Darak.uz

Тадбиркор ўт қўйган ҳоким ўринбосари Мансур Тоймаев «Repost»га воқеа юзасидан интервью берибди.

— Нима учун тадбиркор сизга нисбатан бундай йўл тутди?

— Биз уни огоҳлантириб хат юборган эдик. У бизни худди икки қаватли бинони бузишга келганликда айблади. Аслида биз бир қаватли ташландиқ бинони бузмоқчи эдик. Бино эгасида ушбу бино айнан унга тегишли эканини исботлайдиган ҳужжатлар йўқ эди.

2014 йилда туман ҳокими тадбиркорга бино қуриш учун ер берган эди. Ўтган 4 йил ичида тадбиркор қурилишни тугата олмади. Аслида у уч йил ичида қурилишни тугатиши ва ҳужжатларини расмийлаштириш керак эди. Биз ўшандаёқ агар қурилиш тугалланмаса, бинони бузишимиз ҳақида огоҳлантирганмиз. Биз охирги уч-тўрт ой ичида тадбиркорни огоҳлантирдик, аммо бу фойда бермади.

Барча огоҳлантиришлардан сўнг мен одамларимни ҳужжатлари расмийлаштирилмаган бир қаватли бинони бузишга юбордим. Аммо эгаси ўз танишлари билан экскаватор ҳайдовчисини ҳайдаб юборди. Биз иккинчи ҳайдовчини юбордик. У бинони бузишга киришганда бу одамлар экскаваторнинг ойнасини синдириб, ўзини яна ҳайдаб юбордилар.

Ҳузуримизга бир қаватли бино эгасининг акаси келди. Биз унга барчасини тушунтирдик. Уларда ҳужжат йўқ экани ва «госплан» бўйича уни бузишимиз кераклигини айтдик. Фақатгина унинг розилигидан сўнг бузишни бошладик.

Бизда бузилиш жараёнларидан кадрлар бор ва унда керакли материалларни ташиш учун тешик қолдирганимизни кўриш мумкин. Икки қақватли бинонинг ёнида контейнер турган эди ва биз уни экскаватор дастаги ёрдамида уни сураётганимизда бинога озроқ тегиб кетдик. У эса аллақандай аёллар билан биргаликда мени ва шу атрофда турган ИИБ ходимларини ҳақорат қилиб, таҳдид қила бошлади. Биз тўхташга мажбур бўлдик. Тадбиркор эса кутилмаганда бензин қуйиб, ўт ёқиб юборди

— Ҳозир ўзингизни қандай ҳис қиляпсиз?

— Ҳаммаси яхши деб айта олмайман. Ҳамон кучли оғриқни ҳис қиляпман. Асосан қўлларим ва юзим кучли шикастланди. Бўлиб ўтган воқеадан сўнг тадбиркор билан яна гаплашдик. Биз унга яна бир бор тушунтирдик. Мен ушбу воқеаларда назоратни ўз қўлларига олиш учун туманда яшайдиган одамларни чақирдим.

👉 @darak_uz

“O‘zgidromet” havo harorati pasayishi haqidagi xabarlarni rad etdi. Anomal issiq davom etadi

Avvalroq, O‘zbekistonda anomal jaziramadan so‘ng nihoyat havo harorati pasayib, yaqin kunlarda harorat kunduzi +32 daraja issiq, kechasi +18 daraja iliq bo‘lishi haqida xabar berilgan edi.

«O‘zgidromet»ning bildirishicha, keyingi haftaning boshida respublika hududiga yana issiq havo oqimi kirib keladi. Shuning uchun iyul oyining oxirgi va avgust oyining birinchi kunlari havo harorati yuqori bo‘ladi.

Bizning O‘rta Osiyo iqlimi uchun bu yilgi iyul oyi juda issiq keldi. Oy hali tamom bo‘lmagan bo‘lsa-da, lekin biz butun meteorologik kuzatuvlar davrida respublikamizning ko‘pgina joylari, shu jumladan Toshkent shahrida eng issiq iyul oyini boshdan kechirdik deb ayta olamiz.

11 iyuldan boshlab havo harorati me’yordan 5-7 darajaga, ayrim joylarda undan ham yuqori bo‘ldi. Masalan, Toshkentda maksimal harorat har kuni 40 darajadan oshdi, eng jazirama kunlarda 42-43 darajaga yetdi. Respublikamiz shimoli, janubiy rayonlari va cho‘l zonalarida bundan ham issiq bo‘ldi. Kunduzi harorat 44-46 darajaga ko‘tarildi.

Bunday haroratlarni bizning iqlim sharoitlarida odatdan tashqari deb bo‘lmaydi, biroq bu davrning uzoq davom etganligi anomal ob-havo hodisasidir.

Bu haftaning boshidan O‘zbekistonning shimoliy tumanlariga Volgabo‘yi hududidan havo oqimi kirib kelishi natijasida Qoraqalpog‘iston va Xorazm viloyatida, respublikamizning cho‘l zonalarida harorat foni biroz pasaydi. Yaqin kunlarda O‘zbekistonning qolgan hududlarida ham harorat biroz pasayib, 24—26 iyul kunlari kunduzi harorat 37-40 daraja atrofida bo‘ladi.

Keyingi haftaning boshida respublikamiz hududiga yana issiq havo oqimi kirib keladi. Shuning uchun iyul oyining oxirgi va avgust oyining birinchi kunlari yana juda issiq bo‘ladi. Biroq bu issiq qanchalik uzoq davom etishi to‘g‘risida hozircha aytish qiyin.

👉@darak_uz

Ўзбекистонда аномал жазирамадан сўнг ниҳоят ҳаво ҳарорати пасаяди

Ўзбекистон метеокузатувлари тарихида энг иссиқ ой дея қайд этилган июль ойининг сўнгги кунларига келиб ҳаво ҳарорати бироз пасаяди.

 "Ўзгидромет" хабарига кўра, шу кунларда республика бўйлаб ҳаво ҳарорати кундузи ўртача +36...+41 даража иссиқ, кечаси +22...+27 даража илиқ бўлиши кутилмоқда. Шамол тезлиги сониясига 15-20 метргача кучаяди.

 Тоғли ҳудудларда ҳарорат +32 даражагача кўтарилади.
👉@darak_uz

Chegarada qirg‘izlar va tojiklar o‘rtasida otishma bo‘ldi. Vafot etgan va yaralanganlar bor

Tojikiston va Qirg‘iziston chegarasida kecha otishma bo‘lib o‘tdi. Xabar qilinishicha, bir kishi vafot etgan va besh kishi yaralangan.

Qirg‘iziston tomonining ma’lumotiga ko‘ra, mahalliy vaqt bilan soat 17:00da (Toshkent vaqti bilan 16:00) Qirg‘iziston va Tojikiston fuqarolari o‘rtasida janjal kelib chiqqan. Bishkek tomoni bergan bayonotga ko‘ra janjalga Tojikistonning Vorux qishlog‘i aholisi tomonidan bayroq o‘rnatishga bo‘lgan harakat sabab bo‘lgan. 

Bayroq o‘rnatilishiga qirg‘izlar istiqomat qiladigan Aksay qishlog‘i aholisi qarshilik qilgan. Avvaliga dahanaki jang boshlanadi, so‘ngra tomonlardan biri o‘qotar qurol ishlatadi. O‘q fuqarolar tomonidan, ov qurolidan otilgan.

Dastlabki ma’lumotlarga ko‘ra besh kishi yaralangani aytilgan edi. Keyinchalik yaralanganlar soni o‘nlab ekani aytildi. Oradan ko‘p o‘tmay otishma ro‘y bergan joyga Qirg‘iziston chegara qo‘shinlari askarlari yetib kelgan va ikki davlat vakillari janjal kuchayib ketmasligi uchun ish boshlagan.

Tojikiston tomoni bergan bayonotga ko‘ra janjal boshlanishiga tojiklar bayroq o‘rnatmoqchi bo‘lgani emas, balki qirg‘izlar Vorux qishlog‘i hududida «Aksay» yozuvini o‘rnatmoqchi bo‘lgani sabab bo‘lgan. Tojikistonning Isfara tumani hokimligi tomonidan xabar qilinishicha, otishma tufayli 1 kishi vafot etgan va besh kishi yaralangan. Vafot etgan shaxs Vorux qishlog‘ida istiqomat qilgan Jalol Karoyev ekani aytilmoqda.

Qirg‘iziston-Tojikiston chegarasida kelishmovchiliklar avval ham bo‘lgan. Asosiy sabab esa chegara aniq o‘rnatilmagan hududlar hamon mavjudligidir. Ba’zan hatto chegarachilar o‘rtasida ham kelishmovchiliklar bo‘lib turadi.
👉@darak_uz

Яккабоғлик тадбиркор банкдан катта кредит олиб 2 қаватли иморат қурибди.

Паст қавати дўкон, юқори қаватини цех ўлароқ ишга туширибди. Лаънати «Обод маҳалла» «Обод қишлоқ» деган дастур шу худудга етиб борибди. Туман ҳокими ўринбосари келиб ўша лаънати дастур асосида ўзи бульдозерга ўтириб дўконга ҳайдабди. Тадбиркор бечоранинг биргина талаби харажат қилган пулини компенсация қилиб қайтаришларини сўрашдан иборат бўлган. Атрофида 20 га яқин милиция ходимлари бн келган ҳоким ўринбосари шаштидан қайтмаган, бульдозерни ҳаракатга келтирган. Тадбиркор стресс ҳолатида ҳоким ўринбосарининг устига баклажкадаги бензинни қуйиб ёқиб юборган. Одамлар ёнғинни ўчириб ҳоким ўринбосарини қутқариб қолишган.
Тадбиркор ҳибсда. Бу воқеа 20 июль куни содир бўлгани айтилмоқда............

Менинг муносабатим: Инсонни ўлдиришга қаратилган ҳар қандай ҳаракатларни оқламайман. Аммо бу воқеада тадбиркорга ичим ачиди, у тарафдаман.

Обод маҳалла, обод қишлоқ деган дастурлар инсонларни дод-фарёди эвазига амалга ошириладими?

Dilnur Kamilov.

👉 @darak_uz

Erdo‘g‘anning o‘g‘li Mirziyoyevning kuyovlari bilan uchrashadi

Joriy yilning 6-8 sentyabr kunlari “Ochiq osmon ostidagi muzey” nomini olgan Xiva shahrida “Xalqaro kamondan otish va milliy o‘yinlar festivali” o‘tkaziladi. Tadbir oldidan Xivada Bilol Erdo‘g‘an ishtirokida Matbuot anjumani bo‘lib o‘tdi. 

Festival 1000 dan ziyod ishtirokchilarni qamrab olishi kutildmoqda. U Turkiya OAVlarida keng yoritilishi va bir qator mamlakatlarning diplomatik korpus vakillari ham qatnashishi rejalashtirilayotgani ma’lum qilindi. 

Tashkilotchilar bergan ma’lumotga ko‘ra, bo‘lajak tadbirda xorijlik hakamlar ishtirok etishmaydi. Etnofestivalni tashkil etishdan maqsad esa yo‘qolib borayotgan milliy o‘yinlarni tiklash, ularni keyingi avlodga yetkazishdir.

Bilol Erdo‘g‘an kechaning o‘zida qadimiy shaharlardan biri bo‘lmish Buxoroga uchib kelgan va bugun poytaxt Toshkentga qaytgan. 

U bugun O‘zbekiston Respublikasi Prezidentining kuyovlari Oybek Tursanov va Otabek Umarov bilan uchrashib, so‘ng Turkiyaga jo‘nab ketadi.  
👉 @darak_uz

Mol-qo‘y, it-mushuklarni xatlash pulli bo‘ladi

 Veterinariya va chorvachilikni rivojlantirish davlat qo‘mitasi hayvonlarni identifikatsiya qilish uchun to‘lov joriy etishi mumkin. Nizom loyihasiga ko‘ra to‘lov summasi yirik shohli hayvonlardan mayda shohli hayvon, it-mushuklarga qarab, 2230 so‘mdan 4460 so‘mgacha belgilanishi mumkin.

19-iyul kuni Normativ-huquqiy hujjatlar loyihalari muhokamasi portaliga O‘zbekiston Veterinariya va chorvachilikni rivojlantirish davlat qo‘mitasi tomonidan hayvonlarni identifikatsiya qilish xizmatlari uchun undiriladigan to‘lovlar miqdori va shartlari to‘g‘risidagi nizom loyihasi joylandi.

Loyihada keltirilishicha, Nizom qoidalari davlat veterinariya xizmati tashkilotlari tomonidan ko‘rsatiladigan xizmatlari uchun tatbiq etiladi. Yuridik va jismoniy shaxslarning o‘z ehtiyojlari uchun saqlayotgan yoki tadbirkorlik faoliyatini amalga oshirish uchun ko‘paytirayotgan, boqayotgan hayvonlari identifikatsiya ob’ekti bo‘lib hisoblanadi.

Qancha to‘lanadi?

Hayvonlarni identifikatsiya qilish xizmatlari uchun hayvon egalaridan quyidagi miqdorlarda to‘lov undiriladi:

- yirik shoxli mollar, ot, eshak va tuyalar - O‘zbekiston Respublikasida belgilangan bazaviy hisoblash miqdorining* (keyingi o‘rinlarda BHM deb yuritiladi) 2 foizi (4460 so‘m);

- mayda shoxli mollar, cho‘chqa – BHMning 1,5 foizi (3345 so‘m);

- it va mushuklar – BHMning 1 foizi (2230 so‘m).

Hayvonlarni identifikatsiya qilish xizmatini ko‘rsatish muddatlari, narxi, hisob-kitob tartibi, tomonlarning huquqlari, majburiyatlari va javobgarligi belgilanga shartnomaga asosan veterinariya muassasi va hayvon egalari o‘rtasida amalga oshiriladi.

*BHM miqdori Ish haqi, pensiyalar, stipendiyalar va nafaqalar miqdorini oshirish to‘g‘risida O‘zbekiston prezidentining qaroriga ko‘ra hisoblangan (2019 yil 1 avgustdan 223 ming so‘m)

«Qonun barchaga barobar». Otabek Umarov tezlikni oshirgani uchun jarima to‘ladi
O‘zbekiston triatlon federatsiyasi raisi Otabek Umarov avtomobilida taqiqlangan tezlikda harakatlanib, yo‘l harakati qoidalarini buzgani uchun jarima to‘ladi. 

Kecha ijtimoiy tarmoqlarda Otabek Umarov boshqaruvidagi «Tesla» rusumli avtomobil tungi vaqtda Toshkent shahri ko‘chalarida yuqori tezlikda (tezlik soatiga 201 kilometrgacha yetgan) harakatlanishi tasvirlangan video paydo bo‘ldi.

O‘zbekiston Prezidentining ikkinchi qizi Shahnoza Mirziyoyevaning turmush o‘rtog‘i bo‘lmish Otabek Umarov ijtimoiy tarmoqlardagi sahifalarida qoidalarni buzgani uchun o‘z ixtiyori bilan borib kommunal kassa orqali jarima to‘laganini ma'lum qilgan.

«Kuni kecha ommaviy axborot vositalarida, ijtimoiy tarmoqlarda men bilan bog‘liq video tarqalgani Prezidentimizning ochiqlik va so‘z erkinligi siyosati amalda ekanini ko‘rsatadi, deb o‘ylayman.

Jurnalistlar va blogerlar haqiqatan ham real hayotimizda bor muammolarni ko‘tarib chiqayotgani quvonarli. Sizlar jamiyatda ro‘y berayotgan voqealarga befarq emasligingiz, odamlarning mavqeyi va lavozimidan qat'i nazar tanqid qilayotganingiz bizni o‘z ustimizda yanada ko‘proq ishlashga va tartibga rioya qilishga chaqiradi. 

Bugunoq barcha jarimalar to‘landi. Qonun barcha uchun barobar! 

Shu fursatdan foydalanib, mahalliy va xorijiy ommaviy axborot vositalarining jonkuyar xodimlariga o‘z minnatdorchiligimni bildiraman!», deydi u.

Aytish mumkinki, bu holat O‘zbekistonda so‘nggi yillarda o‘tkazilayotgan islohotlar, ayniqsa so‘z erkinligini ta'minlash borasida olib borilayotgan ishlar o‘z samarasini berayotganini ko‘rsatadi. Demakki, yuqori doiralar jamoatchilik fikrini kuzatmoqda, xalqni eshitmoqda va xalq bilan bilan hisoblashmoqda.

Otabek Umarov esa o‘z xatosini tan olib boshqa barcha davlat amaldorlariga o‘rnak bo‘ldi.

Ma'lumot uchun, haydovchi aholi yashash joyida juda katta tezlikda u MJtK 128-3-moddasiga binoan, EKIH 9 baravari miqdorida, ya'ni 1 mln 824 ming so‘m jarima to‘laydi.

Prezident odamlar sotib olishga qurbi yetadigan mashinalar ishlab chiqarishni buyurdi

Prezident Shavkat Mirziyoyev aholining barcha qatlamlari qurbi yetadigan arzon avtomobillar ishlab chiqarish haqidagi qarorni imzoladi.

O‘zbekistonda avtomobil sanoatini jadal rivojlantirish bo‘yicha qo‘shimcha chora-tadbirlari to‘g‘risidagi bu prezident qarorida 2019–2023 yillarda avtomobil sanoatini rivojlantirishning asosiy ko‘rsatkichlari belgilab berilgan. Xususan:

– yengil mashina ishlab chiqarish hajmi yiliga 350 mingtaga yetkaziladi;
– yengil avtomobillar o‘rtacha 60 foizgacha mahalliylashtiriladi;
– yuk mashinalari va avtobuslar ishlab chiqarish hajmi yiliga 10 mingtagacha oshiriladi;
– yiliga 100 mingta avtomobil eksport qilinadi;
– qator avtomobil modellari yangilanadi.
Shuningdek, «UzAutoMotors» bilan 2019 yil 1 oktyabrdan keyin shartnoma qilingan mashinalar aksiz solig‘idan ozod etiladi.

2019 yil 1 dekabrgacha «General Motors» bilan 2019-2022 yilga mo‘ljallangan barcha muzokaralar va shartnomalar nihoyasiga yetkaziladi.