د افغان مبارزینو عمومي ټولنه❤

دوهمه بڼه
د اسلامي خلافت له نړولو مخکې مرحله
استشراق
دوهمه برخه:
ب): د مسلمانانو په دین علومو او کلتور څیړنې:
استشراق د لومړي ځل لپاره د اووم قرن په لومړیو کې په اندلس کې پیل شو هغه مهال اندلس د صلیبیانو د سختو حملو لاندې وو.
د قشاله پاچا فونس د میشل سکوټ په نوم یو کس راوغوښت او ورته امر یی وکړ تر څو د مسلمانانو په علومو باندې څيړنه وکړي.
سکوټ ځینې راهبان د طلیطلة ښار څنډو ته راوستل او ځینې عربي کتابونه یی فرنګۍ ژبې ته وژباړل.
یاد کتاب د پاریس پوهنتون ته ډالۍ شو.
دوی مختلف عربي کتابونه خپلو ژبو ته وژباړل لکه : طبي، دیني، انجینري، علم فلک او نور......
د دغو کتابونو تدریس د اروپا په مکاتبو او پوهنتونونو کې پیل شو.
مستشرقین او دغه ډله په یوه کار اخته وو. بلکې همکاران وو.
..
تبصره:
د دوی موخه له دې ژباړنې دا وه تر څو زموږ دیني کتابونه خپلو ژبو ته وژباړي. لکه قرآن وژباړي او زده یی کړي تحقیق پری وکړي. او بیا پری انتقاد وکړي.
همداسی تفاسیر همداسی سیرت النبويﷺ همداسی فقه دوی موخه دا وه چې پرې تحقیق وکړي او بیا پری اعتراض وکړي او ځینې په اسلام شکي کړي او ځینې له د منعه کړي چې پام کوه مسلمان نشې.
د عصري علومو کتابونه یی ځکه وژباړل تر څو زموږ په اختراعاتو پوه شي او دغه اختراعات له موږ غلا کړي.
لکه: د انسان د پرواز نظریه عباس بن فرناس مسلمان اندلسي عالم ورکړه خو په نړیواله سطحه دا نظریه د رایټ وروڼو په نامه ثبت شوې. او مسلمانانو ته دا وښیې چې له ظهور تر اوسه څه اختراعات نلري.



عمري



الرعـٰٖٖٖٖٖٜ۬ـٰٰٖٖٖٖٜ۬ـٰٰٰٖٖٖٜ۬ـٰٰٰٰٖٖٜ۬ـٰٰٰٰٰٖٜ۬د خپرندویـٰٖٖٖٖٖٜ۬ـٰٰٖٖٖٖٜ۬ـٰٰٰٖٖٖٜ۬ـٰٰٰٰٖٖٜ۬ـٰٰٰٰٰٖٜ۬ه اداره


.

*‏خپل عمل د لارې مل دی!*

*د یوۀ غریب سړي مېرمنې کوچ جوړول. خاوند به یې هغه پۀ ښار کې پر یوۀ هټۍ وال "دوکاندار" پلورل. مېرمنې به یې تل یو ـ یو کیلو کوچ تیارول.*
*یوه ورځ دوکاندار د کوچو پۀ وزن شکمن شو. ویې تلل؛ "۹۰۰ګرامه" وو. ډېر غوسه شو. سړي ته یې وویل. نور نه غواړم لۀ تا کوچ وپېرم. تا "۹۰۰ګرامه" کوچ د یو کیلو پۀ نوم راباندې خرڅ کړي دي.*
*سړي ځواب ورکړ: موږ یوه کیلويي تیږه نۀ لرو. لۀ تا مو یوه کیلو ګوړه واخیسته. لۀ هماغې ګوړې سره یې تلو او پر تا يې پلورو.*

✨♥️ ✨♥️ ✨♥️

د اسلامي خلافت نړیدو سره د غمونو او غربي دسیسو مخه خلاصه شوه.
په یاد ولری چی هر څومره هم خلافت ضعیف شي خو بیا به هم د کفارو په سترګو کی یو ازغۍ وي.
عثماني خلافت در یاد کړی!

دوهمه بڼه
له اسلامي خلافت د نړولو مخکې مرحله
استشراق
لومړۍ برخه:
صلیبیان چې کله پوه شول چې نور د دوی فوځي جنګ دوی ته ګټه نه شي کولی. نو عقیدتي او فکري جنګ یې پیل کړ چی استشراق او تبشیر دي.
موږ او تاسو به استشراق په څو مرحلو کې ولولو.
الف): د اسلام پر وړاندې علمي تعصب
صلیبیان چې کله په فوځي لحاظ ناکام شول. نو د اسلام په اړه یې لیکنو ته مخه کړه. قلم امانت سره خیانت وکړ او قصدا یې دا لار غوره کړه.
دوی به ویل: قرآن مبارک د الله تعالی لخوا ندی نازل شوی بلکې محمد ﷺ لیکلۍ دی! العیاذ بالله
نو محمد ﷺ خو بی تعلیمه وو هغه څنګه داسې کتاب لیکلی شي؟
حال دا چې قرآن په دی سل هاوو کلونو کې چا تحریف نه کړای شو او نه یی یو حرف ور بدل کړی شو.
فرانسوي ډاکټر موریس بوکای: شل کاله یی په قرآن تحقیق وکړ تر څو په قرآن کې غلطي پیدا کړي.
آخر یی اعتراف وکړ او ویې ویل چی دا د رب العلمین کتاب دی. داسی کتاب چې د عصري علومو سره موافق دی.
نو د دوی دا دعوا چې قرآن زموږ نبي ﷺ لیکلۍ دی. رد شوه.


عمري



الرعـٰٖٖٖٖٖٜ۬ـٰٰٖٖٖٖٜ۬ـٰٰٰٖٖٖٜ۬ـٰٰٰٰٖٖٜ۬ـٰٰٰٰٰٖٜ۬د خپرندویـٰٖٖٖٖٖٜ۬ـٰٰٖٖٖٖٜ۬ـٰٰٰٖٖٖٜ۬ـٰٰٰٰٖٖٜ۬ـٰٰٰٰٰٖٜ۬ه اداره


.

له پاکستانه د راستنېدونکو هېوادوالو داسې هرکلی وکړئ لکه د مدینې منورې انصارو د مکې مکرمې د مهاجرو کړی و.

موسیقي په اسلام او ساینس کي (۲)
لیکنه او څېړنه: عبدالغفار جُبیر
ماولی داڅېړنه وکړل؟
داچي کفري نړۍ پر مسلمانانو علاوه له فوځي، اقتصادي، سیاسي یرغل څخه فکري يرغل هم کوي، نو ځکه دوی کوښښ کوي چي داسي ډلې او اشخاص تربیه او پیدا کاندي چي په اسلامي امت کي اختلافات پیدا کړي، مسلمانان پخپلو عقائدو او نصوصو کي شکمن و ساتي، خپل شبهات څرګند کړي تر څو ځوان قشر ګمراه او د هدایت د ښکلې لارې څخه و دوږخ ته سوق کړي نو ځکه یو د هغو فتنو څخه د مستشرقینو ډله ده چي تل حلال ته حرام او حرام ته د حلالو نسبت کوي، لکه دوی چي وايي چي (موسیقي په اسلام کي د روح غذا او حرامه نه ده) العیاذ بالله.
مستشرقين څوک دي؟
مستشرق د باب استفعال د استشراق د اسم فاعل صیغه ده، چي (س) او (ت) د مبالغې لپاره پکښې ده، چي لغوي معنا یې ده ( ښه رڼا حاصلونکي) او په اصطلاح کي مستشرقین هغه عیسايی راهبان دي چي په اسلامي علومو کي یې پوره مهارت حاصل کړیدی او اصل موخه یې داده چي په اسلام کي شکوک او شبهات پیدا کړي او پر اسلام باندي بې ځایه اعتراضات وکړي.
ٖپه منظم ډول سره د استشراق په نامه دا مکتب د ۱۸ میلادي پېړۍ په پای را څرګند سو، چي د بریتانکا د دائرة المعارف په آند چي لومړی مستشرق پروفیسر جي اې ویلیم وو (۱۸۱۱- ۱۸۵۲ م) ، چي دا لړۍ اوس روانه ده، چي دوی ددې لپاره پوره نړیوال کورسونه او پوهنتونونه لري.
داچي دوی د تاریخ په اوږدو کي هر ځای د ( ﷻ په پوره فضل سره د جنګ په میدان کي ماتې خوړلې ده نو ځکه دوی دغه فکري محاذ خلاص کړئ، تر څو ددې محاذ د لارې څه لاسته راوړي، دغه مستشرقین په احادیثو کي تخصص کوي او بیا پر احادیثو باندي اعتراضونه کوي، دوی په تفاسیرو کي تخصص کوي او بیا پر تفسیرو باندي اعتراضونه کوي،دوی په فقه شریفه کي تخصص کوي او بیا پر فقه شریفه باندي اعتراضونه کوي، دوی په سیرت النبی کي تخصص کوي او بیا پر سیرت النبی باندي اعتراضونه کوي او داسي نور...
دوی ډېر متعصب او سپین سترګې اشخاص دي و ماته د قرآنکریم دغه مبارک ایات رایاد سي: (قَدْ بَدَتِ ٱلْبَغْضَآءُ مِنْ أَفْوَٰهِهِمْ وَمَا تُخْفِى صُدُورُهُمْ أَكْبَرُ )ـ سورت آل عمران: ۱۱۸
ژباړه: د هغو د زړه دښمني له خولې څخه راوځي او څه چي هغوی پخپلو سینو کي پټ ساتلي دي هغه له دې څخه زیات دي.
دوی به تر قیامته پوري پوره کوښښ کوي چي د اسلام مبارک دین له منځه یوسي خو دا د دوی د توان کار نه دی بلکي دوی به له منځه ځي، ( رب العزت فرمايي: يُرِيدُونَ لِيُطْفِـُٔوا نُورَ ٱللَّهِ بِأَفْوَٰهِهِمْ وَٱللَّهُ مُتِمُّ نُورِهِۦ وَلَوْ كَرِهَ ٱلْكَٰفِرُونَ (سورت الصف: ۸)
ژباړه: دوی د خولو په پوکيو سره د ( د رڼا مړه کول غواړي او د ( فیصله داده چي چي هغه خپله رڼا بشپړه خوره کړي که د کافرانو دا هر څومره بده ايسي هم.
د نړۍ څو مشهوره مستشرقين:
درمنګم، نولدکې، تامس کارلائل، بلاشیر جیفری، ګولډزیهر، ګریم، ګب، ټسډال، الحداد، هوبرټ ګریم، ګریم کس، ګستاؤلیبان، ویلز، کلیمنټ، وارټ، پروفیسر تور آندرې، کازانوا، ډاکتر منجانا او داسي نور...
دغو مستشرقین پر اسلام باندي مختلف اعتراضونه کړیدي، د بیلګي په ډول سره: قرآنکریم د خدای کلام نه دی، دا ځکه یو مستشرق وايي چي محمد ﷺ دغه قرآنکریم له زید بن حارثه څخه زده کړ(العیاذ بالله)، بل مستشرق وايي چي له ورقه بن نوفل څخه یې زده کړ، بل مستشرق وايي چي له شاعر امیه بن ابی الصلت د شعرو څخه یې را اخستی دی، بل مستشرق وايي چي د امرؤ القیس د شعرو ټولګه ده، ځیني وايي چي قرآنکریم له تورات او انجیل څخه اخیستل سویدی . (العیاذ بالله ) (مجلة العالم الاسلامی اکتوبر ۱۹۵۵)
همداسي دوی په لکونو احمقانه، د تعصب او حسد څخه ډک اعتراضات پر اسلام باندي کړیدي، چي ځیني به زما په راتلونکي کتاب (سالم فکر وکړئ) کي به ځواب سي. او همدارنګه به د مستشرقینو په هکله بشپړ معلومات پکښې وي. ان شاء الله
دغو مستشرقینو بیا په اسلامي نړۍ کي ځنیي داسي مشهورې څهرې د مادیاتو په مقابل کي استخدام کړیدي چي په نامه مسلمانان بیا دغه د مستشرقینو دنده و سرته رسوي، لکه غلام احمد پرویز، غلام احمد قادیانی، جاوید احمد غامدی چي مطلق له مبارکو احادیثو څخه منکره دي، مولانا وحیدالدین زمان خان هم له ډیرو احایثو څخه منکره دی، چي ما د وحیدالدین او جاوید احمد غامدی د شبهات رد کړی او علمي ځواب مي په تفصیل سره زما په چاپ سوي کتاب (نړیوال سوالونه ځوابونه) کي ورکړیدی، د غلام احمدپرویز ډله (پرویزان) وايي چي موږ صرف قرآن منو او احادیث نه منو، جاوید احمد غامدی وايي چي قرآن منم او په احادیثو کومه عقیده نه ثابتیږي.
نور بیا...

د ارام او هوساينې ستر دښمن وزګارتيا او بيکاري ده !

لومړۍ بڼه
د اسلامي خلافت له نړولو مخکې مرحله
صلیبي جګړې
څلورمه برخه:
د صلیبي جګړو لنډه یادونه:
صلیبي جګړې لکه پورته مو چې وویل د اروپا د مسیحي کلیساوو په لمسون د مسلمانانو پر ضد په کال ١٠٩٧ م پیل شوې او تقریبا ١٩٦ کاله یی دوام وکړ، صلیبي جګړې ځکه ورته وایې چې د مسیحي فوځیانو په خولۍ، بیرغ او سینه صلیب نښه موجوده وه.
صلیبي جګړې د څلورو اهدافو لپاره پیل شوې وې:
١- د مسلمانانو څخه د اروپا زړه بیرته اخیستل ځکه مسلمانان د اروپا په مهمو برخو لکه: هسپانیه، پرتګال او د فرانسې جنوبي برخه باندې واکمن وو. صلیبيانو غوښتل له مسلمانانو څخه په اسلامي ختیځ کې انتقام واخلي.
٢- د مسلمانانو څخه د بیت المقدس بیرته اخیستل ځکه هغوی په وړاندې یې مقام داسې وو لکه موږ ته مکه.
٣- په اروپا کې اسلامي تمدن په چټکۍ سره د پراختیا په حال کې وو، دوی غوښتل د اسلام د پراختیا مخه ونیسي او پر ځای یی مسیحیت ته دعوت پیل کړي.
٤- هغه وخت د دوی اقتصاد ضعیف شوی وو، دوی غوښتل د مسلمانانو په لوټلو سره خپل اقتصاد قوي کړي. لکه نن موږ ګورو چې کفار د مسلمانانو د هیوادونو په اشغال کولو سره د هغوی معدنیات غلا کړي او خپل اقتصاد پرې قوي کړي.
او همدارنګه په صلیبي جګړو کې صلیبیانو زیات وحشتونه ترسره کړل: کله چې بیت المقدس ته ننوتل له ٧٠ زره تر ١ لک مسلمانان یی شهیدان کړل، تاریخ کې دا خبر ثبت ده، چې د دی قتل عام وروسته د صلیبي فوځیانو آسونه تر سینو په وینو کې ډوب ول.
کله چې امریکا په عراق او افغانستان حمله وکړه نو په ښکاره یی دا جګړه صلیبي اعلان کړه.
او کله چې صلیبیان په دې وپوهیدل چې موږ نشو کولئ په عسکري جنګ کې د مسلمانانو مقابله وکړو، نو د هغوی د عقیدې او فکر سره یی جګړه پیل کړه او اوس دا صلیبي جنګ دوهمې مرحلې ته داخل شو چې هغه استشراق او تبشیر ټولنیز بدلونونه دي.


عمري


الرعـٰٖٖٖٖٖٜ۬ـٰٰٖٖٖٖٜ۬ـٰٰٰٖٖٖٜ۬ـٰٰٰٰٖٖٜ۬ـٰٰٰٰٰٖٜ۬د خپرندویـٰٖٖٖٖٖٜ۬ـٰٰٖٖٖٖٜ۬ـٰٰٰٖٖٖٜ۬ـٰٰٰٰٖٖٜ۬ـٰٰٰٰٰٖٜ۬ه اداره


.

موسیقي په اسلام او ساینس کي (۱)
لیکنه او څېړنه: عبدالغفار جُبیر
الحمدلله ثم الحمدلله چي ددې ښکلې لړۍ (اسلام او ساینس) دغه اووم
کتاب دی چي چاپیږي، له دې کتاب څخه مخکي (اسلام او نوي ساینسي څېړنې ۱، ۲، ۳، ۴) چاپ سویدي، علاوه (روژه په اسلام او ساینس کي، حجاب په اسلام او ساینس کي) هم چاپ سویدي.
دا چي د اسلام دوښمنان پر اسلام باندي اعتراضونه کوي او خپل باطل شبهات ښکاره کوي، له همدې کبله موږ کلک هوډ کړیدی چي د دوی دا شوم اهداف په نطفه کي خنثی کړو، او ځواب یې هم په نقل او هم په عقل سره ورکړو، نو ځکه موږ کوښښ کوو چي په داسی مسائلو کي له قرآنکریم، احادیث نبویه او اوسني ساینس کي څخه په استفادې حق روښانه او باطل له منځ یوسو او امت مسلمه ته دا جوته کړو، چي په اسلام کي چي کوم شی حلال دی هغه له اُخروي ګټو سره – سره دُنیوي ګټې او نېکمرغۍ هم لري او هغه څه چي په اسلام کي حرام دي هغه له اُخروي تاوانو سره – سره دُنیوي نقصانونه او مشکلات هم لري، په اسلام کي هیڅ داسي حکم نسته چي د حلت په صورت بې ګټې وي او د حرمت په صورت کي بې تاوانه وي، دا ځکه چي اسلام د ژوند یوه بشپړ ضابطه او د فطري شریعت سره سمه یوه درسته او مستقیمه تګلاره او مسیر دی.
د اسلام سره د فکري جګړې په ډګر کي په ځانګړي ډول سره مستشرقین، ملحدین، سیکولران، هیومنستان، فیمنستان او نور... دا کوښښ کوي چي د اسلامي امت د ځوان قشر دماغ ته په اسلام کي د شبهاتو او شکوکو سافټویر انسټال کړي، تور ورته سپین او سپین ورته تور ښکاره کړي، نو ځکه دغه د اسلام دوښمنان د اسلامي امت د ځوان نسل په ذهنو کي داسي زهرجن شبهات داخلوي، چي د دوی د ګمراهۍ او هلاکت سبب ګرځي.
داچي دا کتاب صرف (موسیقي په اسلام او ساینس کي) ده نو ځکه په دې کتاب کي موږ کوښښ کړیدی چي د موسیقۍ حرمت په قرآنکریم، مبارکو بې شمېرو احادیثو ، د فقهاء په اقوالو کي ثابت کړو، علاوه له دې څخه په دې کتاب کي د موسیقۍ ناوړه روحي او جسماني نقصانات په اوسني ساینس کي هم ورسره یو ځای سویدي.
لوی خدای ﷻ دي وکړي چي دغه کوچنی کتاب د اسلامي امت په ځانګړي ډول سره د افغاني ټولنې د ځوان قشر لپاره یو لارښود او د هغو اشخاصو لپاره چي د اسلام د دوښمنانو تر اغیزو لاندي راغلي وي د هغوی لپاره د هدایت سبب وګرځي. امین
غوښتنه:
د قلم د څښتنانو څخه مي لطفاً دا هیله ده چي دا کتاب و نورو ژبو ته و ژباړې، خپور یې کړي ، تر څو زموږ لپاره خیر جاري او ددوی لپاره د آخرت پوره توښه وګرځي.
نور بیا...