Apple'dagilarga shunday chiroyli Mac tayyorlab berganiga rahmat. Ko'rib ko'zlaring quvnaydiye. Butun vujudini o'rab turuvchi "space grey" rangli alyuminiy korpus unga o'zgacha "vid" beradi. Uni berkitib, ustini qo'lingiz bilan silaganingizda, undagi professionallikni his qilasiz. Ayniqsa, bo'yniga taqib olgan tishlangan olmachasini aytmaysizmi o'ziga yarashishini.

Kun bo'yi 16 inch 4k ekraniga termulgancha qancha o'tirsangiz ham hech to'ymaysiz, ko'zlaringiz toliqmaydi. Gapirsa, ovozlari biram mayiney, hali hech qaysi noutbukda bunaqa sifatli ovozni eshitmaganman. Siz gapirsangiz ham, bir zumda jim bo'lib, sizni indamay tiniq eshitadi. Biz u bilan ingliz tilida gaplashamiz. "Hey siri" desam bas, labbay deb so'zlarimga quloq tutib, xizmatimga shay bo'ladi

"Scissor Switch" klaviaturalari ostida urib turgan Intel i9 protsesori, unga qancha qiyin ishlarni buyursam ham qonini tez tez aylantirib, uni charchatib qo'ymay turibdi. Lekin biroz ehtiyot bo'lasiz, judayam ko'p ish aytvorsangiz, arazlab olsa, qizishib ketadi. Qo'llaringizni kuydiray deydi-ye. Keyin erkalab-erkalab ovutib, sovutib olasiz. Ertalabda bitta nonushta qilib olsa, shu bilan kun bo'yi ovqatlanmay yuraveradi.

Mayli, hadeb maqtayversa aynib, taltayib ketishi mumkin. Hozircha shuncha maqtov yetadi. Hali yana bilmadim, agar ozginadan keyin injiqliklari chiqib qolishni boshlamasa, hozircha hammasi yaxshi. Lekin nima bo'lsa ham shunday birgalikda "baxtli" yashashni davom ettiramiz. Hozircha ikkitasiga qanoat qilib turaveraychi, nasib qilsa, uchinchi va to'rtinchilarini ham olarman😁.

Ps: Bu post "Bo'ydoq dasturchi noutbuk sotib olsa" deb nomlanadi )