#lirik_chekinish

Koʻmilgansan tongdan kechgacha ishga,
Taqdirni oʻzgartmoq boʻlgan farishta.

Hayotdan zarra ham etmaysan gina,
Garchi koʻylaklaring ikkitagina.

Tuflingga hech qachon qoʻnmaydi gʻubor,
Usta umrin choʻzgan uning necha bor.

Yashashing – haloldir, mehnating – halol,
Soʻzlaring – taʼmizli, oʻylaring – zilol.

Qarashing – mehrdir, ravishing – ragʻbat:
Jonda koʻtarmoqqa arziysan faqat.

– Uyim boʻlsa edi! –
“Oh” urma tuyqus!
Farishta azaldan yashagan uysiz…

Usmon Azim