Поромон жоме масжиди 🕌

​​АЁЛ КИШИ КЎЗИГА СУРМА ҚЎЙИШИ ЖОИЗМИ?
#аёлларга_доир

@Shayx_Hazrat CАВОЛ:

Аёл киши кўзига сурма суртиши жоизми? Хусусан, кўчага чиқиш олдидан бўлсачи?

ЖАВОБ:

Бисмиллаҳир Роҳманир Роҳим. Кўзга сурма қўйиш, парвариш қилиш аёлларга хос зийнатлардан биридир. Ҳадиси шарифларда ҳам сурма қўйишга чорловчи бир қанча кўрсатмалар бор. Аммо шуни унутмаслик керакки, ушбу ороланиш фақат эр, маҳрамлар ва аёллар давраси учун бўлиши лозим. Ибн Аббос разияллоҳу анҳудан ривоят қилинади: «Расулуллоҳ саллаллоҳу алайҳи васаллам: «Оқ либос кийинглар, чунки у энг яхши кийимдир. Маййитларингизни у билан кафанланглар. Албатта, сурмаларингизнинг энг яхшиси исмид бўлиб, у кўзни равшан қилади ва киприкни ўстиради», дедилар.

Сурманинг кўриниб туришини жоиз, деган уламолар унинг фитна қўзғовчи восита бўлмаслигини шарт қилишган. Агар бу нарсалар фитнага сабаб бўлса, шубҳасиз, уни кўрсатиш жоиз бўлмайди. Валлоҳу аълам.

Ўзбекистон мусулмонлари идораси
Фатво ҳайъати.

✅ДЎСТЛАРИНГИЗГА ҲАМ УЛАШИНГ!!!

https://t.me/PoromonJomeMasjidi

ЭНГ БУЮК ЗОТ

Майкл Харт “Юз буюк шахс” номли китобида тарихдаги энг буюк ва номи абадий қоладиган шахс бу – Муҳаммад соллаллоҳу алайҳи ва саллам, деб Лондонда нутқ сўзлаш учун омма олдига чиққанида, у ердагилар унга қарши чиқиб, ҳуштак чалиб, бақир-чақир қилишган.
У сўзида давом этиб: «Муҳаммад соллаллоҳу алайҳи ва саллам одамларга: “Мен Аллоҳнинг элчисиман”, деган. Мана, орадан 1400 йилдан зиёдроқ вақт ўтди. Мусулмонлар сони 1,5 миллиарддан ошиб кетди. Ўсиш ҳануз давом этмоқда. Бу буюк шахс ёлғон гапириши асло мумкин эмас. Чунки ёлғон 15 асрга яқин вақт яшай олмайди ҳамда ёлғонни қабул қилувчилар 1,5 миллиард кишидан зиёда бўлиши ҳам мумкин эмас.
Шунча узоқ вақт ўтишига қарамасдан бугун ҳам мусулмонлар ўз пайғамбарларига гап теккизмаслик учун жонларини фидо қилишга тайёр”, деганида залда яна жимлик ҳукмрон эди».
* * *
Башарият тарихида ҳеч бир кишининг ҳаёти Муҳаммад соллаллоҳу алайҳи ва салламнинг умричалик тўлиқ ўрганилган эмас. Инглиз олими Жон Давенпорт: “Машҳур пайғамбарлар ва фотиҳлар орасида ҳаёти ҳазрат Муҳаммад тарихидек энг кўп ва ҳамма нуқталаригача батафсил ўрганилган тарихий шахс йўқдир”, деганида чиндан ҳам ҳақ эди.
* * *
Машҳур олмон шоири Волфганг Гёте: “Мен дунё тарихини ўрганиб бир хулосага келдим: дунё подшоҳлари тўплаган жамики салтанату сарват-бойликлар, шоҳона қасрлару муҳташам саройлар Муҳаммад алайҳиссаломнинг ямоқ яктакларига арзимас экан”, деган хулоса келганининг ўзи ҳам Пайғамбаримизнинг мартабалари нақадар улуғ эканини англатади.
Расулуллоҳ соллаллоҳу алайҳи ва салламнинг ҳаёти, одоб-ахлоқи, юриш-туриши, хатти-ҳаракати синчковлик билан ўрганилганки, бундай умрни таърифлаш ва тавсифлаш учун, аввало, уни яшаш, у зотга муносиб уммат бўлиш керак. Шу боис Расулуллоҳнинг биргина амалини кўриб, эшитиб қанчадан-қанча кишилар имон билан неъматландилар.
У зотга мукаммал салавоту шарифлар, дурудлар, саломларимиз бўлсин: “Соллаллоҳу ала Муҳаммад, соллаллоҳу алайҳи ва саллам”.

Каналга уланиш учун линк👇
👉Телеграм
https://t.me/PoromonJomeMasjidi

ДИНДОР КИШИНИНГ СИФАТЛАРИ
Азиз дўстим, унутма, иймони комил бўлган киши тўрт аъзосини ушбу тўрт нарсадан сақлаши зарурдир:

Қалбинг асло ҳасад деган иллатга булғанмасин! Шундагина мўминлар сифатига эга бўласан.

Ёлғон ва ғийбатдан тилингни тий, иймонинг мукаммал ва бенуқсон бўлади!

Амалларинг ҳар қандай риёдан (иккиюзламачилик) холи бўлсин, иймон нуринг зиёга тўлади.

Томоғингдан зинҳор ҳаром луқма ўтмасин, мўминлар фазилатига эришасан.

Бу фазилатларни ўзида жам қилган киши ҳақиқатда мақтовга лойиқдир. Бу сифатларга эга бўлмаган кишининг иймони заиф ва нуқслнлидир. Жисм Аллоҳ ман қилган ҳаромлар билан булғанса, руҳ юксакларга кўтарила олмайди.

Киши амалларини кўз-кўз қилиб, риё билан бажарса, худди бўйра устидаги нақш каби беҳуда ва бефойда бўлади.

Амалларини ихлос ила адо этмаган киши бу дунёда Аллоҳнинг хос қулларидан ҳисобланмайди.

Фақат ва фақат Аллоҳ ризосини кўзлаган кишининг амаллари доим нур сочиб туради.

Шайх Фаридуддин Аттор қуддиса сирруҳунинг «Панднома» асаридан

https://t.me/PoromonJomeMasjidi