Doniyor Ashurov | Rasmiy blog

Diqqat, ogoh bo‘ling!

“TELEGRAM PREMIUM 1-yil muddatga yangi yilga sovgʻa” mazmunidagi havola koʻrinishida xabarlar tarqalmoqda.

Ushbu xabarlar yolg‘on va aslo havolani ochmang.

Unutmang, firibgarlarning maqsadi sizning pul mablagʻlaringizni oʻzlashtirish!

@yurist_pro_blog

#mehnat

Qonunchilikka ko‘ra, homilador ayollarga va bola tuqqan ayollarga yillik mehnat ta’tili, ularning xohishiga ko‘ra, homiladorlik va tug‘ish ta’tilidan oldin yoki undan keyin beriladi.

Homilador ayollarni yillik mehnat ta’tilidan chaqirib olishga yo‘l qo‘yilmaydi.

@yurist_pro_blog

Skuterlarda odam tashish ta'qiqlanadi

Belgilangan tartibda nur qaytargichlar va chiroqlar bilan jihozlanmagan individual harakatlanish vositalarini, skuterlar, mopedlar, velosipedlarni hamda ulovli aravani boshqarish, shuningdek individual harakatlanish vositalarining va skuterlarning haydovchilari tomonidan odamlarni tashish BHMning 1/2 qismi miqdorida jarima solishga sabab bo‘ladi.

Qonunni yaxshi bilgan odamni do'sti - qonun, shuning uchun o'z huquqlaringizni o'rganishda davom eting!

@yurist_pro_blog

Qanday qarz berish kerak?

Hayotimizda hech bo'lmasa bir marta bo'lsa ham qarz berishimizga to'g'ri kelgan, xo'sh qarzni qanday berish kerak?

Ko'pchilik qarzni hech qanday hujjatlarsiz, shunchaki ishonchga asosan ikkinchi tarafga beradi. Lekin orada nizo chiqqanida qarz berganlik to'g'risida hech qanday hujjat bo'lmaganligi uchun, qarz berganlini isbotlay olmaydi.

Bu vaziyatda guvohlar ham o'tmaydi, chunki Fuqarolik Kodeksi 109-moddasiga asosan agar bitim ( qarz ) yozma ravishda tuzilmasa va buning oqibatida nizo kelib chiqsa, taraflar o'z vajlarini guvohlar yordamida isbotlash huquqidan mahrum bo'lishadi.

Shunga ko'ra qarz berganingizda nimalarga e'tibor berishingiz kerakligi to'g'risida ayrim tavsiyalarni berib o'tsak;

1. Imkon qadar qarzni qarz shartnomasi tuzgan holda bering.

Chunki Fuqarolik kodeksi 108-moddasi 2-bandiga ko'ra fuqarolar o'rtasidagi BHMning 10 baravaridan ( 3 300 000 so'mdan ) ortiq summadagi bitimlar oddiy yozma ravishda tuzilishi kerakligi belgilangan.

2. Tilxat yozdirib oling.

Tilxat uni yozayotgan shaxsning erki bilan yoziladi va unda o'sha shaxsning ma'lum majburiyatlarni bajarishi keltirib o'tiladi. Shuningdek, FK 733-moddasi 3-qismida qarz oluvchining tilxati yoki unga qarz beruvchi tomonidan muayyan summa yoki muayyan miqdordagi ashyolar topshirilganligni tasdiqlaydigan boshqa hujjat mavjud bo'lsa, qarz shartnomasi yozma tuzilgan deb hisoblanishi keltirilgan.

3. Agar qarzni online to'lov vositalari ( Click, Payme, Uzumbank, Oson, Zoomrad ) to'lov tizimlari orqali bersangiz, o'tkazilganligi haqida chekni saqlab qo'ying.

Chunki bu yerda ham FK 733-moddasi 3-qismida aytilganidek qoida ishlaydi, ya'ni qarz beruvchi tomonidan muayyan summa yoki muayyan miqdordagi ashyolarni topshirilganligi tasdiqlaydigan boshqa hujjat mavjud bo'lsa, qarz shartnomasi tuzilgan deb hisoblanadi.

Agar sizda yana boshqa yo'llari mavjud bo'lsa izohlarda yozib keting.

@yurist_pro_blog

Qarama-qarshi

Aflotun inson tabiatidagi zaruriy xislatlarni va ularning qarama-qarshi jihatlarini farqlash kerakligini tushintiradi.

Masalan, kamtarlik - tahsinga sazovor, ammo kamtarlik haddan oshib ketsa, u holda o‘z kuchini yo‘qotadi va zararli bo‘lib qoladi.

Odamlar haqida yaxshi fikrlash va ularga nisbatan ochiq ko‘ngililik tahsinga sazovor, lekin bular dushmanga taalluqli bo‘lsa, ular zararlidir.

Xushyorlik ham tahsinga sazovor, ammo haddan oshib ketsa u qo‘rquv va o‘zini tiyishga aylanib, zararli bo‘lib qoladi.

Alloma agar inson o‘z maqsadiga erishib, hurmatga sazovor bo‘lsa-yu, ammo maqsadga egrilik bilan erishsa, bu ham zararli deb tushintiradi.

Eng yaxshisi, maqsadga chiroyli va pokiza yo‘l bilan erishishdir.

@yurist_pro_blog

Yangi yil bayramida o‘zbekistonliklar necha kun dam olishadi?

Bu yilgi Yangi yil bayramida besh kunlik ish haftasida ishlaydigan xodimlar ketma-ket 5 kun, olti kunliklar 4 kun dam olishadi.

Quyidagi kunlar dam olish kuni hisoblanadi:

28 dekabr, shanba — haftasiga 6 kun ishlaydiganlar uchun ish kuni, 5 kunliklar uchun odatiy dam olish kuni;
29 dekabr, yakshanba — barcha uchun odatiy dam olish kuni;
30 dekabr, dushanba — 6 kunliklar uchun qo‘shimcha dam olish kuni, 5 kunliklar uchun 14 dekabr – shanba kunidan ko‘chirilgan dam olish kuni.
31 dekabr, seshanba — Prezident farmoni asosida barcha xodimlar uchun qo‘shimcha dam olish kuni;
1 yanvar, chorshanba — Yangi yil bayrami, dam olish kuni.

Qonunni yaxshi bilgan odamni do‘sti - qonun, shuning uchun o‘z huquqlaringizni o‘rganishda davom eting!

@yurist_pro_blog

Ijtimoiy himoya yagona reyestrida turadigan shaxslar uchun imtiyozlar

Qonunchilikka ko‘ra, “Ijtimoiy himoya yagona reyestri”ga kiritilgan jismoniy shaxslar tomonidan sotib olinganda quyidagi turdagi oziq-ovqat mahsulotlarining QQS summasi qaytarib beriladi:

Qo‘y go‘shti;
Parranda go‘shti;
Mol go‘shti;
Tuxum;
O‘simlik yog‘i;
Un;
Shakar;
Dori vositalari va tibbiy xizmatlar.

Ushbu xaridni soliq mobil ilovasida, xarid chekining fiskal belgisini ro‘yxatdan o‘tkazganda, ularning bank kartalariga har oy yakuni bilan xarid summasining 1 foizi miqdoridagi to‘lov o‘rniga, xarid summasida to‘langan QQS summasi qaytariladi.

Bunda QQS summasini qaytarish oyiga BHMning 10 baravarigacha (3 mln 750 ming so‘mgacha) bo‘lgan xaridlar summasi doirasida amalga oshiriladi.

Qonunni yaxshi bilgan odamni do‘sti - qonun, shuning uchun o‘z huquqlaringizni o‘rganishda davom eting!

@yurist_pro_blog

Piyodaga loyqa sachratish uchun jarima borligini bilasizmi?

Kuz-qish mavsumi kirib kelishi bilan yog‘ingarchilik ham tez-tez kuzatila boshlaydi. Yomg‘ir va qor yog‘ishi ta’mirlangani bir necha yil bo‘lgan yoki sifatsiz ta’mir sabab tezda o‘ydim-chuqur bo‘lib ketgan yo‘llarning chekkasi va bekatlarga yaqin joylarda ko‘lmak hosil bo‘lishiga olib keladi.

Yog‘ingarchilik kuchaygan shunday vaziyatlarda harakatdagi avtomobillarning (be)ixtiyor yo‘l chetidagi turgan piyodalarga loyqa suv sachratib o‘tishi kuzatiladi. Bundan holatga deyarli har bir piyoda duch kelgan.

Qayd etish kerakki, O‘zbekiston Respublikasi qonunchiligida bunday holatlar uchun javobgarlik belgilangan. Xususan, O‘zbekiston Respublikasining Ma’muriy javobgarlik to‘g‘risidagi kodeksining 128-moddasida yo‘lovchilarga loyqa sachratish bazaviy hisoblash miqdorining ikkidan bir qismi miqdorida (135 ming so‘m) jarima solishga sabab bo‘lishi belgilangan.

Qonunni yaxshi bilgan odamni do‘sti - qonun, shuning uchun o‘z huquqlaringizni o‘rganishda davom eting!

@yurist_pro_blog

#Savol_javob

❓ SAVOL: Tanishimga 23 million berganman undan menga 3 millionni bergan, uyimdagilar uyiga borgandandan so'ng menda telegramda yozishmalar pul olib borib beraman degan pul olganli to'g'risida mahalla raisiga tan olgan boshqa dalilim yo'q. Tanishimga pul bergandim bir yildan beri bermaydi aldab, qayerga murojaat qilsam bo'ladi?

✅ JAVOB: O'zingiz yashaydigan hududdagi Fuqarolik ishlari bo'yicha sudga murojaat qilishingiz kerak.

🔘Fuqarolik Kodeksining 733-moddasiga asosan, Fuqarolar o‘rtasida qarz shartnomasi, agar bu qarzning summasi bazaviy hisoblash miqdorining o‘n baravaridan ortiq bo‘lsa ( 3 750 000 ), oddiy yozma shaklda tuzilishi shart.

🗣Qarz shartnomasining yozma shakliga rioya qilmaslik ushbu Kodeksning 109-moddasida nazarda tutilgan oqibatlarga olib keladi. 
Fuqarolik Kodeksining 107-moddasi.
Xatlar, telegrammalar, telefonogrammalar, teletaypogrammalar, fakslar yoki subyektlarni va ular xohish-irodasining mazmunini ifodalaydigan boshqa hujjatlarni o‘zaro ayirboshlash, agar qonunchilikda yoki taraflarning kelishuvida boshqacha tartib nazarda tutilgan bo‘lmasa, yozma shaklda tuzilgan bitimga tenglashtiriladi.

🔘Fuqarolik kodeksi 737-moddasiga asosan, Yozma shaklda tuzilishi lozim bo‘lgan qarz shartnomasi yuzasidan guvohlarning ko‘rsatmalari yordamida da’volashish mumkin emas, shartnoma aldash, zo‘rlik ishlatish, tahdid qilish, qarz oluvchining vakili qarz beruvchi bilan yomon niyatda kelishishi yoki qiyin vaziyatlar ta’sirida tuzilgan hollar bundan mustasno.

Ya'ni  mahalla raisining guvohligi sizga foyda bermasligi mumkin.


Xulosa, o'zingiz yashaydigan hududdagi Fuqarolik ishlari bo'yicha sudga telegramdagi yozishmalaringizni dalil sifatida ko'rsatib murojaat qiling.

⭐️ ASOS: O'zbekiston Respublikasi Fuqarolik kodeksi 109, 107 va  733, 737-moddalari

✅ Murojaat uchun: @yurist_pro_bot

🌐Telegram  🌐Instagram  ▶️You tube

Jamoat transportida «konduktor» kerakmi?

Aytsam tilim, aytmasam dilim
Kuyar jonim, oh, men netay,
Yolg‘iz Allohga ayon sirim,
Sizni sevolmasam netay?
(Xonanda Shuhrat Qayumov)

Qiziq bo‘ldi-ku! Nahotki jamoat transportida bizni haq to‘lash yoki to‘lamasligimiz nazorat qilinsa?!

Ha, odatda shunday. Biroq, meni uzoq vaqt o‘ylantirgan masala bu jarayon qanday bo‘lishi kerak.

Men jamoat transportiga chiqsam transportda tashish haqini tushayotganimda to‘lashga harakat qilaman. Bu mening odatim. Men o‘ylaymanki, insofli fuqaroman va xizmatdan foydalanganim haqini to‘lashim shart.

Agar jamoat transportidan foydalanganim uchun haq to‘lamasam, u holda men insofli emasman va meni “nazorat” qilishlari lozim.

Bu vazifani tabiiyki, “konduktor” bajaradi.

Endi savol: yo‘lovchilarning necha foizi yo‘l kira haqini to‘lamaydi?

Menimcha, deyarli hamma ham insofli va yo‘lkira haqini to‘lashi tayin.

U holda yana o‘sha savol: Jamoat transportida «konduktor» kerakmi?

Yana bir masala konduktorga nima hisobidan haq to‘lanadi. Unga haq to‘lash uchun albatta yana rentabellik masalasi qo‘yiladi. Ya’ni, yo‘lovchilarni tashish o‘zini oqlaydimi? Agar haydovchi uchun haq to‘lash qiyin bo‘lsa, u holda yana qo‘shimcha lavozim nimaga kerak?!

Fikrimizcha, rivojlangan mamlakatlarda shahar jamoat transportida konduktor vazifasidan allaqachon voz kechilgan (poyezdlar bundan mustasno).

Shunday bo‘lsa-da, ayrim hollarda nazorat reydlari o‘tkazilib turilishi va huquqiy javobgarlik qo‘llanilishi mumkin.

Demak, bugungi taraqqiyot zamonida aksariyat yo‘lovchilar plastik karta yoki jamoat transporti kartalaridan yo‘lkira to‘layotgan bir vaziyatda qo‘shimcha lavozim kerak emas.

P.S. Agar barcha insofli bo‘lsa va yo‘lkira haqini to‘lasa, u holda qo‘shimcha lavozim nimaga kerak?!

Manba

🌐Telegram  🌐Instagram  ▶️You tube