#من_ديوان_سفرة_العطاء_الجزء_الخامس_
مربعه للزهراء عليها السلام
يمه يالحنينه صوابج شلونه
بضلعج صار ماكدرو يطيبونه
🏴🏴🏴💔🏴🏴🏴
شلونه صواب ضلعج يابعد ضلعي
لو شفتج نحيله يختلف وضعي
كبل دموع عينج ضل يصب دمعي
وجهج صبح اصفر وانخطف لونه
🏴🏴🏴💔🏴🏴🏴
وجهج يم حسن كلساع يتغير
من سوط المتن لو ضلعج مسكر
هذا الموت جنه عليج ضل يفتر
وشخصج بالكبر باجر يدفنونه
🏴🏴🏴💔🏴🏴🏴
شلون اعله التراب تنام شخصيتج
لا تمشين يمه ينهدم بيتج
بطبكات الكلب لو بيدي ضميتج
ولا اشوف النعش عني يبعدونه
🏴🏴🏴💔🏴🏴🏴
اكول شلون بيه لو خذو ضعنج
يضل مهدوم كلبي الما شبع منج
اريد وياج اروح ولا اودعنج
عونه الرافكج يمه الف عونه
🏴🏴🏴💔🏴🏴🏴
عونه الرافكاج وراح يمه وياج
يالكلبج حنين ولا اود فركاج
اويلادج حزانه ورايدين ارباج
بيش ارباج يايمه يعوضونه
🏴🏴🏴💔🏴🏴🏴
راح ارباج يمه وبيش يتعوض
راسي لو بطيتي عليج يتمرض
عمرج ضاع وسفه العمر ماينكض
كون الصوباج انشلن امتونه
🏴🏴🏴💔🏴🏴🏴
كون الصوبج ينكطع جف ايده
يالفكدج يهد الحيل ماريده
ضل يبجي الحسن ويسكت اعضيده
حته البيت عكبج مايرغبونه
🏴🏴🏴💔🏴🏴🏴
*تـــمت والـــــفضـــ🤲ـــل لله تعالى*
*بقلم✍الشاعره أم ريام دخيل الركابي قضاء الرفاعي*
*صاحبه ديوان📚الدموع الزينبيه*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
https://telegram.me/haneen_Ali_Faris
