Samarqand viloyati musiqali drama teatri

Бугун, 8-февраль соат 14.00да Самарқанд вилоят мусиқали драма театри саҳнасида буюк мутафаккир Алишер Навоийнинг “Лисон ут –тайр” достони асосида саҳналаштирилган “Қуш тили” спектакли намойиш этилади
Самарқанд тиббиёт институти талабалари томонидан тайёрланган мазкур саҳна асарини Шуҳрат Санақулов саҳналаштирган.

9-февраль, соат 18.00 да Самарқанд вилоят мусиқали драма театрида "Самарқанд сайқали" спектакли.

NAVOIY ASARLARI BARCHA QALBLARNI BAND ETSA...

Shunday ezgu maqsad ilinjida viloyat xalq ta’limi boshqarmasi hamda viloyat prokuraturasi hamkorligida Alisher Navoiy tavalludining 580 yilligi munosabati bilan “SOS” bolalar mahallasi va 1-Mehribonlik uyi tarbiyalanuvchilari uchun ma’naviy-ma’rifiy kecha tashkil etildi.
Viloyat musiqali drama teatrida o‘tkazilgan tadbirda viloyat prokurori Ravshan Masharipov so‘zga chiqib, yoshlar o‘z oldiga ulkan maqsadlar qo‘yib, unga yetishish uchun ko‘proq kitob o‘qish zarurligini, ayniqsa, buyuk shoir, mutafakkir, o‘z navbatida, xalqparvar davlat arbobi Alisher Navoiy asarlarini ko‘proq mutolaa qilish lozimligini uqtirdi.
Tarbiyalanuvchilar o‘z iqtidor va ijod namunalarini namoyon etishdi. Teatrda tashkil etilgan muzey bilan tanishdi. Sahna ko‘rinishlari ijro etib, g‘azal va ruboiylaridan aytishdi. Ularga yuzdan ortiq badiiy kitoblar sovg‘a qilindi.
Viloyat musiqali drama teatri ijodkorlari tomonidan “Samarqand sayqali” spektakli namoyish etildi.

✅ @Samtvr

Меҳрибонлик уйлари тарбияланувчилари томонидан тайёрланган ижодий кўргазма ва “Ғазал бўстонида”, деб номланган бадиий дастур барчага катта таасурот қолдирди.
Тадбир сўнгида Самарқанд вилоят мусиқали драма театри ижодкорлари Ўзбекистон халқ шоири Иқбол Мирзо қаламига мансуб “Самарқанд сайқали” спектаклини намойиш этишди.

ФОТОЖАМЛАНМА : Бугун , Самарқанд вилоят мусиқали драма театри биносида Ўзбекистон Республикаси Президентининг беш муҳим ташаббуси доирасида Самарқанд вилояти Прокуратураси ташаббуси билан вилоят халқ таълими ҳамда Ёшлар иттифоқи вилоят Кенгаши ҳамкорлигида Самарқанд шаҳридаги 1-сонли Меҳрибонлик уйи ва “SOS” Ўзбекистон Болалар маҳаллалари уюшмасининг Самарқанд вилоят филиали тарбияланувчилари учун шеърият мулкининг султони Алишер Навоий таваллудининг 580 йиллигига бағишлаб “Алишер Навоий – ўзбек адабий тилининг асосчиси” шиори остида маданий-маърифий тадбир бўлиб ўтди.
Тадбир иштирокчилари вилоят Болалар кутубхонаси томонидан театр фойесида ташкил этилган “Алишер Навоий асарларидан намуналар” кўргазмаси, моҳир ёш рассомларимиз ижод намуналари ҳамда буюк маърифатпарвар Маҳмудхўжа Беҳбудий ҳаёти ва фаолияти кенг ёритилган музей билан яқиндан танишишди.

ТАРИХИЙ АФИШАЛАР.

Муҳиддин Қори Ёқубов раҳбарлигидаги Ўзбекистон давлат мусиқа ансамблининг ижодкорлари : Зуҳур Қобулов, Тамарахоним, Муҳиддин Қори Ёқубов, Гавҳар Раҳимова ва Бобо Раҳимлар иштирокидаги концерт дастури афишаси.