АТАҢНЫҢ ҚЫЗЫСАҢ, АПАҢНЫҢ ҚЫЗЫ....

Жылама бөпе... Сен жылама бөпе!
Олай жылап мени сынама бөпе...
"Қызым!" деп билместен айтып қойсам да,
Атаңа үндеме, бола ма бөпе?!
Апаңа үндеме, бола ма бөпе...

Әкеме "ини"мен, анама "қәйни"...
Сен маған "қарындас", анаңа "бийкеш".
Сен келип ҳәммеден арылды қайғы,
Сени ҳешким енди атаңдай сүймес,
Сени ҳешким енди апаңдай сүймес...

Қалай... Мына дүнья жақсы ма екен?!
(Ямаса қорқыныш басты ма екен?!..)
"Қызым!" деп бетиңнен бир сүйип қойсам,
Атаңа үндеме, яқшы ма бөпе...
Апаңа үндеме, яқшы ма бөпе...

Сени еркелеткен батады сөзим,
Сәлдей ренжигенин сатады көзи...
Атаң ҳәм апаңа "саўға"саң бөпе,
Тек ғана қағазда "Баҳадыр қызы"...
Тек ғана атына "Баҳадыр қызы"...

Жылама бөпе... Сен жылама бөпе!

Өжет Байназаров
Феврал. 2023-ж

https://t.me/baxadir_baynazarov