Type to search
Advanced channel search

SearcheeBot

Your guide in the world of telegram channels
img
ad

TGAlertsBot

Monitoring of keywords in channels and chats
img
ad

Telegram Analytics

Subscribe to stay informed about TGStat news.
img
ad

TGStat Bot

Bot to get channel statistics without leaving Telegram
img
ad

Anna Axmatova

@Anna_Axmatova
Channel's geo and language: not specified, not specified
Category: not specified

Siz bu kanalda mashhur rus shoirasi Anna Axmatovani ijodidan bahra olasiz!
Murojaat uchun : @Samandar_Erkinjonov_bot

Related channels
Channel's geo and language
not specified, not specified
Category
not specified
Statistics
Is this your channel? Confirm Канал в реестре блогеров РКН? Confirm Channel history
Posts filter

Anna Axmatova

4 May 2020, 22:18

Open in Telegram Share Report
"YONDIRILGAN DAFTAR" TURKUMIDAN

Hamma ketdi, hech kim qaytib kelmadi,
Faqat sen takrorlab ishqiy tilakni,
So'nggi muhabbatim, ortga qayrilding,
Ko'rmoq bo'lib qonga botgan falakni.

Uying la'natlangan, ishing toptalgan,
So'lg'in navo yangrar sen bitgan she'rdan.
Badbaxt taqdiringning qarshisida man
Turibman ko'zimni uzolmay yerdan.

Ilohiy so'z emas, yangraydi vola,
Muqaddas, pok so'zlar ataldi mal'un -
O'ttiz yettinchi yil farroshlari-la
Qonli yo'lkalarni yuvmog'im uchun.

Meni ayirdilar yolg'iz o'g'limdan,
Bandi do'stlarimga berdilar azob.
Ogoh bo'ldilar har yurgan yo'limdan,
Har bitta so'zimni yetkazdi kazzob.

Har joyda nomimni qaro bitdilar,
Soqov bo'l, dedilar, kar bo'l, dedilar.
Och qolsam bo'htonu ig'vo tutdilar,
Chanqasam suvimni zahar etdilar.

Va so'nggi nuqtaga yetganda yo'lim,
Dedilar: 'Yashayver, ey baxtiqaro!'
Endi kezurman men - shaharlik dali,
O'lim nafasi bor maydonlar aro.

Xurshid Davron tarjimasi

@Anna_Axmatova
159 0 0
Anna Axmatova

4 May 2020, 13:21

Open in Telegram Share Report
*   *  *

Муқаддас тумордек кўкракда асраб,
Унга шеър битмаймиз кўтариб қий-чув,
Аламли тушларга бўлмас у сабаб,
Ё жаннат боғидек туюлмайди у.

Уни кўнглимизда қилмаймиз асло
Олди-сотди учун қимматбаҳо мол.
Уни унутамиз эслашни ҳатто
Бағрида гоҳ бемор, гоҳ бахтсиз, беҳол.

Ҳа, у ковушдаги лойдир биз учун,
Ҳа, у тишимизда ғичирлаган чанг.
Биз эзиб-топтаймиз, қиламиз кукун
Ҳеч бир гуноҳи йўқ шу хокни, қаранг.

Унга айланамиз, лекин, бир куни,
Шу сабаб меники деймиз биз уни.

1961

Абдулла Шер таржимаси

@Anna_Axmatova
130 0 0
Anna Axmatova

23 Apr 2020, 21:27

Open in Telegram Share Report
Alhamdu lilla’hi rabbil a’lami’n. Hamdan kasiran tayyiban muba’rakan fi’h. Kama’ yanbag’i’ lijala’li vajhihi’ va liazimi sulta’nih. Vassala’tu vassala’mu ala’ sayyidina’ Muhammadin va ala’ a’lihi va sahbihi va man tabiahu bi ihsa’nin ajma’i’n.
(Olamlarni tarbiyat qiluvchi Alloh taologa beadad, go’zal va muborak (barakotli) hamd
bo’lsin! Uning Zoti azamatiga va saltanatining buyukligiga qandayin hamd sazovor
bo’lsa, shunday hamdu sanolar bo’lsin! Va Sayyidimiz – Muhammad alayhissalomga va uning ahli xonadoniga va ashoblariga va Unga sidqidildan tobe’ bo’lgan barcha izdoshlariga salotu salomlar bo’lsin!)

Ey, qadrdonim, akam, ukam, opam, singlim, do‘stim, yaqinim Ramazoni Sharif muborak! Sizni shu ongacha zarracha xafa qilgan bo‘lsam, meni kechirgaysiz, buyuk oyda qalblarimizni yana bir bor pok qilish imkoniyatidan foydalanaylik! Sha‘bon oyining so‘nggi lahzalarida men sizga ulug‘ Ramazonni ma‘rifatli o‘tkazishingizni tilab qolaman! Hurmat bilan Samandar
180 0 0
Anna Axmatova

23 Apr 2020, 18:29

Open in Telegram Share Report
* * *

Ҳилол Чоржўй қовунининг тилими монанд
Деразамга қўнганида, димиққанда тун,
Осмон зангор япроқ каби ўз сеҳрига банд –
Этиб уйни, яширганда қўйнига бутун,
Сопол коса муздек сувдан жунжиккан палла,
Болаликда ёнганидек қўмсаб парвона –
Тунни қувиб порлаганда шамим мардона,
Сукут қаҳ-қаҳ урганида тингламай сўзим –
Ногоҳ недир ўрлаб чиқиб, йўқолур шу зум
Рембрандтнинг руҳи ҳоким қора бурчакдан,
Аммо бундан на дил чўчир, на титрайди тан…
Қора мушук юз йилларнинг кўзидек боқар,
Танҳоликнинг тутқунида юрагим балқар,
Ёрдам бермас, ойнадаги аксим ҳам турғун.
Ширингина ухлагайман, хайрли тун, тун.

Тошкент,1944

Абдулла Шеър таржимаси

@Anna_Axmatova
165 0 0
Anna Axmatova

11 Apr 2020, 23:17

Open in Telegram Share Report
* * *

Qalb yo‘g‘rilib shan xayollarga,
Ko‘rmasdim gap-so‘zing adog‘in.
Erta kuzak gavjum tollarga
Yoygan edi sariq bayrog‘in.

Murtad yurtda kezdik sargardon,
Pushaymondan endi dillar xun.
Gangisak ham chorasiz, hayron,
Jilmaymoqchi bo‘lamiz nechun?

Yuz burgandik odmi qismatdan,
Ne yozuq bu – bo‘ldik munglig‘, xor...
Men g‘am aro tashlab ketmasman
Dalli, darvesh do‘stimni zinhor.

Mirpo‘lat Mirzo tarjimasi

@Anna_Axmatova
267 0 0
Anna Axmatova

3 Apr 2020, 23:56

Open in Telegram Share Report
* * *

Dilgirlikdan bezib ketdi jon,
Yuragimga har lahza og‘u.
Tepalikda turar tegirmon,
Yillab balki sukut saqlar u.

Daydi ari izlab yurar bol
Chechaklarni oralab – so‘lgan.
Chorlayman suv parisin alhol,
Ammoki suv parisi o‘lgan.

Suv o‘tlarin tutib chohida
Qurib yotar ko‘l ham, hoynahoy.
Oq qayinning yaydoq shoxida
Yaltillaydi yangi chiqqan oy.

Hamma narsa ajib va rangin,
Teraklarda mayin iltijo!
To‘kib dildan hasratlar changin,
Tuproq bo‘lgim kelayotir, o!

Mirpo‘lat Mirzo tarjimasi

@Anna_Axmatova
393 0 0
Anna Axmatova

27 Mar 2020, 01:01

Open in Telegram Share Report
Quyoshli xotirlar so‘nayotir jim,
Maysalar sarg‘ish.
Qor-qirovli kunlar ushlaydi qo‘lim,
Go‘yo sovuq tush.

To‘lib-toshib oqqan suvlar qaydadir,
Muzlik bepoyon.
Mo‘jizalar qaytmas, dardlarim og‘ir
O‘ylar beomon.

Daraxtlarning boshi osmonda, shamol
Kuylaydi so‘lim.
Umr yo‘ldoshingiz emasman, malol
Kelmasin, jonim...

Quyoshli xotirlar so‘lmoqda, nechun
Zim-ziyo, olam?
O, balki!.. Kelishga ulgurar bu tun
Ayozli qish ham.

Xurshid Davron tarjimasi

@Anna_Axmatova
317 0 0
Anna Axmatova

27 Mar 2020, 00:56

Open in Telegram Share Report
287 0 0
Anna Axmatova

16 Mar 2020, 23:22

Open in Telegram Share Report
Nega suvga qo’shdingiz zahar
Va nonimni qordingiz loyga?
Nega so’nggi erkimni battar
Berkitdingiz eng iflos joyga?

Bu – xorlanib do’stlar o’lganda
Qilmaganim uchunmi bayram?
Yoki qolib sho’rbaxt Vatanda
Dard chekkanim uchunmi hamdam?

Jallod bilan kundani kutib
Yashar ekan shoirlar har choq;
Bizga qismat yig’lab, sham tutib
Gunohkorlik jubbasin kiymoq.

1935

Abdulla Sher tarjimasi

@Anna_Axmatova
379 0 0
Anna Axmatova

14 Mar 2020, 16:40

Open in Telegram Share Report
“Va buyurdi deb menga kimdir:
Qani gapir! Neki borini…”
Leon Felipe

Eshitgaydir qachondir har kim,
Odamlardan qolmagay pinhon:
Qamoqlarda chiridi o’g’lim,
Qamchilardan ilhom bo’ldi qon.

Kimlar ketdi, kim bor, kim kelar –
Men hammadan ko’ra aybdor…
Menga yotmoq baxtdek tuyular
Jinnixona katida bedor.

Abdulla Sher tarjimasi

@Anna_Axmatova
4.2k 3 0
Anna Axmatova

11 Mar 2020, 21:51

Open in Telegram Share Report
Sen meni dafn et, dafn et, shamol,
Kelishmadi hatto eng yaqinlarim.
Boshim uzra kezar besas, bemalol
Sargardon shom ila zamin unlari.

Men ham edim sendek armonim yo‘q, hur,
Faqat juda-juda keldi yashagim.
Muzlab borayapman, muzlayapman, ko‘r,
Hech kimsiz, hech nesiz ketmoqdaman jim.

Ko‘ksimdagi tubsiz yarani bekit,
Shomning nim qorong‘u nafasi bilan.
Moviy tumanlarga yetkaz, amr et,
Tilovat qilishsin ruh sasi bilan.

Yolg‘izlikda yengil tortsin bu jonim,
Bir kuni so‘nggi yo‘l bo‘lsa chin yorim,
Ulug‘vor giyohlar birla betinim
Shovullab chorlasin qaytmas bahorim...

Aziz Abdurazzoq tarjimasi

@Anna_Axmatova
337 0 0
Anna Axmatova

7 Mar 2020, 16:07

Open in Telegram Share Report
Turk va Jahon adabiyotining mashhur shoirlardan biri Yunus Emroning ijodi va hayotiga bag‘ishlangan kanal.

"Meni menda demang, menda emasman,
Bir men bordir menda, mendan ichkari."
Yunus Emro

t.me/Emro_Yunus
Yunus Emro
Turk va Jahon adabiyotining mashhur shoirlardan biri Yunus Emroning ijodi va hayotiga bag‘ishlangan kanal. "Meni menda demang, menda emasman, Bir men bordir menda, mendan ichkari." Yunus Emro
290 0 0
Anna Axmatova

7 Mar 2020, 15:49

Open in Telegram Share Report
Quduq tubidagi oq toshdek besas
Ko'ksimda yotibdi xotiram manim.
Uni unutmayman, unutgim kelmas,
U mening quvonchim, u mening g'amim.

Kimdakim yaqinroq kelar-da, keyin
Ko'zimga boqarkan, ko'radi uni.
Bu g'amgin qissamni tinglagan sayin
Hasratim qoplagay uning ko'ksini.

Yaratgan dillarda qolsin deya g'am,
O'ldirolmay odam tafakkurini,
Ularni buyumga aylantirgan dam
Mening xotiramga aylanding sen ham.

1916

@Sadosizlar
256 0 0
Anna Axmatova

1 Feb 2020, 23:37

Open in Telegram Share Report
Jiddiy boqma hamma narsaga,
Chekmay desang bir kun nadomat.
Ko’ngil qadrin bilmas kimsaga
Dilni ochmoq kerakmas albat.

Kim uchundir o’tgan gapsan, bas —
Oddiy chiziq dayri fanoda.
Yo’q, yo’q, hushni olar ufqmas,
Sen zarrasan yorug’ dunyoda.

Nolsan — hechlik, yo’qlik timsoli
Kim uchundir, olmagaysan tan.
Zirqirashdan bo’lolsa xoli
Qalbing, qah-kah urgung daf’atan.

Jilmayasan qarab, ko’zguda
Malak turar, surgancha xayol.
Ko’z yoshing art, boshingni ko’tar,
Go’zallikning o’zisan, ayol!

Gulnoza Mo‘minova tarjimasi

@Sadosizlar
336 0 0
Anna Axmatova

1 Feb 2020, 00:22

Open in Telegram Share Report
Yurtini dushmanga tashlab kеtaroq
Qochgan kimsalar-la birga kеtmasman.
Ular olqishiga tutmasman quloq,
Ularga bеrmasman qo’shig’imni man.

Ey, qochoq, mеn sеnga achinaman, bas,
Sеn qulday noiloj, bеmorday abgor,
Ey, darbadar, borar yo’ling ko’rinmas,
Yot yurtning nonida yovshan isi bor.

Bunda-chi, yong’inlar dudini yutib,
Yoshlik yillarini aylab biz qurbon;
Yurakni shafqatsiz zarbaga tutib
Yashadik, panaga qochmadik, inon.

Bilamiz: kеlajak bahosi tayin,
Oqlanar har lahza, oqlanar damlar
Va lеkin dunyoda yo’qdir bizdayin
Mag’rur, iztirobli, xoksor odamlar.

1922

Xurshid Davron tarjimasi

@Anna_Axmatova
301 0 0
Anna Axmatova

28 Jan 2020, 23:50

Open in Telegram Share Report
​​Quduq tubidagi oq toshdеk bеsas
Ko’ksimda yotibdi xotiram manim.
Uni unutmayman, unutgim kеlmas,
U mеning quvonchim, u mеning g’amim.

Kimdakim yaqinroq kelsa-yu, keyin
Ko’zlarimga boqsa, ko’radi uni.
Bu g’amgin qissamni tinglagan sayin
Hasratim qoplagay uning ko’ksini.

Yaratgan dillarda qolsin dеya g’am,
O’ldirolmay odam tafakkurini,
Ularni buyumga aylantirgan dam
Mеning xotiramga aylanding sеn ham.

1916

@Sadosizlar
381 0 0
Anna Axmatova

26 Jan 2020, 20:55

Open in Telegram Share Report
Dafn aylang meni, shamollar,
Netay, kelmas yaqinlar sasi!
Boshim uzra sarson namozgar,
Va osuda zamin nafasi.

Men ham sizday yurar edim hur ,
Tashna edim yashashga nechog’.
Endi bo’lsa tanam muz erur,
Kim ham tortsin ustimga tuproq.

Kechki zulmat choyshabi bilan
Yoping qaro jarohatlarim.
Boshim uzra zangori tuman,
Ayting, qilsin tilovatlarim.

So’nggi uyqu yolg’izginamni,
Osoyishta quchsin, desangiz .
Ko’klamlarni, ko’klamginamni
Qamish bo’lib kuylay bering siz.

@Anna_Axmatova
270 0 0
Anna Axmatova

19 Jan 2020, 00:14

Open in Telegram Share Report
​​Quyosh chiqar munis damda
Muhabbatni kuylayman.
Cho’kka tushib tomorqamda,
Sho’raga suv quygayman .

Otqilayman, yulib ilkis,
Gunohkorman oldida.
Oyoqyalang, ana bir qiz
Yig’lar chetan yonida.

Kulfat sasi –faryod, qadar
Qalbim ezar, yaralar.
Iliq hidin yoyar badtar
O’lib yotgan sho’ralar .

Non o’rniga tosh armug’on ,
Shudir achchiq tavoze.
Boshim uzra faqat osmon,
Ko’ksimda yor ovozi.

1911

@Anna_Axmatova
274 0 0
Anna Axmatova

16 Jan 2020, 15:26

Open in Telegram Share Report
Qorong’i bostirma shiyponi issik,
Ko’zlarim kulsa-da ,ko’ksim to’la yosh.
Do’stim: ”Nafasingni qilgil- der- issiq ,
Bizlar ham omadga bo’lgaymiz yo’ldosh.»

Koshki do’stginamga ishonsam shu on …
Ko’zi ojiz uning, kambag’al ,ma’lul.
Uzun, diqqinafas yo’llarni mudom
O’z qadamila o’lchab kelar ul .

Birdan jaranglaydi nihol tovushi —
Baxtsizlar tovushi jaranglar mungli:
“Oh ,bo’m-bo’sh xurjunlar, ko’rinmas tushim ,
Erta rizqi esa –ochlik ,yupunlik!”

1911

@Anna_Axmatova
275 0 0
Anna Axmatova

15 Jan 2020, 18:49

Open in Telegram Share Report
O’sha ovoz , o’sha nigoh,
Soya o’sha oq-sarg’ishdir.
Bir yil avval bo’lsa qandoq,
O’sha holda qolmishdir.

Oq devorga tushgan yog’du
O’sha-o’sha ming taram.
Nilufarning hidlariyu
Sening oddiy so’zing ham.

1909

@Anna_Axmatova
245 0 0
20 last posts shown.

131

subscribers
Channel statistics