بیتیه غــزل

زړه مــې دومــره وي غــصه درتـه قــسم ده
خو چې اوښکې دي شي توئ ویلي اوبه شم

ستا په سترګو کې دا څه تاثیر دی ګرانه
په یـو دیـد باندې خـمار په بل نشه شم

حـق حـیران شمه ستا حُـسن ته زړګیه
خوله مې خلاصه شي چې تاته په کاته شم

پـه مـا کـې دا یـو عــادت د لېــونـو دی
کـــله کـــله کـړم خـندا کـله غــصه شم

شـم نـاتـوانه سم بـې تابـه بـې اخـتیاره
له ډېـر غـم او درد پر مځکه راچپه شم

عُبَـــــیّدَۀ ظهـــــیر درتـه وایــم زړګــیه
عُبَــیّدَۀ ظهــیر دي تـا نـه صــدقـه شم