Mo'attoota | Winners

Si Fayyadaa Dubbisi‼️
🛬🛫🛩✈️🛬🛫🛩✈️🛬🛫🛩✈️🛬🛫🛩
📍Namni suuraa irratti mul'atu kun nama xiyyaara qulqulleessu yoo ta'u suuraan kun yeroo hojii idilee isaatiin kutaa balaliistotaa qulqulleessu kan kaafamedha.

📍Qulqulleessaan kun osoo hojii isaa hojjataa jiru kitaaba "How to Fly an Airplane - For Beginners, Volume 1" jedhu kutaa balaliisaa keessaa arge.

📍Kitaabicha yommuu banu, fuula jalqabaa irratti "Motora xiyyaarichaa kaasuuf furtuu diimaa gadi tuqaa" jedha; Innis butooni diimaa gadi dhiibee, motorri xiyyaarichaa battaluma sanatti jalqabe.

📍Qulqulleessaan kun waan ta'etti baay'ee gammadee fuula itti aanu bane.Fuula itti aanu irratti "Xiyyaaricha gara fuulduraatti sochoosuuf furtuu bifa Cuquliisa qabu gadi qabaa" jedha. Namichi akkuma butooni kana gadi dhiibeen xiyyaarichi hoggasuma imala isaa eegale.

📍Namichis gammachuudhaan fuula kitaabichaa isa itti aanu bane, akkaataa xiyyaaricha lafa irraa ol kaasuun balali'uu itti jalqaban irratti ajaja barreeffamaa biroo akka argatuu abdate.

📍Akkuma tilmaame qajeelfama "xiyyaara lafa irraa kaasuun balali'uuf furtuu magariisa gadi qabaa" jedhu argate. Achumaan funyaan xiyyaarichaa lafa irraa gara samiitti ol ka’ee, hoggasuma qaamni xiyyaarichaa guutuun qilleensa keessa saffisaan balali'uu jalqabe.

📍Namni kun waan ta’e hundumaatti baay’ee waan gammadeef gara daqiiqaa digdamaaf qilleensa keessa balali'e. Baayʼee gammadee, itti aansee qajeelfama dabalataa xiyyaaricha lafa busuuf kennamu dubbisuuf kitaabicha bane.

📍Fuula itti aanu irratti akkataa xiyyarri itti lafa qubatu beekuuf "Kitaaba kana Jildii 2ffaa mana kitaabaa bakka bu'aa isinitti dhihoo jiru irraa bitadhaa" jedha.... Achi booda maali akka tahe... isinumti tilmaamaa.

📍Asirraa Maal Baranna?

1) Odeeffannoo guutuu malee hojii tokko jalqabu akka hin qabne;
2) Gocha tokko beekumsa gartokkeen hojjechuun dogoggora qofa osoo hin taane, balaa hamaas akka qaqqabsiisu.
3) Naannoo ogummaa keenyaa isa sirriitti beeknuu fi waliin amaleeffaneeti daangefamuu akka qabnu nu barsiisa.

SAMMUUN KEE BAAY'EE GUDDAA DHA."

(Jecha harmee Tomas A. Edsen kan baay'ee namatti tolu!)

❏ Ampoolii fi Generetara nuti har'a itti fayyadamnu kana beekan uume Tomas Alva Edsen jedhama. Hayyuun kun ijoollummaa isaatti rakkina harkifata sammuu (autism) qaba ture.

■ Guyyaa tokko dura taa'an mana baruumsa isaa xalayaa barreessee "haadha keetti kenni!" jedhee itti kenne. Barreessuu fi dubbisuu kan hin dandeenye Edsen ergicha haadha isaa biraan ga'e. Haati isaas xalayicha dubbistee teessee yeroo boossu argee "Haadha koo maalif boossa xalayichi maal jedha?" jedhee gaafate.

■ Haati isaa deebistee "Mucaan kee SAMMUUN ISAA BAAY'EE GUDDAA WAAN TA'EEF MANA BARUMSAA KANATTI BARACHUUN ITTI XIQQAATA KANAAF OFII KEEF MANATTI QO'ACHIISI!" jedha jettee itti himte. Toomasis baay'ee gammadee haadha isaatin barachaa qaamanis sammuudhaanis guddachaa dhufe.

■ Sana booda Argannoowwan gurguddoo addunyaa kana jijjiiran 15 addunyaa keenyaf
gumaache. Teknolojiiwwan 1093 ta'anis fooyyessee beekamtii guddaa argateera.

■... Waggaa dheeraa booddee gara mana itti guddatee dhaqee waraqaa garaagaraa utuma ilaaluu waggaa dheeraa dura xalayaa haadha isaatif barreeffame sana argate.

■ Gaafa dubbisu akka haati isaa jetteen utuu hin taane faallaa isaati "MUCAAN KEE SAMMUUN ISAA HARKIFATAA WAAN TA'EEF LAMUU AKKA MANA BARUUMSA KEENYATTI HIN ERGINE." Jedha.

■ Yeroo sana haati isaa ati BEEKA DHA jettee beekaa akka isa goote, ati GUDDAA DHA jettee guddaa akka isa goote hubatee yaadannoo isaa irratti

➲ "Toma's Alva Edsen nama sammuu harkifataa ta'ee dhalate tattaafannaa haadha isaatin garuu BEEKAA GUDDAA jedhame." Jedhee barreesse.

■ Obbolee namichi kun gaafa dhalatu fayyaa isaa dhabee dhalate biyyaan jibbame. Kun baratee nama in ta'u jedhamee ari'ame. Jechi isaan jedhame manatti isa deebisee namaa gadi isa godhee akka inni uumamuu isaayyuu jibbuuf
ture. Garuu kan nama dhibu arrabuma maaddii barumsa isaa irraa ariisisee kichuutti kutee isa hambisuuf hima hadhaa'aa itti darbateetu deebisee ati BEEKA DHA ATI GUDDAA DHA. Jedhee, abdii isaa lalisiisee, eenyummaa isaa isa keessaa itti agarsiisee humna addunyaa jijjiire kana keessa kaa'ee, maqaan isaa seenaa keessatti akka dinqiitti akka haasa'amu isa godhe.

■ Nuti hoo har'a arraba keenyan beekaa biyyaaf ta'u baay'ee isaa cabsinee haamilee isaa, hunkuteessinee, haala isaa har'aa ilaallee ati "nama in taatu" jennee manatti deebisaa, jirra moo hir'ina isaa itti himaa, jabina inni qabuuf immoo
● "Ati cimaa dha,
● Ati nama guddaa dhas,
● Sichis guddaa taata,
● Ati beekaa dha,
● Jabaadhu,
● Haamileen kee in bu'in,
● Si bukkee jirra" jennee abdii isaa borii itti agarsiisaa jirraa?

■ Kana qofa miti dargaggeessi baay'een humna biyyaa ta'uuf male, jechoota dhibaa'ummaa arraba isaa keessaa yaa'un ofuma isaatif of cabsee golatti deebi'e baay'eetu jira. Baay'een keenya humna nu keessa jiru utuu hin beekin ofuma keenyaf gatii of dhabsiisna.

■ Yeroo baay'ee jechoonni arraba baay'ee keenya irra yaa'an:
• Ani gatii in qabu,
• Ani abdii in qabu,
• Ani nama gadiidha,
• Ani nama akkasumaanidha,
• Ani baduufan jedha,
• Ani dhukkubsataadha,
• Ani nan du'a fi kkf dha.

➲ Obbolaa koo arrabni humna guddaa qaba. Dhaabbitti ajjeesus, abdii namaa lalisiisee du'aa kaasus ni danda'a.

➲ Lafee hin qabu garuu lafee ribuu hunkuteessa. Arraba gaarii fi abdii dubbatu arraba caba namaa fayyisu Waaqayyoo nuuf haa baay'isu.



➲ Arrabni keenyas akka fayyuuf Waaqayyoo nuuf garagaaru

Hiriyyoota kee #add gochuu hin dagatin!

Positive mind find opportunity in everything.

Iccitii Milkaa'inaa /The secret to success/.

Dargaggeessa hojidhabeessa tokkotu ture. Dargaggeessi kun dinagdeedhaan milkaa’ee nama guddaa ta’uuf waan hawwii qabuuf hayyuun kalaqaa #Sooqiraaxos iccitii milkaa’inaa akka itti himu gaafata.
Irra deddeebiin milkaa’uun barbaadaa maaloo iccitii milkaa’inaa natti himi jedhee isa rakkise.

Sooqiraaxosis tole jedhee guyyaa ittaanu qarqara lagaatti akka dhufu; achittis akka isa gorsu itti hime. Dargaggeessichis tole jedhee ganameeffatee gara lagichaa deemee Sooqiraaxos eeguu eegale.

Sooqiraaxosis sa’aatii isa beellametti bakkichaatti qaqqabee uffatakee baasi jedheen. Ofiifis baafate. Dargaggeessichis Sooqiraaxosis baafatan. Harkasaa qabatees gara lagichaatti seenan.

Dargaggeessichis eessa nageessita? jedhee Sooqiraaxos gaafate. Bakka milkaa’inni jirun sigeessa jedhee ammas garuma gidduu lagaatti seensise.

Utuma bishaan jalqaba mogolee, jilba, mudhii, kokkee jedhuu dhumarratti gaafa isa liqimsuuf jedhu maaloo nabaasi, natti haahafu jedhee itti marame. Sooqiraaxosis didee gara handhuura lagaatti galchee keessatti gadi dhiibee (xillikse) ofirraa darbate.

Dargaggeessichis harkasaa facaasaa wixxifachaa bishaan isa liqimse keessaa ba’uuf harkasaa olii gadi raasaa lubbuu ofii baraaruu warraaquufi tattaafachuu eegale.

Gaafa lubbuun itti mi’ooftu Sooqiraaxos ittisiqee harkasaa qabee maal taate jedheen? Maaliif lagatti na darbatte jennaaniin inni deebisee ati maal barbaacha harkakee facaasta? jedhee gaafate.

Dargaggeesichis deebisee maaloo afuurri nacinnaan qilleensa fudhachuufan wixxifadha jedhee deebiseef. Sooqiraaxosis bishaan keessa qilleensi jiraa? jedhee gaafateen.

Maarree yoon wixxifadhe bakkeetti bahee qilleensa argadha. Kunoo wixxifannaan ukkaamsaa keessaa bahee afuura baafadhe jedhee deebiseef.

Sooqiraaxosis, egaa ilmakoo milkaa’inni akkasuma olii gadi fiiganii kufanii ka’anii dhama’anii mul’ata nama keessa jiruun hojjetanii malee taa’anii yoo eegan hindhufu kanuma gorsikoo jedheen. Dargaggeessichis guyyaa sanaa kaasee kufee ka’ee hojjechuun dureessa ta’e. Sooqiraaxosis galateeffate jedhama.

Dubbistootaa, dhaloota ammaa keessaa tokko tokko osoo mul’ata isa keessa jiruun dhama’ee, ifaajee milkaa’uu danda’uu kan baratee itti leenji’een qofa milkaa’uuf carraaqus eeggattummaaf saaxilamaa rakkoo hamaa keessatti dhidhimee dhaabachaa jira

Positive mind find opportunity in everything.
https://t.me/tolaaf

Kufaatii sodaachuu dhabuu.

Kufaatii sodaachun kun karaa addaa addaatin nu keessatti dhalachuu danda'a..

Fknf.. gaafa nuti daa'imaa yoo waan tokko hojjechuu dadhabne maatin keenya nuun lolu ykn nu garafu.
Mana barnootattis qormaata yoo kufne akkasuma.

Haalli kun kufaatii jabeessinee akka balaaleffannu nu godha.

Daa'imni tokko ol ka'ee deemuf kufaatii hedduu hangana hin je'amne booda dhaabbata akkasumas kufaatii hedduu booda tarkaanfii eegala, yeroo kufu sanitti "lakkii an hin danda'u, kun naaf hin umamne" ja'ee hin taa'u.

Sodaan kun guddina keenya keessa jechuun lakkuma guddataa deemnun isas baraa dhufna.

Fooyya'uu fi milkaa'inni bu'aa kufaatiwwan yeroo hedduuti. milkaa'inni keetis kan laalamu tattaaffi fi adeemsa isaa keessatti hangam takka kuftee kaate kan je'amuuni.

Dhimma tokko hanguma kufaatii isaatif hayyamamaa fi qophii taanefitti itti milkaa'uu dandeenya.

Kufaatii yeroo jabeessinee balaaleffannu sodaa yoon kufe hoo? Jechuutin waan haaraa mokkaruu irraa of qusanna, waanuma harkaa qabnu qofarratti goggoynee hafna, kufaatii dheeysutti milkiidhas walumaan dhabna.

Yoo kufte hoo maali? Kufuun kee dhuma addunyaati mitii bar ykn baasa si qofaan bahee miti eega ilmi namaa/ADAM uumame irraa kaasee waanuma  jiru.

Namni tokko dhimma tokkorratti yoo si caalee argame, waan saniif si caalaa kufee ka'ee jira jechuudha.

Akkasumas maddi sodaa kufaatii kun sababa gadhee nuti value jireenyaatif kanninu irraahi.

Fknf..Gatiin nuti ofiif qabnu/kanninu, hanga jaalalaa fi fudhatama namoota guyya guyyaan wal qunnamnuu irratti kan hundaa'u yoo ta'e, dhibbaan dhibbatti fedhiin keenya galma gahuu ykn kufuun isaa namoota  irratti hundaa'a. Nuti hin murteeffannu, control hin goonu.
Murtee namoota biraa kan eeggannu ta'a jechuudha Gatuma dhuunfaa keenyaatif.

📝📝 @Fekede14