مه خپه کیږه لاتحزن😍

*رسول الله ﷺ فرمایلی دی*

*د هغه چا لپاره خوشحالي ده چې زه یې ولیدم او ایمان یې راباندې راوړه او د هغه چا لپاره خوشحالي ده، بیا خوشحالي ده او بیا خوشحالي ده چې زه یې نه یم لیدلی او ایمان یې راباندې راوړی دی.*
🍁(صحیح الجامع ۳۹۲۳)🍁

*حضرت عمر فاروق (رض) وايي*: *خپل ځان د انسانانو په ياد کي مه مشغولوئ، ځکه دا خو مصيبت دئ*.، *بلکي د الله (ج) ذکر کوئ*، *ځکه چي دا سراسر شِفاء ده*.




📝📚🏞️

*په غــم کی صـبر*:
*په ناروغـۍ کی لمونځ*:
*او په ځوانی کی توبه دجنت ضمانتونه دی*🙂)








─┅━━━━✦━━━━┅─
★ 📝📚🏞️ ★

‏مغروره انسان 😕👇

لکه مرغۍ څومره چې لوړه الوځي،
هغومره د خلګو نظر کې کوچنۍ ښکاري!

❤🌹

‏قُلُوبٌ يَوْمَئِذٍ وَاجِفَةٌ
په هغه ورځ به ځینې زړونه د الله ﷻ له وېرې رېږدي.

قیامت😔😢
❤🌹
┈┉┅━❀✨❀━┅┉┈

مستقیم روان شه
داچې ستا سیوري خلکو ته کوږ ښکارې
هیڅ پروا یه مه کړه

##

‏*په چا پورې مه خانده!*

*نبي  کريمﷺ فرمایلي:*
*د خپل ورور په تکلیف او مصیبت باندې د خوشحالۍ اظهار مه کوه!*
*ممکن چې الله ﷻ پر هغه رحم وکړي او له مصیبت څخه یې خلاص کړي او تا په هغه مصیبت اخته کړي.*

نه یې ماقبل اسلام جاهلیت لوستلی یي، نه مابعد اسلام جاهلیت!
نه یې
سیرة النبي لوستلی وي، د امام الانبیاء یې نه نظامي ژوند، نه اجتماعي ژوند، نه اقتصادي ژوند،
نه د رفاقت ژوند، نه کورنی ژوند، نه شفقت نه د رحمت، نه د نظم او نه د اصولو او کردار ژوند
نه یې د عبادت ژوند او نه یې هم د حکومتدارۍ ژوند لوستلی وي...

نه یې خلفاء راشدین لوستلي وي
د ابوبکر رض صداقت ریښتینولي وفاداري شفقت ...
نه یې دعمر رض جدیت، قاطعیت، قوت ...
نه یې عثمان علی رضی الله عنهم اجمعین شجاعت
برکت، او حوصله لوستلي و...

نه یې عباسی، نه یې اموی، نه یې صلیبي جنګونه، نه یې د خلافت حکومت لوستلی وی.
نه د اسلام اقتصادي ژوند خبر وي
نه یې په اجتماعي
نه یې اصول پیژني، نه یې نظم او معیار.
نه صلاح الدین پیژني
نه د صحرا زمری، نه سلطان حمید پیژني، نه د اندلس اته سوه کلن زرین دور...

نه د کمونیزم ملیونونه وژنو په اړه پوهیږي، نه د عیسویت، یهودیت په ظلمونو...
نه د سکولریزم پ تاریخچه او اساس خبر وي، نه د دیمکراسۍ...

داسې ځوان د امت لپاره به څه وکړي؟ امت څه د خپل هیواد لپاره به څه وکړي؟ هیواد څه دخپلې کورنۍ لپاره به څه وکړي ؟
کورنۍ څه د خپل ځان لپاره به څه وکړي؟

زمونږ د ځوانانو اکثره برخه
همداسی ځوانان تشکیلوي...

داسې ځوانان د ابو د ځګ حیثیت لري، مستقیم نه وي، هوډ نلري، لاره هدف نلري، له هر باد سره
هرې خواته روان وي.

ولوستل وکړهه چې پوه شې..!!

#عقابون

د حضرت مُحَمَّد رسول اللهﷺ ماشوم توب
دحلیمې (رض) په غیږ کې چې کومه زمانه کې رسول الله ﷺ شیدې خوړلې نو دمُحَمَّدﷺ سره دهغه رضاعي ورور چې دبي بي حلیمې (رض) زوی هم شیدې خوړلې نو بي بي حلیمه (رض) فرمایي چې ما خپله سینه دمحمد رسول اللهﷺ او دهغه دورور ترمنځ تقسیم کړې وه، کله کله به ما په هېره مُحَمَّد ﷺ هغې سینې ته واچاوه کومه چې دهغه درضاعې وروره برخه وه نو مُحَمَّد ﷺ به خپله مبارکه خوله بنده کړله اوشیدې به یې نه خوړلې ګویا چې دخپل وروره دحق خیال به یې ساته.
ﷺ صلی الله علیه وسلمﷺ
جامع الفضائل والاحکام

څه چې غواړې له الله تعالی یې غواړه

دوه معیوب فقیران په دې خبره سره سلا شول چې د بادشاه د ښځې د تلو راتلو په لار کې به کېنو  د هغې له سخاوت څخه به څه تر لاسه کړو
هغه وو چې د وخت د حاکم د ښځې لاره یې ونېوله او کېناستل
یوه معیوب وویل  چې یا الله په خپل فضل ماته رزق راکړه.
بل معیوب وویل: یا الله د بادشاه د ښځې په فضل رزق راکړه.
د بادشاه ښځې دا دواړه خبرې واورېدې او ښه پرې پوهه شوه.
نو هغې به هره ورځ هغه ته چې د الله تعالی فضل یې غوښتی وو دوه دیناره لېږل.
او هغه ته چې د بادشاه د ښځې فضل یې غوښتی وو  یو پوخ کړی چرګ چې په مینځ کې به یې لس دیناره کېښودل ور لېږل.
د چرګ خاوند به هره ورځ خپل پوخ کړی چرګ پر خپل ملګري په دوه دیناره خرڅاوه ، خو دا ورته معلومه نه وه چې د چرګ په مینځ کې لس دیناره هم شته.
دغه حالت پوره لس ورځې دوام وکړ  په یوولسمه ورځ د بادشاه ښځه د پوښتنې په موخه ورغله، له هغه فقیر څخه چې د بادشاه د ښځې فضل یې غوښتی و وپوښتل ، څنګه یې او زما فضل غني نکړې؟
فقیر وویل هغه څنګه
د بادشاه ښځې وویل سل دیناره په لسو ورځو کې
فقیر وویل نه هیڅ کله نه  ماخو به خپل چرګ هره ورځ په پر خپل ملګري په دوه دیناره خرڅاوه.
د بادشاه ښځې وخندل او فقیر ته یې وویل  چې تا زما فضل غوښتی وو الله تعالی ترې محروم کړې او هغه چې د الله تعالی فضل غوښتی وو  الله تعالی ورکړه او غني شو!
لهذا چا چې پر مخلوق اعتماد وکړ ذلیل به شي.
چاچې پر مال دولت اعتماد وکړ فقیر به شي.
چاچې پخپل علم اعتماد وکړ ګمراه به شي.
چاچې پر خپل ځان اعتماد وکړ ستړی به شي.
چا چې پر الله تعالی اعتماد وکړ ، نه به ذلیل شي ، نه به فقیر شي ، نه به ګمراه شي ، نه به ستړی شي.

ﷺ صل الله علیه وسلمﷺ

د عمر رضي الله عنه وفا او ایراني قومندان هرمزان عجیبه کیسه

ستر”د ایران د خوزستان احواز نومي ښار ته په 85کلیو متري کې پرته اباده او زراعتي سیمه ده،  د فارس د امپراطوري په مهال دا مهمه سیمه وه او د یزدګر د واکمني په وخت کې هرمزان د دې سیمي حاکم و، د عمر بن الخطاب رضي الله هنه د خلافت په زما نه کې له نسبةً اوږدې محاصرې وروسته تستر  مجاهدينو فتحه کړ او هرمزان یې هم ژوندی ونیو، او له څو مجاهدینو سره یې مدیني منوري ته ولیږه، د دې مجاهدینو مشر انس بن مالک رضي الله عنه و او مغیره بن شعبه او احنف بن قیس هم ورسره وو.
د تستر او مدیني ترمنځ فاصله تقریبا 1000 کلیومیتره ده مجاهدینو د دې زرکیلومیتره فاصلې په وهلو سره هرمزان مدیني ته ورساوه، کله چې هغوی د مدیني ښار ته نږدې شول هرمزان ته یې د هغه ځانګړې وریښمیني جامې ورواغوستلې چې په سرو زرو ښایسته شوې وې، د هغه په ياقوتو پوښلی تاج یې ورپه سر کړ، او د هغه نادره توره او کمربند یې وروتړل، هغه ته یې د هغه جامې ځکه ورواغوستلې چې مسلمانان له هغو نه د مجاهدینو د فتحي اندازه ولګوي، او دا چې مسلمانان بریالي او دا سرکښه انسانان سرټیټي شول.
مدیني ته په ننوتلو سره د امیر المؤمنین عمر بن الخطاب رضي الله عنه کره ورغلل، هغه مور نه و ورته ویې ویل چې د کوفي موم پلاوی راغلی عمر له هغه سره په جومات کې ناست دی، دوی چې جومات ته ورغلل عمر هغه پلاوی رخصت کړی و او دی په جومات کې ویده و، د هرمزان لیدلو ته ډېر خلک رابوځای شوي وو هغوی جومات ته ورسره ننوتل، په جومات کې شور جوړ شو او عمر راويښ شو، صحابه کرامو ورته وویل: دا د تستر حاکم هرمزان دی مجاهدينو نیولی او دلته یې راورساوه، عمر چې هغه ولید ویې ویل: الحمد لله چې په اسلام سره دا او د ده په څیر نور ذلیل شول، ای مسلمانانو! په دې دین منګولي ولګوئ او د خپل نبي لاره ونيسئ، دنیا مو مغروره نه کړي ځکه دنیا غداره ده.  الحمد لله الذي أذل بالإسلام هذا وأشياعه، يا معشر المسلمين تمسكوا بهذا الدين، واهتدوا بهدي نبيكم، ولا تبطرنكم الدنيا فإنها غدارة.
مجاهدینو ورته وویل: دا د اهواز پاچا دی خبري ورسره وکړه، ده ورته وویل: له ده نه دا ګاڼې او جامې لیري کړئ ساده جامې ورړاغوندئ او بیا یې راولئ؟ هغه چې په ساده جامو کې ورته راوستل شو عمر ورته وویل: زما نصیحت ومنه اسلام قبول کړه، په اسلام کې دي د دنیا او آخرت ګټه ده، هرمزان ورته وویل: د مومنانو اميره! ماته مي خپله عقیده ښه ده زه په زور اسلام نه منم، عمر ورته وویل: که اسلام ونه منې وبه وژل شې، جلاد یې راوغوښت او د هرمزان د وژلو اراده یې وکړه.
کله چې جلاد ورنږدې شو هرمزان وویل: د مومنانو اميره تږی مي مه وژنه یو ګيلاس اوبه راکړه، اوبه یې ورته راوړې هغه ګیلاس په لاس کې ونیو او عمر ته یې وویل: ترڅو مي دا اوبه نه یې څښلې زما له پاره امن ده؟ هغه ورته وویل: هو، هرمزان ګيلاس په ځمکه وويست او ویې ویل: دا اوبه زه نه څښم. او ای امیر المؤمنین! پخپله وعده وفا کول سپینه رڼا ده. عمر جلاد منعه کړ او ویې ویل:  ته رښتیا وایې، ستا په خبره به فکر وکړو.
کله چې له هغه نه توره لیري شوه ویې ویل: ای امیرالمؤمنین! اوس وایم چې: أشهد أن لا إله إلا الله وأن محمداً عبده ورسوله وما جاء به حق من عنده. عمر ورته وویل: تا په ښه توګه اسلام قبول کړ، خو دا ووایه چې د اسلام منلو خبره دي ولي دومره وځنډوله؟ هغه ورته وویل: هغه مهال مي ځکه اسلام ونه مانه چې بیا به خلک وایي د توري له ډاره یې اسلام ومانه، او له ډاره له خپلي عقیدې تیر شو، عمر وویل: د فارس خلکو دومره ستره واکمني پخپلو عقلونو ترلاسه کړې وه، بیا یې امر وکړ چې له ده سره ښه چلند کوئ او درناوی یې کوئ. وروسته به عمر له ده سره د ایران د جګړو په اړه مشورې هم کولې. العقد الفريد لــ ابن عبد ربه الاندلسي 35/1.
وروسته چې ابو لؤلؤ مجوسي عمر رضي الله عنه شهید کړ د عمر زوی عبید الله هرمزان او د ابو لؤلؤ کوچنۍ لور په دې شک چې دوی به له ابو لؤلؤ سره مرسته کړې وي دواړه ووژل، ویل کیږي هرمزان چې په توره ووهل شو د توحید کلمه یې وویله، او زیاتو صحابه کرامو د هرمزان د قتل مخالفت وکړ کله چې څو ورځي وروسته عثمان رضي الله عنه خلیفه وټاکل شو هغه غوښتل عبید الله بن عمر په هرمزان او هغه بله نجلۍ باندي قصاص کړي، په دې خبره مخالفت رامنځته شو وروسته له عبید الله نه دیت واخیستل شو، کله چې علي بن ابي طالب رضي الله عنه خليفه شو هغه هم هڅه ومړه چې عبید الله په هرمزان باندي قصاص کړي خو هغه معاويه ته وتښتیدی. أدب القضاء للكرابيسي، وتاریخ الطبري والاصابه لابن حجر.

📜: د عقيدوي درسونو سلسله!

📄: اوله برخه!

💠سوال: د الله تعالی په بنده ګانو اول څه شی واجب دی؟

🔹جواب: چې په بنده ګانو واجب دی هغه پېژندل او معرفت د عقيدې دی چې الله تعالی دوی ددې لپاره پیدا کړيدي او  په همدې ورڅخه الله تعالى وعده اخيستې ده {أَلَسْتُ بِرَبِّكُمْ قَالُوا بَلَى} (الأعراف: ۱۷۲)
🔸او په همدې عقيدې الله تعالى رسولان دوی ته رالېږلي دي.
🔸او د همدې لپاره يې ورته کتابونه رالېږلي دي.
🔸او همدې لپاره الله تعالی دنیا او آخرت پیدا کړي جنت، اور، قیامت، تله د میزان، د عملنامو ورکول، دا ټول د عقيدې په بنياد ولاړ دي.
🔸بد بختي او نېک بختي دا ټول د عقيدې په وجه دي.

💠سوال: الله تعالی دا مخلوق د کوم کار لپاره پیدا کړی دی؟
🔹جواب: الله تعالى فرمايي: {وَمَا خَلَقْنَا السَّمٰوَاتِ وَالْأَرْضَ وَمَا بَيْنَهُمَا لٰعِبين؛ مَا خَلَقْنٰهُما إِلَّا بِالْحَقِّ وَلَكِنَّ أَكْثَرَهُمْ لَا يَعْلَمُونَ} (الدخان: ۳۸ - ۳۹).
ژباړه: او ندي پیدا کړي مونږ دا مګر د حق ښکاره کولو لپاره لیكن ډېر د دوی څخه نه پوهېږي، او ندي پيدا کړي مونږ اسمانونه او ځمکې او هغه چې د دې په منځ کې دي چې لوبې کونکي یو.

🔸او بل ځای فرمایي: {وَمَا خَلَقْنَا السَّمَاءَ وَالْأَرْضَ وَمَا بَيْنَهُمَا بَطِلًا ذٰلِكَ ظَنُّ الَّذِينَ كَفَرُوا} (ص: ۲۷).
ژباړه: او ندی پیدا کړی مونږ آسمان او ځمکه او هغه چې ددې په منځ کې دي بې فائدې دا ګمان دی د کافرانو.
🔸بل ځای فرمایي: {وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ} (الذاريات: ۵۶).
ژباړه: او ندي پیدا کړي ما پیریان او انسانان مګر دې لپاره چې زما بنده ګي وکړي.
💠فائده: مذکوره آیتونه پدې دلیل دي چې د مخلوق پیدائش بې فائدې نه دی که هغه هر څه وي او دا رد دی په بعضي دهريانو باندې چې هغوی وايې فلانی شی ضرري دی دا یې ولې پیدا کولو.

💠دوهم داچې: دا آیتونه رد دی په هغه چا چې صرف خوراک څښاک کوي لکه د ځناورو نور الله تعالى نه پېژني.
لکه چې وايې: {ذٰلِكَ ظَنُّ الَّذِينَ كَفَرُوا فَوَيْلٌ لِلَّذِينَ كَفَرُوا مِنَ النَّارِ} (ص: ۲۷).
او نه د عقيدې نه ځان خبروي بس ياكلون كما تاكل الانعام.

*┄┅✵❁❁❁•••🍀⃟🌸⃟🍀•••❁❁❁✵┅┄*
*┄┅✵❁❁❁•••🍀⃟🌸⃟🍀•••❁❁❁

یوه دقیقه وخت مو راکړی؛ ګټه به وکړئ
له اډيسن، ابرام لينکولن، بيل ګېټس، سټيو جابز او ... څخه نيولې تر بایډن پوري ټولو برياليو کسانو په ژوند کي ملا ماتونکي ماتي خوړلي، له ځمکي وهل سوي. خو بيرته د بريا اسمان ته هم ختلي.

تر يو ويالې هغه څوک ښه غورځېدلای سي چي څو قدمه شاته ولاړ سي او بيا په منډه را وځغلي. همداسي ئې فرض کړه چي ژوند وياله ده او ته تر غورځې.

د بريا په لټه سه، د بريا لار دي و مومه. دا ژوند لنډ دئ. کله کله مو بيخي نژدې دوستان هم لاس نه راکوي، خو کله کله مو بيګانه خلک په غېږ کي نيسي.

الله ته سر ټيټ کړه، عاجزي ته غېږه ور کړه او په خپل ځان کي وګوره چي کومي ځانګړتياوي او وړتياوي لرې. له هغو کار واخله او د بريا لار تعقيب کړه. هغومره به کلک کېږې او پخېږې، څومره چي وهل کېږې.

له غرور سره مخه ښه وکړه او هرچاته د مرستي لاس اوږد کړه، که ئې کومک درسره وکړ، نو احسان ئې ومنه او که ئې مخ واړاوه، نو پر ځان ئې بده مه ګڼه.
دا ټول ژوند همداسي کيږي او بريا موندل کيږي
#د_متوکل_یاداښتونه