*
Men eplay olmadim,
yomg'irdek to'kilmoqlikni,
Yelkangga bosh qo'yib,
so'ngra dardlar aro yiqilmoqlikni.
Eplaganim faqat tunlar alahsib,
tonglar uchganimmi samosiz qushday?
Sendan ketaverdim kunlar adashib,
Senga eltaverdi poyonsiz tushlar...
Olislab boraman,
yo'qotib - kelganim yo'llar tarxini.
Unutib qo'yaman umrimdagi bir,
muhabbat haqqini,
ishqning haqqini...
Daraxtlar mung'ayar fevral qoshida,
ko'klam hanuz uzoq.
Ortimga boqsam
Kimgadir og'iri tushmasmikan, o
ko'nglim bog'larni yoqib yuborsam...

Zulxumor Orifjonova

@zulxumor_orifjonova