ክፍል አስራ ሁለትፍቅር ወይንስ እምነት#በእውነተኛ
ታሪክ ላይ የተመሰረተ"ምን?!"
ብለን በአንድ ድምፅ ጮህን።
አብሱ በድንጋጤ ከተቀመጠችበት ተነሳች።
"ታዲያ ማን ነሽ?"
ሴትየዋ እንባዋን እየጠረገች...
"እኔ.....እ
ከብዙ ዓመታት በፊት የአባታችሁ ''ሚስት'' ነበርኩ።
የሴትየዋ ቃል ከተሰማ በኋላ ለጥቂት ሰከንዶች ማንም አልተናገረም።
አብሱ በድንጋጤ ቆማ...
"ይሄ እንዴት ይሆናል?" አለች በሚንቀጠቀጥ ድምፅ።
"እናቴ ብቻ ናት የአባቴ ሚስት ብዬ የማውቀው።"
ሴትየዋ ለመነጋገር እራስዋን እያዘጋጀች
"እናታችሁን ከማግባቱ በፊት ... እኔና አባታችሁ ለአጭር ጊዜ ተጋብተን ነበር። ከዚያ ግን ተለያየን።"
እህቷ... ወዲያው ጠየቀቻት...
"ታዲያ ለምን እስከ ዛሬ ዝም አልሽ?"
ሴትየዋ አንገቷን ደፋች።
"ምክንያቱም ይህህ ደብዳቤ ።"
ልቤ በፍጥነት መምታት ጀመረ።
አብሱም በጥሞና ታዳምጣት ነበር።
"ምን ማለትሽ ነው?" አለች
ያቺ አረፍተ ነገር እንደ መብረቅ በቤቱ ውስጥ ወደቀ።
አብሱ በድንጋጤ ከቆመችበት ወደ ኋላ አፈገፈገች።
"ምን አልሽ?" አለች በሚንቀጠቀጥ ድምፅ።
ሴትየዋ እንባዋን እየጠረገች ዝም ብላ...
"እውነት ነው... ከብዙ ዓመታት በፊት እኔና አባታችሁ—"
"ዝም በይ!"
እህቷ በንዴት ጮኸችባት።
"አንድ ደቂቃ ! ቀብር ላይ መጥተሽ የአባታችን እህት ነኝ አልሽ፤ አሁን ደግሞ ሚስቱ ነበርኩ ትያለሽ! ቀጥሎ ምን ልትይ ነው?"
ሴትየዋ... ለመናገር ሞከረች።
..."እባክሽ አዳምጪኝ..."
እህቷ..."አላዳምጥሽም!"
አለች በቁጣ።
አብሱም... በሀዘንና በድንጋጤ መካከል ተወጥራ...
"እንዴት እናምንሻለን?" አለች።
"እስከ ዛሬ የት ነበርሽ? አባቴ ሲታመም? ሲቸገር? እኛ ስናድግ?"
ሴትየዋ አንገቷን ደፋች።
"እኔም ስቃይ ነበረብኝ..."
እህቷ.."እኛስ?" አለች እህቷ በቁጣ እየተንቀጠቀጠች።
"እኛ ስንቸገር የት ነበርሽ? አሁን ደግሞ ከሞተ በኋላ... ?"
ክፍሉ በውጥረት ተሞላ።
እኔ... ጣልቃ ልግባ አልፈለኩም፤ ነገር ግን ሁኔታው እየከፋ ነበር።
ሴትየዋ... እንባዋን አፈሰሰች።
"እውነቱን ለመናገር መጥቻለሁ ብቻ..."
"አይ!"
በንዴት በሩን አመለከተች።
"እኛ አሁን እውነትም ሆነ ውሸት መስማት አንፈልግም። ከቤታችን ውጪ!"
"እባክሽ—"
"ከቤታችን ውጪ አልኩሽ!"
አለች በጩኸት።
አብሱ... ምንም ባትናገርም ዓይኖቿ በእንባ ተሞልተው ነበር።
ሴትየዋ... አብሱን ተመለከተች።
"ልጄ..."
ብላ ስትናገር አብሱ ወዲያው ፊቷን አዞረች።
ያኔ ሴትየዋ ምንም ሳትናገር ፖስታውን ጠረጴዛው ላይ አስቀመጠች።
"አንድ ቀን እውነቱን ማወቅ ከፈለጋችሁ... በውስጡ ሁሉም ነገር ተጽፎበታል።"
ብላ በዝግታ ወደ በሩ አመራች።
እህቷ በቁጣ ቆማ እያየቻት ነበር።
ሴትየዋ ደጃፉ ላይ ደርሳ ለመጨረሻ ጊዜ ዞር ብላ አብሱን ተመለከተች።
"ይቅርታ..."
ብቻ አለቻት ።
ከዚያም ወጥታ ሄደች።
በሩ እንደተዘጋ ክፍሉ በከባድ ፀጥታ ተዋጠ።
አብሱ ዝም ብላ ፖስታውን ትመለከት ነበር
እህቷ ግን አሁንም በቁጣ እየተንፈረፈረች ነበር።
እኔ ደግሞ ጠረጴዛው ላይ የተተወውን ፖስታ እያየሁ ነበር።
ምክንያቱም ያ ፖስታ...
የሁላችንንም ሕይወት የሚቀይር ሚስጥር የያዘ መስሎ ተሰምቶኛል...
.........ይቀጥላል......... @Rufaylen13 💫
✍️ ህላዌ💕
