Imala daandii dheeraaf
Waan qaban galaa godhatuu
Firiin ga'ee hammachuufis
Barii ka'anii qotatuu
Gaaffii maafan dhaladhee?
Tooftaa shallaggiin furuutii
Filannoon biraas hin jiruu
Dirqama lubbuun turuutii
Takko lama jedhanii
Kumaaf kitila lakkaa'uu
Ifaajanii yoo hojjatan
Shakkii malee milkaa'uu
Qananiin biyya lafaa
Aarsaa kaffallaan dhufaa
Ta'uu baannaan beeloftee
Mannis sirratti kufaa
Garbaaf galaana ce'uuf
Bidiruuf doonii yaabbatuu
Gaaddisa egeree taa'uuf
Har'a biqiltuu dhaabbatuu
Xiqqaaf guddaa hin qabuu
Hojiin hunduu kabajaa
Gaafa garaan beelofte
Sammuunuu nu ajajaa
Mootummaa komachuu taanaan
Teenyee oduu dhimbiibaa
Gaafa kufnee cabnemmoo
Eenyutu nu dhidhiibaa?
Onneen dhiiga raabsiteef
Oliif gad sochoo'amaa
Waanjoo deegaa gatanii
Barri badhaadhan ammaa
Looreeticha noobeelii
Abbichuu qabatanii
Dukkanaa gara ifaa
Amma kan baqatanii walaloowwan miidhagduu argachuuf👉
@legna_gram jion🌹🌴
@mujehabo jion🌹
@jifartvh join🌹
@bashasha jion🌹 godhaa dubbisaa.
