اسلام پوهنه

له یاده وتلي سنت

د ننوتلو مخکې درې ځلې اجازه غوښتل:
رسول الله صلی الله علیه وسلم وایي: اجازه غوښتل درې ځلې ده، که اجازه درته وشوه خو ښه، که ونه شوه نو بېرته وګرځه.
📚رواه ترمذي.

د هر چا ځای ته د ورتګ مخکې اجازه غوښتل سنت عمل دی.

سیرت النبي:

۲۶- پوښتنه: رسول الله صلى الله عليه وسلم په ځوانۍ کې په کوم صفت باندې مشهور و؟
جواب: محمد امین.
۲۷- پوښــتنه: رســول الله صلى الله عليه وسلم د بعثت څخه مخکې په کوم شریعت باندې الله تعالی ته عبادت کوی؟
جواب: هغه موحد و او د ابراهیم علیه السلام د شریعت څخه یې پیروي کوله.
۲۸- پوښتنه: د بعثت څخه مخکې رسول الله صلى الله عليه وسلم د عبادت کولو لپاره کوم ځای ته تلی؟
جواب: د حرا غار (سوري) ته.
۲۹- پوښتنه: رسول الله صلى الله عليه وسلم څرنگه په پیغمبرۍ مبعوث شو؟
جواب: د تېرو عاداتو په اساس د عبادت لپاره به د حرا غار ته تلی ، هلته یوه ورځ جبرائیل علیه السلام راغلی ، ورباندې یې سلام واچاوه ، وروسته له سلام څخه یې رسول الله صلى الله عليه وسلم ته وویل : ووایه!
رسول الله صلى الله عليه وسلم ورته وویل : زه نـه شـــم کولی چې ووایم ، څو ځلـه یې دا عمل تکرار کړ او هر ځل به جبرائیل علیه السلام هغه په غېږ کې ټینگوی.
۳۰- پوښتنه: رسول الله صلى الله عليه وسلم د ځوانۍ په لومړۍ مرحله کې د چا سره تجارت کوی؟
جواب: له بي بي خدیجې رضي الله عنها سره.

ښه زیری:

وعن أَبي سعيد الخدري رضي الله عنه قَالَ: قَالَ رسول الله صلى الله عليه وسلم:مَا مِنْ عَبْدٍ يَصُومُ يَوْمًا في سَبِيلِ اللهِ إِلاَّ بَاعَدَ اللهُ بِذَلِكَ اليَوْمِ وَجْهَهُ عَنِ النَّارِ سَبْعِينَ خَرِيفًا.
📚متفقٌ عَلَيْهِ.

ژباړه: یو بنده چې د الله په اطاعت کې یوه ورځ روژه ونیسي، الله تعالی به د دغه ورځي په سبب د ده مخ د اویاو کالو په اندازه د اور څخه لیري کړي.

اسلام پوهنه

الله تعالی ته شکر کښل او د هغه اجر:

وعن أنس رضي الله عنه قال: قَالَ رسول الله صلى الله عليه وسلم:
((إنَّ الله لَيرْضَى عَنِ العَبْدِ يَأكُلُ الأَكْلَةَ، فَيَحْمَدُهُ عَلَيْهَا، وَيَشْرَبُ الشَّرْبَة، فَيَحْمَدُهُ عَلَيْهَا)). 📚رواه مسلم.

ژباړه: په حقیقت کې الله د هغه بنده څخه راضي کېږي چې یوه ګوله ډوډۍ وخوري او پر هغه د الله حمد ووایي، او یو چیښک وکړي او پر هغه د الله حمد ووایي.

یوازې دوه کارونه سم کړه!
① د الله سره معامله.
② د مخلوق سره معامله.

پایله: د دنیا او اخرت د افتونو، غمونو او عذابونه څخه به په امن یې.

اسلام پوهنه

د روژې ماتولو سنت دعا:

اَللَّهُمَّ لَکَ صُمْتُ وَ عَلَی رِزْقِکَ اَفْطَرْتُ.
ژباړه: یا الله! ستا دپاره مې روژه ونيول او ستا په رزق مې ماته کړه.

د روژې ماتولو وروسته دعا:

ذَهَبَ الظَّّمْأُ وَابْتَلَّتِ الْعُرُوقُ وَ ثَبَتَ الْاَجْرُ اِنْ شَآءَاللهُ.
ژباړه: تنده ولاړه، رګونو لانده سوه او که الله وغواړي اجر یې حاصل سوی دی.

📚رواه ابوداود

درې او اسانه کارونه په روژه کې:
۱- د پېشلمي سره تهجد کول.
۲- سهار د څاښت لمونځ کول.
۳- په شپه او ورځ کې یوه پاره تلاوت کول.

دا درې کارونه هم اسانه دي او هم یې اجر ډېر دی

سبا جمعه د روژې اوله ده.

پام!
د روژې میاشته هم د ورځي ده او هم د شپې.
باید په دواړو وختو کې ځان د بې ګټو کارونو څخه وساتو او په دواړو وختو کې عبادت وکړو.
یو غوره او ښکلی فرصت لاس ته راغلی دی.

د روژې اجر او ثواب په صحیحو احاديثو کې:

ویې ګورئ او نشر یې کړئ!

① ابوهریره رضي الله عنه روایت کوي چې رسول الله صلی الله علیه و سلم وویل: کله چې د روژې میاشته راسي ، د جنت دروازې خلاصي او د دوزخ دروازې بندي سي ، او شیطانان وتړل سي. "بخاري او مسلم"

② د سهل ابن سعد رضي الله عنه څخه روایت دی ، چې رسول الله صلی الله علیه و سلم و فرمایل: د جنت اته ۸ دروازې دي، یوه دروازه یې د ریّان په نامه ده چې یوازې روژه نیووکي پر دې دروازه ننوزي.
"بخاری او مسلم"

③د ابوهریره رضي الله عنه څخه روایت دی چې رسول الله علیه السلام وویل: څوک چې روژه د ایمان او ثواب لپاره ونیسي، د ده تېر ګناهونه معاف سول، څوک چې د روژې میاشت د ایمان او ثواب لپاره په عبادت تېره کړي ، تېر ګناهونه یې معاف سول او څوک چې د قدر شپه د ایمان او ثواب لپاره په عبادت تېره کړي، تېر ګناهونه یې معاف سول.
"بخاری او مسلم"

④ همدغه صحابي بل روایت کوي چې رسول علیه السلام وفرمایل: د ادم د زوی هر نیک عمل په لس ځله تر اووه سوه درجې پورې رسېږي، الله وایی: "یوازې روژه ده چې هغه زما لپاره ده او زه ده ته ثواب په دې روژه سره ورکوم ، ده زما لپاره نفساني خوندونه او خورک بند کړی دی". د روژاتي لپاره دوې خوشهالۍ دي. یو دا چې کله روژه مات کوي او بل دا چې کله د خپل رب سره ملاقات کوي. د روژاتي د خولې بوی الله ته تر مشکو ډېر خوښ دی. روژه د ګناهو په وړاندې سپر دی. کله چې څوک روژه نیسي نو ښکنځل او بدي دې نه وایي ، که چا ده ته بد وویل او یا یې جنګ ور سره کوی، نو دی دې ورته ووایي چې زما روژه ده.
بخاری او مسلم.

د همسایه حق:

وعن ابن عمر وعائشة رضي الله عنهما قالا: قَالَ رَسُول الله صلى الله عليه وسلم: مَا زَالَ جِبْريلُ يُوصِيني بِالجَارِ حَتَّى ظَنَنْتُ أنَّهُ سَيُورِّثُهُ. 📚مُتَّفَقٌ عَلَيهِ.

ژباړه: رسول الله صلی الله علیه و سلم فرمایي: ما ته جبریل علیه السلام د همسایه په اړه تل وصیت کوی، تر داسې اندازې چې زما دا فکر سو چې یو همسایه به د بل همسایه څخه په میراث کې برخه وړي.

اسلام پوهنه

سیرت النبي:

۲۱- پوښـتنه: رســول الله صلى الله عليه وسلم په څو کلنۍ کې د خپل اکا سره د ســوداګرۍ لپاره شام ته ولاړ؟
جواب: په ۱۲ کلنۍ کې.
۲۲- پوښتنه: په دغه سفر کې کومې پېښې رامنځته شوې؟
جواب: پـه دغه ســـفر کې یې له نامتو راهب چې بحیرا نومېده لیدنه وکړه او کله چې بحیرا دغه ماشـوم ولید نو د پیغمبرۍ څه نښـې یې پکښې ولیدلې او د ده اکا ته یې وویل چې د دې راتلونکې ډېر روښانه ده او دا به هماغه موعود (هغه څوک چې وعده یې کړل سوې وي) پیغمبر وي.
۲۳- پوښــتنه: کله چې قریشــو پرېکړه وکړه چې کعبه شریفه ودانه کړي نو په هغه وخت کې د رسول الله صلى الله عليه وسلم عمر څو کاله و؟
جواب: ۳۵ کاله.
۲۴- پوښتنه: د کعبې د ودانولو په وخت کې کومه پېښه رامنځته شوه؟
جواب: د قریشـو قبیلو د حجر الاســود د نصــبولو پر سر شــخړه وکړه او نږدې وه چې د یو بل وینې توی کړي.
۲۵-پوښــتنه: رســول الله صلى الله عليه وسلم څنگه د هغې پېښــې د رامنځته کېدو څخه مخنیوی وکړ؟
جواب: رسول الله صلى الله عليه وسلم حجر الاسود د یوه څادر په منځ کې کېښوده او ټولو تـه یې امر وکړ چې د څادر غاړې ونیسي او کله چې د لگولو ځای ته نږدې شول نو رسول الله صلى الله عليه وسلم په خپلو لاسونو حجر الاسود ولگوله.

اسلام پوهنه

سیرت النبي:

۱۶-پوښتنه: رسول الله صلى الله عليه وسلم په څو کلنۍ کې خپله مور له لاسه ورکړه؟
جواب: په ۶ کلنۍ کې.
۱۷- پوښــتنه: رســول الله صلى الله عليه وسلم څو کلن و چې نیکه یې (عبد المطلب) وفات شو؟
جواب: په ۸ کلنۍ کې یې نیکه وفات شو.
۱۸- پوښتنه: وروسته له عبد المطلب څخه چا د رسول الله صلى الله عليه وسلم پالنه پر غاړه واخیسته؟
جواب: د هغه اکا ابو طالب.
۱۹- پوښتنه: د رسول الله صلی الله علیه وسلم مور بي بي آمنه څرنگه وفات شوه؟
جواب: هغه وخت چې نیت یې درلود څو خپل د خاوند قبر ته مدینې ته لاړه شي. نو کله چې د مدینې څخه راستنه شوه په لاره کې سخته ناروغه شوه او په ابوا نومې سیمه کې وفات شوه.
۲۰ پوښتنه: لومړی د شق الصدر (د سینې څيرېدل) پېښه د رسول الله صلى الله عليه وسلم په څو کلنۍ کې پېښه شوه؟
جواب: په ۱۲ کلنۍ کې.

اسلام پوهنه

د مسلمان د عیب پټولو اجر:

وعن أَبي هريرة رضي الله عنه عن النَّبيّ صلى الله عليه وسلم قَالَ: لاَ يَسْتُرُ عَبْدٌ عَبْدًا في الدُّنْيَا إلاَّ سَتَرَهُ اللهُ يَوْمَ القِيَامَةِ. 📚رواه مسلم.

ژباړه: ابو هریره رضي الله عنه د نبي علیه السلام څخه دا خبره را نقل کوي چې پېغمبر علیه السلام وویل:
یو بنده به د بل بنده عیب پټ نه کړي مګر دا چې الله جل جلاله به د دغه پټونکي بنده عیب د قیامت په ورځ پټ کړي.

یادونه: د مسلمان دپاره پکار ده چې د خپل مومن ورور عیبونه پټ کړي او د ښکاره کولو هڅه یې و نه کړي، بیا به الله د دغه بنده عیبونه په اخرت کې چا ته نه ور ښکاره کوي او عیبونه به یې د خلکو څخه ور پټ کړي.
اسلام پوهنه

سیرت النبي:
۱۱- پوښتنه: د رسول الله صلی الله علیه و سلم لومړنۍ دایه (شیدې ورکونکې) څوک وه؟
جواب: ثوبیه چې د ابولهب مینځه وه.
۱۲- پوښتنه: وروسته تر ثوبیې د رسول الله صلی الله علیه و سلم دایه (شیدې ورکونکې مور) څوک شوه؟
جواب: بي بي حلیمه رضي الله عنها.
۱۳- پوښتنه: حلیمه سعدیه څو کاله د نبي علیه السلام حضانت (ساتنه) په غاړه درلودل؟
جواب: څلور کاله.
۱۴- پوښتنه: وروسته له هغه چې حلیمې سعدیې رسول الله صلی الله علیه و سلم ته شيدې ورکړې نو د هغې په ژوند کې کوم برکتونه راغله؟
جواب: د هغې کمي شوي شیدې ډېري شوې، د نورو ښځو څخه یې کاروان مخته شو او مېږو یې ډېري شیدې ور کولې.
۱۵- پوښتنه: رسول الله صلی الله علیه و سلم څو کلن و چې پلار یې وفات شو؟
جواب: هغه وخت چې د مور په ګېډه کې د دوو میاشتو په عمر و ، پلار یې وفات شو.
اسلام پوهنه

① د جمعې په ورځ د جمعې لمانځه ته غسل کول او ځان پاکول سنت عمل دی.
② د جمعې په ورځ سورة الکهف ویل ډېر ثواب لري.
③ د جمعې لمانځه وختي تلل ډېر اجر لري.
④ د جمعې په لمانځه کې د امام خطبې ته غوږ نیول واجب دي.
⑤ د جمعې لمونځ فرض دی.