ISHQPARAST
Husnoraga

Vaqtga sig’mayapman,
Baxtga sig’mayapman.
Kattardim – soyamga aylandi osmon.
Ichkarim do’zaxdir, tashqarim do’zax,
Dunyoga o’t yoqdi, buzdi olamni
hali o’ttizga ham kirmagan isyon.

Yondi Qur’onim-ay, bitdi iymonim,
keling, yig’lashaylik,
Shayxi San’onim.
Ko’zi qiblamdir, so’zi – kalimam.
Kelsa bayramdir, kelmasa motam.

Oq qildi pirim, qolmadi sirrim,
Endi o’lim ham go’zal yolg’ondir.
Battar chirmashar qochganim sayin,
Qachon ilakishdi chorasi yo’q dard?
So’nggida jannatga tushmog’im tayin,
Ammo do’zaxda ham chayinmog’im shart.

✍️MehrNoz

@mehrnoz_abbos