Hayotda har xil narsalar bo'ladi.
O‘sha payt kitob do‘konida ishlardim. Do‘konga kirgan hammaga tavsiya berar, kerakli kitoblar o‘rnini ko‘rsatardik. Eslasangiz, bu to‘g‘risida avval ham yozganman.

Shunday kunlarning birida do‘konga yoshroq turk xonimi kirib qoldi. O‘zim ham sezmagan holga turkcha gaplashib ketibmiz.
Qisqa muddat o‘rgangan tilingizda, yana o‘sha til vakili bilan suhbatlashish ajoyib bo‘lar ekan. Birinchi marta boshqacha hislarni tuydim. Aytish kerak-ki, turklar ancha xushmuomala va hissiyotli bo‘lishadi. Bekorga: Turk tili — sevgi tili", -deb ta‘rif berishmasa kerak.

Bizning guruh Shaxnoza opa (@Shaxnoza_filolog) ochgan ilk guruhlardan biri edi. Sertifikat kerak bo‘lganlar oxirigacha, qolganlar ma‘lum muddat davomida o‘qidik. Ammo o‘sha kunlar ichida turkcha kitob o‘qishni va olib keltirishni ham yo‘lga qo‘yib oldim. Hozir istalgan ma‘lumotimni turkcha orqali topa olaman, tarjima qilinmagan adabiyotlar bilan tanishaman.

Xullas, yangi dunyo bilan tanishish uchun ham boshqa tillarni bilish kerak. Bittasi o'rganilgach, keyingilari uchun ham ishtiyoqingiz oshadi. Jarayonda yangi do‘stlar, tanishlar orttirishingiz mumkin bo‘ladi.

p/s aslida bir oy keyin yozishni o‘ylagandim. Bugunga nasib qilgan ekan. Davomi bor...

@quyoshtaraflarda