TAWHEED CHANNEL

ሐዳዲው ጀማል ያሲን ዑለማዎችን በመርዛም ምላሱ ሲጨፈጭፍ ይስሙት። በተማሪዎቹ ዋልጌነት ግራ የተጋባችሁ ካላችሁ ምስጢሩ ይሄውና።
إذا عرف السبب
بطل العجب ||
||
\/

قال رسول الله ﷺ :

«إِنَّ النَّاس إِذا رَأَوُا الظَّالِمَ فَلَم يَأْخُذُوا عَلَى يَدَيه أَوشَكَ أَنْ يَعُمَّهُمُ اللهُ بِعِقَابٍ مِنْهُ».


📚رواه أبو داود

🌸«::::::::::::» «:::::::::::»🌸


የአላህ መልእክተኛ(ሶለላሁ ዐለይሂ ወሰለም) እንዲህ አሉ:–

[ ሰዎች በዳይን እያዩ እጁን የማይዙት(ከበደሉ የማይከለክሉት) ከሆነ አላህ ከሱ በሆነ ቅጣት ሊያጠቃልላቸው ይቀርባል።]

📚አቡዳውድ ዘግበውታል።

ክፉ ልክፍት!... ድንቅ መድሃኒት!!
ሰውየው፡- “ቀድሞ (ለማጨት ሳስባት) በሚስቴ በምደነቅ ጊዜ … አላህ የሷ አይነት በአለም ላይ የፈጠረ አይመስለኝም ነበር፡፡
ካጨኋት በኋላ ብዙዎቹ ሴቶች የሷው አምሳያ ሆነው አገኘሁ፡፡
ካገባኋት በኋላ #ብዙዎቹ ሴቶች ከሷ የበለጡ ቆንጆዎች እንደሆኑ ተገነዘብኩ፡፡
ተጋብተን ጥቂት አመታት ካለፉ በኋላ ግን #ሁሉም ሴቶች ከሷ የሚበልጡ ቆንጆዎች እንደሆኑ ደመደምኩ” አለ፡፡
ሸይኹ በዚህን ጊዜ፡- “ይልቅ ከዚህ የከፋውን አልነግርህም?” አሉ፡፡
“ይንገሩኝ” አለ ሰውየው፡፡ የአለም ሴቶችን በሙሉ ብታገባም በየጎዳናው የሚልከሰከሱ ውሾች ከአለም ሴቶች ሁሉ በላይ ቆንጆዎች ይሆኑብሃል!!”
ሰውየው፡- በስሱ ፈገግ አለና “ለምን እንዲህ አሉ?” ሲል ጠየቀ፡፡
ሸይኹ፡- “ምክንያቱም ችግሩ ከሚስትህ አይደለም፡፡ ችግሩ የሰው ልጅ ስግብግብ ልቦና፣ ልክስክስ አይን ሲኖረውና አላህን ከማፈር ከሐያእ ሲራቆት ነው፡፡ በዚህን ጊዜ አይኑን የመቃብሩ አፈር እንጂ አይሞላውም፡፡ ልክ ነብዩ ﷺ ‘የአደምን ልጅ አይኑን አፈር እንጂ አይሞላውም…’ እንዳሉት፡፡ ሰውየ!! ችግርህ አይንህን አላህ ከከለከለው ነገር አለመስበርህ ነው፡፡ ይልቅ ሚስትህን ልክ እንደ ቀድሞዋ (ከአለም ሴቶች ሁሉ ቆንጆ) የምታደርግበትን ዘዴ እንድነግርህ ትፈልጋለህ?” አሉት፡፡
“አዎ” አለ ሰውየው፡፡
“አይንህን ስበር!!” አሉት ሸይኹ!!
ከዐረብኛ ፅሑፍ የተቀዳ ነው፡፡
#ከኢብኑ_ሙነወር

«አንተ በራስህ ነውር ውጥረት ውስጥ (ቢዚ) ሁን፣ በተቻለህ መጠንም ነፍስህን ከነውር አፅዳት፣ በተለይ በራስህ ነፍስ ላይ አደራ!።

ምክንያቱም በሰዎች ነውር ላይ የሚወጠር (ቢዚ) የሚሆን ሰው መድከሙ አይቀርም!።» [ሸርህ ኢቅቲዳእ አስ_ሲራጥ አ'ልሙስተቂም 92 ሸይኽ ኢብኑ ዑሰይሚን–ረሂመሁላህ]
Ibnshifa

እነሱ ለጥፋት ሲፈነጩ ተመልካች አትሁን። የማህበራዊ ሚዲያ ዳዕዋ ለስንቶች ሂዳያ ሰበብ እንደሆነ በተግባር እያየነው ነው። የስንቱ ሴረኞች ተንኮል በመጋለጡ ስንቱ ተርፏል። ዛሬን አጥብቀህ ከሰራህ የሚሰድብህ፣ የሚረግምህ አካል ነገ ይቅርታ ይጠይቅሃል። ህዝብህ ላይ አትፍረድ። ለዘመናት የጥፋት ኃይሎች እግር ከወርች ጠፍረው ይዘውታል። በትንሽ ጥረት የተንኮል ድራቸው ሲበጣጠስ እያየን ነው። ለዚህ ደግሞ የማህበራዊ ሚዲያዎች ደዕዋ ሚና ቀላል አይደለም። ስለዚህ እነዚህን መገናኛዎች አጥፊዎች ለጥፋት ሲያውሏቸው አንተ ኸይር ለማሰራጨት ተንኮልን ለማክሸፍ በሚገባ ተጠቀማቸው።
ሕዝባችንን አንድየው ከጥፋት ይጠብቀው፣ በተውሒድና በሱንናህ ላይ ይሰብስበን፣ መንገድ የሳቱ ወገኖቻችንንም ከዐርሹ በላይ ያለው ጌታ ወደ መንገዱ ይመልሳቸው። ኣሚን።

📮 ገለፃ ስለ ጥያቄና መልስ ፕሮግራማችን፡፡

🔊 አላህ ካለ የዚሁ አርብ የሚወጣው ጥያቄዎቹ አብዛኞች ከተለቀቁ ፁሁፎች ይሆናል፡፡ እንዲሁም 🔍ሙመይዓህ ከሚለዉ pdf ጥያቄ ስለ ሚወጣበት በደንብ አንብቡት❗️❗️❗️

🔖 አንድ ጥያቄና አስር መልሶቹ ይድረስ ለአብዱ'ላሂ አል-ሀረሪ ተማሪዎች እና ተከታዮች፤ የመጀመሪያ ክፍል፧

🗞 በመጀመሪያ ስለ ትምህርቱ አንዳንድ ነገር ላሳዉቃችሁ። ይህንን ፅሁፍ ያገኘሁት ከነሲሃ ቲቪ ድረገፅ ሲሆን በሸኽ ኢልያስ አህመድ የተፃፈ ፅሁፍ ነዉ። እናም እኔ ከፅሁፉ ላይ ምንም ነገር ሳልጨምር ሳልቀንስ ወደናንተ አደርሳለሁ፤ በአላህ ፍቃድ ይህን ትምህርት እንዲትከታተሉ እጋብዛችኋለሁ። ሼር አድርጉት።

#⃣ «በቁርኣን ውስጥ አላህ ከፍጥረታቱ በላይ እንዳለ
የሚያመለክቱ አንድ ሺህ ወይም ከዚያ በላይ የሆኑ
መረጃዎች አሉ! »

📚 ከአንጋፋዎቹ የሻፊዒያህ መዝሀብ ሊቃውንት የአንዱ
ንግግር ነው።[1]
[1] “መጅሙዑ’ል-ፈታዋ” ጥራዝ 5 ገፅ 121
ይመልከቱ

በሸይኽ ኢልያስ አሕመድ፦

#⃣ የዚህ ፅሑፍ አላማ የአላህን የበላይነት የሚያረጋግጡ መረጃዎችን መዘርዘር አይደለም።
ነገር ግን ይህንን እውነታ የማይቀበሉ ወገኖች የሚያነሱትን አንድ “ዝነኛ” ብዥታ ጠራርገው የሚያፀዱ"ሸሪዓዊና አእምሯዊ ምላሾችን መጠቆም ነው። እንዲያውም የጥያቄያቸው ትክክለኛ ምላሽ የበላይነቱን የሚያፀና መሆኑን በስተመጨረሻ እናያለን! በትዕግስት ያንብቡት!

#ጥያቄ

« “አላህ በዐርሹ ላይ ነው!” ካላችሁ ዐርሽን ከመፍጠሩ
በፊት የት ነበር?!»
በርግጥ አላህ ከዐርሽ በላይ የመሆኑን ብሩህ እውነታ
በእንዲህ ያለ ጥያቄ መጋፈጥ እንደሚቻል የሚገምቱ
ወገኖች ይህንን ጥያቄ የሚቀምሩት እንደሚከተለው
ነው፦

«አላህ ዐርሽም ሆነ ሌላ ቦታ ሳይፈጠር የነበረ ጌታ
ነው፤ እርሱ የማይቀያየር ጌታ በመሆኑ ዛሬም እንደያኔው
ያለ ቦታ ነው ያለው! » ይላሉ።
[ይህ በተለያየ አገላለፅ የሚደጋግሙት ሀተታ “ዋነኛ
መጋፈጫቸው” ነው፤ እንደ ምሳሌ፦ “አሽ-ሸርሑ’ል-
ቀዊም” የተሰኘውን የዐብዱ’ላሂ አል-ሀረሪ መፅሐፍ ገፅ
212 (በአምስተኛው እትም መሰረት) መጥቀስ
ይቻላል።]

#መልስ

ይህን ድፍን ሙግት ከነመንደርደሪያው አንኮታኩተው
የሚጥሉ ምላሾችን በሁለት መንገዶች ማቅረብ
ይቻላል።
የመጀመሪያው መንገድ የጥያቄውን ስልት በጥቅሉ
የተመለከቱ መሰረታዊ ምላሾችን ያካተተ ሲሆን ሁለተኛው ደግሞ በሙግቱ አሰካክ ላይ የሚያነጣጥሩ ዝርዝር ምላሾችን ያቀፈ ነው።
አንደኛው መንገድ ስልቱን የተመለከቱ አምስት ጥቅል ምላሾችን ይዟል፤ እነሆ!

1.1 እውነታ በውዥንብር አይረታ!

የአላህ ከበላይ መሆን በሸሪዓዊና አእምሯዊ አስረጆች
የተረጋገጠ ብቻ ሳይሆን ፈጣሪ በሰዎች ተፈጥሯዊ
ዝንባሌ ውስጥ ያሰረፀው አማራጭ የለሽ እምነት
በመሆኑ ምንም አይነት ጥያቄን የሚያስተናግድ አይደለም! ልብ ይበሉ! በፅኑ መረጃዎች የፀደቀ እምነትን በማጠራጠሪያ መጠይቆች መጋፈጥ አይቻልም! ሙግት ደግሞ ማስረጃ አይሆንም! ማስረጃም በመላምት አይፈርስም! እውነታም በውዥንብር አይረታም።
ይህ ሙግት አል-ኢማም አዝ-ዘሀቢይ እና ሌሎች በትክክለኛ ሰነድ የዘገቡትን አንድ ተያያዥ ክስተት ያስታውሰናል፦

🌟 ﻗﺎﻝ ﺃَﺑُﻮ ﺟَﻌْﻔَﺮ ﺑﻦ ﺃﺑﻲ ﻋَﻠﻲّ ﺍﻟْﺤَﺎﻓِﻆ: ﺳَﻤِﻌﺖ ﺃَﺑَﺎ ﺍﻟْﻤَﻌَﺎﻟِﻲ
ﺍﻟْﺠُﻮَﻳْﻨِﻲّ ﻭَﻗﺪ ﺳُﺌِﻞَ ﻋَﻦ ﻗَﻮْﻟﻪ }ﺍﻟﺮَّﺣْﻤَﻦ ﻋﻠﻰ ﺍﻟْﻌَﺮْﺵ
ﺍﺳْﺘَﻮَﻯ { ﻓَﻘَﺎﻝَ : ﻛَﺎﻥَ ﺍﻟﻠﻪ ﻭَﻟَﺎ ﻋﺮﺵ ﻭَﺟﻌﻞ ﻳﺘﺨﺒﻂ ﻓِﻲ
ﺍﻟْﻜَﻠَﺎﻡ ﻓَﻘﻠﺖ ﻗﺪ ﻋﻠﻤﻨَﺎ ﻣَﺎ ﺃَﺷﺮﺕ ﺇِﻟَﻴْﻪِ ﻓَﻬَﻞ ﻋﻨْﺪﻙ ﻟﻠﻀﺮﻭﺭﺍﺕ
ﻣﻦ ﺣِﻴﻠَﺔ ﻓَﻘَﺎﻝَ ﻣَﺎ ﺗُﺮِﻳﺪُ ﺑِﻬَﺬَﺍ ﺍﻟﻘَﻮْﻝ ﻭَﻣَﺎ ﺗَﻌْﻨِﻲ ﺑِﻬَﺬِﻩِ ﺍﻟْﺈِﺷَﺎﺭَﺓ
ﻓَﻘﻠﺖ ﻣَﺎ ﻗَﺎﻝَ ﻋَﺎﺭِﻑ ﻗﻂّ ﻳَﺎ ﺭﺑﺎﻩ ﺇِﻟَّﺎ ﻗﺒﻞ ﺃَﻥ ﻳَﺘَﺤَﺮَّﻙ ﻟِﺴَﺎﻧﻪ
ﻗَﺎﻡَ ﻣﻦ ﺑَﺎﻃِﻨﻪ ﻗﺼﺪ ﻟَﺎ ﻳﻠْﺘَﻔﺖ ﻳﻤﻨﺔ ﻭَﻟَﺎ ﻳﺴﺮﺓ ﻳﻘْﺼﺪ ﺍﻟﻔﻮﻕ
ﻓَﻬَﻞ ﻟﻬَﺬَﺍ ﺍﻟْﻘَﺼْﺪ ﺍﻟﻀَّﺮُﻭﺭِﻱّ ﻋﻨْﺪﻙ ﻣﻦ ﺣِﻴﻠَﺔ ﻓﻨﺒﺌﻨﺎ ﻧﺘﺨﻠﺺ
ﻣﻦ ﺍﻟﻔﻮﻕ ﻭﺍﻟﺘﺤﺖ ﻭﺑﻜﻴﺖ ﻭَﺑﻜﻰ ﺍﻟْﺨﻠﻖ ﻓَﻀﺮﺏ ﺍﻟْﺄُﺳْﺘَﺎﺫ
ﺑﻜﻤﻪ ﻋﻠﻰ ﺍﻟﺴﺮﻳﺮ ﻭَﺻَﺎﺡ ﻳﺎﻟﻠﺤﻴﺮﺓ ﻭﺧﺮﻕ ﻣَﺎ ﻛَﺎﻥَ ﻋَﻠَﻴْﻪِ
ﻭﺍﻧﺨﻠﻊ ﻭَﺻَﺎﺭَﺕ ﻗِﻴَﺎﻣَﺔ ﻓِﻲ ﺍﻟْﻤَﺴْﺠِﺪ ﻭَﻧﺰﻝ ﻭَﻟﻢ ﻳﺠﺒﻨﻲ ﺇِﻟَّﺎ
ﻳَﺎ ﺣَﺒِﻴﺒِﻲ ﺍﻟْﺤﻴﺮَﺓ ﺍﻟْﺤﻴﺮَﺓ ﻭﺍﻟﺪﻫﺸﺔ ﺍﻟﺪﻫﺸﺔ ﻓَﺴﻤِﻌﺖ ﺑﻌﺪ
ﺫَﻟِﻚ ﺃَﺻْﺤَﺎﺑﻪ ﻳَﻘُﻮﻟُﻮﻥَ ﺳﻤﻌﻨﺎﻩ ﻳَﻘُﻮﻝ ﺣﻴﺮﻧﻲ ﺍﻟْﻬَﻤﺪَﺍﻧِﻲ

አል-ሓፊዝ አቡ ጀዕፈር ኢብኑ አቢ ዐሊይ አል-ሀመዛኒ
(በ531 ዓመተ-ሂጅራ ያረፉ) እንዲህ ይላሉ፦ «አቡ’ል-
መዓሊ አል-ጁወይኒ (478 ዓ.ሂ) “አር-ረሕማን ከዐርሹ
በላይ ከፍ አለ” ስለሚለው የአላህ ንግግር ተጠይቆ
“አላህ ዐርሽ ሳይኖር የነበረ ነው…” እያለ በንግግሩ
ሲዘላብድ ሰማሁት! ከዚያም “ያመላከትከውን ነገር
አውቀናል፤ ታዲያ ስለ “ዶሩሪያት” (እንድናረጋግጠው
የግድ ስለሚለን ፅኑ እውነታ) መላ ቢጤ አለህን?”
አልኩት። “በዚህ ንግግርህ ምን ፈልገህ ነው? በዚህ
ጥቆማህስ ምን ወጥነህ ነው?” አለኝ። እኔም፦
“ማንኛውም አዋቂ ‘ጌታዬ ሆይ…!’ ካለ ገና ምላሱ
ከመንቀሳቀሱ በፊት በውስጡ ፅኑ ስሜት ማደሩ አይቀሬ
ነው፤ ወደ ቀኝ ወይም ወደ ግራ ሳይዞር እላይን ያስባል!
ለዚህ ፅኑ እውነታ መላ አለህን? አሳውቀንና ከ ‘ላይ’
እና ከ ‘ታች’ እንገላገል!” አልኩትና አለቀስኩ! ሁሉም
አለቀሱ! መምህሩም (አል-ጁወይኒ) በእጅጌው
አግዳሚ ቆጡን መታና “ወይ ግራ መጋባት!” ሲል ጮኸ! ልብሱንም ቀዶ ጣለ! በመስጂዱም ቂያማ ቆመ (ተረበሸ)! ከዚያም ወርዶ “ወዳጄ ሆይ! ኧረ ግራ መጋባት…! ኧረ መርበትበት…!” ከማለት ሌላ መልስ አልሰጠኝም። ከዚያም በኋላ ተማሪዎቹ “‘አል-ሀመዛኒ ግራ አጋባኝ!’ ብሎ ሲናገር ሰማነው!” ሲሉ ሰማኋቸው።» [2]

በጥቅሉ ስፍር ቁጥር በሌላቸው ማስረጃዎች የፀደቀውን የአላህ የበላይነት በመሰል ፀጉር ስንጠቃ
መጋፋት ለአላህና ለመልዕክተኛው ንግግር ተገቢውን ቦታ ከመስጠት ጋር የሚጣረስ ነው!

1.2 ልዩነቱ ብርቱ!

ሌሎች ሙስሊሞች የአላህን የበላይነት ሲያፀድቁ እጅግ
ብዙ ቀጥተኛና ተዘዋዋሪ ቁርኣናዊና ነብያዊ አስተምህሮቶችን እያጣቀሱ ነው! እነዚያ ሙግተኞች ግን “አላህ ቦታ ሳይፈጠር የነበረ ነው፤ ዛሬም ያለ ቦታ ነው ያለው…» የሚለውን የዘወትር መፈክር የሚያትቱት
በየትኛውም የቁርኣን ወይም የሐዲሥ መረጃ ወይም
የሰሓቦች ንግግር ላይ አግኝተውት አይደለም! ይህን ማወቅ ብቻ ሙግታቸው ውድቅ መሆኑን ያረጋግጣል። በርግጥ ይህንን ሙግት እንዲጠግን የተቀጠፈ መሰረተ ቢስ “ዘገባ” አይጠፋም!
ለምሳሌ፦ ታዋቂው የሐዲሥ ጠቢብ አል-ሓፊዝ ኢብኑ
ሐጀር (852 ዓ.ሂ) «አላህ – ከርሱ ውጭ ምንም ነገር ሳይኖር ነበረ…» የሚለውን አል-ቡኻሪይ ዘንድ በቁጥር 3191 ላይ የሚገኘውን ሐዲሥ ባብራሩበት አጋጣሚ እንዲህ ብለዋል፦

⏩ ክፍል 2 ይቀጥላል፤ ቻናሉን ሼር ማድረግ አትርሱ፤ በቴሌግራም ይቀላቀሉን፡
✅

«★ቀውሌ ለኤቲስቶች
አምላክ የለም ባዮች
ከሞት ኋላ ህይወት በሚክዱ ሰዎች።★»
~~~~~~~~~~~~~~~~~~~~~

ጎህንም ፈልቃቂ ሁሉኑም አዋቂ፣
ከሞት ኋላ ህይወት በማኖር አድማቂ፣
ደካማን የሰው ልጅ መልካም አሳዋቂ፣
ልጀምር በስሙ በአላሁ ጥበብ ሆኜ ተደናቂ፣
እንደው ጥበቡማ ቢቆጠር ቢቆጠር አይደለም አላቂ፣
ይሄው ፈጥሮ አኑሯል የፍጥረት እላቂ፣
ፈጣሪ አለ እንዴ?? እያለ ጠያቂ፣
ከሞት ኋላ ህይወት ይህን አላዋቂ፣
ከራስ የተጣላ ሀሳበ ድቃቂ፣
በሰይጣን ምሽግ ውስጥ ሄዶ ተደባቂ፣
ረብ የለሽ እውቀትን ያዋቂ አላዋቂ፤
ዒልመል ከላም ብሎ፣
ተስፈንጥሮ ወቶ ከብልሎ ከብልሎ፣
እውቀት መስሎት ሄዶ ከሰይጣን ተዳብሎ፣
ምላስ ከልቡ ጋር አልስማማ ብሎ፣
ይሄው ተቀመጠው አቅሉንም ጥሎ።

ለዚህ አይነቱ ሰው በቋንቋው ልንገረው፣
ሳይሻል አይቀርም ምሳሌ ብሰጠው፣
የአላህ ፍቃድሆኖ ቀጥዬ ልፅፍ ነው፤
ምሳሌን መስጠቱ የረሱሉ ሱና፣
እኔም ተከትዬ የታላቁን ፋና፣
ይሄው ልጀምር ነው ምሳሌ አረኩና።

ከዕለታት በአንዱ ..............

ሁለት መንትያዎች ባንድ ላይ ተፀንሰው፣
አንደኛው ላንደኛው እንዲህ ሲል ጠየቀው፣
«ከማፀን ስንወጣ ህይወት አለ ብለህ፣
ትንሽ ታስባለህ ቅንጣትን ታምናለህ??»
ብሎ ሲጠይቀው፣
2ኛው ደግሞ እጅጉን ደነቀው፣

እንዴታ ............................

«በአፍህ ተትቶ በትብትህ ምትበላው፣
በቶሎ ጠንክረህ በፍጥነት ምታድገው፣
ለውጨኛው ዓለም ትበቃ ዘንድ ነው።»

አንደኛው ተገርሞ እጅጉኑ ሳቀ፣
በወንድሙ ቃል እየተሳለቀ፤
ህይወት ከዚህ ወዳ‼?፣
ኧረ አስገረምከኝ በሳቄ ልፈንዳ፤
ሁለተኛው ደግሞ ቀጠል አረገና፣
ሀሳቡን ቀጠለ እንዲህ በጥሞና፣
«ምንአልባት በእግር እንሄድም ይሆናል፣
ምግብንም በአፍ መብላትም ይገኛል፣
አሁን ማንረዳው እልፍ አእላፍ ይኖራል።»

ሁለተኛውም ልጅ ልክ እንዲህ እያለ፣
የመጀመሪያው ልጅ በቁጣ ቱግ አለ፣
ከዚያም እንዲህ አለ፣

«ኧረ የቀን ቅዠት ጭራሹኑ ማበድ፣
በእግር መራመድ?‼ እህል በአፍ መስደድ?‼፣
ጭራሽ ማይታሰብ ለጭንቅላት ሚከብድ።»

ይሄማ እብደት ነው ብሎ እያጣጣለ፣
ታጋሽ ወንድሙ ግን መናገር ቀጠለ፣

«ተረጋጋ ወንድም እንዲህ አይደለ፣»
ብሎ እያባበለው እየነገረው ሳለ፣
የመጀመሪያው ልጅ እንዲህ እንዲህ አለ፤

«አይዋጥልኝም! ይሄ ምታወራው፣
ልቀበልህና እሺ እንደምትለው፣
ከመሀፀን ውጪ ህይወት እዚያም ካለም፣
ወቶ የመጣ ሰው ለምን አናገኝም¡?
Because ከዚህ ውጪ ህይወት ሚባል የለም፣
ለዚህ ነው ምንኖረው ወዴትም አንሄድም።»

አሁን እንደገና በተራ በተራ፣
ሁለተኛው ደግሞ እንዲህ ሲል አብራራ፤

«እርግጥ ነው እንዳልከው አቅም ባይኖረንም፣
ከወጣንም ኋላ ጉልበት ቢከዳንም፤
እናታችን አለች ከኛ ትሆናለች፣
መጥፎ እንዳይመጣ ትጠብቀናለች፤»

የመጀመሪያው ልጅ የተንቀለቀለው፣
አሁንም በመሀል እንዲህ ሲል አቆመው፣

«እናት‼‼?????»
«ኧረ ተው አንተ ልጅ እናት ትለኛለህ?፣
በእናትም መኖር ከልብህ ታምናለህ?፤
እሺ እውነት ካለች፣
ለምን አናያትም አሁንስ የታለች?፤»

ይህንን ሲሰማ ልክ እንዳዳመጠ፣
ሁለተኛውም ልጅ ሰብሩ ተሟጠጠ፤

«እውነት በእናት መኖር አንተስ ትክዳለህ፣
እሷን ተንተርሰህ እሷን ተደግፈህ፣
ምትበላውን ምግብ ከሷ ዘንድ አግኝተህ፣
እንዴት አታስብም?እንዴት ትክዳለህ?፤
በመሀፀን መኖር በደንብ ካስተዋልከው፣
በጥሞና ሆነህ እጅጉን ካጤንከው፤
የእናትን መኖር ትገነዘባለህ፣
የእዝነት ድምፇንም ትናፍቃታለህ፣
ፊቷንም ማየቱን እጅግ ትመኛለህ፤»
ይህንን አለና ክርክሩን ቋጨው፣
የወንድሙንም አፍ በዚህ አሰያዘው።

ስለዚህ ሰዎች ሆይ እጅጉኑ ንቁ፣
ይቺ ዓለም ማህፀን ናት ይህንን እወቁ፣
ለመጪው ዓለም መዝራት መሰነቁ፣
ይሄ ነው ጥቅሟ ይህንን እወቁ፤
ደግሞ ላሰበው ላስተነተነው ሰው፣
እዚህ ላይ ያስገኘው አንድ አላህ ብቻ ነው፣
ከዚህ ሰፋ አድርጎ በደንቡ ላሰበው፣
የሞትን እለታ ከጠባቡ ወተን ሰፊ ነው ምንሄደው
ደግሞ የዛን ለታ ከጭንቅ የምድንው፣
በቁርዓን በሱና ህይወትን ስኒዝ ነው።

✍በተማሪ ዓድናን ኸይሩ
✔ከሱቡለ ሰላም ጀመዓ ዳዕዋና እውቀት ዘርፍ።
ه ١٠/٩/١٤٤٠
03/05/2020 G.c

قال تعالى {الَّذِينَ هُمْ عَلى صَلاتِهِمْ دائِمُونَ}.

قال الحافظ ابن كثير رحمه الله تعالى :-

" هذا يدل على وجوب الطمأنينة في الصلاة فإن الذي لا يطمئن في ركوعه وسجوده ليس بدائم على صلاته، لأنه لم يسكن فيها ولم يدم بل ينقرها نقر الغراب فلا يفلح في صلاته.

📌:[ عمدة التفسير (٣/ ٥٧٦) ]