tebuk media ተቡክ ሚዲያ

ሁለቱ የምስክርነት ቃላት
(ሸሀደተይን)

የቃለ ተውሂድ ምስክርነት፤

“አሽሀዱ አን ላ ኢላሀ ኢለላህ” 

‹‹ከአላህ በስተቀር በሀቅ አምልኮ የሚገባው እንደሌለ እመሰክራለሁ» ማለት ሲሆን

“ወአሽሀዱ አነ ሙሐመደን ረሱሉላህ” 

የሚለው ደግሞ

«ሙሐመድ ﷺ  የአላህ መልዕክተኛ መሆናቸዉን እመሰክራለሁ» ማለት ነው፡፡

አነዚህን ሁለት የምስክርነት ቃላት ማንኛዉም ሙስሊም ጥቅል በሆነ መልኩ ሊያዉቃቸዉ እና ሊመሰክርባቸው ይገባል፡፡

እንደሚታወቀዉ፤ ምስክርነት በእዉቀት ላይ የተመሰረተ መሆኑ የግድ ነዉ፡፡  አላህ እንዲህ ብሏል፡-

﴿فَاعْلَمْ أَنَّهُ لَا إِلَهَ إِلَّا اللَّهُ وَاسْتَغْفِرْ لِذَنْبِكَ وَلِلْمُؤْمِنِينَ وَالْمُؤْمِنَاتِ﴾  محمد 19 

“እነሆ! ከአላህ ሌላ አምላክ አለመኖሩን እወቅ፤ ስለ ስህተትህም ለምዕመናንም ምህረትን ለምን…” ሙሐመድ  19

፠  “ላ ኢላሀ” የሚለው የአረፍተ ነገሩ ክፍል ከአላህ ውጪ የሚመለኩ አማልክትን በሙሉ ውድቅ የሚያደርግ «ማፍረስ ወይም ነፍይ» ሲሆን

“ኢለላህ” የሚለው የአረፍተ ነገሩ ክፍል ደግሞ አምልኮ ለአንድ አላህ ብቻ መሆኑንና ምንም አጋር እንደሌለው የሚያረጋግጥ «ማጽደቅ ወይም ኢስባት» ነው።

አላህ አንዲህ ይላል፡-

﴿فَمَنْ يَكْفُرْ بِالطَّاغُوتِ وَيُؤْمِنْ بِاللَّهِ فَقَدِ اسْتَمْسَكَ بِالْعُرْوَةِ الْوُثْقَى لَا انْفِصَامَ لَهَا﴾ البقرة 256

 “በጣዖትም የሚክድና በአላህ የሚያምን ሰው ለርሷ መበጠስ የሌላትን ጠንካራ ዘለበት በእርግጥ ጨበጠ ”
 አል-በቀራህ 256

፠ ‹ሙሀመደን ረሱሉላህ› የሚለው የምስክርነት ቃል መልዕክት ደግሞ ሙሐመድ ﷺ ወደ ሰው ልጆች ሁሉ የተላኩ የአላህ ባሪያ እና መልዕክተኛ መሆናቸውን ማመንና ማረጋገጥ ነው፡፡

ነብዩ ﷺ የተናገሩትን ማመን፣ ያዘዙትን መተግበር፣ የከለከሉትን መራቅ እና አላህን በእሳቸዉ ፈለግ መሰረት ማምለክን ግዴታ ያደርጋል፡፡

© ተንቢሀት

የወንድማችንን መኪና ሼር በማድረግ እናፋልግለት

★ እስኪ ይህን የነብዩ ሙሀመድ ሷለላሁ አለይሂ ወሰለም ሀዲስ ልብ ብላችሁ አንብቡት

*አብደላህ ብኑ ኡመር አላህ ይውደዳቸውና እንዲህ ይላሉ ፣ (( አንድ ቀን የአላህ መልእክተኛ ሰለላሁ አለይሂ ወሰለም ወደ እኛ ዞሩና እንዲህ አሉን " እናንተ የስደት ህዝቦች ሆይ አምስት ነገሮች አሉ በነሱ ከተፈተናችሁ ኸይር የለውም እንዳያገኙዋችሁ በአላህ እጠበቃለሁ
1— ብልግና በህዝቦች መሀል በአደባባይ አይስፋፋም አላህ በነሱ ላይ ወረርሽኝ በሽታ ያመጣባቸው ቢሆን እንጂ ፣ እንዲሁም ከነሱ በፊት በነበሩ ህዝቦች ያልነበሩ በሽታዎች የሚመጡ ቢሆን እንጂ
2— ሰዎች ሚዛንንና ስፍርን አያጎድሉም በድርቅ፣ በቸነፈር እና በባለስልጠን አምባገነንነት ቢፈተኑ እንጂ
3— ሰዎች ከሀብታቸው ዘካን አይከለክሉም ከሰማይ ዝናብን የተከለከሉ ቢሆን እንጂ ፣ እንስሳዎች ባይኖሩ ኖሮ አንድም አይዘንብላቸውም ነበር
4— የአላህንና የመለእክተኛውን ቃል አይጥሱም በውጭ ጠላት የተወረሩና ከይዞታቸውም የሚወስዱባቸው ቢሆን እንጂ
5— መሪዎቻቸው በአላህ ባወረደው ኪታብ ካልመሩና አላህ ከወረደው መመሪያ የሚመቻቸውን ብቻ አይመርጡም አላህ ጦርነትን በመሀላቸው የሚያደርግባቸው ቢሆን እንጂ ።))
عَنْ عَبْدِ اللَّهِ بْنِ عُمَرَ قَالَ : أَقْبَلَ عَلَيْنَا رَسُولُ اللَّهِ صَلَّى اللَّهُ عَلَيْهِ وَسَلَّمَ، فَقَالَ : " يَا مَعْشَرَ الْمُهَاجِرِينَ، خَمْسٌ إِذَا ابْتُلِيتُمْ بِهِنَّ، وَأَعُوذُ بِاللَّهِ أَنْ تُدْرِكُوهُنَّ : لَمْ تَظْهَرِ الْفَاحِشَةُ فِي قَوْمٍ قَطُّ حَتَّى يُعْلِنُوا بِهَا إِلَّا فَشَا فِيهِمُ الطَّاعُونُ، وَالْأَوْجَاعُ الَّتِي لَمْ تَكُنْ مَضَتْ فِي أَسْلَافِهِمُ الَّذِينَ مَضَوْا، وَلَمْ يَنْقُصُوا الْمِكْيَالَ وَالْمِيزَانَ إِلَّا أُخِذُوا بِالسِّنِينَ وَشِدَّةِ الْمَئُونَةِ وَجَوْرِ السُّلْطَانِ عَلَيْهِمْ، وَلَمْ يَمْنَعُوا زَكَاةَ أَمْوَالِهِمْ إِلَّا مُنِعُوا الْقَطْرَ مِنَ السَّمَاءِ، وَلَوْلَا الْبَهَائِمُ لَمْ يُمْطَرُوا، وَلَمْ يَنْقُضُوا عَهْدَ اللَّهِ وَعَهْدَ رَسُولِهِ إِلَّا سَلَّطَ اللَّهُ عَلَيْهِمْ عَدُوًّا مِنْ غَيْرِهِمْ، فَأَخَذُوا بَعْضَ مَا فِي أَيْدِيهِمْ، وَمَا لَمْ تَحْكُمْ أَئِمَّتُهُمْ بِكِتَابِ اللَّهِ، وَيَتَخَيَّرُوا مِمَّا أَنْزَلَ اللَّهُ إِلَّا جَعَلَ اللَّهُ بَأْسَهُمْ بَيْنَهُمْ ".
رواه ابن ماجه
حكم الحديث: حسن
★ አይ ሰው ‼
ምን ያላጠፋው ጥፈት አለ
*ያ ረቢ ማረን
★ያረቢ ይቅር በለን
*ያረቢ ወዳንተ መልሰን

📓 ሰዐድ ቢን አቢ ወቃስ እና ወላጅ እናቱ!
۩••۩┈┈┈•⊰۩🕋۩⊱•┈┈┈۩••۩

▫ወደ ኢስላም ቀድመው ከገቡ ሰሐቦች ተርታ ይመደባል፤

▫በዱኒያ ሳሉ በጀነት ከተበሰሩ ሰሐቦችም መካከል አንዱ ነው፤

▫ሰዐድ ለእናቱ መልካምና ታዛዥ ልጅ ነበር።

➬እናቱም መስለሙን ስትሰማ በጣም ተጨናነቀች ፣ እውነታውን መቀበል አቃታት።

➬ሰዐድ እጅግ እንደሚወዳትና መልካም እንደሚውልላት ስለምታውቅ ይህን ውዴታ ተጠቅማ ከኢስላም ብርሃን ልታጨናግፈው ወደ ነበረበት ፅልመት ልትመልሰው ጥረት ታደርግ ፣ ዘዴ ትቀይስ ጀመር ።

እንዲህም አለችው፦

➬አንተ ሰዐድ! ምንድን ነው የተፈጠረው?
ይህንን አዲስ የያዝከውን ሃይማኖትህ ትተዋለህ
አልያም ምግብም ሆነ ውኃ አልቀምስም ፤ እስክሞት ድረስም ማንም አያስቆመኝም።
ሰዎችም "ያ የእናቱ ገዳይ" ብለው ያነውሩሃል አለችው።

ሰዐድም፦ "እናቴ ሆይ! ተይ ይህን አታድርጊ ፤ እኔ ይህን ዲኔን ፈፅሞ አልተውም።" አላት።

➬እናቱ ግን በአቋማ ፀንታ ምግብና ውኃ ሳትቀምስ አንድ ቀንና ለሊት አሳለፈች ፤ በንጋታውም እንዲሁ አሻፈረኝ ብላ ሌላ አንድ ቀንና ለሊት ደገመች።

ሰዐድ ቀጥሎ ያለውን ክስተት ሲተርክ …
ይህንን ሁኔታዋን ስመለከት እንዲህ አልኳት፦

➬"እናቴ ሆይ! በአላህ እምላለሁ መቶ ነፍስ ቢኖርሽና እያንዳንዱ ነፍስሽ አንድ በአንድ ቢወጣ እንኳን ፈፅሞ ሃይማኖቴን አልተውም ፤ ከፈለግሽ ብዪ ከፈለግሽ ተይው።"

ሲል የአላህና የመልዕክተኛው ውዴታ ከእናቱ ውዴታ ጋር ጭራሽ እንደማይወዳደር ትረዳ ዘንድ አስረግጦ ነገራት።

➬አስገራሚ ፅናት! ለዲን ሲባል የተከፈለ ታላቅ መስዋትነት!

ይህንን አቋሜን ባየች ጊዜ ምግብ መመገብ ጀመረች።

አላህም ሰዐድና አምሳያዎቹን አስመልክቶ ተከታዮቹ የቁርኣን አያዎች አወረደ ፦

💎"ሰውንም በወላጆቹ (በጎ እንዲያደርግ) በጥብቅ አዘዝነው ፤ እናቱ ከድካም በላይ በሆነ ድካም አረገዘችው ፤ ጡት መጣያውም በሁለት ዓመት ውስጥ ነው፤ ለእኔም ለወላጆችህም አመስግን በማለት (አዘዝነው) ፤ መመለሻው ወደኔ ነው። ۝ ለአንተ በእርሱ ዕውቀት የሌለህን ነገር በእኔ እንድታጋራ ቢታገሉህም አትታዘዛቸው፡፡ በቅርቢቱም ዓለም፤ በመልካም ሥራ ተወዳጃቸው፡፡ ወደእኔም የተመለሰን ሰው መንገድ ተከተል፡፡ ከዚያም መመለሻችሁ ወደእኔ ነው፡፡ ትሠሩት የነበራችሁትንም ሁሉ እነግራችኋለሁ፤ (አልነው)፡፡"
[ሉቅማን: 14-15]

💎"ሰውንም በወላጆቹ መልካም አድራጎትን አዘዝነው፡፡ ላንተም በእርሱ ዕውቀት የሌለህን በእኔ እንድታጋራ ቢታገሉህ አትታዘዛቸው፡፡ መመለሻችሁ ወደኔ ነው፡፡ ትሠሩት የነበራችሁትንም ሁሉ እነግራችኋለሁ፡፡"
(አል ዐንከቡት: 8)

➬የአላህ መልዕክተኛም እናቱን እንዲያስደስታት መልካም እንዲውልላትና በአላህ እንዲያጋራ የጠየቀችውን ግን እንዳይቀበላት አዘዙት።

➬አላህ በዚህ የተከበረ የቁርኣን አያህ ወሳኝ ቁም ነገሮችንና መርሆዎችን አስጨብጦናል።

➬ከነዚህ ውስጥም ዋነኛው
" لا طاعة لمخلوق في معصية الخالق"
"ፈጣሪን በማመፅ ላይ ፍጡርን መታዘዝ የለም።" የሚለው ነው።

➬አላህ የእናቶችን ተከፍሎ የማያልቅ ታላቅ ውለታ በጉልህ አስቀምጧል ፤ የሚያሳልፉትን የተደራረበ ድካም ገልጿል ፤ እርግዝና ፣ ልጅ ማጥባት ፣ ማሳደግ ወዘተ… በነዚህ ጊዜያት ሁሉ ለልጇ ታላቅ መስዋትነትን እንደምትከፍል ዘክሯል።

➬ለዚህም ውለታ አላህና ለወላጆች ማመስገን ግድ እንደሚልና መሰረታዊ ጉዳይ እንደሆነ አስገንዝቦናል።

➬ነገር ግን ልክ ሰዐድ እንደገጠመው ከዚህ ሁሉ ውለታ ጋ አስፀያፊ የሆነውን ፣ አላህ የማይምረውን ታላቅ በደል የሆነውን ወንጀል በአላህ ላይ እንድናጋራና እንድናምፀው ቢያዙን ፈፅሞ መታዘዝ እምደሌለብን ነግሮናል።

➬ነገር ግን! ወደ ጥፋት ስለተጣሩ ያ ታላቅ ገድላቸው ይረሳል ፣ ውለታቸው አፈር ይበላዋል ማለት ነው?

ፈፅሞ!

ይልቁኑ ቁርኣን የሚገርም ኣደብ ያስተምረናል!

➬ወላጆችህ አጋሪዎች ስለሆኑ ብቻ አይደለም በራሳቸው ሳይበቃ እነርሱ ወዳሉበት የጥፋት ማጥ ሊጨምሩህ ጥሪ ቢያቀርቡልህ እንኳ የማታዘዛቸው በወንጀሉ ጉዳይ ላይ ብቻ ነው።

➬በተቀረው የዱኒያ ጉዳይ ግን በጎ እንድንውልላቸው ፣ በመልካም እንድንጎዳኛቸው ፣ እንድንከባከቸው ፣ የእዝነት ክንፋችንን ዝቅ እንድናደርግላቸው አላህ ያዘናል። የፍትህ ጥግ!
۩••۩┈┈┈•⊰۩🕋۩⊱•┈┈┈۩••۩

💎ዛሬ ላይስ ምን ያክል የሰዐድ አምሳያዎች ምድር ላይ ይኖሩ ይሆን?


ሐይደር ኸድር
Jun 23,2020

#ቢሩል-ዋሊደይን