴🏴💔🏴🏴🏴
وين انشوفهم يبطون بالغيبه
اهل خوه وحميه ومنبع الطيبه
بيش تزامطن لو شالو الهيبه
شلون اوجوه بالتربان واركاب
🏴🏴🏴💔🏴🏴🏴
شلون وجوه زينه الرمل طماها
خرب لونها ودمر لحاياها
اجينه لدارهم ضلمه لكيناها
تون اعله المشو ومنكبه انكاب
🏴🏴🏴💔🏴🏴🏴
حزينه والسواد انكاب نكبهه
دار حسين لو بيدي ولا اطبهه
جانت عامره والبين خربهه
عمت عين الدهر دولبني دولاب
🏴🏴🏴💔🏴🏴🏴
عمت عين الدهر دولاب دولبني
باك عزاز كلبي وكل خوال ابني
اصيح ببابهم محد يجاوبني
عني شبدلاها كلوب الاطياب
🏴🏴🏴💔🏴🏴🏴
خويه كلوبكم عني شبدلهه
هاي اطفالكم ياهو اليدللهه
مسدوده المباني جيت اسايلهه
ماهم جاوبتني ونورهم غاب
🏴🏴🏴💔🏴🏴🏴



*تـــمت والـــــفضـــ🤲ـــل لله تعالى*
*بقلم✍الشاعره المله ام هجران العمارجيه*
*صاحبه ديوان📚صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
https://t.me/amhejran12345

@jvjbktd


قناة دار الامير لطباعة ونشر الدواوين الحسينيه