Сизга айтолмаган сўзим омонат,
Қароғим, чароғим, кўзим омонат,
Бугун борлигимга инонманг дўстлар,
Сийратим маъвода ўзим омонат.

Тангри берганини банда ололмас,
Юрак қафасида бир жон омонат,
Довруғи осмонга етганлар бисёр,
Тўкилса жом тўла шон ҳам омонат.

Тобутим кўтарсанг паймонам тўлиб,
Юким мозоргача сенга омонат,
Жисмим мангу қолмас мумиё бўлиб,
Таним тупроқ ичра қирқ кун омонат...

©️Илҳом Шамс ДАВЛАТМУРОДОВ