الشاعر أبو علي الركابي ( للقصائد الحسينيه )

نكعت اهدومج  نكعت اهدومج  من البجــــــي نكعت اهدومج

تكتل همومــج  تكتل همومـــج  ضيم وقـــــهر تكتل همومـج

عالغبره نومـج عالغبره نومـج   عكب الأهـل عالغــبره نومج

*

--وكأني بالأمام الكاظم أغمض عينيه للمنيه و سلم على الامام الحسين

عليه السلام باكياً

*

من كـرب البين  من كــرب البين   سد الجــفن من كـرب البين

واتكطر العــين  واتكطــــر العين   دار البصر واتكطـــر العين

وبصوته الحنين  وبصوته الحنين   ونه وبجه  وبصوته الحنين

سلم على حسين  سلم على حسين   من السجن  سلم على حسين





***
أبو علي الركابي

نعي لأستشهاد الأمام الكاظم عليه السلام

 

وكأني بلسان حال السيده معصومه عندما سمعت بخبر مقتل والدها الامام الكاظم عليه السلام

*

كـــلش عزيزات  كلـــش عزيزات  تره اعيون الابو كــــلش عزيزات

لو غمض ومات  لو غمض ومات  كلشـــــي انتهى   لو غمض ومات

طيب الأحجايات  طيب الأحجايات  مـــات ورحــل   طيب الأحجايات

كلش غمــــيجات  كلش غمـــيجات  اجروح الكَــلب   كلش غمـــيجات

**

واشـــــكثر ونيت   واشـــكثر ونيت  ابجــــــي وأون  واشـــكثر ونيت

بويه اظلــم البيت   بويه اظلم البيت  ماينطب بعــــد  بويه أظلــم البيت

عالوجـــــه دكيت  عالوجــــه دكيت  يابو الرضـــــا عالوجــــــه دكيت

شو وحدي ظليت  شو وحدي ظليت  من اغــــير ابو شو وحدي ظليت

*

 -- وكأني بها بدات  تكلم الدار

جاوين اهاليــــج  جاوين اهاليـــــج  دار الوحــــــي جاوين اهاليــــــج

جاوينه راعـــيج  جاوينه راعيــــج  وحشه المســـه  جاوينه راعــــيج

ماسير اعلـــــيج  ماسير اعلـــــيج  شــــــيخ العرب  ماسير اعلـــــيج

مارد بعدليــــج  مارد بعد ليـــــج  وجــــــــه السمح  مارد بعد لـــيج

*

والكوسر انهار  والكوسر انهار  طاح العمــد والكوسر انهار

ماتنطــب الدار  ماتنطـب الدار  جي ماكو ابو ماتنطب الدار

جن تلهتب نار  جن تلتهب نار  روحي غدت جن تلتهب نار

والكلب محتار  والكلب محتار  تاه الفكــــــــر والكبل محتار

*

لامــايرديــــــش   لامـــــــايرديش   أيســــــي بعد لامـــايرد يــــش

لامايطبيــــــــش   لامايطبـــــــيش   حوشــــج بعد لامايطبــــــــيش

خيمـه بكراكيش   خيمـه بكراكيش   الفيـــــــه مثل خيمــه بكراكيش   

من دونه منعيش   من دونه منعش   انموت ابعجل من دونه منعيش

 *

كعدتنـــــــه وياه  كعدتنـــــه وياه  يازينــــــــهه كعدتنــــــــــه وياه

من نلتـــــم اهناه  من نلتــم اهناه  ويــــــه الأبو من نلتـــــــم اهناه

ياحســرتي أحاه  ياحسرتي أحاه  ماتنحـــــــمل ياحســــــرتي احاه

واشلون ننســاه   واشلون ننساه  فـــــــي الأبو واشـــــــلون ننساه

*

كل ذيج اهلــنه   كل ذيج اهلنه  تلتم ســوه كل ذيـــج اهلنه

يمطر محــــنه   يمطر محــــنه  بفــي الأبو اليمطــر محنه

طشر شــــملنه   طشر شـــملنه  حيف الدهر طشــر شملنه

مايرجــــع النه   مايرجـــع النه  مات الأبو ومايرجــع النه

*

 

شيعوضه لومات   شيعوضه لومات  والله الأبــــو شيعوضه لومات

مامثلــــه هيهات   مامثلـــــه هيهات  كلــــب الأبو مامثلــــه هيهات

والله  حنيـــــنات   والله حنيـــــــنات  اجفوفه نحس  والله حنيـــــنات

وافيايه خيمــات  وافيايه خيمـــــات  هدمـــــه دفو  وافيايه خيمــات

*

 --وكأني بها تكلم والدهه عليه السلام

*

ردت احضر اهناك   ردت احضر اهناك  يوم المتت ردت احضر اهناك

وبنشـــــغتي انعاك   وبنشـــــــغتي انعاك  يابويه أون وبنشــــــغتي انعاك

واتمـــــــــدد احذاك   واتمــــــــدد احذاك  يم  النعش واتمــــــــــدد اوياك

واندفــــــــــن وياك   واندفــــــــــن وياك  وسط اللحد  واندفــــــــن وياك

*

--وكأني بالأمام الكاظم عليه السلام  ينعى نفسه في السجن لحظات المنيه

 

لامن كَـــــرايب   لامن كَـــرايب  وحدي بسجن لامن كَــرايب

بس النــــــوايب   بس النـــوايب  دارت علـــي بس النـــــوايب

حزن ومصايب  حزن ومصايب  ظلمـــه وقهر حزن ومصايب

دلالــــــي ذايب   دلالـــــي ذايب  وين الأهـــل دلالــــــي ذايب

*

 

ذابت جبدتــــي   ذابت جبدتـي  من الألــــم  ذابـــت جبدتي

تسعر مهجتــي  تسعر مهجتي  سم وجــرح  تسعر مهجتي

جمرة فركتــي  جمرة فركتي  فوك الحبـس  جمــرة فركتي

لأبني وبتــــي  لأبني وبتــي  ابجي اشــكثر لأبنـــــي وبتي

*

راح امشي عنهم   راح امشي عنهم  هذا المســـــه راح امشي عنهم

ما ودعتــــــــهم   ماودعتـــــــــــهم   ذيج الأهـــل ماودعتــــــــــهم

حرمونـــي منهم   حرمونــــي منهم   حيف العــده حرمونــــي منهم

ياهو اليكلــــــهم   ياهو  اليكلــــــهم   موسى انجتل  ياهـــــو اليكلهم

*

جن موتي نازل  جن موتي نازل  كرب وصـــل جن موتـي نازل

بهمومــي شايل  بهمومـــي شايل  راح ارتـــحل بهمومـــــي شايل

حتى الســلاسل  حتى الـــسلاسل  محد نـــــزع حتى الســــــلاسل

ذيج المحـــامل   ذيج المحــــامل   هســـــه اذكرت ذيج المحــامل

*

آيالســـــــــبيه   آيالســــــــــــبيه  ياعمـــــــــــتي آيالســــــــبيه

بالغاضــــريه  بالغاضـــــــــريه  هظم وشـــــتم بالغاضــــريه

انتي ورقــــيه  انتي ورقــــــــيه  فوك الهـــــزل أنتي ورقـــيه

عد آل امــــيه  عد آل امــــــــيه  حرمـــه بسبي  عـــد آل اميه

 

*

مامثله يومــــج  مامثله يومـــج   ياعمــــــــتي مامثله يومــج

نعي لاستشهاد الإمام الكاظم عليه السلام

نعي للأمام الكاظم عليه السلام

*

وداراك

الدهر مايوم ســــر كَلبك وداراك

ومن سجن الســجن فرك وداراك

وبعيد اصبحت عن اهلك وداراك

بطاموره وحبس حدر الوطـــــيه

***

وشالات

بعد ماظل دمــــــــع لاظــل وشالات

على الروحه بسجن فاضت وشالات

وحماميل ارفعت نعشـــــــه وشالات

وظلت عالجسر جثته رمــــــــــــــيه

****

ينازع وحــده والسجن مسدود

يعالج بالألـــم والجــبد ممرود

يصيح الله وكبر ياهـو موجود

وينه اليفك عن ســاكَي الكَيود


يصيح احــــاه ويفطر ونـــــينه

على الحيطان ويلي ايدير عينه

يلوج الوحــده  ويعـــرك جبينه

ويتكَلب علــى ايســـاره ويمينه


يحشم بخوتــــــــه وما يسمعونه

يهون كل ألـــــــم من يحظرونه

وكل كَيد البجسمه يفكــــــــــونه

ومن السجن موسى يطلعـــــونه


حس الكاظم بسـاعة وفاتـــــــــه

تشَهَد من عـرف خلصت حياتـه

كَبل روحـه واتغطه ابعباتـــــــه

غريب وبالسـجن صارت وفاتـه


صحيح انته متت فـــوك الوطيه

غريب وبالســجن شفت الرزيه

لاجن مومــــــــثل ذيــج العزيه

حسين المنذبــــــــح بالغاضريه


اهدومه امســــلبه وابلا عبايـــه

واصحابه امذبحه واهله ظحايه

واخته ام الخـــدر وي الســـبايه

تمشي اميســـــره وابــلا حمايه


ومحد كَطع راسك يبن جعفــــر

ولاجسمك بقى مطروح بالحــر

ولا بســــــــيوف عالغبره توذر

ولا ظلت علــــيك الخـــيل تفتر


ولا ونت بكترك هاشـــــــــــميه

ولا شافت اعيونك فاطمــــــــيه

تدفعه الزلم فـــــوك الوطــــــيه

ولاعندك مثل لوعة رقـــــــــيه

نعي

بهيده اعليه شــــــــيعه من تشيلونه

تراهو امن السياط امجــرحه امتونه

*

براضه اوي النعش بهداي  يحبابـه التشيعونه

تراهو امجرح المســـجون  خافنكــم تلجمونه

تلوع بالحبــــــــــس ويلاه  والكاظم تعرفونه

كضه اسنين الألم مسجون  وانوبـــه يسمونه


تكَطعت جبت الكاظم    غدر بيه الدعي الظالم

** 


تلوع بالسجن واينــوح    ظلمه وعايــش بغربه

بطوامير الظلم والجور   ويلي وحالتــه صعبه

بحديد امكَيد الرجليـــن   وسفه افراشه عالتربه

وسجانه يطب اعليــــه  بالسوط الكفه ايضربه


سجين ومن يضربونه   تظل امجرحه امتونه

**** 

 

يبلل لحيته بدمعــــــات  من يفرش الســجاده

بعد ميصلي جم ركعات  تلوج بجمــرته افاده

تفيض العبــــره بآهات  من يذكرهــم  اولاده

يســولف وين البنـــيات  وين شـــعدهم الساده 

دليله ورحه مشتاكَه    عليهم  طول افراكَه

**** 


حياته معتقل محبـــوس   يجذب بالنفــس كَوه

ينادي وين اليفزعـــون  وين اصحاب المروه

وين الشيعه والأنصــار  وين العدهــم النخوه

مليت الغياب الطــــال   منه كَلبــــــي اتجوه


ينادي وحــــده بحبسه    غريب ومن سمع حسه

**** 


حدر الكَاع جن مدفـون  منه ضاكَــــت الوسعه

والحارس عليه ملعـون  كل مايطلــــــع ايمنعه

يريد ايشم هوى الشباج  وبوجه الدعي ايصفعه

يوكَع عالأرض ويطيح  آخ الظالـــــــــم يدفعه


يزيد امن البجي اونينه    يذكر طيحت اسكينه

**** 


يهون جرحه واللجمات   وينشفهه دمـــعاته

ويصبر روحه عالآلام   مايذكرهه لــوعاته

وتهون السياط البيــــه    من يذكرهه عماته

يدك اعله الصدر بالأيد   آه وحسره زفراته


ينادي بدمعه مدميه    يحف الحره مسبيه

****


أبو علي الركابي

بهيده اعليه

  يبن جعفـــــر برجاك   بدموع الهم ننخاك

دعـــينه انظل بحماك

يالولي   يالولي

*

يهل دمـــع المآتم       على امصابك يكاظم

سجين وبالحبس تكضي العمر بين الهواشم

ارتفع صوت المواكب    قره الهاي المصايب

غريب ولا اهل يمــــــك يولي ولا كرايب

عمامك والله ابعاد       غريب انته ابغداد

وسف يبن الاجواد

يالولي   يالولي

* 


ارتفع حجي الظماير     صدح صوت الحناجر

تفجر مدمع الاهـــــب يفور امن المحاجر

تذكرنه مصـــــــــابك     سجين ابنص عذابك

يطول جم سنه وشجم حبس وسفه غيابك

الخبر من عندك ضاع       الحبس كالو بالكاع

ضكت مر الاوضاع

يالولي  يالولي

*

يمن جبدك تسمم           جمر ضاك وتثلم

حضرنه بمأتمك يابو الرضا والنيه تعلم

يباب امن العطايه           سند عدنه وروايه

يراهب منزلة حبك قرب رب البرايه

صرت باب الحاجات      ابد متــــــــرد طلبات

النخاك بكل شــدات

يالولي   يالولي

*

كلبنه بجمره لاهج        شكثر عدنه حوائج

ابد متخيب الكاصد الك ندري النتايج

وحك هاي القصائد      انحنى ظهر الشدايد

تعبنه يالولي مانحتمل تدري انته شاهد

الأمل والمــــنقذ غاب      الكَلب ممرود وشاب

هلك صـــبر الاحباب

يالولي  يالولي

*

اشكثر ناس الدعونه      بحوائجهم رجونه

نسألك بالدعا خــــــــدام الك من كلفونه

المرض والحاجه عنده        الشفه مـــنك  يوده

البلاء وكل المرض عن هالبلد ندعي تبعده

يمن عمك عباس     ابد متخيب الناس

سخي وجاسب نوماس

يالولي  يالولي

*


أبو علي الركابي

يامولاي

كورونا 

يباب الحوائج هتف صوت الخدم     بجاه الشريعه الوكع يمهه العلم

بحق دم كربله   دعانه تقبله

* 


حضرنه انجمعنه  نقيـم التعزيه

بحزنه تواسي المدامـــع جاريه

وتنوح القصـــــيده وتون القافيه

جريحه وشجيه ابمصابك ناعيه

عقدنه النوايه وهتف صوت الحزن    حضرنه المصابك يمتيت بالسجن

يعالي المنزله    دعانه تقبله

** 


يباب الحوائج يســلطان الكرم

يقاضي الكلايف يوهاب النعم

اجينه وكلبنه اشكثر شايل ألم

دعينه وبجينه ونحلفك بالخيم

بجاه المصيبه وجمر ذاك العطش   ودموع العقيله وألم يوم اهدعش

ودموع العايله    دعانه تقبله

* 



عقيده وحقيقه نحـــــــــس بمأتمك

حضورك علينه وتشوف اليخدمك

تسمعه الينوح بحــــــــوائج كلمك

وداعك بدليله يموســــى وحشمك

يقين وعقيده ابد متـــــــرد طلب   اليمشي عليك الرضيع  الماشرب

ودمومه سايله     دعانه تقبله

**

بلطمنه ودمعنه بحضــــور الفاجعه

حوائج جثيــره ويســـــــألونه الدعه

عليك الكفيل الجفوفـــــــــه امكطعه

الكسر ظهر اخيه الوكع عالمشرعه

ابو فاضل الطاح صـــريع اعله النهر     الكسر كلب اخيه وحنى منه الظهر

بكفيل القافله    دعانه تقبله

****

تضرعنه ندعي وندك اعله الصدر

تزيح البلايا وتفـــــــــرج كل عسر

كرونا الغزانه مرض هذا العصــر

فزعتك علينـــــــــه وتعجلنه الامر

صبرنه ونتاني يمولانــــه الوعد       نحسه علينه اقترب يوم العهد

الوعد نتأمله     دعانه تقبله

****
أبو علي الركابي

دعاء لدفع البلاء والوباء

بويه وين  (معصومه والكاظم)ع

بويه وين    مخنوكه روحي بهالمسه

بويه وين    جمر المصــــــاب اتنفسه

تجوي بدليلي النايبات     ويتراوه بعيوني الممات

بويه وين    بويه وين

*

اسنين مــــرت وانه ما اكــدر انام

معصومه آنه الفاركـت نور الأمام

الليله جنــــــه زايد اعلـــيه الظلام

وجن مثل زينب دوت بيـهه الخيام

بس دموع            تجري بعيون الهامله

بس دموع            جني اعــيش بكبربله

جن الخيام امسلبات    ويتراوه بعيوني الممات

بويه  وين     بويه  وين

*

جن احس بهالمسه اعيوني انعمن

ومدري ليش ابلا سبب ونن بجن

نعش والله وفاجعـــــــه يتصورن

وصوب بغداد الحزينـــه اتوجهن

ابلا شعور          جني عشت ليل اهدعش

ابلا شعور          فوك الجسـر انظر نعش

تابوت شالوه بالصلاة     ويتراوه بعيوني الممات

بويه وين    بويه وين

****

بويه ليش ارموش عينــي شو ترف

وجهي شو هالساعه احسه منخطف

ودمع عيني الجاري مايرضه يجف

ومدري ليش اتمنى هالليلــه الحتف

يالحنين              روحك احس يم السمه

يالحنين               وامســـيره يمك فاطمه

تقره عليك التعزيات    ويتراوه بعيوني الممات

بويه وين    بويه وين

****

ليش مخنوكه واحس ضاك الهوى

واظلمت دنيــــاي وانباك الضوى

والدليل اعليك يابويــــــــه انجوى

وجرحي ماضنله  بعد يـرهم دوى

ماتعود                   لبنيتك العاشـــت قهر

ماتعود                    يالغالي تعبني السهر

ماعندي لذه  بهالحياة     ويتراوه بعيوني الممات

بويه وين   بويه وين

*

ماترد البيتـــك وتمليــــــــــه حنان

الدار وحشــه بويه وبعــــازة امان

آخ ماضنه  يـــــــــرد ذاك الزمان

صعب والله اعليه هـــذا الإمتحان

لاتموت            ما احمل افركك صعب

لاتموت             يالماخــــذ اوياك الكلب

كربت احس مني الوفاة     ويتراوه بعيوني الممات

بويه وين   بويه وين

*

أبو علي الركابي

يامعصومه

يامسموم

تنـــعه        بدمـــعه

للكاظميه حضرت الزهره

*

للكاظميه اليــــــــوم حضرت البضعه

لمصاب ابنهه المات كصــدت تودعه

دم وألم واجــــــــــروح تكطر الدمعه

وبيديهه للأحــــــــزان علكت الشمعه

تنعه            بدمعه

للكاظميه حضرت الزهره

*

يم الظريح اتنوح والكلب ملجـــــوم

محني الظهر ويلاه تعثـــر بالهمــوم

كعدت بكتره اتلوج ماتكــــدر اتكوم

صاحت يبو ابراهيم ياوسفه مسموم

تنعه       بدمعه

للكاظميه حضرت الزهره

****

كامت تدك عالهام تلطـــم عالجبين

كالتله يبني احــــــــاه يلفـالك البين

نور ونهار اليــــوم ماشافت العين

بالسجن حدر الكاع كظيت السنين

تنعه       بدمعه

للكاظميه حضرت الزهره

****

تحجي اوي ابنهه اتلوج يمعذبينك

فوك الحبس مســــموم وامكـيدينك

وحدك غريب اتموت تكطع ونينك

لا اهل لا وليان تمســـــــح جبينك

تنعه       بدمعه

للكاظميه حضرت الزهره

****

كامت تدك وتصيح يبنـــــي يمسجون

صح ابمصاب نار تجري امن العيون

لاجن مصاب حســين شيبلي الجفون

لحمه انثر بالكاع والصــدر مطحون

تنعه           بدمعه

للكاظميه حضرت الزهره

****

اتكله يبو ابراهيم صـــح انته مجتول

نعشك على احماميل يالوالي مشيول

لاجن ابو السجاد ظل حـــدر اخيول

من العصر لليل خيل العــــده اتجول

تنعه        بدمعه

للكاظميه حضرت الزهره

****

دهري  ذبني 

عبد الله ياشمعة ضوه اعيوني

هاك اذ ماي العين يبني وسلوتي    وانته فرحتي  وردتي كبرتي

كلب الذي رباك شينيمه اليل 

يوليدي خل اوياك يتهاو ويميل

لوردت من ماي يتهدم الحيل




بصحنه     بــــونه 

تنعه  بظريحه وتبجي يم كبره


أبو علي الركابي

قصائد ونعي لاستشهاد الإمام الكاظم عليه السلام

أعظم الله لنا ولكم الأجر والثواب