#aks
Toki
•maishiy/oilaviy/ijtimoiy masalalarda zolimga isloh emas, mazlumga sabr tavsiya qilinaverar ekan;

•mahrni kam so'ragan qizning fazilatlari haqida og'iz ko'pirtirib, mahrni ado qilmagan er Qiyomatda qarzdorlar safida turishi haqida sukut saqlanar ekan;

•hukm qiluvchilarning o'zi jinsga qarab kamsituvchilar bo'lar ekan;

•ustozalar qizlarga ularni islom qanchalar sharaflab qo'yganini, qadrini, izzat-obro'sini, qullik Allohgagina qilinishini o'rgatgani uchungina malomat qilinar ekan
--
"islomda ayollar huquqi" deb bong urishimiz riyokorlikdan, ikkiyuzlamachilikdan boshqa narsa bo'lmay qoladi.

Islomda ayollar huquqlari - bor, yuksak, belgilangan. Faqat u ma'ruza va maqolalardan tashqari amalda ham bo'lishi kerak.

Feministkalarga postlar orqali dahanaki jang qilib emas, bir musulmon ayolga islomdagi haqqlarini berib javob qaytargan yaxshiroqdir, qaydam.

Bir narsa doim yodimizda turishi kerak: odamlar och bo'lsa, ishlab halol rizq topishga imkon bo'lmasa, aniq o'g'rilik qiladi. Bu halolmas, to'g'rimas, lekin o'g'rilik qiladi. Chunki o'sha eski qoida doim kuchida:
"Bo'shliq baribir to'ldiriladi!"

(Endi haq talab qilib turgan, toptalgan, o'qi(til)magan ayol qaysi eshikni qoqadi?!)