MӨLTYR DYINӨ| POEZIA

@molturduino

Гео и язык канала: не указан, не указан

Категория: не указана

Гео и язык канала

не указан, не указан

Категория

не указана

Статистика

Избранное

Фильтр публикаций

Скрывать удаленные

Скрывать репосты

MӨLTYR DYINӨ| POEZIA

22 Jul, 16:19

#Сүйүнбай_Эралиев

Жүз жылдар мындан кийин да,
бул тоолор минтип турушат.
Анда да бизче адамдар,
карыбас үчүн тырышат.

Жүз жылдар мындан кийин да,
сүйүүлөр болот ушундай.
Ушинтип жерге жаз келип,
ушинтип чыгат ушул ай.

Жүз жылдар мындан кийин да,
дарактар желге ыргала,
шуудурап турат ушинтип…
Биз жокпуз анда бир гана...

13 1 1

MӨLTYR DYINӨ| POEZIA

18 Jul, 15:26

#Толгонай_Сариева

Көп күттүрбөй сагынганда кел деген,
Көздөрүмдүн кыйкырыгын укпадың.
Бүлүндүрбөй сезимимди сен деген,
Бүгүн дагы катың күтүп уктадым.

Күндөр менен кошо өтөөр деп элесин,
Күткөн сайын сагынычым күч алды.
Сейил бакта сезимдерди эстеттип,
Сен мага бир кат жазып кой күз алды...

Укпай калам ырларыңды бир күнү,
Унтулаарсың арасында бир жаздын.
Экинчи ирет арзууң менен коштошуп,
Эч болбосо эсте калаар ыр жазгын.

Акыркы ирет сүйүүң менен коштошуп,
Айыктыраар жүрөгүмдү ыр жазгын.

20 0 0

MӨLTYR DYINӨ| POEZIA

18 Jul, 14:12

Репост из: 𝓀𝓎𝓏𝒿𝒾𝒷ℯ𝓀

Toygar Işıklı (Kara Sevda Dizi Müzikleri) — Tebessümüm

01:10

13 0 0

MӨLTYR DYINӨ| POEZIA

18 Jul, 07:24

#Элмирбек_ИМАНАЛИЕВ

СИРЕНДЕРИМ

Жаз келди жайып жашыл килемдерин,
Билгендей келбес жайга жибергемин.
Сирендер гүл ачканда сени эстейм,
Сиреним, сирендерим силер менин.

Бул адат кайдан мага калган билбейм,
Адашкан арманымды жаздан издейм.
Жаңы ачкан бүчүр бойдон калсак кана…
Жашынып кеткичекти жалган бизден.

Жаз бойдон каларлыгым күмөн менин,
Жаштыгым сага учуруп жибергемин.
Бирок сен жүрөгүмдүн жазы болуп,
Түбөлүк калышыңды билер дедим.

Сени эстеп жашай берем ойдо сонун,
Мен үчүн андан артык болбос орун.
Сезбесмин көкүрөктө кайгы барын,
Сен болсоң уктатарым, ойготорум.

Көз күйөт көрүп жаздын сирендерин,
Жаштыктын жашап коюп ширин жерин.
Муңайдым, муңайбаска аргам барбы?
Муңарым, муң-арманым силер менин.

____

18 0 0

MӨLTYR DYINӨ| POEZIA

17 Jul, 23:30

#ЖОЛОН_МАМЫТОВ

ӨМҮР

Бойго жетип кара кыздар кечээги
кызыл-тазыл түргө бөлөйт көчөнү.
Суктандырат жаш балдарын алдыда
сеникинен өмүрү көп экени.

Жылуу ойлор көөдөнүңдө жык толуп,
көпкө турат ыракаттуу жүк болуп.
Мөлтүлдөтүп быша түшөт сезимдер
бир кыйлага жалгыз жүрсөң бук болуп.

Унутулат далай сууну кечкениң,
далай үйдөн далай үйгө көчкөнүң.
Улуу күндүн маегинен бошобой
унутпайсың жылдар кантип өткөнүн.

Уюлгуган тунук ойлор андайда
чырак болуп жанып турат маңдайда.
Кызык, таттуу, табышмактуу жашоонун
бирок, даамы калбайт тура таңдайда.

Болбогондой дайым тегиз көл бети,
көп кездешет добулдарга жер бети.
Тирүүлүккө төрөлмөй бар, кайтмай бар,
жигиттик бар калыбына келбечү.

Булчуңдай дирт сезим түйүп түйүнгө,
маани бербей акча, даңкка, кийимге,
Поэзия коңшу болуп күн өтөйт
кыймылдагы жандар тоонун түбүндө.

Токтотпостон өмүр чырак жүрүшүн,
табийгаттан алат каткан үлүшүн.
Тууган жерде жүрөк калат от болуп,
жалбырттаган сүйүү болуп бир үзүм.

Туйбайсың сен турпатымдан күмөндөп.
калаар болсом сезимдери үнөмдөп:
качандыр бир кайра баштап жаралсак,
мен өзүңө келээр элем “Сүйөм!” деп…

16 0 0

MӨLTYR DYINӨ| POEZIA

15 Jul, 12:45

#Саид_Султан_Али

Сен токойдун кызысың —
ызгаар сүйгөн көк арчадан төрөлгөн.
каштарыңан чынар шагы иийилип,
көздөрүңөн талаа чөбү көгөргөн.

мен тоолордун уулумун —
аска сүйгөн ак булуттан төрөлгөн.
эч бир жанды салбай келем астыма
“жалгыз сени сүйүү” - деген өнөрдөн.

сенин мээриң жайкы кечтин желиндей —
саамайыман сылап өтөт акырын.
а мен сени сүйө берем эринбей —

түгөнгүчө акылым.

22 0 0 2

MӨLTYR DYINӨ| POEZIA

15 Jul, 11:25

#Мирлан_Алтымыш_уулу

СҮЙОЛОГИЯ
(апама кат)

"Социология", "Биология"
илимдердин тармагы.
Филология – улуу илим
элге маалым ал жагы...
"Билим алсаң өмүрүңдө
көп тиет" дейт жардамы.
"Билим алып көкөлөйм" деп,
балаң канат байлады.
Жаңы илим ачтым апа
элге жагат ал дагы.
"СҮЙОЛОГИЯ" деген илим
сүйгөндөргө пайдалуу.

"Сүйология дейсиңби?" деп
апа анча чочуба!
Сүйология болот экен
күйсөң сүйүү отуна.
Сүйгөнүмдү көрүү үчүн
калбай барам окууга.
"Филология", "сүйология"
жан дүйнөмдө кошуна!

Эки коён бир атамын,
менден кетет бир эле ок.
Көп коёнго көп ок аткан,
мен эмесмин пулёмот.
Адабият тилди үйрөнсөм
болуп чыгам "филолог"!
Сүйүүнү да кошо окуп
менден чыгат "сүйолог"!
Ал сулууга үйлөнгөндө
анан болом "КҮЙӨӨЛОГ"!

Катты сизге жаздым, апа,
кандай болот чечимиң?
Экөөбүздү үйлөнтүүгө
доллар жетет ЖЕТИ МИҢ...
Жыл айланып келиниңиз
терметкенде бешигин.
Мен ошондо окуй баштайм
"АТАЛОГИЯ" кесибин.

Катты сизге жаздым, апа,
макул болуп койсоңуз!
Келиниңиз болчу кызга
азыр жакын ортобуз.
Неберени жетелеген
ал да сиздин олжоңуз.
Куп жарашып калат сизге
"НЕБЕРОЛОГ" болсоңуз!

Поэтерапия: "Себеп болуп жагып калар бекем деп, Себинчү элем апакемдин атырын!"

23 0 0 2

MӨLTYR DYINӨ| POEZIA

15 Jul, 11:24

23 0 0

MӨLTYR DYINӨ| POEZIA

12 Jul, 18:12

Биздин каналдын жүзү "логотип".😁

32 0 0 2

MӨLTYR DYINӨ| POEZIA

12 Jul, 18:03

Түндүгү бир махабаты ар башка,
түгөйлөр көп бала менен байланган.
Сүйүүсү жок киргизүүчү жан ташка,
канча тагдыр таш айкелге айланган!

Тура качса тынчтык сенин бүлөңдөн,
дүйнөнүн бул тынчтыгы да бир тыйын!
Тынчтык, сүйүү киндиги бир төрөлгөн,
бир-биринен бөлүп салсаң: - оо, кыйын!

Алаканга салган сыңар ак дүйнөң,
алкы бузук шул дүйнөгө жатпы дейм…
Алаканга көтөрөмүн, бапестеп,
аманатым, сенин барың бакты дейм!

Ташка алып турса тагдыр сүйүүнү,
мүгдүрөбөй, керек буга сүйүнүү!
Мүмкүн биздин чоң сыноолор азыркы,
эртең бизге болуп берет сүйүнчү!

Мүмкүн биздин чоң сыноолор азыркы,
эртең бизге болуп берет сүйүнчү!

Бектемир Асылбеков
02.07.25
23:06

30 0 0

MӨLTYR DYINӨ| POEZIA

12 Jul, 17:57

12 июл., 20.53.mp3

01:38

28 0 0

MӨLTYR DYINӨ| POEZIA

12 Jul, 17:49

Оо, менин ашыгым!
Мен сага - ашыкчамын.
Ушунум - айрыкча муң!..
Көкүрөктө кубаныч барактарын,
жалмоодо…
кусалыктан бүркүп чыккан -
ысык жалын!..
Кыйноодо мени чыны - сүйүүгө таңкыстыгым.
Кыйноодо мени абдан - жакырлык, жалгыздыгым!..

Жокчулук жондон тилип турган кезде,
жолуккан сүйүү азап экендиги,
эң туура - жалгыз бүтүм.
Бар үчүн көкүрөктө,
сүйүү деп атап алган адамдар,
улуу сезим -
азаптын кампасы мол,
бактынын жолу шыдыр.
Барбы сөзүң?..

Булбулум…
Ак пейил, ак билегим…
Көзүңдүн агы жана карасынан,
бакытым, азабым да өрүлгөнүн…
бир билгеним - сен билбедиң…

Мен сени ысык көрдүм -
төбөмдө кайнап турган Күндөн дагы.
Мен сени таза көрдүм -
наристеден дүйнөгө келген жаңы.
Көрдүм мен көздөрүңдөн -
аруу, ак сезимимдин булак башын.
Көргүн сен көздөрүмдөн -
“Сүйөм”-деп, калп айтпашым.
Каалагам тагдырымдын -
сүйүүмө сук артпашын, ок атпашын…
Атты ал,
уратып салды мени сөзүң менен.
Урандылар алдында кала берди,
ууз сүйүү, аруулук өзүң берген!..
Тагдыр - мерген…
Тагдыр - мерген…
Бирок эркем…
Сага менин сүйүүм барда Күн сыңар,
тагдыр парда тосуп келсе сүйүүмө,
төгө берем… төгө берем…
нурумду тек сен жашаган үйүңө…

Асылбеков Бектемир

31 0 0

MӨLTYR DYINӨ| POEZIA

12 Jul, 17:45

12 июл., 20.42.mp3

01:05

27 0 0

MӨLTYR DYINӨ| POEZIA

12 Jul, 17:38

12 июл., 20.36.mp3

00:46

29 0 0

MӨLTYR DYINӨ| POEZIA

11 Jul, 21:31

#ТАБЫЛДЫ_МУКАНОВ

ЫРЛАР

Ырларым менин дүбүрттөйт
жүрөгүмдү мекендешип жайыттай,
чаңкап келип
шылдыр каккан чайыттай
кандарымдан кылкылдатып шимирип,
азынашат бири-бирин кажышып,
о алардын меникинен миң бир эсе каны ысык.
Такасынан таңдар аткан
эркин ырлар,
жал, куйругу сапырылып ааламга,
санат жеткис туяктары согуп «буң» —
дүңгүрөтөт көөдөнүмдү талаасындай казактын,
шуулдатат сезимимди токоюндай орустун...
Мезгил урган чалманы
чарт үзүү үчүн жаралгандай атайы,
кароолдорго илинбей,
ыргышташып ырлар өкүм нурлардан,
ырлар каардуу, жапайы!
келечеги алардын — шаң, салтанат,
жуушап жаткан ырларым,
шаа майтарып үрккөн күнү
жүрөгүм,
даңкандарга айланын —
ай-ааламда даң салат...
21. 12. 1968.

37 0 0

MӨLTYR DYINӨ| POEZIA

11 Jul, 21:19

#ЖОЛОН_МАМЫТОВ.

МАХАББАТ ДАБАСЫ

Мен үчүн жаралгансың бул турмушка,
Сезимтал махабатка болуп даба.
Окшошсуң асмандагы бир жылдызга,
Жок, жалган. Жылдыз өзү окшош сага!

Мен сени тоодон өскөн шамал деймин,
Кыдырган бул ааламды куунап, эркин.
Сен ошол сапарыңдан аман келгин
Жашоомду жагалданткан, кымбат селким!

Аз күнгө көрбөй калсам илдет чалды,
Сүйүүңө байланышкан айыкмайым.
Мен үчүн андан ашкан милдет барбы
Термелген толкундагы кайыктайым!

Өзүңсүз бул өмүрдүн жок кызыгы,
Билсем да алда сонун жылдар барын.
Жүрөктө сагынычтан чок кызыды,
Гүл болуп маңдайыма ыргалганым!

Мен үчүн жаралгансың бул турмушка,
Сезимтал махабатка болуп даба.
Окшошсуң асмандагы бир жылдызга,
Жок, жалган. Жылдыз өзү окшош сага!

34 0 1

MӨLTYR DYINӨ| POEZIA

11 Jul, 10:30

#Таңчолпон_Маматали

Шашып түштүм шаардын торуна,
Шар турмушуң койбойт оюма,
Сыйыртмагын сыйрып ыргытып,
Сиңип кетсем... тоонун койнуна.

Жакшы ырларым аздап баратса,
Жан дүйнөмдү салбай азапка,
Жүрөгүмдү кучактап алып
Мен жүгүрөм, тоолор тарапка...

Тыгын каптап шаардын жолдорун,
Тұшалганда бутум, колдорум.
Бардыгынан чыгып бошонуп,
Сага карап учaт ойлорум

Көп далаалат кылып өсүүгө ...
Көкүрөк бош, өмүр өтүүдө
Көөдөнүмө толгон муңумду
Төгөм,тоолор, барып өзүңө...

53 0 0 1

MӨLTYR DYINӨ| POEZIA

11 Jul, 10:24

#Мырзабек_САМАТОВ

КАЙНАТАМДЫН КЫЗЫНА

Эске түштүң ээлеп алып эркимди,
эрке сулуу эпсиз ыйга теңсиңби?
Эрме чөлдүн эңсөөсүнө кабылып,
эсим кетти эптей албай энчимди.

Оролосуң ойлорумда онтотуп,
ооруларым айыктырчы токтотуп.
Ортосунда сүйүүдөгү бульвардын,
олтурамын оомат күтүп жол тосуп.

Көкүрөгүм кабылбасын арманга,
кумар көзүм келе койчу жардамга.
Кезиксем деп күйүт менен күн санап,
күтүп сени олтурамын ар танда.

Аптыксам да сени сүйүп ченебей,
азгырасың ашыктыгым кенебей.
Аян күтөм кудайымдан ар күнү,
арзууң болсо айтчы мага кенедей?

Жүрчү элем төштү кагып мардайып,
жаным сыздап жабыркадым ал тайып.
Жете албай кайнатамдын кызына,
жүрөгүм да бараткансыйт картайып.

50 0 0

MӨLTYR DYINӨ| POEZIA

11 Jul, 10:21

#Кыял_ТАЖИЕВА

АВТОПОРТРЕТ

Мен жөн гана жашаганды туу тутуп,
Келе жатам бал да жутуп, уу жутуп.
Калчай алат эле акылым көп нерсе,
Коймок элем сууну деле уютуп.

Кимдигимдин кимге десең кереги,
Оюм дайым жыпжылаңач денелүү.
Ак жоолугум аңга түшөт ар күнү
А жоругум дайыма ата-энелүү.

Жашаш керек эле адамдар ушундай,
Көңүлүнө конгон кутту учурбай.
Мени уга албай калды көптөрү
Жашаш кыйын, жашаш кыйын бузулбай…

Бийлигиң да, байлыгың да мага эмес,
Менин көөнүм оо анчалык жара эмес.
Мен убара, мен мунара, мен аба
Мен дүйнөлүк бар эмес да, жок эмес.

38 0 0

MӨLTYR DYINӨ| POEZIA

11 Jul, 10:20

#Анарбек_АБАЗБЕКОВ

* * *

Тийбе мага, кармалаба, жакындаба суранам,
Ишенсең сен, мындай иштен эмнегедир уялам.
Андан көрө аваз салып, шуулдачы, угайын,
Үнүңдү угуп, эргүү алам, мен ошого кубанам! -
Деп үн салды үлбүрөгөн жалбырактар жалооруп,
Тентек желге тегеренген, бир орунга турбаган…

35 0 0

Показано 20 последних публикаций.

32

подписчиков

Статистика канала

Язык сайта

TGStat - аналитика каналов и чатов

SearcheeBot

TGAlertsBot

MӨLTYR DYINӨ| POEZIA

Гео и язык канала

Категория

32

Популярное в канале