👏👏ازاي تعيش متطمن في حياتك مهما حصل ؟👏👏

🎊 أن تدرك الحقيقة أن كل المخاوف وهمية

كل شئ خايف انه يحصل في المستقبل هو مجرد فكرة بتكتفك لو صدقتها ، ولو عاوز تعيش متطمن ناقش الفكرة واعتبرها حصلت..طز ايه يعني..وعيش مشاعرها ، ساعتها بس محدش هيقدر يستغلك او يخوفك او يهددك

💫 الناس بتستغل الي بيخاف 💫

خايف حد يبعد عنك اعتبره حصل..طز
خايف يمشوك من الشغل اعتبره حصل..طز
خايف تسقط في الامتحان اعتبره حصل..طز
هيبعد إذن هو راح للمكان المناسب وانا هيجيني الشخص المناسب ، مشيت من الشغل اذن رسالتي خلصت معاهم ولي رسايل في مكان تاني ، سقطت في الأمتحان عادي هتعيد السنة وتذاكر وتفهم الرسالة مش يمكن تتعرف علي حد من الدفعة الجديدة يكون سبب في تغيير حياتك 180 درجة!

يا صديقي متسمحش لحد يخوفك وياخد منك أعظم نعمة وأهم شعور وهو الأمان ، متسمحش لحد يخوفك بالذات لو ربط التخويف دا بربنا ، ربنا عاوزك تعيش مبسوط ومتطمن

☝️الشيطان هو الي عاوزك خايف ، الخلاصة ناقش مخاوفك هتدرك انها كانت مجرد وهم مش حقيقية ، الحياة بنعيشها مرة واحدة محدش ضامن يعيش بكره ، عيش النهارده وانت متطمن ورايق واعمل الي نفسك فيه مادام مش بتضر نفسك او حد ومتنساش
كلمة السر من حرفين : طز
ولو عندك فكرة بتخوفك ومعرفتش انها وهم اكتبها تحت في التعليقات نتناقش فيها ، تأكد انك انت المسؤول عن انك تخوف نفسك او تطمن نفسك ، لأني بلاقي ناس مهما اخدت جلسات وكورسات عن الأمان برضو لسه خايفة

👈طمن نفسك ، ولما هتتطمن بجد تعاملك مع الحياة هيختلف تماماً ومتخافش تسأل عن حاجة عشان تفهم وتتعلم

🤚🤚اه كلنا عندنا مخاوف المهم نتعامل معاها ونطمن نفسنا بنفسنا ، طمن نفسك بنفسك دي أعظم هدية تقدمها لنفسك👌👌



#اسماء_قاسم

https://t.me/asmaa_kasem/1877