Абу Ҳурайрадан ривоят қилинади: «Расулуллоҳ соллаллоҳу алайҳи васаллам: «Аллоҳдан жаҳаннамдан, қабр азобидан, Масиҳи Дажжолнинг фитнасидан, ҳаёту мамотнинг фитналаридан паноҳ сўранглар», дедилар».

Шарҳ: Демак, мўмин-мусулмонлар жаҳаннамдан, қабр азобидан, Дажжол ва ҳаёт-мамот фитналаридан паноҳ беришини сўраб, Аллоҳ субҳанаҳу ва таолога ёлворишлари, дуо қилишлари лозим экан.
Уламоларимиз: «Ҳадиси шарифда қабр азоби билан Масиҳи Дажжолнинг фитнаси кетма-кет зикр қилиниши бежиз эмас, бошқа ривоятларда кабрда ҳам Дажжолнинг фитнаси бўлиши ҳақида ҳабар келган», дейдилар.
Ҳаётнинг фитнасидан мурод инсон ҳаётида бўладиган маъсият ва мусибат фитналарига ўхшаш фитналардир.
Мамотнинг фитнасидан мурод эса Мункар ва Накирнинг саволи ҳамда қабр азобидир.

♻️ ДЎСТЛАРИНГИЗГА ҲАМ УЛАШИНГ!!!
@qshayx