#õylar
Yusufni ko'rganda meva o‘rniga qo'llarini kesgan ayollar - sal oldin Zulayxoni malomat qilib yurgan ayollar edi.

Hech kim hali sinalmagani gunohning ma‘sumi emas.
Inson xarakterida hayot davomida vaziyat va sinovlar ochib beradigan qanchadan-qancha illat va fazilatlar yashirin bo‘ladi. To sinalmagunicha inson haqiqiy o'zini tanimasligini, asliyatini bilmasligi mumkin.

Ibn Kasir tafsirida o'qigandim, Yusuf عليه السلام chiqib ketgach, kesib o‘tirganlari qo‘llari ekani sezgan ayollar alamdan uvvos solishgan, Zulayxo ularga "bir ko‘rganingizga holingizda shumi?!" , degan ekan. Demak, Zulayxo o‘rnida bo'lishsa, undan pesh bo‘lishmaydi ekan.

Yonimizda kimdir xato qilib qoqilganda chiroyli nasihat qilish, yaxshilikka chaqirish kerak. Lekin "o'rnida bo'lsam qilmasdim", deyish, bo'hton aralash g'iybat qilib yurish, aybini yoyish vhkz to'g'ri bo‘lmaydi.
Bo‘lib ham mavzu musulmon ayol-qizlari sha'ni haqida bo‘lsa. Bu to‘g‘risida alohida oyatlar bor.

Jufti bo'lmagan ayolga juft ato qiladigan ham, uni olib qo'yadigan ham -- Alloh.
Malomat qilgan salomat qolmaydi, deydilar.
Alloh ofiyat bersin.

#shunchaki