Қўлида бойлиги, имкони бўлганида халққа хайру-эҳсон қилмаган Фарғона бойлари кўп ўтмасдан ўзлари босқинчининг қўлидан бериладиган озгина эҳсон-садақага зор бўлдилар!

Машойихлар риёсиз айламас бир тақвию тоат,
Риёдин холи ўлмай хонақоҳу хона, Фарғона.

Фарғона уламолари, шайхлари шунчалар риёкор бўлиб кетишдики, ҳатто ўз ибодатлари ҳам, масжидлар ҳам риёдан холи бўлмади.

Мударрис дарсгўйлиғ қилмади авқофсиз ҳаргиз,
Эмас рўшною ҳолим, олдилар моёна, Фарғона.

Мадраса мударрислари шунчалик таъмагир бўлиб кетдиларки, вақф молидан емасдан дарс ўтмадилар. Ўқувчининг ҳоли бўлмаса-да, муаллимлар ҳам улардан маош талаб қилдилар.

Тамоми қозию аълам иши бўлди ришвату пора,
Ҳама авқоти бўлди эрта-кеч сулхона, Фарғона.

Қози-ю, фатво берувчи муфтийларнинг дарду-ғами пора олиш бўлди, иши эрта-ю кеч даъво қилувчилар билан келишиб, мазлум ҳақини ейиш бўлди.

Ҳама савдогар аҳли бирга ўн фойда талаб қилди,
Харид этмоқда ўрганди ҳама ялғона, Фарғона.

Савдогаридан инсоф кетиб, бир сўмлик молини ўн сўмга сотиш пайидан бўлди, ҳамма бир-бирини алдаш билан банд бўлди.

Вафо жон дўстлардин истамангиз, жабр кўргайсиз,

#rusbosqini #bosqinchi #istilo
#Qöqonxonligitugatilishi #asltarix
3~qism. Davomi bor.
©️ Karimberdi To‘ramurod.
https://t.me/turonturkiston