New life 😊

"አንዲት ህፃን ቢንቢ የመጀመሪያውን በረራዋን አድርጋ ስትመለስ አባቷ እንዴት ነበር? ብሎ ይጠይቃታል


እሷም "ፐ! በጣም አሪፍ ነበር። በተለይ የህዝቡ አቀባበል ልዩ ነበር በሄድኩበት ሁላ በጭብጨባ ተቀብለው በጭብጨባ ነው የሸኙኝ" አለች ይባላል።


👉ሰው ላንተ ክፉ ቢያስብም ቀና ቀናውን ከማሰብ አትቦዝን መልዕክቴ ነው።



መልካም ምሽት!

https://t.me/New_life_20

🤔አስብ እንደ በሳል😉
፨፨፨፨፨፨፨፨፨፨፨
በተራ ቁሳቁስ....
መውደዴን መዝነህ ማፍቀሬን ገምግመህ
አቶደኝም ብለህ በልብህ ደምድመህ...🙊
በጥሪ ጋጋታ 📞በቴክስት🤳 ብዛት...
የሚቻል ይመስል ኩሩ ልብን መግዛት
.
እሱ አለልኝ ብዬ ባንተ ላይ ስመካ😇
በጥቃቅን ነገር መውደዴን አትለካ🙅‍♀
ስለምንህ ውዴ አስብ እንደበሳል....
ላይገናኙ ማውራት ናፍቆት ያባብሳል🤗

✨Join & Share✨

https://t.me/New_life_20

💓💓💓💓💓ሞሮ💓💓💓💓💓
💓💓💓💓 ክፍል 35 💓💓💓💓
ፀሃፊ ረምሃይ

መቀመጫ ቦታ ፍለጋ ወደያ ወዲህ ስትዞር ከኛ ጋር ተገጣጠምን ልክ ስታየኝ ናዲ....! ብላ እየጮኀች እኛ ወደተቀመጥንበት ቦታ ሮጣ መጥታ ተጠመጠመችብኝ ሰሙንና ኪዩንም ሞቅ አድርጋ ሰላም አለቻቸውና ወዲያው ወደኔ ዞራ አንተ.... እንዴት ነው ያማረብህ በናትህ በጣም ወፍረሃል ቀልተሃል ደግሞ አረ... የምር ናዲዬ ደስ ይላል በጣም ሸበላ ቆንጅ...ዬ ሆነሃል አለችኝ እኔም እየሳቅኩ አመሰግናለው አቢ ሰላም ነዋ ተጠፋፋን አልኳት። ምን ተጠፋፋን ትላለህ አንተ ነህ የኮራኀው እንጂ እኔማ ስንት ግዜ ላግኝህ ብዬህ ነበር አለችኝ። እየሳቅኩ አ..ይ ... ምነው ብቻሽን እንዲ ዘንጠሽ አልኳት ውይ ረስቼው አለችኛ ወደኃላ ዞራ ናታን ብላ ራስታውን ልጅ ጠራችው ቀስ እያለ እኛ ወደተቀመጥንበት ቦታ መጣና ሰላም አለን። ኤቤጊያ እየተፍለቀለቀች ከናንተጋ ብንቀመጥ አይደብራችሁም አይደል ያው ቦታም የለም ደሞ አለችኝ ወደ ሰሙና ኪያር እየዞርኩ አየኃቸው ኪያር ምንም አልመሰለውም ሰሙ ግን እንዲው የደበራት መሰለኝ። እንቢ ማለቱ ስለከበደኝ አረ ተቀመጡ ችግር የለውም አልኳት እየተፍለቀለቀች ወንበር ስባ አጠገቤ ተቀመጠች ናታንም ወንበር ስቦ ተቀመጠ እሱም የደበረው ይመስላል።
እኛ ምግብ በልተን ጨርሰን ስለነበር እኔ ሰሙን እንነሳና እጃችንን ታጥበን እንምጣ አልኳት ኤቤጊያ ፈጠን ብላ ና ከኔ ጋር እንሂድ እኛም አሁን ስለምንበላ ልታጠብ አለችኝ ሰምሃልን ዞር ብዬ አየኃት በእጇ እንድሄድ ነገረችኝ እሺ ብያት ተነሳው ኤቤጊያ እጄን ይዛኝ ሄድን። በኔ እቅድ ሰሙን ይዣት ሄጄ ምን እንደደበራት ልጠይቃት ነበር ያሰብኩት ግን አልተሳካም። እጃችንን እየታጠብን እያለ ወደ መስታወቱ እያየች ናዲ ግን ምን አጊንተህ ነው እንዲ ያማረብህ ቆይ የእውነት በጣም ነው ያማረብህ አለችኝ እየተገረምኩ አመሰግናለው አልኳት ራሴን በመስታወቱ አየሁት አምና የነበረው ለመሞት አንድ ሃሙስ የቀረው ናኦድ አልነበረም። በመስታወቱ ራሴን ትክ ብዬ እያየሁት እያለ ኤቤጊያ ወደታች ስባኝ ጉንጬን ግጥም አድርጋ ሳመችኝ እየሳቅኩ ምን ተገኘ ስላት እንዲው... ናፍቀኀኝ ስለነበር ነው የዛኔ ከግቢ ስመጣ የተገናኘን እኮ ነው አልናፈቅኩህም ኣለችኝ። አረ እንሂድ እየጠበቁን ነው አልኳት ስንቆይ ሌላ ነገር እንዳያስቡ ብዬ ፈጠን ብዬ ከመታጠቢያው ቀድሚያት ወጣው። ከኃላ ሮጥ ብላ ተከተለችኝ ሄደን ቦታችን ላይ ስንቀመጥ ኪያር እና ናታንን እያወሩ ነበር ተነስ ታጥበን እንምጣ አለውና ተነሳ በእጁ ሰሙ እንድትነሳ ነገራት ታጥባቹ ኑ እኔ ቀጥሎ እሄዳለው አለችው እሺ ብሏት ሄዱ። ቤቱ በሙዚቃ ይናጣል ወደ ሰምሃል ጆሮ ጠጋ ብዬ ምናው ሰሙ ደና አይደለሽም እንዴ የደበረሽ ነገር አለ ኣልኳት። አይ ምንም የለም አለችኝ አነጋገሯ እንደደበራት ይበልጥ ያሳብቅባታል እነኪያር ሲመለሱ እሷ ልትታጠብ ሄደች እሷ እንደሄደች ትንሽ ቆይቼ እኔም ተነሳው ኤቤጊያ እጄን ያዝ አድርጋኝ የት ልትሄድ ነው ናዲ አለችኝ ኣንዴ ሽንትቤት ደርሼ መጣው አልኳትና ሄድኩ። መታጠቢያ ክፍል ውስጥ ስገባ ሱሙ እያለቀሰች ነው ደንግጬ ምነው ሰሙዬ ምን ሆንሽብኝ አልኳት ድምፃን ሳግ እያነቀው ም..ምንም አልሆንኩም አለችኝ አቦ ሰሙ አትደብሪኛ እንዲ እያለቀስሽ አይቼሽ እንዴት ምንም አልሆንኩም ትይኛለሽ አልኳት። መጠጣት እፈልጋለው አለችኝ ምን? አልኳት ያልጠበቅኩት መልስ ስለነበር መ..ጠ..ጣ..ት እፈልጋለውውው አለችኝ ይበልጥ ጮክ ብላ ለምንድነው ምትጠጪው አልኳት በቃ ዝምብለህ ውሰደኝ ናዲ መጠጣት ነው ያማረኝ አለችኝ። እሺ ወስድሻለው ግን ቅድም ኪያርም ኦቫር መውጣት እፈልጋለው ስላለኝ እሱንም እንጠብቀውና አብረን እንሂድ አልኳት እሺ... እልላችኝና እንባዋን በሶፍት ጠራርጋ የተበላሸው ፊቷን አስተካክላ ወጣን። ቦታችን ላይ ስንቀ መጥ ኪያር እያጣደፈ እሺ አኖቭርም አለ ወደኔ አፍጦ እያየ ኤቤጊያ ቀበል አድርጋው ዉዉዉ.... ልቶቭሩ ነው ደስ ሲል እኔም የሌለ መጨበስ አምሮኛል አለችን ሁላችንንም እየሳቀች እያየች። እነኤቤጊያ እራት በልተው ከጨረሱ በኃላ ሁላችንም ተነሳን ወደ ኪያር ጠጋ ብዬ ሰሙ የሆነ ነገር ደብሯቷል እና እኔም አንተም በደምብ እንጠብቃት እሺ አልኩት እሺ ብሎኝ ኣምስታችንም ኮንትራት ባጃጅ ውስጥ ጥብቅብቅ ብለን ገብተን ወደ መብራት ሃይል ሄድን። ቬጋስ ክለብ ገባን ወዲያው ኪያርና ኤቤጊያ ተነስተው መጨፈር ጀመሩ እኔ ሰሙ እና ናታን መጠጥ አዘን ቀስ እያልን ስንጠጣ ሰሙ በፍጥነት የመጣውን ሶስት ደብል ጂን ሻት በአንዴ ዥው አድርጋ ላፈችው አረ ስሙ ተረጋጊ ገና እኮ ነው አልኳት ዝም ብላ አየችኝና ሌላ ጂን አዘዘች። ኪያር እና አቢጊ እየጠጡ ይጨፍራሉ ሶስታችን እነሱን እያየን እንሳሳቃለን በመሃል አቢጊ እኔን እየጎተተች ወደ ውስጥ አስገብታኝ መደነስ ጀመርን አንድ ሶስት ዘፈን ከጨፈርን በኃላ ስለደከመኝ ልቀመጥ ወደቦታዬ ስመለስ አቢጊ እእጄን ያዝ አደረገችኝና አንዴ ውጪ ደርሰን እንምጣ ንፋስ እንቀበል ጥሩ ስሜት እየተሰማኝ አይደለም አለችኝ እሺ አልኳትና ለሰሙ በእጄ ምልክት ሰጥቻት ይዣት ወጣው። ልክ በሩ ጋር ደርሰን ትንሽ ንፋስ ከተቀበለች በኃላ ከአንገቷ ቀና አድርጊያት እንዴት ነሽ አሁን ትንሽ አልተሻለሽም አልኳት። ኤቢጊያ በፍጥነት ናዲ የዛኔ ቤርጎ አብረኀኝ ካደርክ ቀን ጀምሮ ስላንተ ማሰብ አላቆምኩም ወድጄሃልው ብላ ከንፈሬን ግጥም አድርጋ ሳመችኝ ሞቅታውም ስለነበት ትንሽ እንደተሳሳምን ራሴን ተቆጣጥሬ ገፋኃትና ምን እየሆንሽ ነው ብዬ ጮኬባት ስዞር ሰምሃል በእጃ ቢራ እንደያዘች ደረጃው ላይ ሆና ሁሉንም ነገር እያየች ነበር።

ይቀጥላል....

https://t.me/New_life_20

https://t.me/New_life_20

💓💓💓💓💓ሞሮ 💓💓💓💓💓
💓💓💓💓 ክፍል 34 💓💓💓💓
ፀሃፊ ረምሃይ

እኔና ኪያር ሰምሃልን የቀጠርንበት ቦታ ቆመን እየጠበቅናት ከርቀት አንዲት ቆንጅዬ ልጅ ስትመጣ ታየን መልኳ በውል አይታይም ብቻ በጣም የሚያምር ቀይ የእራት ልብስ አድርጋለች ንፋሱ ነጣ ያለ ቡኒ ፀጉሯን ያዘናፍለዋል ፍዝዝ ብዬ ቀረው የሆነ የህንድ ፊልም ላይ ያለች ሞዴል መስላ ታየችኝ ኪያር ጎኔን ጎሸም አደረገኝና አረ... እዛጋ እምትመጣውን ቀይ ለባሽ ቺክ እያት አለኝ ሳይታወቀኝ ወይኔ.... አልኩ ድምፅ አውጥቼ ምነው አለኝ ኪያር እንደ ኤቤጊያ እቺንም ልጅ ልወዳት ነው እንዴ አልኩት ኪያር ከት ብሎ ሳቀና አንተ በል ስነስርአት አንተ ደሞ ግቢ ስንገባ የመጀመሪያው ቀን ብቻ ነው እንዴ እማታቃትን ሴት እምታፈቅረው አለኝ። ፍዝዝ ብዬ እእእእ. .. አልኩት ኪያር ቆጣ ብሎ በል በል አሁንማ እንደባለፈው ስትሆን አላይህም በል እንሂድ ብሎ ልጅቷን እንዳላያት ይጎትተኝ ጀመር እየሳቅኩ አረ ልቀቀኝ አንዴ ልያትና እንሄዳለን አልኩ ተይሆንም ጀዝቢቲ እንሂሂ...ድ እያለ ፊቴን አዞረኝና መመለስ ጀመርን ትንሽ እንደሄድን ወደኃላ ስዞር ልጅቷ እጇን ወደኛ አቅጣጫ አውለበለበች ኪዩ አረ እየጠራችን ነው እኛን አልኩት ዞር ብሎ አያት እጇን ወደኛ አቅጣጫ እያውለበለበች ነው ሁለታችንም አከባቢያችንን ገልመጥ ገልመጥ እያለን አየን ከኛ ሌላ ማንም የለም ኪያር እኛን ነው እምትጣራው ብሎ ጠየቀኝ ምንም ሳልለው እስክትመጣ መጠበቅ ጀመርኩ። እየቀረበች ስትመጣ ማንነቷን መለየት ጀርን ኪያር ከት ብሎ ሳቀ ሃ..ሃ..ሃ..ሃ.... ወይኔ ውርደት ናዲ ፎንቃ ሊጠልፍሽ የነበረው ከሰሙ ነበር? ሃ..ሃ... አንተ ደሞ እንዴት አባቷ ናው ያማረባት ፀጉሯ እንዲ አልነበረም አይደል ቅድም ልብ አላልኩትም አለኝ። ሰምሃል መሆኗን ሳቅ ይበልጥ ተሸማቀቅኩ ወይኔ... አልኩ ኪያር እያየኝ ዝም ብሎ ይስቃል ሰሙ ስትደርስ የኪያር ሳቅ እየተጋባባት ምንድነው እሚያስቃችው አለችን እኔም እየሳቅኩ ባክሽ የሆነ ቀልድ ትዝ ብሎን ነው እምንስቀው አልኳት። ምንድነው ከኔም ንገሩኝና ልሳቅ ብላ ጠየቀች ወደኔ እያየች በ ፍጥነት አእምሮዬ ውስጥ ከሰማኃቸው ቀልዶች ማሰላሰል ጀመርኩ ደንግጬ ስለነበር ምንም ሊመጣልኝ አልቻለም ፈጠን ብዬ ባክሽ ይህንን ያክል ከሳቅሽ ይበቃሻል በኃላ ነግርሻለው አልኳት እሺ አለችና ክንዴን ያዘችኝና እንሂድ በቃ አለችን ክንዴን ስትይዘኝ ውጤን የሆነ ነገር ነዘረኝ ይህንን ስሜት ከዚ በፊት አውቀዋለው ውስጤ ተደበላለቀ። ሰሙ እኔና ኪያር መሃል ገብታ የሁለታችንንም ክንድ እንደያዘች ከግቢ መውጣት ጀመርን ልቤ ዝም ብሌ ይደነግጣል ራሴን ምን ሆኜ ነው ብዬ ጠየቅኩ። እየሄድን እያለ ሰሙ ሁለታችንንም ልብ ብላ ከላይ እስከታች አየችንና በጣም ዘንጣቹኃል ናዲ ነጭ ሸሚዝ በበርገንዲ ከረባት ይሄድብሃል ኪዩ ደሞ ሙሉ ጥቁር አሪፍ ምርጫ ነውበጣም አምሮባችኃል የሆነ ትልቅ ፕሮግራም ተጠርታችው ነው የሚመስለው አለችን። ኪያር እየሳቀ ያንቺንስ ማን አየልሽ የሌለ ሽክ ብለሽ የለ እንዴ ደሞ መቼ ነው ፀጉርሽን ቡኒ ያደረግሽው ቅድም እንደዚ ነበር አላት። ቅድም ነው ባክህ እንደዚ ያደረኩት እንዴት ነው ይሄድብኛል? አለችው ፀጉሯን እየነሰነሰች ኪያር እያያት በጣም!! አላት ወዴኔ ዞራ እእእ ናዲ አለችኝ ሰመመን ውስጥ ገብቼ ሰሙና ኪያ ያወሩትን ስላልሰማው ደንግጬ እእእ ምን? አልኳት ይሄድብኛል ወይ እንደዚ ፀጉሬ ወይስ ደስ አላለህም በቃ እንደነበረው አደርገዋለው አለችኝ አረ ያምርብሻል አልኳት።
በሚያምሩት ጥርሶቿ እየተፍለቀለቀች እሺ አለችኝ። ሁሉም ሰው አይኑን እኛ ላይ ጥሏል ሲያልፉ እንደ ድመት አይናቸው ተጋጉሎ እስኪወጣ እያፈጠጡብን ያልፋሉ። እንደለመድነው ከግቢያችን ፊትለፊት ወደ የኃና ሆቴል ገባን እዛ ቁጭ ብለን እራት እየበላን እየተጨዋወትን አመሸን። ኪያር በዚው ኦቨር ካልወጣን ብሎ ጭቅጭቅ እያደረገን ነው። አረ... በናታችው እንደዚ ዘንጠን ከግቢ የወጣነው እዚችው እራት በልተን ልንመለስ ነው እንዴ በዚው get down ከበርቻቻ እንበልበት ይለናል እኔና ሰሙ እየሳቅን አረ.... አይሆንም እንለዋለን እንዲ እየተጨቃጨቅን እያለ ኤቤጊያ ከራስታው ልጅ ጋር ሆና ወደ ሆቴሉ ገባች እሷም በጣም ዘንጣለች።
ይቀጥላል...

https://t.me/New_life_20

https://t.me/New_life_20

💓💓💓💓💓 ሞሮ 💓💓💓💓💓
💓💓💓💓 ክፍል 33 💓💓💓💓
ፀሃፊ ረምሃይ

ኪያር ሰአቱን እያየ አረ ብቃ እንሂድ እዚው ልናድር ነው እንዴ አለን ሳይታወቀን ብዙ ሰአት ቆይተን ነበር። ከአዩ ሆቴል ወጥተን ወደ አዳማ ዩኒቨርስቲ ሄድን ልክ በሩ አከባቢ ስንደርስ መኪናዋን አቆምኳት ልቤ በፍጥነት እየመታ ነበር ጭንቀቴ ለማንም ሰው ያስታውቃል መሪውን ጭምቅ አድርጌ ያዝኩት ሰሙ እጄን እያሻሸች ናዲ ቅድም ያልኩህን አስታውስ አለችኝ እሺ አልኳትና ራሴን ለማረጋጋት ሞከርኩ ቀና ብዬ አከባቢውን አየሁ ምድረ ተማሪ ሻንጣውን እንደያዘ ወደ ግቢ ይተምማል ይወጣል ይገባል በሩ ጋር ጥበቃዎቹ ሻንጣ እየፈተሹ ነው ወከባ በወከባ ነው ቨከን ብዬ መኪናዋን ወደ በሩ አስጠጋውና ሻንጣዎቻችንን ለማስፈተሽ ወጣን። ከ30 ደቂቃ በላይ ከቆምን በኃላ አስፈትሸን ወደ ውስጥ ገባን። መጀመሪያ ሰሙን ወደ ሴቶች ዶርም አደረስናት መንገዱ ላይ ያሉት ሰዎች እንዳለ አይናቸውን ወደኛ ጣሉ ሰዉ ይበልጥ ሲያፈጥብን ልቤ በፍጥነት ይመታ ጀመር ሁሉም ሰው እየሳቅ እንደድሮው ሞሮው ጀዝባው እያለ የሚሳለቅብኝ መሰለኝ ቶሎ ብዬ ሰሙን በቃ ማታ እራት አብረን እንበላለን ቻው ብያት ውስጥ ገባው። እሷም ስለገባት ሳታጨናንቀኝ ቻው ብላኝ ሄደች። ቶሎ ብዬ መኪናዋን አስነስቼ እኔና ኪያር ወደተመደብንበት ዶርም ሄድን።
እኔና ኪያር የዶርማችን ብሎክ ስር መኪናዋን አቁመን ሻንጣዎቻችንን አውርደን ከታች የተመደብንነትን ዶርም ለማየት የተለጠፉት የስም ዝርዝር ላይ ስማችንን ፍለጋ ገባን እንዳጋጣሚ አምና በነበርንበት ነው የተመደብነው ከኪያር ጋር መሆኔ ደስ ቢለኝም ከሱ ውጩ ከአዲስ ስዎች ጋር እንዲደርሰኝ ፈልጌ ነበር። ሻንጣችንን ይዘን ወደ ሁለተኛ ፎቅ አዲሱ ዶርማችን ወጣን። ዶርሙን ከፍተን ስንገባ የዶርማችን ልጄች እየተንጫጩ ነበር እኔን ሱያዩኝ ሁሉም ናዲ.... እያሉ ሞቅ አድርገው ሰላም አሉኝ ኪያርን ረሱት እንዴት ነው? ሰላም ነው? ተጠፋፋን አይደል? በጣም አምሮብሃል ምን አጊንተሽ ነው? እንዴት ነህ ውጪ ያለችው መኪና ያንተ ናት አይደል?.... የጥያቄ መአት አዘነቡ ገረመኝ አምና አንድም ቀን ዞር ብለው ያላዩኝ ልጆች አሁን .... በጣም ተገረምኩና ኪያርን ዞር ብዬ እያየሁት ፈገግ አልኩ አይን ለአይን ተግባብተናል። ኮስተር ብዬ ደህና ነኝ አልኳቸውና ሻንጣዬን ይዤ ገባው አንደኛው ቆይ ላግዝህ ብሎ ሻንጣዬን ሊቀበለኝ ሲል አይ አያስፈልግም ራሴው ማስገባት እችላለው አመሰግናለው አልኩት። እኔና ኪያር ያልተያዘውን ድርብ አልጋ እንደድሮዋችን እኔ ከታች እሱ ከላይ ያዝን። ሻንጣዎቻችንን ከፍተን ለኛ ቅርብ የሆኑት ሎከር ላይ እቃዎቻችንን በስነስረአቱ እያወጣን ደረደርን አልጋችንን አነጠፍን በድሮ ነገር መመለስ ስላልፈለግኩ ሁሉም ያመጣሁት ነገር አዲስ ነው። እኔና ኪያር ይህንን ስናደርግ ሁሉም ዝም ብለው ያዩናል። ደክሞኝ ስለነበር አዲስ ባነጠፍኩት አልጋ ላይ ጋደም አልኩ የልጆቹ ሁኔታ በጣም እያስገረመኝ ነው አምና እንደዛ አይንህን ለአፈር ብለው እንዳልተጠየፉኝ አሁን አለውልህ አለውልህ አሉኝ አወይ ሰው ገራሚ ፍጥረት እንዲህ እንደ እስስት ይቀያየራል።
የተወሰነ ሰአት አሸልቦኝ ከተኛው በኃላ ስነሳ 11፡30 ሆኗል ኪያርን ቀስቅሼው ተነሳ ሰሙ ጋር ደውዬላት እንድንወጣ ነገርኳት ወዲያው ተነስቼ ልብሴን መለባበስ ጀመርኩ ለውጥ የጀመርኩት ከአለባበሴም ጀምሮ ነበር። ነጭ ሸሚዝ በበርገንዲ ክራባት እና በእርሳስ ከለር ሱሪ አደረግኩ ኪያርም እየዘነጠ ነበር። እንዳጋጣሚ ሆኖ ዶርሙ በር ላይ የተለጠፈ መስታወት ስለነበር ራሴን ላይ ሄድኩ መነፅሬን አድርጌ ፍሩዝ ፀጉሬን ሳስተካክል የዶርሜ ልጆዥ እያዩኝ በለው ናዲ... የምር አምሮብሻል ወዴት ልትወጪ ነው እንዲ ሽክ ብለሽ እኛም እንምጣ.. አሉኝ ድሮም እንዲ ናቸው አውቃቸዋለው በከንቱ ውዳሴ ይሸነግላሉ የሆነ ነገር ሲፈልጉ። አይ ይቻልም ፕሮግራም አለብን አልኳቸው ኪያር ና ቶሎ በል አልኩት ከእንደነኚ አይነት አስመሳይ እስስቶች ጋር ደቂቃ መቆየት አልፈለኩም ኪያርን አቻኩዬ አስወጣቼው ሄድን።

ይቀጥላል....

https://t.me/New_life_20

https://t.me/New_life_20

💓💓💓💓💓 ሞሮ 💓💓💓💓💓
💓💓💓💓 ክፍል 32 💓💓💓💓
ፀሃፊ ረምሃይ

ትንሽ ቆመን ካወራን በኃላ ምሳ ሰአት ስለደረሰ እዛው ምሳ እንብላ ተባብለን አዩ ኢንተርናሽናል ሆቴል ገባን። ምግብ አዘን እየተጫወትን ናፍቆታችንን ስንወጣ ምግቡ ቶሎ መጣ ሽታው ያውዳል አይገልፀውም ኪያት ተነሱ ታጥበን እንምጣ አለ እኔና ኪያት ተነሳን ሰሙ እናንተ ደርሳችው ስትመጡ ሄዳለው አለችን ኪያር እየሳቀ አባን ትንስጥሽ በቃ ጀምሪ እኛ እስክንመለስ አላትና ወደኔ ዞረና ሄድን። እጃችንን እየታጠብን ወደኔ ዞሮ እያየ የምር ናዲ የድሮውን ቁመና አመጣኀው አምሮብሃል የሌለ ያ... ጋንጃና ሃሽሽ ነበር የተቃጠለ ጥቁር እንጨት ያስመሰለህ ይህው አሁን ስታቆም እንደድሮህ ሸበላ ሆንክ በዛላይ ቅባት ያሪስ መኪና ይዘሻል በለ...ው ቺኮቹ... ጉዳቸው ፈላ ኤቤጊያ ስታይህማ ራስታውን ከአንዳንድ ትደነግለዋለች አለኝ እየሳቅኩ ባክህ ሙድ አትያዝ አሁን እኔ ለሷ ምንም ስሜት የለኝም ክረምት አንዴ ነው ሁለቴ ተገናኝተን ነበር አልኩት። አፍጦ እያየኝ እና አሁን ነው ምትነግረኝ አለኝ ምንም እሚነገር ነገር አልነበረውማ ተገናኘን አወራን ተለያየን በቃ! ቲሽሽ... አለኝ። ሳናቀው ብዙ ሰአት እጅ መታጠቢያው ጋር የእጃችን ቀለም እስኪለቅ እየታጠብን እንደሆነ ሲገባኝ አረ... እንሂድ ሰሙ እየጠበቀችን ነው አልኩት። ስንመለስ ምንድነው ቆያችው እኮ እያለችን ተነስታ ልትታጠብ ሄደች። ኪያር ሰሙ ተነስታ ስትሄድ ትንሻ ካያት በኃላ ቆይ ግን ለምን ሰሙን አትጠብሳትም አለኝ። ከት ብዬ ሳቅኩበት ሰሙ በጣም ጥሩ ልጅ ናት በዛ ላይ ፈሪሃ እግዚያብሄር ያላት አስተዋይ ሴት በሁን ሰአት እንደሷ አይነት ሴት ማግኘት ከባድ ነው ማንም ወንድ እሷን ቢያገኛት እድለኛ ነው አልኩት ኪያር እየሳቀ አሃ... አሁን ደሞ ከሰሙ ፎንቃ ጠለፈሽ አለኝ። ሃ..ሃ..ሃ... አረ... ከሰሙ ጋር አንድም ቀን ስለ ፍቅር ምናምን አውርተን ራሱ አናውቅም ሲቀጥል ደግሞ እኔ ብወዳት እንኳን ጥቅም የለውም እሷ ሌላ እምታፈቅረው ሰው አላት አፍቅሮ ማጣት ትልቅ ጉዳት ነው ይህንን እኔ አውቃለው እሷም አፍቅራ ያጣች ናት አሁንም እምታፈቅረው ሰው አላት አልኩት ሰሙ ኬት እንደመጣች ሳናያት ማናት እምታፈቅረው ሰው ያላት አለችን ፈገግ እያለች አቤት... እንዴት እንደደነገጥኩ እየተንተባተብኩ የኪያር እህት አልኳት ከት ብላ እየሳቀች ኪያር እህት አለው እንዴ አለችኝ ማ..ማለቴ ያጎቱ ልጅ ናት ያው
እንደእህቱ ስለሚያያት ነው አልኳት። ተቀመጠችና ምግቡን አንድ ላይ ዘመትንበት።
በልተን ከጨረስን በኃላ ጥርሳችንን በስቴኪኒ እየጎጠጎጥን ማውራት ጀመርን። እኔ ግን ትንሽ እያስፈራኝ ነው ወደዛ ግቢ መመለስ ሰዉ አሁንም እሚስቅብኝ እሚሳለቅብኝ ነው የሚመስለኝ አልኳቸው ውስጤ የነበረውን ፍርሃት እና ጭንቀት አውጥቼ ። ናዲ ምንም እሚያስፈራ ነገር የለም አሁን ሁሉንም ነገር አስተካክለኃል ለራስህ ክብር ይኑርህ ያኔ የራስክን ክብር አዋርደህ እንዴት ሌላው ሰው እንዲያከብርህ ትፈልጋለህ ያ ያለፈ ታሪክ ነው ምንም እሚስፈራ ነገር የለም አንድ አባባል አለች ደስ እምትለኝ ካንተ ጋር በጣም እምትሄድ ናት "አንተ ስትወድቅ እውነተኛ ጓደኞችህ ማን እንደሆኑ ታውቃለህ፤ ከወደቅክበት ስትነሳ ደግሞ ጓደኞቼ ያልካቸው አስመሳዬች እውነት አንተ ማን እንደሆንክ ያውቃሉ" ላንተ ታሪክ ምርጥ አባባል ነው። አሁን ከወደቅክበት ተነስተሃል ያኔ የሰደቡህ የገፉህ ሰዎች አሁን ሲያዩህ በሰሩት ስራ ያፍራሉ አንተ ደግሞ በወደቅክበት ግዜ ትክክለኛ ጓደኞችህን ለይተህ ኣውቀህበታል አለችኝ። ሰሙ እኔ ባላየሁበት ልዩ መንገድ ነበር ያየችው ታስገርመኛለች ፍርሃቴን እንዳለ አውጥቼ ጣልኩት በራሴ ተማመንኩ ጓደኜቼ ማን እንደሆኑ ለይቼ አውቂያለው።
ይቀጥላል...

https://t.me/New_life_20

https://t.me/New_life_20

💓💓💓💓💓ሞሮ 💓💓💓💓💓
💓💓💓💓 ክፍል 31 💓💓💓💓
ፀሃፊ ረምሃይ

ወይ...ኔ ጉዴ እንዴት እምታምር መኪና ነች አለች እህቴ እኔ በደስታ መኪናዋን ከፍቼ አያታለው አባቴና እናቴ የውጪው በር ላይ ቆመው እየተሳሳቁ ያዩናል። ለረጅም ሰአት ተደስቼ ሳበቃ መኪናዋን ወደቤት ካስገባዋት በኃላ አባቴ ባለፋው አመት ብዙ ነገር እንዳሳለፍክ አውቃለው አንተ ባትነግረኝም ሰምሃል እየነገረችኝ ነበር ሁሉንም ነገር አሁን እንዳስተካከልክ አምናለው በዛ ላይ እኔን ቢሮ ብዙ ስራ እያገዝከኝ ነበር ስራ አቃለህልኛል ለዛ ነው ይህንን መኪና የሸለምኩህ ናኦድ! አሁን ትልቅ ልጅ ነህ በህይወትህ እምታደርጋቸው ማንኛውም ነገሮች አፀፋዊ መልስ አላቸው በጥሩም ሆነ በመጥፎ ጎን ጎበዝ ልጅ ነህ ሁሉንም ነገር በማስተዋል አድርግ አለኝ።
ጠዋት አረፋፍጄ ቁርስ ከበላው በኃላ ማታ ያዘጋጀሁትን ሻንጣ አዲሷ መኪናዬ ውስጥ ከትቼ ቤተሰቦቼን ተሰናብቼ ሄድኩ። የሰምሃል ሰፈር ሜክሲኮ አከባቢ ስለነበር መኪናዬን እየዘወርኩ ወደ ሜክሲኮ ሽምጥ ጋለብኩ። እነሰምሃል ሰፈር ስደርስ እንድትወጣ ዳወልኩላት። ትንሽ ቆይታ ከታላቅ እህቷ ጋር ትልቅ ጥቁር ሻንጣ ተሸክመው ወጡ በስፔኪዬ ወደኃላ እያየኃቸው ነበር ሻንጣውን እንደያዙ የአባቴን መኪና በአይናቸው መፈለግ ጀመሩ ኣውቄ ዝም አልኳቸው ትንሽ ቆይታ ደወለች አንስቼ ወዬ አልኳት የቱጋ ናችሁ አለችኝ ቢጫ ያሪስ አይታይሽም አልኳት። ውይ.. አባትህ መኪና ቀይሮ ነው እንዴ ብላ ወደመኪናው አቅጣጫ መጡ ከመኪናው ወጥቼ ላግዛቸው ሄድኩ ሻንጣውን በእህቷ በኩል ተቀብያት መኪናው ውስጥ አስገባነው ፋዘር የሉም እንዴ አለዥኝ ወደ ጋቢናው እያየች አው አልመጣም እላታለው እንላዬ ላይ ጥምጥም አለ እየሳቅኩ ምነው አልኳት እህህ.. አባትህ ያሉ መስሌኝ ነዋ ዝም ያልኩህ ናፍቀኀኛል ናዲዬ አለችኝና ወደ እህቷ እየዞረች ተዋወቃት እህቴ ናት መቼስ በፎቶ ታቃታለህ አለችኝ ፈገግ ብዬ ሰላም ነው አልኳት እሷም ፈገግታዬን በፈገግታ እየመለሰች ሰላም ነው ናኦድ እንዴት ነህ ርሻን እባላለው። ሰላም ነኝ ስምሽ ደስ ይላል አልኳት ትንሽ ሳቅ ብላ እየተሽኮረመመች አመሰግናለው አለችኝና ሰሙን እያየች እቺን ልጅ ምን አስነክተሃት ነው ቆይ ሁሌ ናዲ ናዲ ናኦድ ስትውል ነው ምትውለው አለችኝ ሰምሃል እያፈረች አንቺ በይ ሂጂ በቃ ፀሃይ ላይ አታስቁሚን እንሂድበት ብላ ገፋ አደረገቻት ቻው ተባብለው ተቃቀፉ ወደኔ ዞራ እያየች ስላወቅኩህ ደስ ብሎኛል ሰላም ሁኑ ብላን ወደቤት ተመለሰች።
እኔና ሰሙ መኪናው ውስጥ ትንሽ ተቀመጥን እጄን እያሻሸችኝ አንተ እንዴት ነው ያማረብህ በናትህ በጣም ወፍረሃል አንተ ቤት ነው ሚስማማህ ማለት ነው ግቢ እያለን ገርጥተህ ነበር እኮ አለችኝ ከት ብዬ ሳቅኩና በይ እንሂድ በቃ አልኳትና መኪናዋን አስነሳው ጉዞ ወደ ናዝሬት...
በመንገዳችን እያወራን እየተሳሳቅን እየሄድን ሰሙ ያባትህ መኪና በጣም ቀሽት ናት አለችኝ እየሳቅኩ ማነው የአባቴ ያረጋት ባክሽ አልኳት ዞራ እያየችኝ እና... አለችኝ የኔ ናታ አልኳት እየሳቀች ውሸታም አለችኝ እውነት! የኔ ናት አባዬ ነው የሸለመኝ ብዙ ስራ ስላገዝኩት እና ሁሉንም ነገር ስላስተካከልኩ አልኳት ኦ... ደስ ይላል አሪፍ ነው አለችኝ፣ ወሬያችንን እያወራን ወደ ናዝሬት የሚወስደውን የፍጥነት ኤክስፕረስ መንገዱን ዘና እያለንበት ጨርሰን ናዝሬት ስንገባ ኪያር ደወለ ሰምሃል ስልኬን አንስታ ስፒከር ላይ አድርጋ አስቀመጠችው። አንተ ሰውዬ ዘንድሮም ልትቀር ነው እንዴ ለምናባክ ነው እማትመጣው እኔ አሁን መናኃሪያ ነኝ የት ነህ አለኝ እየሳቅኩ ባክህ እየመጣው ነው አሁን ናዝሬት እየገባው ነው እዛው ጠብቀኝና አብረን ወደ ግቢ እንሄዳለን አልኩት እሺ አፍጥነው እኔ ደክሞኛል አቦ በቆበቅሎ ብመጣ ይሻለኝ ነበር አለኝና ስልኩን ዘጋው። ፍራንኮ አከባቢ እንደደረስን አዩ ሆቴል አከባቢ መኪናውን አቁመን ኪያ ጋር ደውዬ አዩ አከባቢ እንዱመጣ ነገርኩት። አንድ ረዘም ያለ ደንዳና ሰውነት ያለው ልጅ ሻንጣ እየጎተተ አስፓልቱን ሲሻገር አየው እየሳቅኩ ኪያር ባልሆነ አልኳት ወደ ሰሙ እያየው አው እሱ ነው አለችኝ እሷም እየተገረመች ሁለታችንም ወጥተን ቆምን ኪያር ሲያየኝ ደነገጠ ሃገሩ ሄዶ ለወራት አልተገናኘንም ፈጠን ብሎ መጥቶ አቀፈኝ እና ከታች እስከላይ በግርምት ያየኝ ጀመር እኔም ተገርሜ እሱን ከላይ እስከታች ውያየሁት ነበር እየትሳሳቅን እኩል አንተ ምናባክ ነው እንዲ የሆንከው ተስማምቶሃል አልን መልሰን ሁለታችንም ሳቅን ከኔ ጋር ስናበቃ ወደ ሰምሃል ዞሮ ሰሙዬ ቆንጆ miss you አላት እሷም አቅፋው ሰላም አለችው።
ይቀጥላል...

https://t.me/New_life_20

https://t.me/New_life_20

💓💓💓💓💓ሞሮ 💓💓💓💓💓
💓💓💓💓 ክፍል 30 💓💓💓💓


ቀናት ቀናትን እየወለዱ ወደ ሳምንታት ተቀየሩ ሳምንታትም ወደ ወራት ተገለበጡ ግዜ ማንንም ሳይጠብቅ እየነጎደ ሄደ.....

ከሰመሃል ጋር ያለን ጓደኝነት ከምንግዜውም በላይ ጨምሯል ከተዋወቅን ወደ ስድስት ወር ገደማ ሆነን በየቀኑ እንደዋወላለን እኔ አዲስ አበባ ከተመለስኩ ግዜ ጀምሮ ሁሌ አርብ ማታ ሸገር ትመጣለች ቅዳሜን ከቤተሰቦቿ ጋር ታሳልፍና እሁድ በጥዋት አብረን ቦሌ መድሃኒ አለም ቤተክርስቲያን እንሄዳለን ከዛ አስቀድሰን ከጨረስን በኃላ እንደለመድነው አንድ ካፌ ገብተን ቁርስ በልተን በእግር ወክ እያደረግን እኛ ቤት እንሄዳለን ቤተሰቦቼ ከሚባለው በላይ ወደዋታል። ቅዳሜ ማታ ሁሌ እናቴ ሰምሃል ነገ አትመጣም እንዴ እያለች መጨቅጨቅ ስራዋ አድርጋዋለች ከእህቴ ጋርም ጥረ ጓደኛሞች ሆነዋል እሁድ ቤት ስትመጣ የከበዳትን ታስረዳታለች። እህቴ ደግሞ ከኪያር ጋር የጠበቀ ፍቅር ውስጥ ገብተዋል ሁሌ እያየኃቸው መሳቅ ነው ስራዬ ኪያር አልፎ ኣልፎ ከሰሙ ጋር እየመጣ አብረን እናሳልፋለን።
ኤቤጊያም በየግዜው ትደውላለች እናወራለን ባህሪዋን ለማስተካከል እየጣረች እንደሆነ ነግራኛለች። ሰምሃልን አናግሪያት ከኤቤጊያ ጋር ታርቀዋል እንደበፊቱም ባይሆን ጥሩ ጓደኛሞች እንደሆኑ ኤቤጊያ ነግራኛለች።
የትምህርት ግዜ ተጠናቆ ፋይናል ፈተና ተፈትነው ወደ ሸገር ከመጡ በኃላም ከሰሙ ጋር ያለን ጓደኝነት ይበልጥ እየጠነከረ ሄደ። ለሷ ቃል ባገባሁላት መሰረት ማንነቴን በደምብ እያስተካከልኩ ነው እንደድሮ እየጀዘቡ ተኝቶ መዋል መሰላቸት ሱስ ውስጥ መዘፈቅ ሙሉ ለሙሉ አቁሚያለው ብዙ ግዜዬን አባቴን ቢሮ በስራ እያገዝኩት እውላለው አመሻሽ ላይ ከሰምሃል ጋር ወክ እናደርጋለን ወይ አንድ ቦታ ተቀምጠን እናወራለን ኪያር እና እህቴም ደስ ሲላቸው ይቀላቀሉናል። ኤቤጊያም ትምህርት ጨርሳ ስትመጣ እንዳገኛት ቃል አስገብታኝ ስለነበር አልፎ አልፎ አገኛታለው ሰምሃል የምትመክረኝን ምክር እኔም ለሷ መክራታለው ከዛን ግዜ ጀምሬ ስህተቷን ቀስ በቀስ እያረመች ትገኛለች።
ወደ ቀድሞ ማንነቴ ለመመለስ ብዙ ወራት ፈጀብኝ ቀላል ጉዞ አልነበረም። የድሮው ናኦድ ብሎ ማውራት ቀረ...ተመልሶ ስለመጣ በአልባሌነት ያቃጠልኩት ሁለት ይቆጨኝ ጀመር እንዴት እንዲህ እሆናለው እያልኩ ሁሌ ራሴን ወቅሳለው።

አዲስ አመት አዲስ የትምህርት ዘመን መጣ ያሳልፍኳቸው ድፍን ሁለት አመታት እየቆጩኝ እነሱን ለማካካስ በአዲስ ጥንካሬ እና ብርታት ለማማር ዝግጁ ሆንኩ። አዳማ ሳይንስ እና ቴክኖሎጂ ዩኒቨርስቲ በ2006 አ.ም መስከረም 20 ላይ እንድንገባ አስታወቀ ያቋረጥኩትን የአራተኛ አመት ሜካኒካል ኢንጂነሪንግ ትምህር በአዲስ መንፈስ ለመጀማር ዝግጁ ሆንኩ።
የተጠራንበት ቀን ደርሶ እንደነገ ወደናዝሬት ለመሄድ እየተዘገጃጀው ማታ ላይ ሰሙ ደወለች ናፍቃኝ ነበር አዲስ አመት ክፍለሀገር አያቷ ጋር ሁሉም ቤተሰባቸው ተሰብስበው ያከብሩ ስለነበር አዲስ አመት ከገባ አልተገናኘንም ቅርብ ቀን መስቀልን አክብራ ነበር የመጣችው። እሷም ነገ ልትሄድ እንደሆነና የያዘችው ሻንጣ ስለሚከብድ እኔ ከአባቴ ጋር አብረን እንደምንሄድ ስለምታውቅ እሷም አብራን እንድትሄድ ጠየቀችኝ አባቴ ደስ እያለው እንደሚያግዛት ነገርኳት። አባቴ ከስራ ተመልሶ እራት እየበላን እያለ ሰምሃል የያዘችው ሻንጣ ትልቅ ስለሆነ ነገ ከኛጋ እንደምትመጣ ነገርኩት ደስ እያለው ምነው ለበአል ሳትመጣ ቀረች አለኝ አይ አያቷ ጋር ነበረች ክፍለሃገር አልኩት እየሳቀ እሺ ችግር የለውም አብራህ ትሄዳለች ታግዛታለህ አለኝ። ግራ እየተጋባው እንዴ አንተስ አትወስደኝም እንዴ አልኩት አዪ... እንደው ነገ ነበር ሰርፕራይዝ ላደርግህ ያሰብኩት ግን ዛሬ ቢሆንም ችግር የለውም አለና የሆነ ትልቅ ቁልፍ ጠረጴዛው ላይ አስቀመጠ እኔ እህቴ እናቴም ፍጥጥ ብለን አየነው የመኪና ቁልፍ ነው በደስታ ዘልዬ ወይኔ ባባ መኪና ልትሸልመኝ ነው አልኩት ከት ብሎ ሳቀና እረ... ቁልፉን ብቻ ነው መኪናውን ወደፊት አለኝ እእእይ ብዬ ወንበሩ ላይ ዘጭ ብዬ ተቀመጥኩ ከት ብሎ ሳቀና አው! መኪና ነው ሂድና ውጪ እየው አለልህ አለኝ እየበላሁ የነበረውን ምግብ ትቼ እየሮጥኩ ወደ ውጪ ሄድኩ እህቴም ደስ ብሏት ከኃላዬ ተከተለችኝ ባባ እየሳቀ ቀስ ብሎ መጣ።

ይቀጥላል.....

👍👍👍👍
https://t.me/New_life_20

https://t.me/New_life_20

💓💓💓💓💓ሞሮ💓💓💓💓💓
💓💓💓💓 ክፍል 29 💓💓💓💓
ፀሃፊ ረምሃይ

ስልኩን አነሳሁና ሄሎ ኤቤጊያ አልኳት በተለሳለሰ ድምፅ ሰላም ነው ናኦድ አለችኝ ደህና ነኝ ይመስገን አምላክ እንዴት ነሽ አንቺ አልኳት ደህና ነኝ እኔም ብላ ትንሽ ዝም ካለች በኃላ በረጅሙ ተንፍሳ እውነት ምን ማለት እንዳለብኝ አላውቅም ብቻ እማውቀው በጣም ብዙ እንደበደልኩህ እና አንተግን በደሌን በበደል ሳይሆን በመልካም ነገር መልሰህልኛል እውነት እልሃለው ከልቤ ይቅርታ ጠይቅሃለው እንደባለፈው ማንም አዞኝ ሳይሆን ውስጤን ሰላም ስለነሳኝ ነው እኔ ሳስቀይምህ አንተ ግን በዛ ጨለማ ሁሉም ንቆ ሲያልፈኝ ጓደኛዬ ያልኳቸው እንኳን ት...ተውኝ ሲሄዱ አ..አ..አንተ አነሳኀ...ኝ ድምፃ በሳግ ታፈነ ይተናነቃትና ማልቀስ ጀመረች እውነት ናኦድ አንተ ጥሩ ሰው ነህ ስለሁሉም ነገር ይቅርታ አንተ ላይ ያደረኳቸው አስቀያሚ ነገሮች በሙሉ የህሊኔ እረፍት እየነሱኝ ነው ይፀ ፅተኛል በጣም ይቅርታ ላደረግክልኝ ነገር ሁሉ አመሰግናለው ፈጣሪ እሱ ይክፍልህ አለችኝና ይበልጡኑ ስቅስቅ ብላ ማልቀስ ጀመረች። ትንሽ ላረጋጋት ከሞከርኩ በኃላ በለዘበ አንደበት እኔ አንቺ ስለሆንሽ ብዬ ያደረግኩት ነገር አልነበረም ለማንም ሰው ቢሆን መደረግ ያለበትን ነው ያደረግኩት መልካም መሆን ለራስ ነው እኔ በህይወቴ እንደ ሰምሃል ያለች መልካም ሴት ባታጋጥመኝ ኖሮ ዛሬን በህይወት አልገኝም ነበር። ሰምሃል ካስተማረችኝ መልካምነትን ተምሬ ላንቺ አደረግኩልሽ እንጂ የተለየ ነገር አላደረግኩልሽም መልካም መሆን ያለብሽ ለምትወጂው ሰው ብቻ ሳይሆን ለምትጠይውም ሰው ጭምር ነው ያኔ ክፉን በክፉ ስላልመለሽ ህሊናቸው ሰላም ያጣል አንቺም ጋር እየሆነ ያለው ይህ ነው ያለፈው አልፏል ምንም የተቀየምኩሽ ነገር የለም ይቅርታ አስፈላጊ አይደለም ነገር ግን ለወደፊቱ በህይወትሽ ለሚመጡ ሰዎች በሙሉ መልካም ሆነሽ መልካምነትን አስተምሪያቸው አልኳት እኔ እንዲ ስናገር የሰራችው ስህተት ተሰምቷት ነው መሰል ይበልት እያለቀሰች ነበር። ራሷን ካፈጋጋች በኃላ አመሰግናለው ካላስቸገርኩህ ጓደኛ መሆን እንችላለን ማለት አሉኝ ያልኳቸው ጓደኞች እንዳለ ከኔ እርቀዋል ማንም የለኝም አለችኝ።
ከብዙ ሺህ አስመሳይ ጓደኛ አንድ የልብ ጓደኛ እጅግ የከበረ ነው እኔና አንቺ ጓደኛ እንሁን አንሁን አሁንንልነግርሽ አልችልም ወደፊት ግዜ የሚያሳየን ይሆናል አልኳት እሺ ብላኝ ድጋሚ አመስግናኝ ቻው ተባብለን ስልኩ እንደተዘጋ በፍጥነት ወደ ሰምሃል ጋር ደወልኩ ልክ እንዳነሳችው ሰሙ ኤቤጊያ ደውላ ይቅርታ አልችኝ እኮ አልኳት ከት ብላ እየሳቀች ምንድነው እንዲ መቻኮል ሰላምታ አይቀድም አለችኝ እየሳቅኩ ባክሽ ስለገረመኝ ነው አልኳት። ያገጥማል አንዳንዴ ብዙ ለበደሉህ ሰዎች በበደላቸው ልክ ፈፅማው ካንተ ማይጠብቁትን ጥሩ ነገር ስታደርግላቸው ውስጣቸው ሰላም ያጣል ያስቀየሙክ ነገር ይሰማቸዋል ለዛ ይሆናል አለችኝ አው እኔም እንደዛ ነው ያልኳት ደስ ብሎኛል ብቻ ይቅርታ ስላለችኝ ሳይሆን ትንሽ ወደራሷ ስለተመለሰች በኔ ምክንያት ሰው ሲቀየር ማየት ደስ አረ ደግሞ ሳልነግርሽ ጓደኛ እንሁን አለችኝ እኮ እላኳት ስምሃል በድንጋጤ ምን!? አለችኝ ድምፃ እኔንም አስደነገጠኝ ምነው እልኳት ድምፃን እያለዘበች አይ ምንም እና ምን አልካት አለችኝ መልሱን ለመስማት እየተጣደፈች ምንድነው ምንም ማለት ምን እንደሆንሽ ንገሪኝ አልኳት ውይ ናዲ ምንም አይደለም እዚጋ ሊዱ አስደንግጣኝ ነው የጮህኩት አለችኝ። እሺም እምቢ አላልኳትም ያው በ ኖርማል ጓደኝነት ነው በሌላ ነገር አይደለም አልኳት እእእ እሺ አለችኝና ድንገት የሆነ ነገር ትዝ ያላት ይመስል አንተ ምናባክስና ነው ገብቻለው ብለህ እማትደውለው አልችኝ ትንሽ። እየተከራከርን ካወራን በኃላ ቀጣይ ሳምንት ቤተሰቦቿን ለመጠየቅ እንደምትመጣና በዛው እንደምንገናኝ ነግራኝ ስልኩ ተዘጋ

ይቀጥላል....

https://t.me/New_life_20

https://t.me/New_life_20

💓💓💓💓💓ሞሮ 💓💓💓💓💓
💓💓💓💓 ክፍል 28 💓💓💓💓


በእጆቼ አንስቼ ስይዛት ደረቴ ላይ ተለጠፈች ወደ ግቢ ላስገባት ይዣት ወደበሩ አመራው ዘበኞቹ አይቻልም ብለው ተቆጡ እነስመሃል ከውስጥ ሆነው ያስገቡኝ ዘንድ አጥብቀው ቢለምኗቸውም አይቻልም ብለው ድርቅ አሉ የሰከረ ሰው አናስገባም ያቀፍካትን አረቄያም ትተህ መግባት ትችላለህ አለኝ አጠር ያለው ዘበኛ። እንዴት ነው ብቻዋን ትቻት እምገባው ሴት እኮ ናት የሆነ ነገር ብትሆንስ አልኳቸው እየተለማመጥኩ አጭሩ ዘበኛ ይበልጥ ተቆጣ ሰውዬ አትበጥብጠኝ ስራዬን ልስራበት ሂድልኝ ከዚ ብሎ አንቧረቀብኝ። ሁለታችንንም እንደማያስገቡን ሳውቅ ወደ በሩ ጋር ጠጋ አልኩና ከሰሙ ብር ጠየቅኳት እኔ ጋር የነበረውን ብር እራት ስንበላ እንዳለ ጨርሼው ነበር ከቦርሳዋ ውስጥ አውጥታ በንረት ዘንጎቹ መሃል እጇን አሳልፋ ሰጠችኝ። ልክ ብሩን እንደተቀበልኳት በቃ ሰሙ እናንተ ግቡና ተኙ እኔ እሷን አልጋ ላስይዛትና እዛው ሆኜ ልጠብቃት ጠዋት እመጣለው አልኳት ሰሙ በጣም የጨነቃት ትመስላለች ኪያር እባክህን ራስህን ጠብቅ በዚ ለሊት ጥሩ አይደለም አደራ ብሎኛል ጋሼ ራስህን ጠብቅ አለኝ እሺ ብዬ ፊቴን ወደ አስፓልቱ አዞርኩና ማደሪያ ፍለጋ ሄድኩ እነ ሰምሃል በሩ ጋር ቆመው ከአይናቸው እስከምሰወር ድረስ የበረፕን የብረት ዘንግ ተደግፈው እያዩኝ ነበር። አስፓልቱን ተሻግሬ ኤቤጊያን በክንዶቼ እንደታቀፍኩ በአከባቢው እማውቀው ፔንሲዮን አመራው እንዳጋጣሚ ሆኖ አንድ ትርፍ አልጋ ብቻ ነበራቸው ሂሳቡን ከፋፍዬ ቁልፋን ተቀብዬ ኤቤጊያን ይዣት ገባው። አልጋው ላይ አስተኛኃት እስካሁን ድረስ አልነቃችም ራሷን አታውቅም ብርድልብሱን በደምብ ካለበስኳት በኃላ አንደኛውን ተራስ ወስጄ በሩ ስር ኩርምት ምት ብዬ ለመተኛት ስዘገጃጅ ስልኬ ጠራ ሳየው ሰምሃል ናት።
ሳነሳው እእእ አገኛቹ መኝታ ምንም አልሆናችሁም አይደል አለችኝ ድምፃ ውስጥ ጭንቀት እንዳለ በደምብ ያስታውቃል። ኣው ሰሙ አጊንተናል አስተኝቻታለው በቃ አንቺም አትጨናነቂ ተኚ እኔም ልተኛ ደክሞኛል በጣም ቀኑን ሙሉ ሬጂስትራል እና ዲፓርትመንት ስመላለስ ነው የዋልኩት አልኳት እኔ እንቅልፌ አልመጣም ግን እሺ ብላኝ ተሰነባብተን ስልኩ ተዘጋ። እዛው በሩ ስር ትርሃሱ ላይ እንደተቀመጥኩ ከርምት ብዬ ለመተኛት ሞከርኩ ግን ምንም ሊመቸኝ አልቻለም.... ደቂ ቃዎች አለፉ ቢቸግረኝ ተነስቼ የኤቤጊያን ትንፋሽ መኖሩን ለማረጋገጥ እጄን አፊንጫዋ ስር ሰደድኩት አለች! ክፍሉ ውስጥ መንጎራደድ ጀመርኩ ለሊቲ ምንም አልገፋልህ አለኝ ረዘመብኝ ቢቸግረኝ በሩን ከፈትኩትና ከክፍሉ ወንበር ይዤ ወጥቼ በሩ አጠገብ በረንዳው ላይ ተቀመጥኩ ትዝ ሲለኝ ሰሙ እንቅልፌ አልመጣም ብላኝ ነበር ከሚደብረኝ ብዬ ስልኬን አውጥቼ ደወልኩላት ከመቀፅበት አነሳችው ፍጥነቷ አስገርሞኝ አንቺ አተኚም እንዴ አልኳት እየሷቅኩ እንቢ አለኝ ባክህ አልችኝና ማውራት ቀጠልን። አልገፋ ያለው ለሊት ጠቅለል ጠቅለል እያለ መሄድ ጀመረ ለሊቱን ሙሉ ከሰሙ ጋር በረንዳው ላይ ቁጭ ብዬ የባጥ የቆጡን ስናወራ አደርን። ሊነጋጋ ሲል ሰሙን እያወራኃት እንቅልፍ ይዞኝ እብስ አለ....
የሆነ ሰአት ላይ ብንን ስል ነግቷል ስልኬ መሬት ላይ ወድቋል ሰሙን እያወራኃት እንደተኛው ገባኝ ስልኬን አንስቼ ሰአቱን አየሁት 02፡45 ይላል ብድግ ብዬ ወደ ክፍሉ ገባው ኤቤጊያ አሁንም አልተነሳችም። ወደ አልጋው ተጠግቼ ቀስ ብዬ ቀሰቀስኳት ነቅታ ስታየኝ ደንግጣ ልትጮህ ስትል ቆጣ ብዬ ተረጋጊ! ትናንት ማታ ሰክረሽ የወደቅሽበትን እንኳን ሳታውቂ በገዛ ትውከትሽ ተዘርረሽ ሁሉም ተጠይፎ ማንም እሚያነሳሽ ሰው በሌለበት ድቅድቅ ጨለማ እኔ ነኝ ያነሳሁሽ። እኔ.... ካንቺ ምንም ነገር ፈልጌ አይደለም ግን እንደሰው እሚያስብ አይምሮ ያለው ሰው ነኝ እንዲ አይነት ነገር አይቶ ማለፍ እሚችል ልብ ስለሌለኝ ነው አልኳት ቀስ በቀስ የትናንት ትውስታዋ ተመለሰ በሃፍረት ተሸማቃ ብርድልብሱንና አንሶላውን አንድ ላይ እየነከሰች ስቅስቅ ብላ ማልቀስ ጀመረች። ከዚ በላይ ልጠብቅሽ አልችልም አሁን ራስሽን አውቀሻል ጠባቂ አያስፈልግሽም ቻው ብያት ልወጣ ስል ይበልጥ እያለቀሰች ቆይ እንጂ የት ነው ጥለኀኝ እምትሄደው አለችኝ ይቅርታ ኤቤጊያ ከዚ በላይ መቆየት አልችልም ሻወር ወስደሽ ተስተካክለሽ ወደ ግቢ ተመለሽ አልኳትና ጥያት ወጣው። እየሄድኩ ስታለቅስ ይሰማኛል
ወደ ግቢ ተመልሼ ሰሙ ጋር ደውዬ በግተራ ጋር አገኘኃት እውነት በጣም ጥሩ ልብ ያለህ ልጅ ነህ ናዲ ማንም ያለደረገውን ነው ያደረከው ይህንን መልካም ስብእናህን መቼም እንዳታቆመው እሺ ሰዎች ብዙ ግዜ የዋህናትን ከሞኝነት ጋር ያመሳስሉታል አንተ ግን ሁሌም በልብህ መልካም ሁን ሰው እንደፈለገው አድርጎ ቢያይህ ቅር አይበልህ አለችኝ ፈገግ እያልኩ አረ.... ሰሙ በምክር ቁንጣን ሊይዘኝ እኮ ነው ለሊቱን ሙሉ ስትመክሪኝ አድረሽ አሁንም ትመክሪኛለሽ አልኳት እየሳቀች ሂዛ.... አለችኝ ኪያርን ጠርተነው ቁርስ አብረን ከበላን በኃላ ወደ ሸገር ለመመለስ ተነሳው ሰሙ ልክ ፋይናል እንደጨረሱ እንደምትመጣና እስከዛ በየቀኑ እንደንደዋወል አሳስባ ተሰናበተችኝ። ኪያርም ከኔጋ ሊመጣ ፈልጎ ነበር ግን አልሆነም ቤት ሰላም በልልኝ ሲለኝ እህቴን ነው ሁሉንም አልኩት አንተ እማትረባ ብሎ ሳቀ ተነቃቅተናል አልኩት ይበልጥ እየሳቅኩ እንዲ እየተሳሳቅን መኪናዋ ጋር ደረስን። ግቢ ውስጥ ከዚ በላይ መቆየት ስላልፈለኩ ረሰናብቻቸው እየናዳው ወጣው መንገዴን ወደ ሸገር አደረግኩ። ረፋድ ላይ እቤት ገባው እቤት ስደርስ ሁሉም ጨንቋቸው ነበር ምሳ ከበላን በኃላ ለሊቱን ስላልተኛው እንቅልፍ ሲያዳፋኝ ክፍሌ ገብቼ ተኛው አመሻሽ ላይ የስልክ ጥሪ ከእንቅልፌ ቀሰቀሰኝ እየተነጫነጭኩ አንስቼ ሳይ ኤቤጊያ! ናት የደወለችው።

ይቀጥላል.....

https://t.me/New_life_20

https://t.me/New_life_20

💓💓💓💓💓ሞሮ💓💓💓💓💓
💓💓💓💓 ክፍል 27 💓💓💓💓


ውጪ ሲጠጡ ሲጨፍሩና ላበሌላም ሌላም ምክንያት አምሽተው በር የተዘጋባቸው ተማሪዎች ቀስበቀስ ከያሉበት ብቅ ብቅ አሉ።
ኤቤጊያና ጓደኞቿ መጥተው ከኛ ትንሽ ራቅ ብለው ቆሙ የጠጡት መጠጥ ከርቀት ይጣራል ምን እንደጠጡ ባላውቅም በጣም ይሸታል ተጠየፍኳቸው የትናንት እኔነቴን አስታወሰኝ ሰው እኔን እንደዚ ነበር የሚያየኝ ብዬ ራሴን በለሆሳስ ጠየቅኩ ከሰምሃል ጋር ከተዋወቅኩበት ግዜ ጀምሮ አንድም ቀን ምንም አይነት ሱስ ውስጥ ተዘፍቄ አላውቅም። ኤቤጊያ ድንገት ስትዞር ከሰምሃል ጋር አይን ለአይን ተገጣጠሙ በስካር መንፈስ እየተንገዳገደች አፏ ላይ ያለውን ቁራጭ ሲጋራ መሬት ላይ እየገደለች ሰምሃልን አስቀያሚ ንግግር ትናገራት ጀመር። እንደዚህ ክብረቢስ ሆና ተዋርዳ ስታያት እና ስትሰድባት ሰምሃል በጣም ትናደድባታለች ብዬ ጠብቄ ነበር ግን ምንም ሳትላት ንቃት አለፈች እኔም ኤቤጊያን የማይበት ሁኔታ እየቀነሰ መጣ ለሷ የነበረኝ ታላቅ አክብሮትና ፍቅር ቀስበቀስ እየተሸረሸረ ሄደ። ሰምሃል ጆሮ አትስጣቸው ተዋቸው ባክህ እነሱ ሳይሆኑ አተላው ነው እሚያወራው ምድረ ማሰሮ አለች ማሰሮ ስትል ሳቄን መቆጣጠር አቅቶኝ ከት ብዬ ገለፈጥኩ። እነኪያር በር ላይ ዘበኞቹን እንደንገባ እየለመኗቸው ኤቤጊያና ጓደኞቿ መምጣታቸውን አላወቁም ነበር። ኪያር እኔ ስስቅ ሰምቶ ወደኃላ ሲዞር እነ ኤቤጊያ መኖራቸውን አስተዋለና ፈጠን ብሎ ወደኛ መጣ ኤቤጊያ አሁንም የባጥ የቆጡን እየዘባረቀች ነው ነገር ግን ሰምሃል ንቃ ትታታለች ረስታታለች እንደዚ ሆና መናገር ምንም ጥቅም እንደሌለው ገብቷታል። ኤቤጊያ እየጮኀች ሰምሃል ንቃት ዝም ስትላት በንግግሯ ምንም እንዳልተበሳጨች ስታውቅ ይበልጥ ተናደደች ድንገት እየተናገረች ትውከት ቀደማትና የበላችውን በሙሉ መሬት ላይ ወድቃ ዘረገፈችው ራስታውና ጓደኞቹ እያይዋት ሳቁባት በሩ አከባቢ የነበሩት ተማሪ በሙላ በማያስቅ ነገር ተገላፈጡ። ሰምሃል በትውከት ወደተጨመላለቀችው ኤቤጊያ እያየች ይህችን ርካሽ ሴት ነበር እስከዛሬ ስታፈቅር የነበረው እሷ ላንተ አትገባህም አንተ ንፁህ ልብ ያለህ ሰው ነህ ዋጋህ ትልቅ ነው የዋጋህን ውድነት ስታውቅ ርካሽ ነገሮችን እንቢ ማለት ትጀምራለህ አለችኝ በራሴ ተገረምኩ ኤቤጊያ ምኗን አይቼ እንደወደድኳት ተገረምኩ እንደዚ ክብሯ ተዋርዶ የሰው መሳቂያ መሳለቂያ ስትሆን ሳያት እኔ ለሷ አፈርኩ።

ዘበኞቹ በስንት ጭቅጭቅ ያልጠጡትን ተማሪዎች ብቻ ማስገባት ጀመሩ እኔ ኪያር ሰሙ ሊዱ እና ራኪ ወዲያው ገባን የተወሰኑ ልጆችም አብረውን ገቡ ራ ስታውና ጓደኞቹ ሉገቡ ሲሉ ዘበኞቹ መታወቂያቸውን ተቀብለው አባረሯቸው። ወደኃላ ዞሬ አየኃቸው ኤቤጊያ አሁንም እንደወደቀች በራሷ ትውከት ውስጥ እንደተዘፈቀች ነው ራስታውና ጓደኞቹ እንኳን ሊያነሳት ለማየትም ተጠይፈዋት ጥለዋት ሄዱ። እንዳይገቡ የተከለከሉት ተማሪዎች በግዜ ማደሪያቸውን ለማፈላለግ ከበሩ አከባቢ ሄዱ አሁንም ኤቤጊያ እዛው እንደወደቀች ከርቀት ትታየኛለች። እነሰምሃል እያወሩ ወደፊት እየሄዱ ነው ቆሜ ወደኃላ መቅረቴን ሲያውቁ ዞር ብለው ና እንጂ አሉኝ እሺ አልኳቸውና እዛው ቆሜ ቀረው እነኪያር እየተሳሳቁ ወደፊት ሄዱ ከኃላቸው እየተከተልኳቸው መስሏቸዋል እኔ ግን ወደ በሩ ተመለስኩ ክፍት ክፍት የሆነውን የበሩን የብረት ዘንግ ይዤ የተወሰነ ደቂቃ አየኃት አትነሳም። ዘበኞቹን እንዲያስወጡኝ ለምኛቸው ወጣው ኪያር ሲዞር ከኃላቸው የለሁም እንደወጣው ሲያውቅ እየሮጠ ተመለሰ እነ ሰምሃልም ተመልሰው ምን እንደማረግ ቀጥ ያሉት የብረት ዘንጎቹ በር ጋር ቆመው መመልከት ጀመሩ። ኤቤጊያ ከበሩ ትንሽ ራቅ ብላ ወደ ወደቀችበት ቤታ አመራው መላ አካሏ በአፈርና ትውከት ተሸፍኗል ማንም እሚያነሳት ቀርቶ እሚያያት አልነበረም ራሷን ስታለች!!

ይቀጥላል.....

https://t.me/New_life_20

https://t.me/New_life_20

💓💓💓💓💓ሞሮ💓💓💓💓💓
💓💓💓💓 ክፍል 26 💓💓💓💓
ፀሃፊ ረምሃይ

ከሰሙ ጋር ተያይዘን ከግቢ ከወጣን በኃላ ፊት ለፊት አስፓልቱን ተሻግረን የኃና ሆቴል ገባን ቤቱ ጨለምለም ያለ ነው ውጪ አንድ ጥግ ላይ ተቀመጥን የቤቱ ሙዚቃ ጆሮ ያደነቁራል ማንም ዘፈኑን የሚሰማ የለም ሁሉም በየፊናው በቢራ ጠርሙስ ተደብቆ የግል ጨዋታን በየጠረጴዛው ያደራል። የሆቴሉ የውጪኛው አጥር አጭር ስለሆነ ውጪ ያለው ወከባ እና ግርግር በደምብ ይታያል ተሜ ከታክሲ ከባጃጅ ይወርዳል ከታክሲ እንደወረዱ ወደ የኃና እሚገብ ብዙ ናቸው የኃና ባርና ሬስቶራንትም ስለሆነ እንደጉድ ይጠጣበታል። የነበረውን ወከባ እና ጫጫታ እረስቼ እዚ እንምጣ ስላልኳት ደበረኝ እንደ ሰምሃል ላለ ፀጥ ያለ ቦታ ለሚወድ ሰው ብዙም ደስ እሚል አይደለም ስገምትም ደብሯታል ትንሽ ቆይታ አስተናጋጇ መጥታ ታዝዛን ሄደች ግዜው መሽቶ ጨልሟል ድንገት የሰሙ ስልክ ከጠረጳዛው ላይ ኡኡኡ.... ብሌ ቀወጠው አንስሥታ ስታየው ሊዲያ ናት የደወለችላት ወዲያው አነሳችውና ወዬ ሊዱ አለቻት። ከየኃና የሚወጣው ጫጫታና የዘፈኑ አደንቁር ሞገድ ሊዲያ ምከወዲያኛው መስመር እምትላትን መሰማማት ስላልቻለች ስልኩን ስፒከር ላይ አድርጋ ማውሯ ጀመረች ሊዲያ እየተነጫነጨች ጮክ ብላ የት ነው ያለሽው ከላይብረሪ ስንመጣ ዶርም የለሽም ደሞ የታባሽ ሁነነሽ ነው ይሄ ሁሉ ጫጫታ ያለበት ቦታ የገባሽው አለቻት እኔ ሳቅኩኝ ሊዲያ ደግማ ማነው አጠገብሽ ሆኖ እሚስቀው አለቻት ሰሙ እሳቀች ናዲ አለ ከሱ ጋር እራት ልንበላ ወጥተን ነው የኃና ነው ያለነው አለቻት ሊዲያ ከት ብላ ስትስቅ ሰማኃት አንቺ በቃ ልጁን ጠዋትና ማታ አትፋቺውም እንዴ መዠገር ሆንበት እኮ ደሞ ከመች ጀምሮ ነው አንቺ የኃና የምትገቢ ያልመደብሽን ሃ..ሃ..ሃ..ሃ... አይ ናኦድ የሌለ ገብቶልሻ.... ሰምሃል ወዲያው ስልኩንን ጥርቅም አድጋ ዘጋችው ምነው እላታለው በድንጋጤ ውይ ካርድ ዘግቶ ነው አለችኝ ከት ብዬ ሳቅኩና ያንቺ ካርድ እሚያልቀው ቀዩን ስነኪው ነው እንዴ አልኳት ይበልጥ ፊቷ ቀልቶ እእእ ሳላውቅ ነው አለች ቅልቃላዋ ሊዲያ መልሳ ደወለች ሰምሃል ስልኩን አየችውና ዝም አለች። ሁኔታዋን አይቼ አረ ሰሙ ይደብራል አንሺውና አናግሪያት አልኳት እሺ አለችኝና አንስታው አንቺ ክፍት ላውድ ስፒከር ላይ አድርጌ ከናዲ ጋር አንድ ላይ ሆኜ ነው ማዋራሽ አለቻት ምንም ሳትናገር ሊዱ ወይኔ....እሺ እኔማ እራት አንድ ላይ እንድንበላ ነበር የደወልኩልሽ ራኪ አለች ተይው በቃ ከሷ ጋር እበላለው አለች ማን እንዳዘዘኝ አላውቅም.ድንገት ስልኩን ወደኔ ከነእጇ አስጠጋሁትና ኑ እኛጋ ሊዱ አብረን እንብላ እጋብዛቹሃለው አልኳት እውነ...ት! አይደብራችሁም እንምጣ አለች አው ኑ ችግር የለውም አልኳት እሺ በቃ መጣን አሁኑኑ አችና እየተፍለቀለቀች ስልኩን ዘጋችው። ሰምሃልን ውውይ... እቺ ቀልቃላ ምንድነው ፍጥን ፍጥን እያሚያረጋት ቆይ አለች እየሳኩ አረ ሉዱ ደስ እምል ልጅ ናት ምን አረገችሽ አልኳት ዝም አለችኝ። ትንሽ ቆይቶ የኔ ስልክ በተራው ጠራ ሳየው ኪያር ነው ኣነሳው ሄሎ ናዲ ቅድም እኮ ክላስ ሆኜ ነው ያላነሳሁት ሶሪ አለኝና እራት ካልበላህ አብረን እንብላ አለኝ የስልኩን ማይክሮፎን በእጄ ያዝኩትና ሰሙ ናዲ ቢመጣ ይደብርሻል እንዴ አልኳት ፈገግ ብላ አረ በፍፁም እንኳን እሱ እነ ሊዱም እየመጡ አይደል እንዴ ይምጣ ደስ ይለኛል አለችኝ እሺ ብያት የኃና ከሰሙ ጋር እንደሆንን ነግሬው መጥቶ እንዲቀላቀልን ጋበዝኩት።
ብዙም ሳይቆይ ያዘዝነው ምግብ መጣ መብላ እንደጀመርን ሊዱ እና ራኪ የተጣደፉ ወደ ውስጥ ገቡ በእጄ ምልክት ሰጥቻቸው ወደኛ መጡ እኔን ሰላም ብለውኝ ሰሙን ሲያይዋት ደነገጡ አንቺ ምንድነው እንዲ የሽቀረቀርሽው አምሮብሽ የለ እንዴ አላት ተራ በተራ የለበሰችውን ልብስ እየነካኩ ከት ብዬ ሳቅኩና ምነው ሰሙ እንደዚ አትለብስም እንዴ አልኳቸው ራኪ ወደኔ ዞራ አረ በጭራሽ እዛ የፈረደበት ቦላሌ ቀሚስ አላት እሱን አድርጋ ነው እምትንቀሳቀሰው አለችኝ እኔም ስለማውቀ ከት ብዬ ሳቅኩ ሰሙ ይበልጥ ተሸማቀቀች ታያላችው ሁለትኛ እንዲ ከለበስኩ አለች እንዲ እየተቀላለድን እያለ ኪያር ከች አለ

። እኔና ሰሙ ዝም ተበን የነበረው ኪያር ራኪ እና ሊዱ ሲመጡ ጨዋታው በአንዴ ደመቀ የነበረው ምግብ ስላልቧን ሌላ ምግብ ተጨምሮ እየበላን እየጠጣን ጨዋታችንን ቀጠልን ደስ እሚል ግዜ ነበር። ለመጨረሻ ግዜ እንዲ የተደሰትኩበትን ግዜ ለማስታወስ ብሞክርም አቃተኝ ለካ እውነተኛ ጓደኛ የደስታ ምንጭ ነው እኔና ሰሙ ዝም በን ሶስቱ ሲከራከሩ እያየን እንሳሳቃለን ሶስቱም ጨዋታ አድምቅ ቀውጢ የሆኑ ልጆች ናቸው አሪፍ ግዜ አሳለፍን ሳይታወቀን መሽቶ ከግቢ መግቢያ ሰአታችን አምስት ደቂቃ አርፍደናል ሂሳብ ከፍለን እየተሯሯጥን ወደግቢ በር አመራን በሩ ተዘግቷል እኔስ ልማዴ ስለነበር ምንም አልመሰለኝም ኪያር በሩ ጋ ቆሞ ዘበኞቹ ያስገቡን ዘንድ መለማመን ጀመረ እምቢታቸው ሲበረታ ራኪ እና ሊዱም ሄደው መለመን ጀመሩ እኔና ሰምሃል ብቻችንን ቆመን ተፋጠጥን ዝምታውን ለመስበር ብላ ደስ እሚል ግዜ ነበር ያሳለፍነው ጓደኛህ ኪያር አዝናኝ ልጅ ነው አለችኝ አው ባክሽ ጥሩ ይጫወታል አልኳት እንዲ እያወራን ከኃላችን የተጋነነ ሳቅ ሰምተን ዞርን የሆኑ ልጆች ሰክረው ጥንብዝ ብለው እየተንገዳገዱ እየመጡ ነው ከነሱ መሃል አንዱ ከት ብሎ ይስቃል ሃሳባችን ወደነሱ ሆነ ጨለማ ስለነበር ማንነታቸውን መለየት አልቻልንም ልክ ባውዛው ያረፈበት ብርሃን ላይ ሲደርሱ አየናቸው ሰምሃል የሚል የሰከረች የሴ ድምፅ መጣ የኤቤጊ ድምፅ እንደሆነ ለመለየት አልከበደኝም አብረዋት ራስታውና ጓደኞቹ አሉ ፊትለፊት ተፋጠጥን

ይቀጥላል....

https://t.me/New_life_20

https://t.me/New_life_20

💓💓💓💓💓ሞሮ💓💓💓💓💓
💓💓💓💓 ክፍል 25 💓💓💓💓
ፀሃፊ ረምሃይ

ልክ ከዲፓርትመንት እንደወጣው ስልኬ ጠራ ሳየው አባቴ ነው ለምን እስካሁን አልመጣህም ሊለኝ እንደሆነ ገብቶኛል። ስልኩን አንስቼ ሄሎ አባዬ አልኩት ሰላም ካለኝ በኃላ ለምን እስካሁን እንዳልመጣው ጠየቀኝ። የዊዝድሮው ጣጣ ብጨራረስም አንድ ቀን ማደር ስለፈለግኩ እንዳልጨረስኩና ነገ ጨራርሼ እንደምመጣ ነገርኩት አጠገብህ ማን አለ አለኝ ማንም የለም አሁን ከዲፓርትመንት እየወጣው ነው ሰምሃል እና ኪያር ክላስ ነበሩ አሁን ይወጣሉ እንገናኛለን አልኩት በል ራስህን ጠብቅ ብሎኝ ተሰናብቶኝ ስልኩን ዘጋው
ወደ ዶርም መመለስ ስላልፈለግኩ ኪያር ጋር ደወልኩለት ከክላስ አልወጣም መሰለኝ ስልኩ አይነሳም ብዙ ከጠራ በኃላ አልነሳ ሲለኝ እሱን ተውኩትና ወደሰምሃል ጋር ደወልኩላት ወዲያው ስልኳን አንስታ ሄሎ አለችኝ ሰላም ከተባባልን በኃላ የእራት ሰአት እየደረሰ ስለሆነ እንድንበላ ጠየቅኳት እሺ ልብስ ልለባብና ወጣለው የት ነው ግን እምንበላው አለችኝ። ከግቢያችን ፊትለፊት ያለው የኃና ሆቴል ይሁን አልኳት ደ ይለኛል በቃ ወጣው አልችኝ ስልኩ ተዘጋ የበርኩበት ቦታ ልብ ብዬ ሳስብ ከጠቅላላ ዩኒቨርስቲ አሉኝ እምላቸው ጓደኞች ኪያርና ሰሙ ብቻ ናቸው
በቃ እውነተኛ ጓደኛ እንዲ ተረት ሆኖ ይቅር ሁሉም ሰው አስመሳይ ሆነ!እየተግረምኩ ሰሙን ከሴቶች ዶርም በሚያስወጣው አስፓልት ጥግ ላይ ሄጄ እስከምትመጣ መጠባበቅ ጀመርኩ ብዙ ተማሪ ያልፋል ያግማል የፋይናል ፈተና ሰሞን እየተቃረበ ስለነበር አብዛኛ ተማሪ ከላይረሪ ዶርም ከዶርም ስፔስ ከስፔስ ላብረሪ ይሯሯጣሉ። በግምት ወደ ሰላሳ ደቂቃ ቆሜ ጠበቅኳት ሲሰለቸኝ ስልኬን አውጥቼ ደወልኩላት ስልኳ ይጠራል ግን አይነሳም ድንገት ከኃላዬ ቀጠን ያሉ እጆች አይኔን ያዙኝ ስት ስቅ ሴት እንደሆነች ገባኝ እጇን በእጄ ለማስለቀቅ እየሞከርኩ ማን ነሽ አልኳት ቀጠን ባለ ሞዛዛ ድምፅ ኤቤጊ...ያ አለችኝ ደንግጬእጇን በሃል አስለቂያት አደኃላ ዞሬ ሳይ ሰምሃል ናት በጣም ተበሳጭቼ ልናገራት አልኩና ልብ ብዬ ሳያት ውበቷ በአንዴ ንዴቴን አቀለጠው ምን ልላት እንደነበር ራሱ ጠፋብኝ ፍዝዝ ብዬ አየኃትና ዋው በጣም አምሮብሻል ሰሙዬ እንደዚ ቆንጆ መሆንሽን አላውቅም እውነት ውብ ነሽ አልኳት ሰሙ ይበልጥ እየተሽኮረመመች ሳቀች ጥርሶቿ ቀያይ ከናፍሮቹን በግድ ፈልቅቀው ሲታዩ ልብን ያፈዛሉ። እሚያምር ቀይ የእራት ልብስ አድርጋ ውበቷን እንደፅጌረዳ አበባ እጥፍ ድርብ አሳምሯታል።
እውነት ለመናገ ሰምሃል እንዲህ ውብ መሆኗን እስከዛሬ አላውቅም ነበር ብዙ ግዜ ረጅም ሰፋፊ ቀሚስ አድጋ በክርስቲያን ስትሄድ ነበር ማያት ዛሬ ምን እንደተገኘ እንጃ በጣም አምሮባታል። ብዙ ፍዝዤ እንዳያኃት ሲገባኝ ነቃ አልኩና እንሂድ በቃ አልኳት እየተፍለቀለቀች እሺ አለችኝና እጇን በእጄ አጠላልፋ ተያይዘን ወደ ዋናው መውጫ በር አቀናን። አስፓልቱ ላይ እሚያልፍ ምድረ አዳም ሁላ አይኑ እስኪጎለጎል እኛ ላይ ያፈጣል ሴቶቹም እንደዛው አይን ሁሉ ወደኛ ሆነ ሰምሃል ቀስ ብላ ወይኔ ጉዴዴ... አለች ምነው አልኳት ሰው ሁሉ እያፈጠጠብን እኮ ነው እንደዚ ለብሼ መውጣት አልነበረብኝም አለች ገረመኝ ሰሙ አውቃ ውበቷን እንደምትደብቅና ከሰው እይታ ላለመግባት እንደምትጥር ከሁኔታዋ ተገነዘብኩ ይበልጥ በሷ ተገረምኩ ምን አይነት ምትገርም ሴት ናት ሌሎቹ ሴቶች የሌላቸውን በፓውደር በዱቄት የስእል ደብተር መስለው ሲወጡ እንኳን ምንም አያፍሩም ፓውደር ላይ በፊታቸ የወደቁ ነው ሚመስሉት ፊቷ ቀይ ሆኖ ተመችታህ ልትጨብጣት እጇን ስትዘረጋ ጥቁር ቡራቡሬ ነው ታዲያ እነሱ እንደዛ ያላፈሩ ሰምሃል እንዲ ተውባ መውጣቷ ምን ያሳፍራታል አረ... እንደው ምን አይነት ለየት ያለ ስብእና ነው ያላት።

ይቀጥላል ....

https://t.me/New_life_20

https://t.me/New_life_20

💓💓💓💓💓ሞሮ 💓💓💓💓💓
💓💓💓💓 ክፍል 24 💓💓💓💓
ፀሃፊ ረምሃይ

ሰሙ ረጅም ሰአት ለመንገር ካቅማማች በኃላ እእ አልነግርህም ተወውበቃ ምንም አይጠቅምህም ላንተ አለችኝና የመኪናውን በር ከፍታ ልትወጣ ስትል እጇን ያዝ አረኳትና አረረ... ሰሙ ይደብራል እንዲ አጓጉተሽኝ ሳትነግሪኝ ልትሄጂ ነው ምን ችግር አለው እኔ ጓደኛሽ አደለው እንዴ ምን አስፈራሽ አልኳት እሷም ትንሽ ደበራት መሰለኝ እሺ እነግርሃለው ግን አሁን አይደለም የድሮውን ጠንካራ ናኦድ መልሰህ ስታሳየኝ ያኔ ሁሉንም ነገር ነግርሃለው ካልሆነ ግን ምንም አልነግርህም አለችኝ ቅር ቢለኝም በሃሳቧ ተስማማው ባልስማማም ምንም አማራጭ አልነበረኝም። እሺ ሰሙ ሁሉንም ነገር አስተካክዬ አሳይሻለው እውነት ያንቺ ምክር ጠብ አትልም አልኳት። አውርተን ስንጨርስ ተሰናብታኝ ከመኪናው ወረደች እኔም ኮሮኮንቹን መንገድ ይዤ ወደ ከረዩ ዶርሞች ሄድኩ። መኪናዋን ዶርማችን ብሎክ ስር ቆልፌ ወርጄ ወደ ዎርም ልገባ ስል ኪያር ደብተር ይዞ ከክላስ ሲመጣ ከርቀት አየሁት እውነት ለመናገር ዶርም መግባት አልፈለኩም የዶርሜ ልጆች በጣም ነው እሚደብሩኝ ለሰው ምንም ክብር የላቸውም። እየወጣው የነበረውን ደረጃ ተመልሼ ወረድኩና ወደ ኪያር ሄድኩ ገና እንዳገኘሁት አንተ በጥዋት የት ንው የሄድከው አለኝ ከሰሙ ጋር ቤተክርስቲያን ሄደን ነው አልኩት ትንሽ ፈገግ እያለ አረ... ይሄ ነገር እንዴት ነው እኔ አላማረኝምምም... ኤቤጊያን ገፍተሽ ሰሙን ጀመርሽ እንዴ አለኝ ከት ብዬ ሳቅኩ ባክህ ሰሙ እንደዚ አይነት ነገር አመቻትም ሲቀጥል ደሞ እሷም እምትወደው ሰው አላት አልኩትና ፋታ ሳልሰጠው ቁርስ እንብላ አልኩት እሺ ደብተሬን አስቀምጠን እንምጣ ብሎኝ ሊሄድ ሲል አይ ዶርም መግባት አልፈልግም በዚው እንሂድ አልኩት የዴርሜ ልጆች ለአይኔ አስጠልተውኛል። ከኪያር ጋር እንደድሮዋችን ሁሌ ወደምንበላበት ላውንች ሄደን በልተን ከጨረስን በኃላ ኪያር ወደ ዶርም ሄደ እኔ ደግሞ ዊዝድሮው ለማድረግ ወደ ዲፓርትመንት ሄድኩ ከዲፓርትመንት ደብዳቤ ይዤ ቀኑን ሙሉ የሬጂስትራል አልሙናይ የተማሪዎች ካውንስል እና ማኔጅመንት ቢሮ ሲያመላልሱኝ ከዋሉ በኃላ ወደ 09፡00 ሰአት አከባቢ በስንት ልፋትና ጭቅጭቅ አለቀልኝ ደብዳቤዬን ተቀበልኩ ሴትዬዋ እየተመናቀረች ይህንን ደብዳቤ ኮፒ ለዲፓርትመንትቹ ሄደህ አስገባ አለችኝ ይበልጥ ቅንድቧን እየሰቀለችብኝ በጣም አናዳኛለች ብፈነግታት ደስ ታዬ ነው ምንድነው ሚያመነቃቅራት ለስራ አይደል እንዴ የተቀመጠችው አርፋ አትሰራም። የዘረጋችልኝን ወረቀት በንዴት ምንጭቅ አድርጌ ተቀብያት ወደ ዲፓርትመንታችን ሄድኩ። ቢሮ ገብቼ ጉዳዩን ለፀሃፊዋ አስረድቼ የዲፓርትመንታችን ሄድ ጋር ገባው። ስገባ ዶክተር አናንያ በመገረም ናኦድ? አሉኝ ከተያየን ትንሽ ቆይተናል የዲፓርትመንታችን ርእሰመምህር ሳይሆኑ በፊት ሁለተኛ አመት ላይ አንድ ኮርስ አስተምረውኛል የሳቸውን ኮርስ ብቸኛ A+ ያመጣሁት እኔ ብቻ ነበርኩ ለዚያም በጣም ነበር ሚወዱኝ። ሰላም ነው ዶክተር እንዴት ኖት አልኳቸው ተኮፍሰው ከተቀመጡበት የባለስልጣን ወንበር ላይ ተነሱና ጨብጠውኝ እንዴት ነህ ልጅ ናኦድ ደህና ነህ አይደል ጠፍተሃል ብዙም አላይህም ኬት ተገኘህ ዛሬ አለኝ ደና ነኝ ዶክተር እርሶ እንዴት ኖት አልኳቸው ደህንነታቸውን ነገሩኝ የግል ወሬ ትንሽ ካወራን በኃላ ለምን እንደመጣው ሲጠይቁኝ ነጭናጫዋ ሴትዬ የሰጠችኝን ዊዝድሮው አድርጌ ትምህርቴን አቋርጬ ቀጣይ አመት እንደምመለስ የሚገልፀውን ደብዳቤ ሰፊው ጠረጴዛቸው ላይ አኖርኩት። ወረቀቱን ከተደገፉበት ሳይነሱ ሳብ አድርገው ትንሽ እንዳነበቡት ፊታቸውን አጠቆሩት ደብዳቤውን አንብበው ከጨረሱት በኃላ መልሰው ወደ ጠረጴዛው መለሱትና ምነው ናኦድ ጎበዝ ተማሪ አይደለህ ምን ሆነህ ነው ትምህርት እምታቋርጠው ምንድነው ያጋጠመህ ችግር አለ ኝ ለዘብ ባለ አንደበት። አይ ትንሽ እያመመኝ ስለሆነ ነው በደምብ ታክሜ ቀጣይ አመት ብመለስ ይሻላልአልኳቸው። እርግጠኛ ነህ ህመም ብቻ ነው አይመስለኝም! እንደማይህ ጤነኛ ነህ እንዳንተ አይነት ጎበዝ ተማሪ በህመም ምክንያት የለፋበትን ትምህርት በአንዴ እንደማያቋረጥ አውቃለው ሌላ ነገር ከሆነ ንገረኝ ልረዳህ እምችለው ነገር ከሆነ አግዝሃለው ህመም ምናምን ብለህ ተርካሻ ምክንያት አትስጠኝ አንተ ከዚህ በላይ ነህ ንገረኝ ምን እንደሆንክ አሉኝ። ዶክተር አናንያ በጣም ጥሩ ሰው ናቸው በጣምም ከምወዳቸው መምህሮቼ እሳቸው አንደኛው ናቸው ደብቃቸው አልፈለግኩም ሁሉንም ነገር ከስር ከመሰረቱ ነገርኳቸው እሳቸው የሚያውቁት የድሮውን ናኦድ እንጂ የአሁኑን ለሁሉም ነገር ግድየለሽ ልፍስፍስ ናኦድ አያውቁትም ሁሉንም ነገር ስነግራቸው በጣም ነበር ያዘኑት። መነፅራቸውን አውልቀው አይናቸውን አሸት አሸት ካደረጉ በኃላ መልሰው አደረጉትና አዝናለው ናኦድ ለተፈጠረው ነገር ፍቅር መልካም ነገር ሆኖ ሳለ ኑር ግን እዚህ የትምህርት ተቋል ከመጣህበት አላማ ሊያሰናክልህ አይገባም አንተ የወደድካት ልጅ መልሳ ካልወደደችህ ምን ማድረግ ትችላለህ ምንም! ፍቅር በልብ ውስጥ እሚኖር ስሜት ነው ያኃንን ስሜት በግድ ልታመጣው አትችልም ከሌለ የለም ነው ይህንን ማመን አለብህ ራስህን ስለጣልክ ትምህርትህን ስለተውክ እሷ ትወድሃለች ማለት አይደለም አሉኝና ትንሽ ዝም ብለው ማሰብ ጀመሩ ....
መነፅራቸውን አውልቀው ጠረጴዛቸው ላይ አስቀመጧትና እእእ ምን አምናለው ምሰለህ ናኦድ ሰው መንገዱን ሲስት መክሮ እሚመልሰው ሌላ ሰው ያስፈልገዋል ብዬ አላምንም ይህ ትክክለኛው የህይወት መንገድ ነው ብዬ አምናለው አንተ መንገድህን ስትስት እንደተሳሳት ሰው ነግሮህ ሳይሆን ራስህ አውቀህ ነው መለስ ያለብህ ስለዚህም እኔም አሁን የመከርኩብ ከበቂ በላይ ነው ራስህ ከጠፋህበት መንገድ ፈልገህ ወደቀድሞው መንገድህ ተመልስ ያኔ ህይወት ሁሉንም ነገር በራስህ መንገድ ያስተማረችህ ብቁ ሰው ትሆናለህ ስትወድቅ አይዞህ ባይ አባባይ አትፈልግ ራስህ ከወደቅክበት ተነስ እኔም እምልክ ይሄንን ነው አስተዋይ ስለሆንክ ትንሽ የምነግርህ ነገር ይበቃሃል እንደቀድሞው ጎበዝና አስተዋይ ተማሪ እንደምትሆን አምናለው ራስህን ፈልገህ አግኝ አሉኝ። ዶክተር አናንያን ተመስጬ እየሰሟኃቸው ነበር ደስ ስላለኝ አመስግኛቸው ተነስቼ ስወጣ ቀጣይ አመት ስመለስ በአዲስ ጠንካራ ማንነት እንድመለስና መጥቼ እንዳሳያቸው አሳስበውኝ እስከ ቢሮዋቸው መውጫ ሸኝተውኝ ተመለሱ።

ይቀጥላል....

https://t.me/New_life_20

https://t.me/New_life_20

💓💓💓💓💓ሞሮ 💓💓💓💓💓
💓💓💓💓 ክፍል 23 💓💓💓💓
ፀሃፊ ፦ ረምሃይ

አረ ሰሙ በሰስፔንስ ገደልሽኝ እኮ እእእ ምንድነው ይሄ ሁሉ ሰአት ዝም ማለት አልኳት ብዙ ሰአት ዝም ብላ ተክዛ ስትቆይ ግዜ። ከሄደችበት ሰመመን ለመንቃት እየሞከረች እእእእ ... እንዴት እንደምመክርህ ግራ ስለገባኝ እኮ ነው አለችኝ ምክር? ብዬ ጠየቅኳት አው ምክር ማለት ትናንት እንደዛ ተናድጄ ልመክርህ ስላልቻልኩ ነው ዛሬ እራሴን አረጋግቼ ያገኘሁህ በእንደዛ አይነት ሁኔታ ውስጥ ሆኜ መግባባት አንችልም ነበር ለዛ ነው እና ትላንት በሃይለቃል የተናገርኩህን ነገሮች ዛሬ አለዝቤ በምክንያታዊነት ላሳምንህ እፈልጋለው እና ለራስህ ዋጋ ሰጥተህ ራስህን አክብረህ እንደበፊትህ ብርቱ እና ጠንካራ ሆነህ ማየት እፈልጋለው አውቃለው ድሮ አንተዋወቅም ግን አሁን ባለው ስልቹ ማንነትህ ውስጥ የድሮውን ጠንካራ እና ብርቱውን ናኦድ ማየት እችላለው አቅሙ አለህ ሀይሉ አለህ እና ልትቀየር ይገባል ፍቅር ከእግዚያብሄር ካልታደለህ የተባረከ አይሆንም እምትኖረው ኑሮ እና ውሳኔዎችህን ለእርሱ አሳልፈህ ስጥ እስከመቼ ላንተ ከማትሆን ሴት ጋር ትሆናለህ እእእ አለችኝ ሰሙ እምትናገራችው ነገሮች አንዳቸውም ውሸት አልነበራቸውም ዛሬ የጠራችኝ ልትመክረኝ እንደሆነ ገባኝ። ዝም ስል ግዜ የውልህ ናዲ ይህቺ የተሰጠችህ ህይወት ውድ ናት እዚች አለም ላይ እምትኖረው ለ ጥቂት አመታት ነው በከንቱ ግዜህን አታባክን መልካም ነገር አድርግባት ቁምነገር ስራባት አለበዚያ የህይወት ትርጉሙ ይጠፋብሃል ልብ ብለህ ካየህ በእኛ እድሜ ያሉ ወጣቶች ብዙዎቹ የህይወት ትርጉም ያልገባቸው ተስፋ ቢሶች ደስታ እና የውስጥ ሰላማቸውን የተነጠቁ ሰዎች ናቸው እኔና አንተንም ጨምሮ በምኖረው ህይወት ተስፋ እንቆርጣለን ደስተኞች አይደለንም የውስጥ ሰላማችንን መጠበቅ ተስኖናል ለምን ይመስልሃል ገምት እስኪ አለችኝ ወደኔ ይበልጥ ዙራ እያየችኝ። ሰሙ ያለቻቸው ነገሮች አፅንኦት ሰጥቼ እየሰማኃት ነበር በአጭሩ ገና መኖር ሳንጀምር መኖር ስለሚያስጠላን የምንፈልገውን ነገር ሳናገኝ ስንቀር ተስፋ እንቆርጣለን ደስታ ይርቀናል የውስጥ ሰላማችን ይነጠቃል አልኳት በእልህ ሁልጊዜ ውስጤ ይበላኝ የነበረውን ነገር ስለነካካችው ነው መሰል። አው በትክክል ህይወት እንዲ ናት በፈተና የተሞላች ናት እምትፈልገውን ሳይሆን እሚያስፈልግህን እወቅ ፈጣሪ እሚሰጥህ ላንተ እሚጠቅመውን እሚያስፈልገውን እንጂ አንተ እምትፈልገውን አይደለም አንተ እምትፈልገው ነገር ምናልባትም አንተን እሚጎዳህን ነገር ይሆናል አምላክ ግን በጥበቡ ሁሉን ስለሚያውቅ እምትፈልገውን መጥፎ ነገር ይከለክልሃል አንተ እንደተከለከልክ እንጂ እንደሚጎዳህ ስለማታውቅ ትናደዳለህ ያኔ እማይሆነገሮች ውስጥ መግባት ትጀምራለህ ቅድም ያልናቸው ነገሮች በሙሉ መ ምጣት ይጀምራለ ናዲ ደግሜ ደጋግሜ እልኃለው እሚያስፈልግህን ነገር በደምብ እወቅ አንተ እምትፈልገው እና አንተ እሚያስፈልግህ ነገር የሰማይና ምድር ልዩነት ሊኖራቸው ይችላል አንተ እምትፈልገው ሊጎዳህ እሚችል ነገር ከሆነ ትከለከላለህ እምትፈልገውን መሰረታዊ ነገር ብቻ አምላክህን ጠይቀው የሱ ፍቃድ ካልሆነ እንደማይጠቅምህ አምነህ እርግፍ አድርገህ ተወው። ጠንካራ ማንነት ያለው ደስተኛ የሆነ ሰላሙ የበዛለት ሰው መሆን ከእማይጠቅምህን ነገር መተው ተማር አሁን ያለህበት ነገር ውስጥ የገባኀው በትምርትህ የሰነፍከው በህይወትህ ተስፋ የቆረጥከው ራስህን የጣልከው ብዙ ነገር የሆንከው በኤቤጊያ ምክንያት ነው እሷ ላንተ ለአዳም እንደተከለከለችው እፅ ማለት ናት አትጠቅምህም እማይጠቅምህን እያማያስፈልግህን ነገር መተው ልመድ አውቃለው ያፈቀሩትን ሰው በአንዴ መተው ቀላል አይደለም እኔም እንዳንተ የሆነን ሰው ለመርሳህ ብዙ ጥረት አድርጊያለው ይከብዳል ግን በጊዜ ሂደት ሁሉንም ነገሮች እንደምታስተካክላቸው አምናለው ባንተ ተስፋ አልቆርጥም ጠንካራ ነህ ጎበዝ ነህ አምናለው እሚጠቅምህንና እሚጎዳህን ነገር ለይተህ ታውቃለህ የኔ ምክር ከጠቀመህ ተሐቀምበት አለችኝ። ሰሙ ስትመክረኝ እኔ ራሴን እየወቀስኩ ነበር ድሮ የነበረውን ናኦድ አስታወስኩት ጠንካራ በትምህርቱ እማይደራደር ደስተኛና ሰላማዊ... የድሮው ናኦድ ናፈቀኝ። እውነት እልሻለው ሰሙ ያንቺ ምክር መሬት ጠብ አትልም ወደ ድሮው ማንነቴ ተመልሼ አኮራሻለው አሁን የመከርሽኝ ምክር ምን ያህል ለኔ የማንቂያ ደውል እንደሆነ አታውቂም እውነት እዚው በተቀመጥንበት መሬት እምልልሻለው ተለውጬ አሳይሻለው እርዳታሽ ግን እንዲለየኝ አልፈልግም አልኳት ሰሙ ደስስስ... አላት ሁሌም ከጎንህ ነኝ በምትፈልገው ነገር ሁሉ የአቅሜን አረዳሃለው አለችኝ። ድስ አለኝ በቃ እንናሳና እንሂድ ያው ምክሬ ገና እየጀመረ ነው አላለቀም ይቀጥላል ክፍል ሁለት ሸገር ስመጣ በሰፊው ሁሉንም ነገር እናወራለን አሁን ሳይረፍድብህ ሄደህ ዊዝድሮው ሞልተህ ከኪዩ ጋር ወደ ሸገር ተመለሱ ቅዳሜና እሁድ ስመጣ እንገናኛለን ያው ፋይናልም ስለደረሰ ክረምት በሰፊው.... አለችኝ እየሳቅኩ እሺ በይ ተነሽ ብያት ሄድን መኪናው ውስጥ ገብተን ከቅድስት ማርያም ቤተክርስቲያን ወጥተን ወደ ግቢ ተመለስን ግቢ በግ ተራ አከባቢ ስንደርስ ሰሙ ቅድም ያለችኝ አንድ ነገር ትዝ አለኝና ሰሙ ቅድም ስታወሪኝ ጠይቅሻለው ብዬ ረስቼው አንቺ አፍቅረሽ አልወጣልሽ ያለው ጎረምሳ ማነው? አልኳት እየሳቅኩ ምን!? ብላ ደነገጠች ማ..ማንም አለችኝ እእእእህህህ ነገሪኛ ምን ችግር አለው አልኳት ይበልጥ ፊቷ ሲረባበሽ ታወቀኝ ግራ ገባኝ ትንሽ ራሷን ካረጋጋች በኃላ እሺ ልንገርህ አለችኝ ሰሙን ያገኘው እድለኛ ወንድ ማን እንደሆን ለማወቅ እየቋመጥኩ ወደሷ ዞሬ ተቀመጥኩ።

እእእሺ እንዴት ነው ሞሮ ተመችቷችኃል ይቀጥል? ከተመቻችው ላይክ እና አድ ይደረግ አስተያየታችሁን እንደተለመደው በኮሜንት መስጫው ላይ ገፍተር ገፍተር አርጉልኝ አመሰግናለው

ይቀጥላል ....

Join 👇👇👇

https://t.me/New_life_20

https://t.me/New_life_20

💓💓💓💓💓ሞሮ💓💓💓💓💓
💓💓💓💓 ክፍል 22 💓💓💓💓
ፀሃፊ፦ ረምሃይ

ሁሉም ሰው ቀስበቀስ ከሄደ በኃላ ሰምሃል ነጠላዋን አስተካክላ ወደኔ እያየች ዛሬ ለምን እንደፈለኩህ ታውቃለህ የመጀመሪያው ያው ትናንት ለተፈጠረው ነገር ይቅርታ ልጠይቅህ ነው ማለት እኔ እንደዛ መናደድ አልነበረብኝም እሷ ነገርስራዋ ስላናደደኝ እሷን በተናገርኩበት አንተንም ተናገርኩህ ይቅርታ። ትናንት ማታ ከአዲስ ተመልሰን ዶርም ኤቤጊያን ጥሪልኝ ብለኀኝ ሄጄ ልጠራስ ስል እሷ ሌላ ቦታ ለመሄድ እየተዘገጃጀች ነበር ከራስታው ጋር ተቀጣጥረው ነበር እና እሱን ልታገኘው እየወጣች ነበር የተገናኘነው እና በግድ ነው አንተን እንድታገኝህ ያልኳት ያው ትናንት እንደነገርኩህ አንተን ባለፈው ስላስቀየመችህ አኩርጊያት አናወራም ነበር እና እኔ እንድታረቃት ከፈለገች አንተን መጀመሪያ ይቅርታ እንድትልህ ብዬ ነው በግድ የላክኲት እንጂ አልፈለገችም ነበር እሷ ላንተ ጥሩ ስሜት የላትም እኔ የግድ አስጨንቄ ስለያዝኳት ነው እንጂ.... ብቻ ይቅርታ በጣም ብዙ ነገር ነው ያጠፋሁት ብላኝ በረጅሙ ተነፈሰች ገረመኝ አረ እንደው ምን አይነት ተፈጥሮ ያላት ልጅ ናት ምንም ባልበደለችው ነገር ልትረዳኝ በሞከረችው ነገር ይቅርታ የምትጠይቅ ሴት እንደው ምን አይነት ሴት ናት? በሰምሃይ ይበልጥ ተገረምኩ ስለሷ በሃሳብ ሰመመን እያሰብኩ ሳይታወቀኝ ብዙ ዝም አልኩ።
ድንገት ሰሙ እያለቀሰች ተቀይመኀኝ ነዋ ዝም የምትለው ይቅርታ አልኪህ አይደል ከይቅርታ በላይ ምን አለ አለችኝ ደነገጥኩ ያልጠበቅኩት ነገር ነበር አቅፊያት እያረጋጋኃት አረ ሰሙ.እኔ ምንም አተቀየምኩሽም ማርያምን ምንም ያስቀየምሽን ነገር የለም ሁሉም ነገር ለኔ አስበሽ በቅን ልቦና ያደረግሽው ነገር እንደሆነ አውቃለው እባክሽ አታልቅሺ ዝም ያልኩሽ እኮ ገርማሽኝ ነው የምር ምንም ሳታጠፊ ይቅርታ ስትይኝ ገርሞኝ ነው እንጂ ተቀይሞሽ አደለም አልኳት በነጠላዋ እንባዋን እያበሰች እሺ አለችኝ። ወደ ሰመመኔ ተመለስኩ ሁለት ጓደኛሞች ግን በምንም አይነት መንገድ ስብእናቸው እማይገናኙ ለየቅል ሰማይና ምድር ርቀት ያላቸቅ ፍጥረቶች ሆኑብኝ ሰምሃል እና ኤቤጊያ ሁለቱንም ማነፃፀር ጀመርኩ ምንም ባህሪያቸው እማይገናኙ ጓደኛሞች!!። ከሰመመኔ ተመለስኩ ዝምታው ሲበዛ ዝምታውን ለመስበር እሷንም ነቃ ለማድረግ ፈገግ እያልኩ እሺ ወይዘሪት ቦጋለች እና ደና ነሽ አልኳት። ለምን ቦጋለች እንዳልኳት ስለገባት ነው መሰል ከት ብላ ሳቀች እንደመቆጣት እያለች እኔን ነው ቦጋለች ያልከው አንተ ብላኝ ትከሻዬን ገፋ አደረገችኝ እየሳቅኩ አረ እኔ አደለሁም ሆ.... ኪያ ነው ያለሽ ትናንት ዶርም ቦጋለለለ...ች ቦጎ እያለ ሙድ ሲይዝብሽ ነበር አልኳት ከቅድሙ የባሰ ሆዷን እስኪያማት ፍርፍር ብላ ሳቀች ቆይ ላግኘው ብላ እየሳቀች ዛተችበት ተሳስቀን ስናበቃ ቆይ ግን ትናንት ዶርም ስትገቢ ከኤቤጊያ ጋር እንዴት ሆናችው አልኳት። ማታ ካንተጋ ተለያይተን ወደ ዶርም ስሆድ አልነበረችም ከራስታው እና ጓደኞቹ ጋር በዛው እንደወጣች እነ ሊዱ ነገሩኝ እንኳንም አላደረች ለነገሩ ይበልጥ እሚያስጠላ ነገር ነበር እሚሆነው አለችኝ ውስጤ ምንም አልተሰማኝም ለኤቤጊያ ያለኝ ፍቅር በመጠኑ ቀንሷል ሳልማት የነበረችውን አይነት ሴት አልሆነችልኝም ነበር ።
ሰአቱ እየረፋፈደ ስለነበር በቃ ሰሙዬ ተነሽና እንሂድ ዊዝድሮው ፎርም ምናምን መሙላት አለብኝ እንንቀሳቀስ አልኳት ልነሳ ስል እጄን ያዝ አደረገችኝና ቆይ ዛሬ የፈለኩህ ለዚህ ብቻ አደለም ሌላ እምነግርህ ጉዳይ አለ አለችኝ። እህህህ ምንድነው ቆይ ልትነግረኝ የፈለገችው?


Like like👍👍👍👍

https://t.me/New_life_20

https://t.me/New_life_20

💓💓💓💓💓ሞሮ 💓💓💓💓💓
💓💓💓💓 ክፍል 21 💓💓💓💓

በጥዋት የስልክ ጥሪ ከእንቅልፌ ቀሰቀሰኝ ከጥኡም እንቅልፌ የቀሰቀሰኝን ስልክ እየተራገምኩ አይኔን በግድ እያጨናበስኩ ከፍቼ አየሁት ሰምሃል ነበር የደወለችው አንስቼው ሄሎ አልኳት እስካሁን አልተነሳህም በጥዋት ነበር ያልኩህ እኮ ምን ሁነህ ነው ያልተነሳከእ አለችኝ ስልኩን ከጆሮዬ ላይ አንስቼ ሰአቱን አየሁት 11፡45 ይላል። እንዴ ገና 12 ሰአት እንኳን እኮ አልሆነም ምንድነው አልኳት ተነስ ቤተክርስቲያን ደርሰን እንመጣለን አለችኝኛ ስልኩን ዘጋችው። ግማሽ ነቅቼ ግማሽ በእንቅልፍ ልብ ተነስቼ ልብሴን ከለባበስኩ በኃላ ከዶርም ወጥቼ ወደ በግ ተራ ሄድኩ በግ ተራ አከባቢ ስደርስ የአባቴ መኪና እዛው ትናንት ትቻት የሄድኩበት ቦታ ቁጭ ብላለች ደንገጥ አልኩ ትናንት የተፈጠረው ጉድ የአባቴን መኪና ይዤ እንደመጣው እንኳን አስረሳኝ ሮጥ ብዬ ሄጄ አየሁት ቁልፉ መኪናው ውስጥ እንደተንጠለጠለ ነው አዪዪ.... የአንዱ ባለስልጣን መኪና መስሏቸው ፈርተው ነው እንጂማ የኛ መሆኗን ቢያውቁ ጥላዋ ብቻ ነበር ቦታው ላይ እሚገኘው ናዝሬት ከአፍ ውስጥ እሚታኘክ ማስቲካ ባለቤቱ ሳያውቅ እሚሰርቁ ገራሚ ገራሚ አጭቤዎች ያለባት ከተማ ናት። እንዲህ እንዲህ እያስብኩ ሰምሃል ነጠላ ለብሳ ከኃላዬ መጥታ ነካ አደረገዥኝ በዚ ለሊት መንፈስ የነካኝ መስሎኝ በድንጋጤ እንደፌንጣ ዘለልኩ ሰምሃል ነገረስራዬ አስገርሟት ከት ብላ ሳቀች ትናንት እንደዛ ቦጋለች ሆና ዛሬ ስትስቅ ማመን ይከብዳል ማታ ዶርም ኪያር ቦጋለች እያለ ሙድ ሲይዝባት ነበር።

ሰላም ተባብለን ስናበቃ መኪናዋ ውስጥ ገብተን ወደ ዋናው በር አቀናን በር አከባቢ ስንደርስ የት ቤተክርስቲያን ነው ምንሄደው? ብዬ ጠየቅኳት መኪናዋን ለመዘወር እንዲያመቸኝ። ቅድስት ማርያም እንሂድ አለችኝ የመኪናዋን መሪ ወደ ቀኝ ዘወርኩና ወደ አስፓልቱ ወጣን ወደ ቅድስት ማርያም ቤተክርስቲያን መስመር ይዘን መንገድ ጀመርን ለሊቱ ገና ለቀን ለማስረከብ እየተዘጋጀ ነው በከፊሉ ጨለማ ነው በየመንገዱ ዳር የአስፓልቱን ብርትኳናማ መብራት እየታከኩ የሚታዩት ውሾች ብዙ ናቸው። ሁለታችንም ዝም ተባብለን ቅድስት ማርያም ቤተክርስቲያን ደረስን። መኪናዋን በቤተክርስቲያኑ በስተግራ በኩል አቁመን በዛፍ ወደተከበቡት ፀበል ቤት አከባቢ ሄደን ተቀመጥን የካህናቱ ስርአተ ቅዳሴ በስፒከሩ ጎልቶ ይሰማል በየጥጋጥጉ ነጫጭ ነብሰው የቆሙ ሰዎች አልፎአልፎ ይታያሉ ከኃላ ጥግ ላይ ካሉት የድንጋይ መቀመጫዎች አከባቢ ሄደን ቆመን ማስቀደስ ጀመርን ሰዉ ሲያስቀድስ ሰሙም ቆማ ስትፀልይ እኔ አከባቢውን እቃኛለው የዛፎቹ ቅጠል ርጋፊዎች መሬቱን ሞልተውታል ንፋሱ ከነአቧራው እየጠረገ ከአስፓልቱ መንገድ ላይ ይቸፈችፋቸዋል እንዲህ ተመስጬ እያለ ሰምሃል በሚያምር ቅላፄ ምስለ መንፈስከ! አለች ትንች ከጉልበቷ ሸብረክ ብላ እያጎነበሰች እኔም ፀሎት ላይ መሆኔን ረስቼ ስለነበር ደንገጥ ብዬ ጎንበስ አልኩ ለሰአታት ቅዳሴው ቀጠለ ውስጤ ድክም አለኝ እኔ ብዙ ግዜ ቤተክርስቲያን የመሄድ ልምድ የለኝም ሰምሃል እምታደርጋቸውን ነገሮች እያየው ከሷ እየተከተልኩ አደርጋለው። በስተመጨረሻም ወደ 2፡30 አከባቢ ቅዳሴው አልቆ ምእመኑ ፀበል እየጠጣ ወደየቤቱ መሄድ ጀመረ እኛም ፀበል ጠጥተን ወደቦታችን ተመልሰን ተቀመጥን። ውስጤ አንድ ጥያቄ ይመላለሳል ሰምሃል እንዲ በጥዋት የፈለገችኝ ለምንድነው just ቤተክርስቲያን ደርሶ ለመምጣት ነው ወይስ ሌላ ነገር አለ? ይህ ጥያቄ ከቅድም ጀምሮ ሲከነክነኝ ነበር።


ይቀጥላል.....

https://t.me/New_life_20

https://t.me/New_life_20

ሞሮ
ክፍል 20


ሰምሃል ኤቤጊያን በጥፊ አጮለቻት ኤቤጊያ ይበልጥ ደንግጣ ጉንጯን እያሻሸች ምን አረኩሽ ሰሙ አለቻት። ሰሙ....ሙ አትበይኝ አንቺ ደደብ ነሽ ማፈሪያ! እንደሰው እሚያስብ አእምሮ ቢኖርሽ እንዲ እሚያሳፍር ነገር ባላደረግሽ ነበር ከዚ በኃላ ቀና ብለሽ እንዳታዪኝ አጠገቤ እንዳትደርሽ እኔ ከእንዳንቺ አይነቱ የቀለለ ስብእና ያለው ሰው ጋር ጓደኛ መሆን አልችልም አለቻትና እየደነፋች ወደኔ ዞራ ይዛኝ ልትሄድ ስትል ኤቤጊይ እጇን ያዘቻትና የምርሽን ነው ብላ ጮኀች አንድ ወር ለምታውቂው ሞሮ ብለሽ የአመታት ጓደኛሽን ልትጣዪ ነው አረ ይደብራል ሼም ነው! ኤቤጊያ ይህንን ስትል ሰምሃል ወደኔ ዙራ ነበር ሞሮ ስትላት ንዴቷ ጣራ ሲነካ አይቼ እኔ እራሱ ፈራኃት። ወደ ኤቤጊያ ዞራ እጇን መንጭቃ አስለቅቃት ሞ...ሮሮሮ አትበይውውውውው!! አንቺ ቀላል ብላ ጮኀችባት ሁሉም ሰው ድምፁን አጥፍቶ ድራማውን በተመስጦ ይከታተላል ሰምሃል እየተንቦገቦገች ወደ ኤቤጊያ ስትጠጋ ራስታው ልጅ መሃል ገብቶ ገላገላት ዞርበል አንተ ብላ ገፈተረችው ራስታው ልጅ መሬት ላይ ወደቀ ኤቤጊያ እየተናደደች ምንድነው ቆይ ችግርሽ በጣም ነገሩን አካበድሽው አለቻትና ራስታውን ልታነሳው ስትል ሰምሃል የብሽቀት ሳቅ እየሳቀች አንቺ መልካም ስብእና ስለሌለሽ መልካም ሰው ምን አይነት እንደሆነ አታውቂም ከስብእና ይልቅ ዘናጭ እና አጉል አራዳ ነኝ እሚል መወልወያ ራስ ነው የሚመችሽ ስትል ሁሉም ተማሪ ራስታውን እያዪ እንደጉድ ሳቁበት ኤቤጊያ ይበልጥ ተቃጠለች እሱን እዚ ውስጥ አታስገቢው እኔ... ሰምሃል እስክትጨርስ አልጠበቀቻትም አንቺ የጠበሽው ራስታ እሚወድሽ ይመስልሻል ደና ስሜቱን እሚወጣብሽ ርካሽ ሴት ነሽ አደለም አንቺን እኔንም ጠይቆኝ.... ብላ ድንገት አቆመችውና ተይው በራስሽ ግዜ ታይዋለሽ ብላት አፏን አሲዛት ወደኔ ዞራ እንሂድ ብላኝ የተሰበሰበው ሰው እየሳቀ ከኪያር ጋር ሶስታችንም ጥለናቸው ሄድን።
ሰምሃል አሁንም ንዴቷ አለቀቃትም
እኔም ኪያም ዝም ብለን አብረናት እንሄዳለን አምፊ አከባቢ ስንደርስ ወደኪያር ዞረችና ኪዩ አንዴ ናዲን ስለምፈልገው አንተ ወደ ዶርም ሂድ እሱ ትንሽ ቆይቶ ይመጣል አለችው ኪያር ስለፈራት እሺ ብሏት መሰስ ብሎ ከአምፊ አከባቢ ጠፋ ደረጃዎቹ አከባቢ ስንደርስ ቆምን ተቀመጥ! አለችኝ ንግግሯ ውስጥ አሁንም ንዴት አለ ምንም ልላት ስላልፈለግኩ እሺ ብያት ስልልም ብዬ ደረጃዎቹ ላይ ቁጭ አልኩ እሷ ደረጃዎቹን ቀስ እያለች ወርዳ ከፊቴ ዝም ብላ ቆመች። በእግሯ መሬቱን ተጠበጥበዋለች ራሷን በሁለት እጇ ትይዘዋለች ግራ ተጋባው ሰሙ ይሄን ያክል ምን ሁና ነው እኔ የማላውቀው ሌላ ፀብ አላቸው እንዴ? ራሴን ጠየቅኩ። ድምፄን ለስለስ አድርጌ ሰሙ ቆይ ምን ሆነሻል በጣም ተናደድሽ ብዙም እሚያናድ ነገር እኮ አልነበረም አልኳት። ሰምሃል አይኗን እኔ ላይ ይበልጥ አጠጠችው ወዲያው ምን ልትለኝ እንደሆን ገምቼ ባላወራው ይሻለኝ ነበር ብዬ ተፀፀትኩ። አንተ ቆይ እስከመቼ ነው እንደዚ እምትሆነው ትንሽ ለራስህ እንኳን ክብር አይኖርህም! አይሰማህም! ያሃ ሁሉ ሰው እየተሳለቀብህ አፈቅራታለው እምትላት ሴት እንኳን በአደባባይ እያዋረደችህ ትንሽ አይሰማህም እስከመቼ ነው እንዲ እምትሆነው እራስህን አስተካክል እንጂ ሁለት አመት በሷ ያቃጠልከው ቀላል ይመስልሃል ሁለት አመት የማትመጥንህን ሴት ስትጠብቅ ጀዝበህ ቀረህ ግቢው ሙሉ ጀዝባ! ሞሮ! ሲልህ እንኳን አትነቃም አይሰማህም ቀና ብለህ እየኝ ምን ታቀረቅራለህ ብላ ጮኀችብኝ። ምንም ልናገራት አልቻልኩም ግቢው ሙሉ ጀዝባ ሲለኝ ሞሮ.እያለ ሲያላግጥብኝ በጣም ከመደነዜ የተነሳም ምንም አይሰማኝም ነበር። ሰምሃል በረጅሙ ኡፍፍፍፍ.... ብላ በረጅሙ ተነፈሰችና ራሷን ለማረጋጋት ከስሬ ካለው ደረጃ ላይ ቁጭ አለች የተወሰኑ ደቂቃዎች በዝምታ አለፉ። ሯሷን በደምብ ካረጋጋች በኃላ ይቅርታ ናዲ ትንሽ ስሜታዊ ሆኜ ተናገኩህ ትንሽ ተናድጄ ስለነበር ነው ነገ በጥዋት ላግኝህና እናውራለን እንዳትቀር እሺ ማውራት ያለብን ጉዳይ አለ ብላኝ ቻው እንኳን ሳትለኝ እዛው አምፊ ደረጃዎች ላይ ጥላኝ ሄደች። እኔም ትንሽ ተቀምጬ በሰመመን ሆኜ ካሰብኩ በኃላ እስከመቼ? ብዬ ራሴን ጠየቅኩ እና መልስ ከማንም ሳልጠብቅ ወደ ዶርም ልሄድ ተነሳው።

ይቀጥላል ....

https://t.me/New_life_20

https://t.me/New_life_20

ሞሮ
ክፍል 19


በእጄ የያዝኩትን ፌሮ በንዴት ኤቤጊያ ፊት ላይ ቀስሬው እንዳለ ራስታው ልጅ እኔን ለማረጋጋት ወደኔ ሲጠጋ ኤቤጊያ ፊት ላይ ተቀስሮ የነበረው ፌሮ እሱ አናት ላይ በሃይል ተሰነዘረ ራስታው ወዲያው ደምበደም ሆኖ መሬት ወድቆ ተዘረረ ኤቤጊያ ይህንን ስታይ ጩኀቷን አቀለጠችው አብረውት ቆመው የነበሩት ጓደኞቹ ደንግጠው እንደድንጋይ ደርቀው ቀሩ ከወር በፊት ያደረጉት ትዝ ብሏቸው ለመሮጥ ሲዘጋጁ ሁለቱንም በፌሮው እንደ እባብ አናት አናታቸውን ቀጠ አጥኳቸው ወዲያው ሰዉ ተሰብስቦ ገላገለን ንዴቴን መቆጣጠር አልቻልኩም ብንን!! እላለው ይህ ሁሉ ጉድ በሰመመን በቁሜ ስቃዥ ነው!!! ይበልጥ ተበሳጨው ኪያር ከኃላዬ ሆኖ እንሂድ በቃ እያለኝ ነው ኤቤጊያ አሁንም በራስታው እቅፍ ውስጥ ናት በሰመመን ያየሁትን ልደግም ፌሮውን በሃይል እንደጨበጥኩ እንዴቴ ሊወጣ እየተፍለቀለቀ በፍጥነት እነኤቤጊያ ወደቆሙበት ቦታ ሄድኩ ልክ አጠገባቸው ስደርስ ንዴቴ እንደቅቤ ቅልጥ ብሎ ጠፋ አንደበቴ ተሳሰረ ወንድነቴ ከዳኝ አጠገባችው ዝም ብዬ ስቆም ኤቤጊያ ድንገት ስትዞር አይታኝ በጣም ደነገጠች ራስታው እና ጓደኞቹም አዩኝ ኤቤጊያ ዝም አለች ራስታው ኮስተር ብሎ አንተ በሽተኛ ዛሬም በሺሻ እቃ ልትደበድበኝ ነው አለ ሁለቱ ጓደኞቹ ከት ብለው እየተሳሳቁ አረ እሱ በሽተኛ አይደለም ጀዝባ ነው ሞሮ! አሉት እየተሳለቁብኝ በግ ተራ አከባቢ ያሉት ሰዎች እንዳለ ቀስ በቀስ ድራማውን ለመታደም መሰብሰብ ጀመሩ። መንቀሳቀስ አልቻልኩም መላ ሰውነቴ አንደበቴን ጨምሮ ተሳሰረ ሁሉም ሰው ሞሮ ሞሮ ሞሮሮሮሮ.... እያለ መሳሳቅ ጀመሩ ምንም ግድ አልሰጠኝም ነበር ነገር ግን በዚ ሁሉ ወከባ መሃል ኤቤጊያ ሞሮ ብላ ስትስቅ አየኃት ልቤ ተሰበረ እምወዳት ሴት እኔ ላይ ተሳለቀች እንባዬ መጣ በንዴት ጨ ብጬው የነበረውን ፌሮ መሬት ላይ ለቀቅኩት ወደ ኤቤጊያ እያየው በግድ አንድበቴ እየተፋተገ ለ..ለምን! አልኳት እንባ ከአይኔ እንደጅረት እየፈሰሰ። ኪያር የተሰበሰበውን ተማሪ ሰንጥቆ እየገባ በግድ ጎትቶ ሊወስደኝ ሲል እምቢ አልኩት ኤቤጊያ ወደኪያር እያየች ወይኔ በናትህ ኪያር ውሰደው አሄንን ልጅ እንዴ... እኔ በቃ ከዚ በላይ ማስመሰል አልችልም ከእንደዚ አይነት ጀዝባ ሰው ጋር መሆን አልፈልግም አለችው ውስጤ በጣም ተጎድቶ ይበልጥ ሲጠዘጥዘኝ ተሰማኝ ኪያር የኔን እጅ ለቆ እሳት ለብሶ እሳት ጎርሶ ወደ ኤቤጊያ ምን አልሽ አንቺ ቅሌታም! ብሏት ሲጠጋት ራስታው እና ጓደኞቹ ከፊቷ ቆመው ምን ልትሆን ነው ብለው አፈጠጡበት። ኪያር ከነሱ ይከራከራል የተሰበሰበው ህዝብ ይስቃል ይሳለቃል ኤቤጊያ ተደብቃለች እኔ እንባ ከአይኔ እንደጅረት ይወርዳል ድንገት ራስታውና ጓደኞቹ ዞር ሲሉ ኤቤጊያን እጇን ያዝኳትና መሬት ላይ ተንበርክኬ እየተነፋረቅኩ እኔ እኮ አፈቅርሻለው አቢ ከማንም በላይ አፈቅርሻለው አልኳት ሁሉም ሰው ኮሜዲ ፊልም እንደሚያይ ይበልጡኑ ሳቁ ኤቤጊያም ሳቀች እኔና አንተ እንመጣጠንም በደረጃህ ፈልግ በላ እጇን በግድ አስለቀቀችኝ።
ቀና ብላ የሆነ ነገር ያየች ይመስል በአንዴ ፈገግታዋ ውሃ እንዳጣ ተክል ድርቅ ብሎ ስትደነግጥ አየኋት ኪያር በግድ ከተደፋሁበት መሬት ጎትቶኝ ቀና አልኩ የኤቤጊያን ሳቅ ምን እንዳደረቀው ለማየት እሷ ወደምታይበት አቅጣጫ አየው ከኃላ ከሁሉም ራቅ ብላ ሰምሃል ቆማ እሚሆነውን ሁሉ እያየች ነበር ልክ እኔ ሳያት በፍጥነት ሰዉን እየገፈታተረች ወደኛ መጣች ኤቤጊያ ይበልጥ ስትጨነቅ አየው ልክ አጠገባችን ስትደርስ ሰምሃል ኤቤጊያን በጥፊ......

ይቀጥላል ....

https://t.me/New_life_20

https://t.me/New_life_20

ሞሮ
ክፍል 18



ግቢው ውስጥ እየተዋውርን ወክ አደረግን የኛ ግቢ ወክ ለማድረግ ምቹ የሆኑ ብዙ ቦታዎች አሉት። በግምት ለ30 ደቂቃ ወክ እንዳደረግን የኤቤጊያ ስልክ ጠራ አየችውና ሳይለንት አድርጋው በቃ ናኦልዬ ወደዶርም እንመለስ በቃ የዶርሜ ልጆች እየጠበቁኝ ነው እራት አልበላንም አለችኝ እሺ ብያት ወደ ዶርማቸው አቅጣጫ መመለስ ጀመርን መኪናዋን ያቆምንበት ቦታ ስንደርስ በቃ ተመለስ አንተ ከዚ በላይ መሸኘት አይጠበቅብህም ራስህን ጠብቅ እሺ ናኦል ቻው ብላኝ ከንፈሬን ስማኝ ቆመች ምነው እላታለው እህህህህ እስክትሄድ በአይኔ ልሸኝህ ነዋ አለችኝ እየሳቅኩ መኪናው ውስጥ ገብቼ አስነስቻት ወደኃላ ዞሬ ትንሽ እንደሄድኩ ኤቤጊም እየተቻኮለች ዞራ ሄደች ምን ሁና ነው እንዲ የምትቻኮለው ብዬ መኪናውን አቁሜ በስትፔኪዬ መስታወት እሷን ማየት ጀመርኩ አሁንም እየተጣደፈች እየሄደች ነው ድንገት የሚኪናውን በር የሆነሰው ከፍቶት ዘው ብሎ ገባ ቆሌዬ እስኪገፈፍ ደንግጬ ዞሬ አያለው ኪያር ነው ኪያር እኔን ጨለማው ውስጥ ሆኖ እየጠበቀኝ እንደነበር ፍፁም ረስቼዋለው። ውይይይ በስማም ምናባክ ነው ምታስደነግጠኝ አልኩት ኪያ ሳቅበሳቅ ሆኖ አንተ አስማት የሆንክ ልጅ በአንድ ቀን ጠብ አደረካት አደል አለኝ በመስታወቱ ወደኃላ እያየው ኪያር እመያውራን ነገር ብዙም ልብ አላልኩትም ነበር ኤቢጊያ የኔ እንደምትሆን ብትነግረኝም የሆነ ልክ ያልሆነ ነገር እንዳለ ቀልቤ ይነግረኛል። ግማሽ ቀልቤን ወደ ኪያር ለመመለስ እየሞከርኩ አው ባክህ ግን እንደጠበቅኩት አልነበረም አልኩት እንዴት አለኝ ሙሉ ለሙሉ ወደኪያር ዞርኩና ትንሽ ፈጠናችብኝ እንደዚ አይነት ሴት አልመሰለችኝም ነበር አልኩት ኪያ እየተበሳጨ ሁለት አመትሙሉ ጠብቀሃት ዛሬ ብት ስምህ ፈጠናችብኝ ትላለህ እንዴ ውይይይይ ናኦድ ስራኣት አድርግ እውነት እንጣላለን አለኝ እሺ ብዬው ድጋሚ ወደ መስታወቱ ስዞር ኤቤጊያ በግተራ ጋር ሆና ከሆኑ ወንዶች ጋር እያወራች ነው።
ወደ ኪያር ዞሬ እየተቆጣው ከሆኑ ወንዶች ጋር እያወራች እኮ ነው አልኩት ኪያር ከት ብሎ እየሳቀ አዪ... ምን አይነት እረኛ በጎቹን ማያስተኛ አለች አያቴ እና ገና ለገና አንተን የጠበሰች እንደሆን ወንድ አጠገቧ አይድረስ ልትል ነው አለኝ no no እንደዛ አይደለም ስልክ ሲደወልላት የዶርሟ ልጆች እንደጠሯት ነግራኝ ነው እየተጣደፈች የሄደችው አልኩት እና ቢሆንስ እየሄደች እያለ መንገድ ላይ አግኝተዋት ነው እሚሆነዋ ምን ታካብዳለህ አለኝ ሩቅ ስለነበርን በደምብ ምን እያደረጉ እንደሆነ አልታየኝም ከዚ በላይ ዝም ብዬ ማየት አልቻልኩ የመኪናውን በር ብርግድ አድርጌው ወጣውና ወደነሱ አቅጣጫ ትንሽ ሄጄ ቆሜ እሷ ከማታየኝ ቦታ ሆኜ ማየት ጀመርኩ ኪያርም ተከትሎኝ ወጥቶ ከኃላዬ ሆኖ ማየት ጀመረ በደምብ ልብ ብዬ ሳይ ኤቤጊያ እምታዋራቸው እኔን በጩቤ የወጉኝ ልጆች እና ራስታውን ልጅ ነው ትንሽ ቆይታ የራስታው እቅፍ ውስጥ ስትገባ እየኃት ንዴት ውስጤ ይፍለቀለቅ ጀመር ራስታው ልጅ ሳማት እሷም ዝም ብላ ስትሳምለት አየው ኤቤጊ ቀለለችብኝ ውስጤ ይፍለቀለቅ የነበረው ንዴት ገንፍሎ ወጣ አከባቢዬን ማየት ጀመርኩ ከኮንስትራክሽን የወዳደቁ ፌሮዎች አየው አጠር የሚለውን አነሳውና ወደነሱ አቅጣጫ በፍጥነት ስሮጥ ኪያር እማደርገውን አስቦ በጣም ደንግጦ ከኃላዬ እየተጣራ በፍጥነት መሮጥ ጀመረ
አጠገባቸው ደርሼ ቆምኩ ከንዴት ብዛት እጄ ይንቀጠቀጣል ኤቤጊያ ደንግጣ ናኦል አለችኝ ስሜን እያበላሸዥ ስትጠራው ይበልጥ ተናደድኩ ፌሮውን ወደሷ ፊት አነጣጥሬ ናኦል አልትበይኝ አንቺ ርካሽ ናኦል አይደለም ስሜ ናኦድ ነው ናኦድ ማለት ምን እንደሆነ ታቂያለሽ ንኡድ ንፁህ ማለት ነው አንቺ ግን ቆሻሻ ርካሽ ሴት ነሽ። ፌሮው ተሰነዘረ በግተራ አከባቢ የነበሩት ጥንዶች እንዳለ በሁኔታው ተደናገጡ እንዳለ ጩኀት በጩኀት ሆነ።


ይቀጥላል ....

https://t.me/New_life_20

https://t.me/New_life_20