Двары Вільні

Пачынаем вялікі збор на трылогію Валадара Пярсцёнкаў!

спасылка на збор: buymeacoffee.com/k4mbeg8/w/43885

Для прафесійнай агучкі аднаго фільма спатрэбіцца больш за 1400$ (арэнда студыі, ганарар акцёрам, звядзенне гуку) на адзін фільм.

Усе, хто заданацяць атрымаюць:

20$ - першы фільм у раннім доступе;
40$ - першыя 2 фільмы ў раннім доступе;
50$ - усе фільмы ў раннім доступе + доступ у закрытую суполку, дзе будзе паказаны ўвесь працэс агучвання: кастынгі, бэкстэйджы, навіны;
100$ - усё пералічанае + узгадванне ў канцы фільма (пры жаданні);
200$ - усё пералічанае + асабістае відэа з падзякай запісанае голасам персанажа з фільма (на ваш выбар);
1000$ - усё пералічанае + адзін з мікрафонаў, на які запісваліся акцёры (пасля ўсіх агучак). Разовая прапанова)

Калі хочаце ахвяраваць іншым шляхам (крыптой, ці неяк яшчэ), пішыце ў наш бот: t.me/mojrodnyhuk_bot

п.с. І дзяліцеся гэтай інфармацыяй, гэта нам усім вельмі дапаможа

🤭 САКРЭТНЫ САНТА Ў БЕЛАРУСКІМ ЗАМКУ

У суботу 21 снежня, напярэдадні Калядаў і Новага Года мы працягваем добрую традыцыю ў Беларускім Замку ў Вільні: абмен падарункамі ў рамках ініцыятывы "Сакрэтны Санта"!

Правілы ўдзелу вельмі простыя: вы запаўняеце дадзеную форму, указваючы ваш пол, прыкладны ўзрост, захапленні і іншую, на ваш погляд, важную інфармацыю, каб ваш персанальны "Сакрэтны Санта" змог знайсцi найболей прыемны для вас падарунак.

🦌 У аўторак увечары 17 снежня вам напiша наш калядны эльф, каб перадаць вам інфармацыю аб тым чалавеку, якому вам трэба зрабіць падарунак, а таксама аб прысвоеным вам асабіста нумары.

🔥 Абмен падарункамі пройдзе ў суботу 21 снежня а 17:00 у Беларускім Замку ў Вільні (Savanoriu 134B / Naujoji Riovoniu 10).

Увага! Кошт падарунка не павінен перавышаць 25 еўра

🎏 З Калядамі і Новым Годам! Жыве Беларусь!

Дарагія сябры!

Мы хочам папрасіць вас далучыцца да збору на калядныя падарункі для беларускіх дзяцей, чые таты – беларускія ветэраны – змагаліся супраць расейскай агрэсіі ва Украіне.

Гэтыя дзеці жывуць у Літве, не могуць вярнуцца да сябе дадому і часта пазбаўлены радасцяў, якія іншыя дзеці ўспрымаюць як само сабой зразумелае.

Агулам у Літве жывуць 11 дзяцей беларускіх ветэранаў. Мы не называем іх імёнаў у мэтах бяспекі. Узрост дзяцей - ад 5 да 17 гадоў.

У мінулым годзе віншаваў гэтых дзяцей беларускі добраахвотнік Аляксандр Царук (пазыўны «Сашко») і Любоў Рабцэвіч (жонка "Куся").  Нажаль, увесну гэтага года Аляксандра з намі не стала з-за хваробы.  Але ягоная дачка Вольга вырашыла працягнуць справу бацькі.

Мы просім вас зрабіць унёсак на рахунак дабрачыннай арганізацыі SASHKO, каб мы змаглі здзейсніць мары гэтых дзяцей і зрабіць іх свята святлейшым і цяплейшым.

Нашы рахункі:
❤️Paysera:
Savanorių organizacija SASHKO
IBAN: LT083500010016504536 (Paysera LT, UAB)
SWIFT/BIC: EVIULT2VXX

💙Stripe
https://donate.stripe.com/fZe2brgiX5Hd0qA000

Наша вэб-старонка
🌐 https://sashko.lt/

Калі ў вас ёсць пытанні, вы можаце задаць іх камандзе дабрачыннай арганізацыі “Сашко” па электроннай пошце:
💌 info@sashko.lt

Шаноўнае спадарства!

5 снежня а 18:00 ў Замку адбудзецца сустрэча з прадстаўнікамі літоўскай паліцыі ў межах праграмы «Даведайся пра свайго суседа».

Абмяркуем пытанні, якія ўзнікаюць у беларускай супольнасці падчас пражывання ў Літве і непасрэдна ў Вільні.

Пагаворым пра махлярства, чаго варта засцерагацца, якія маем правы і гэтак далей.

Гэта будзе ўжо другая сустрэча ў межах праграмы.

🗓 5 снежня, 18:00
📍 Замак, Naujoji Riovoniu 10

Заклікаем прыняць удзел у акцыі 27 лістапада а 12:00 каля Сейму Літвы ў падтрымку Васіля Верамейчыка!

Сітуацыя з затрыманнем у В'етнаме і экстрадыцыяй у Беларусь Васіля Верамейчыка, грамадзяніна Беларусі і ўцекача з радзімы з-за палітычнага пераследу, абурае. Васіль, вядомы пад пазыўным "Пацук", змагаўся за нашу і вашу свабоду ў складзе Зброеных Сіл Украіны.

Мы мусім звярнуцца да кампетэнтных органаў у Літве, Украіне, Польшчы, краінах Еўрапейскага Саюзу с запытам на максімальнае садзейнічанне вызваленню Васіля Верамейчыка і забяспячэнню яго бяспекі.

Васіль трапіў у рукі прарасейскага рэжыму Лукашэнкі праз абыякавасць, бюракратыю і непаразуменні. Мы настойваем на тэрміновых і актыўных дзеяннях па выратаванні Васіля.

Заклікаем міжнародную супольнасць:
- Змяніць падыходы да разгляду спраў аб міжнароднай абароне, акцэнтуючы ўвагу на індывідуальным аналізе абставін кожнага выпадку.
- Разарваць супрацоўніцтва з сілавымі структурамі Рэспублікі Беларусь.
- Прыпыніць двухбаковыя дамовы аб экстрадыцыі і прававой дапамозе з Рэспублікай Беларусь.
- Уключыць Васіля ў абменны фонд для абмену на палонных расейскіх вайсковаслужбоўцаў.

Нашы патрабаванні:
1. Забяспечыць, каб ветэраны і ваяры ЗСУ беларускага паходжання, якія ахвяравалі сваім здароўем і крывёю дзеля агульных каштоўнасцяў, не прызнаваліся пагрозай і не высылаліся з краіны.
2. Стварыць празрыстыя працэдуры для справядлівага і гуманнага падыходу да тых, хто змагаўся за дэмакратыю і шукае прытулку ў Літве.
3. Забяспечыць, каб дэзінфармацыя, якую распаўсюджвае расейская прапаганда, не фармавала літоўскія рашэнні, якія маглі б нашкодзіць барацьбе за агульныя каштоўнасці.

Мы просім Літву праявіць лідэрства і забяспечыць належнае прызнанне і падтрымку змагарам за свабоду. Мы верым у дэмакратычныя каштоўнасці і салідарнасць, якія натхняюць увесь рэгіён.

Далучайцеся да акцыі і падтрымайце Васіля Верамейчыка!

🗓 27 лістапада, 12:00
📍 Gedimino pr. 53, Vilnius

❗️Падтрымаць сям'ю Васіля "Пацука" Верамейчыка вы можаце праз асабістую карту ягонай жонкі:

LT047300010173692355
Yauheniya Verameichyk
Swedbank LT

22 лістапада 2019 года на могілках Расу ў Вільні ўрачыста перапахавалі астанкі Кастуся Каліноўскага і Зігмунда Серакоўскага і іх баявых таварышаў.

У гэтыя ж дні 2024 году затрыманы ў В'етнаме і экстрадаваны ў Беларусь каліновец Васіль Верамейчык, які таксама змагаўся за нашу і вашу свабоду ва Украіне. Па панятках злачыннага рэжыму лукашэнкі яму пагражае смяротнае пакаранне.

Выходзім за гонар і выратаванне жыцця сумленнага беларускага ваяра Васіля Верамейчыка:

* у 14:00 выходзім на акцыю ля офісу камісіі ЕС/Gedemino pr. 16
* у 15:30 наведваем мемарыяльную капліцу на Расу, дзе 5 гадоў таму былі перапахаваныя ўдзельнікі паўстання 1863 году/Rasu g. 32

📌 Lithuanian Red Cross запрашае вас зарэгістравацца і прыняць удзел у анлайн-семінары "Простай мовай аб фінансах: Лайфхакі па фінансавай адукаванасці для Індывідуальных прадпрымальнікаў у Літве!", які адбудзецца 22 лістапада ў пятніцу а 13:00.

💰Якімі сацыяльнымі гарантыямі могуць карыстацца людзі, якія працуюць па даведцы індывідуальнай дзейнасці ці бізнес-сертыфікату? Як 10 гадоў атрымліваць магчымасць дзяржаўнай ільготы і вяртаць частку аплачанага падаходнага падатку (GPM) да 3000 еўра? Тэрмін дэкларавання - што трэба ведаць і як падрыхтавацца?

Падчас семінару вы атрымаеце рэальныя лайфхакі па фінансавай адукаванасці, даведаўшыся адказы на гэтыя і іншыя пытанні! (падрабязней - у форме рэгістрацыі)

📆 22 лістапада | пт |
📍 Online, бясплатна
✍️ Рэгістрацыя: https://forms.gle/EDkkBueP3DWm8xR8A

👥 Беларускамоўны нэтворкінг у Вільнюсе

🗣 Шукаеце магчымасць пагутарыць па-беларуску ў прыемнай атмасферы? Запрашаем на вечар беларускамоўнага нэтворкінгу ў Вільнюсе! 28 лістапада мы ствараем прастору, дзе беларуская мова гучыць натуральна і весела.

Што вас чакае:
🤝 Знаёмствы ў невялікіх групах з цікавымі суразмоўцамі
🎯 Практычныя заданні для лёгкага пачатку размовы
🌟 Магчымасць знайсці аднадумцаў і сябро_вак
☕️ Гарбата, кава і пачастункі

✨ Для ўсіх, хто хоча:
- пашырыць кола беларускамоўных знаёмстваў
- пераадолець моўны бар'ер
- проста правесці вечар у душэўнай кампаніі

Узровень беларускай мовы не мае значэння — ад "ніколі не размаўлялі" да "пачалі размаўляць на беларускай да таго як нарадзіліся" 😊

🎫 Уваход вольны
👉 Зарэгіструйцеся зараз, каб не прапусціць!
📆 Дата: 28 лістапада
⏰ Час: 18:00-21:00
📍 Месца: Вільнюс, Наўямесціс (дакладнае месца паведамім пасля рэгістрацыі)

Далучайцеся да нашай цёплай супольнасці! 🤗

Падтрымаць | Стаць валанцёр_кай

🌃 26 лістапада а 19:00 адбудзецца паказ фільму "Змярканне. Сага: Зацьменне" (2010) на беларускай мове.

Паказ ладзіцца ў падтрымку нашай любімай прасторы CreateCulture Space, якая зараз перажывае цяжкі час і патрабуе нашай з вамі дапамогі.

У Сіэтле адбываецца серыя загадкавых забойстваў, а Бэла, напярэдадні свайго выпускнога, апынаецца перад складаным выбарам паміж каханнем да вампіра Эдварда і сяброўствам з пярэваратнем Джэйкабам.

Для ўдзелу, калі ласка, запоўніце невялічкую форму

26 лістапада 19:00
СreateCulture Space (Karmelitu g.5)
Уваход — данат (ад 5€). Можна гатоўкай ці анлайн пераводам.

Арганізацыя «Дапамога» звярнулася да сяброў Каардынацыйнай рады, а таксама да спадара Латушкі з прапановай узяць удзел у сустрэчы 17 лістапада а 17.00 у Замку.

Асноўная тэма сустрэчы — палітэмігранты-беларусы ў Літве і Польшчы, праблемы і шляхі іх вырашэння.

У праграме абмеркавання — дасягненні за 100-дзённы тэрмін работы Каардынацыйнай рады і іх планы на будучыню.

У гэтым абмеркаванні пацвердзілі ўдзел Вольга Вялічка, Аляксандр Клачко, Уладзімір Шанцаў, Стася Гліннік, Павел Церашковіч, Вадзім Пракоп'еў (анлайн).
Спадар Латушка таксама запрошаны на сустрэчу асобна.

✍ Калі вы не можаце прысутнічаць, але хочаце, каб ваша пытанне было агучана, пішыце ў асабістыя @natalex_dapamoga

🗓 17 лістапада, 17:00
📍 Замак, Naujoji Riovoniu 10

🎨 Калажная майстэрня «Люстэрка ўнутранага свету»

Запрашаем вас на майстэрню па стварэнні калажаў, дзе будзем даследаваць тэму самасці і ўнутранай ідэнтычнасці! Калаж — гэта не проста спосаб самавыяўлення, але і магутны інструмент для глыбокага асэнсавання сябе.

⏰ 16 лістапада 2024, 14:00 – 16:30.
📍 Вільнюс, недалёка ад Старога горада (пра дакладнае месца паведамім пасля рэгістрацыі).
👅 Мовы майстэрні: беларуская, руская, украінская.
🆓 Удзел бясплатны.

Запаўняйце форму па спасылцы да 15 лістапада ўключна.

Што чакае на майстэрні?
▪️Мы будзем размаўляць пра самасць, з чаго яна складаецца ў кожнай і кожнага з нас і як праяўляецца.
▪️Пагрузімся ў творчы працэс, каб выказаць свае думкі, эмоцыі і схаваныя часткі асобы ў візуальнай форме.
▪️Атрымаем магчымасць даследаваць і лепш зразумець свой унутраны свет.

✂️ З усімі пытаннямі пра імпрэзу вы можаце звярнуцца на пошту info@theothersby.org.

Падтрымаць| Стаць валанцёр_кай