заняткі фізікай

мне нехта расказаў:
"калі пачаць бегчы
пад дажджом,
то змокнеш яшчэ больш".

нешта пра фізіку:
хтукасцьцпаскарэннеадлегласьць
і, што самае балючае, —
час.

калі мы дапусьцім:
думкі майго інфарматара
слушныя,
то трэба стаяць?

але так ты ня толькі "змокнеш яшчэ больш",
а проста не перастанеш мокнуць,
хіба што
дождж перастане.

якісь разумнік,
чытаючы гэта заўважыць,
што трэба проста ісьці,
такая сабе aurea mediocritas.
але як зразумець,
што ты не бяжыш?

атрымоўваецца,
час вымяраецца мной,
адлегласьць заўсёды кімсьці іншым,
а хуткасьць вымяраецца тым,
наколькі ты ўрэшце рэшт
змок.