Вазорати энергетика ва захираҳои об🇹🇯

МАШҒУЛИЯТИ ОМӮЗИШӢ ДАР САМТИ АНДОЗБАНДӢ

24-уми августи соли 2026, Душанбе. – Дар Вазорати энергетика ва захираҳои оби Ҷумҳурии Тоҷикистон дар мавзуи «Тартиби амалисозии реҷаи махсуси танзим оид ба лоиҳаи озмоишӣ дар самти андозбандии соҳибкорони инфиродӣ» машғулияти омӯзишӣ баргузор гардид.

Дар машғулият кормандони дастгоҳи марказии Вазорат ва намояндагони ниҳодҳои зертобеи он иштирок намуданд.

Зимни омӯзиш мутахассисони Кумитаи андози назди Ҳукумати Ҷумҳурии Тоҷикистон вобаста ба тартиби амалисозии реҷаи махсус рӯнамо пешниҳод намуда, ҷанбаҳои асосии татбиқи низомро мазкур шарҳ доданд.

Дар рафти машғулият иштирокдорон доир ба масъалаҳои марбут ба тартиби истифодаи реҷаи махсуси танзим, талаботи андозбандӣ ва дигар масъалаҳои вобаста ба татбиқи лоиҳаи озмоишӣ мубодилаи афкор намуданд.

✅@mewrtj

Вазири энергетика ва захираҳои оби Ҷумҳурии Тоҷикистон, намояндаи Ҳукумати Ҷумҳурии Тоҷикистон дар ноҳияи Роштқалъа Далер Ҷумъа дар чорабинии Рӯзҳои фарҳангии Вилояти Мухтори Кӯҳистони Бадахшон дар шаҳри Душанбе, ки имрӯз баргузор гардид, иштирок намуд.

Дар доираи ин чорабинии фарҳангӣ дастовардҳои соҳаҳои гуногуни иқтисодию иҷтимоии вилоят ба намоиш гузошта шуд.

Дар намоишгоҳ, аз ҷумла, дастовардҳо ва фаъолияти ҶСК «Помир Энерҷӣ» дар самти таъмини аҳолӣ ва муассисаҳои иҷтимоии вилоят бо неруи барқ муаррифӣ гардиданд.

✅@mewrtj

ҚАДРДОНИИ ФАЪОЛИЯТИ АРЗИШМАНДИ АБДУРАЗЗОҚ ДАВРОНШОЕВ

Дар Вазорати энергетика ва захираҳои оби Ҷумҳурии Тоҷикистон ба муносибати ҷаъмбасти фаъолияти меҳнатии Абдураззоқ Давроншоев, собиқадори соҳаи энергетика, бо иштироки роҳбарияти Вазорат ва кормандон ҷамъомад баргузор гардид.

Зимни чорабинӣ аз фаъолияти бисёрсолаи меҳнатӣ, хизматҳои шоиста ва саҳми арзандаи Абдураззоқ Давроншоев дар рушди соҳаи энергетикаи кишвар ёдоварӣ гардид.

Маврид ба зикр аст, ки Абдуразоқ Давроншоев 48 сол дар соҳаи энергетика фаъолият намуда, дар ин муддат бо донишу таҷрибаи ғанӣ, масъулиятшиносӣ ва муносибати содиқона ба касбу кори худ дар рушди соҳа саҳми назаррас гузоштааст.

Пас аз ба нафақа баромадан, ӯ фаъолияти худро дар Вазорати энергетика ва захираҳои об ҳамчун мушовир идома дода, дар таҳия ва такмили санадҳои меъёрии ҳуқуқии соҳа, истифодаи таҷрибаи андӯхта дар ҳалли масъалаҳои соҳавӣ ва тарбияи кадрҳои ҷавон саҳми босазо гузошт.

✅@mewrtj

☀️⚡️ ХУШХАБАР: НЕРУГОҲИ ОФТОБИИ НОҲИЯИ АШТ АВВАЛИН НЕРУИ БАРҚРО БА ШАБАКА ИНТИҚОЛ ДОД

🔋 Неругоҳи офтобии ноҳияи Ашт ба истеҳсоли аввалин киловатт-соатҳои неруи барқ оғоз намуда, неруи барқи истеҳсолшуда ба шабакаи барқии кишвар интиқол дода шуд.

🌱 Ин рӯйдоди муҳим қадами ҷадид дар самти рушди манбаъҳои барқароршавандаи энергия, афзоиши иқтидорҳои истеҳсолӣ ва таҳкими заминаҳои энергетикии кишвар ба ҳисоб меравад.

🏗 Ёдовар мешавем, ки корҳои сохтмонӣ дар неругоҳ моҳи ноябри соли 2025 оғоз гардида буданд.

🚀 Айни замон, марҳилаи аввали неругоҳ ба истифода шуда, давоми соли ҷорӣ навбатҳои дигари он низ мавриди баҳрабардорӣ қарор мегиранд.

⚡️ Иқтидори неругоҳ – 250 МВт
🔋 Истеҳсоли миёнасолонаи неруи барқ – 435 млн кВт·соат

🤝 Маврид ба зикр аст, ки иншооти мазкур аз ҷониби сармоягузори ватанӣ – ҶДММ «Аён Энерҷӣ» ва паймонкор – ҶСК «Тоҷикгидроэлектромонтаж» бунёд шуда истодааст.

✅@mewrtj