غــزل

څـه خـطا شـوې وه له مـا تا ولې داسې وکړل
چې دي پرېښودم یک تنها تا ولې داسې وکړل

زړه دي هیڅ وه نه سوځېده زما په دې معصوم زړګي
چې دي د غم درد کړو اشنا تا ولې داسې وکړل

زما په ژوند دي وکړو بل چاته اظهار د مینې
اې بې وجدانه بې وفا تا ولې داسې وکړل

کړم دي ملګری د ژړا او د آهونو یاره
له ما دي یوړله خندا تا ولې داسې وکړل

وې دي ړندې سترګې که څنګه چې دي وه نه لیده
زما مینه پاکه صفا تا ولې داسې وکړل

عُبَــیّدَۀ ظهــیر لـکه لېــونی ای خــوږه یاره
اوس کړمه ځان سره ژړا تا ولې داسې وکړل