الشاعر صادق الأعرجي

يا اتـــرف قـــدر اعـــــذر فـاطمه
وي كسر الضلع چا طاحت سمه

يالحـدر الضلع لمن صرت ... ماحميتك
بعيوني الحمر فوك الارض ... شاهديتك

اعذر فاطمه اعذر فاطمه
ــــــــــــــــــــــــــــــــــــــ
يمحـســن وره الباب لاذت قـل هو الاسـرار
الأون صـاح عـــدووي وفات بضلعي بسمـار
بعصـرته النفس صار دخـــان وهـوه حـار
گبـــل خيمة حسيـن حـــــرگت گلبـك النار


كل اي نفس بيك انحبس
مثــل الشمع صب الـدمع

اجوني. ولوني. زمره. مجرمه
ــــــــــــــــــــــــــــــــــــــ
حچينه بالأنفاس واسمعـك نسمه مو صوت
گلت ليه اسالـچ وصــفـي الدنيا بسكــوت
گـــلتلك خيم نار حــوافـــر تعشگ المــوت
وعليل بخـدر راح والــعــكــــــازه تــابــوت

دنيه ظلـم مـوت وهظم
حتى النده يطيع العـده

اليحبنه ... ويودنه ..كسبهه الغانمه

ــــــــــــــــــــــــــــــــــــــ

يقـــران الترتل داخل جنة احـــلام
قــاريتك برائـه وبابي يرتلك اعـدام
ياكشخة امامه حلمك بي الف عام
يالعمـرك تغيب وادك تحرس اخيام

اوصاف الكمر بنورك ضهـر
يتــــرف بشـر بعصره انحر

والاسباب ... على الباب .. چفوف مسممه

ــــــــــــــــــــــــــــــــــــــ

يالتابوتك اضــلـوع والجنازه حســــرات
طـــوفتك حضرتي من طافني عصـرات
الصله عالجنــــازه اصابيعـي الـــوفيات
سجدن فـوگ الالام عليك وعالجـــراحات

سجدت وفه ونـورك طفه
ويه الكـسر طبعة سطر

مصيبه... عجيبه .. ضلعي يصب دمه

ــــــــــــــــــــــــــــــــــــــ

طحت عالـــوطـــيــه وبيـــدي تلمسيتــك
وعاين عـالــجــــــروح ومــــشـــوه لگيتــك
هوس فوگـــي بسمار وجان اضلوعي بيتـك
بلعصره السكف طـاح وتــعــنـــت منـيـتك



حقد انكشف ضلع انتلف
بجف وعصر مـات العمر

هضيمه. حريمه. عالبابي الخاتمه

ــــــــــــــــــــــــــــــــــــــ

صحـت ليهه فضه وعليك الطفل طاح
والعيون طفــــوهه وبلگـــوه النظر لاح
شفت بيك محــرم بس ماصـاعد ارماح
صحت اه بلحسين شسوي العـــده راح

من ينسحك صدره يطك
ضلع بضلع من نجتمع

وشوفه... بطفوفه .. بجروح الضمه


الخادم سيد صادق الاعرجي

يايمه لاتنضـريلي
يايمه هدمو حيلي

ـــــــــــــــــــــــ

يمه زينــب ديـــري ديـري ...عيونج وكلبج سـوه
لاتنضـــريـــلــــي يـزينب ...بابي وعليه انـطـوه
يمه عصـــروني الاعـــادي...گــوه اشتـــم هــوه
واحس مدري اشطاح مني ...وسط هالنار انچوه

يايمه من يطفيلي
يايمه هـدمو حيلي

ـــــــــــــــــــــــ

يمه زينب روحي روحي ... ارد لـــــوجن بــللام
اله اكول انكسر ضلعي ... وكـام يجـري منه دم
يمه والبســمـــار فتني ... وروحي رادت تنهزم
وصبرتهه اني اعلمودج ...حارت بوسط الجسم

يايمه الكبر يوميلي
يايمه هــدمو حيلي

ـــــــــــــــــــــــــــ

كلشي شاغ مـن المصيبه ...ونكسر مني الضلع
وخصمي بعده بابي يرفس ... يريد حيـدر يستمع
وگــام ينـــزف ضلعي نور ... وجم صراط الي وكع
ودرت عيني عله الجنـــان ... لجــــدج يهــل الدمع

يايمه الغالي يبجيلي
يايمه هــــدمو حيلي

ـــــــــــــــــــــــــــــ

يمه لا خصمي يشوفج ... گبــل جيت كربله
يمه وبصــوطه يلحگـج ... ودارج اتصير الفله
وخــــاف تتأذين زينـب ... وانتي عــدنه مدلله
وعلي مگيد بالــوصيـه ... مانـــــريد انحمله

يايمه انتي قنديلي
يايمه هـدمو حيلي

ـــــــــــــــــــــــــ

يمه زينب هــاي ناري ... بدت بيه وتكضي بيج
انه بابي يطيــح منهه ... والخيــم توگـــع عليج
وانه عيني تصير حمره ... وانتي زركه تصير اديج
وفضه راحت تعتنيلـي ... وانتي محـــد يعتنيج

يايمه كسري يحجيلي
يايمه هـــدمو حيــلـي

ــــــــــــــــــــــــــــ

ينعگد گـلبـج مصــــايب ... وانه بلطف حاضـره
وانتي سـر الصبر عنـدچ ... محد الــي يفســره
زينب الله وحده خالــــق ... وماخلق مثلج مـره
الجنه تحت اقدامج انتي ... انتي ام كل صابره

يايمه السبي كل ويلي
يايمه هــــدمـــو حيلي

سيد صادق الاعرجي

يابويه حسين .. اخذ جفوفي وضمني الصدرك
مشتاكه العين .. تغفه ابحظانك وبحجرك
تتعطل ليش اعليه
الماصاير سوه بيه
ــــــــــــــــــــــــــــــــــــــ
مورقيه .. لــوتــفــك عينــك تشوف بهالمسيه
مورقيه .. وجهي اتلون بضرب اصياط اميه
مورقيه .. بعـد ماتـعـرف يبـويه كلـشـي بيه
مورقيه .. حتى صــوتي تغير ابهـاي الـرزيه

شتعرف مني .. لوتفتح يابويه اعيونك
ولاتنشدني .. من تسأل خاف ياذونك
وبعينك بس صد ليه
الماصاير سوه بيه
ــــــــــــــــــــــــــــــــــــــ
ظمني ظمني .. بويه ابحظنك دظمني ولاتهدني
ظمني ظمني .. بعد ما اريد الشمر بيده يجرني
ظمني ظمني .. ارد اشم عطرك يبويه ومن تشمني
ظمني ظمني .. تلكه دخان الخيم بثيابي ذني

ملهوفه الروح .. اتشم عطر الجنه العندك
وبقى ماروح .. من تحظني لاماهدك
تكلي انتي لا موهيه
الماصاير سوه بيه
ــــــــــــــــــــــــــــــــــــــ
هذا حالي .. كامت اعليه صور تبجي الليالي
هذآ حالي .. اتخيلك بويه تناديلي تعالي
هذا حالي .. واتبع الصوت وافزن من خيالي
هذا حالي .. وارد مكسورة الخاطر يغالي

عمتي الحره .. تصبر بيه وماعافتني
وكون الزهره ..حظرت كل حاله وشافتني
تكول الباب اشوه اعليه
الماصاير سوه بيه
ــــــــــــــــــــــــــــــــــــــ
امشي واسال .. مثل المضيعه ادورك بويه تقبل
امشي واسال .. الشجر والماي اساله عليك والتل
امشي واسال .. انه بدروب اليسر كلبي تعلعل
امشي واسال .. وكلت بس لاخاف ابويه بكربله اضل

اعليك اسال ليش .. لتشوفه عيوني بخطواتي
مابين الجيش .. اسمع سافر من عماتي
واندب رحمونه اشويه
الماصاير سوه بيه
ــــــــــــــــــــــــــــــــــــــ
والله حيره .. طفله وبعمر الورد جابوني اسيره
والله حيره .. مجرحه يدي من وره احبال الجبيره
والله حيره .. الناكه تبجي ويضحك الميت ضميره
والله حيره .. كلهه ضدنه والوجه المن اديره

نفس الاطباع .. مابيهم واحد يرحمنه
وشفت الاوضاع .. لا ميحلهه اله انت وعمنه
الموت اهون من هل جيه
الماصاير سوه بيه
ــــــــــــــــــــــــــــــــــــــ
اسمع اسمع .. بويه الاكبر كالو ابجسمه توزع
اسمع اسمع .. ومدري ياهو بالسهم جبده تكطع
اسمع اسمع .. واحد يكول الكفلجن جاميرجع
اسمع اسمع .. والكمر يا لليله يضوي نشوفه يطلع

والناس تصيح .. ياحيدر زينب شفناهه
وادموعي اتسيح .. عالكافل راح وعافاهه
الحاجه ويمك مكظيه
الماصاير سوه بيه

صادق الاعرجي

المستهل
ياهلال احزاني الك ﻻ ماتاني
نفس كل يماني شهر الحسين

.....
ياجرحنه اليكبر
بعـــد ﻻﻻ تظهر .. وتشوفك العين

مانمل المدمع
نــدري من يجمع .. بيد ام الحسين

ادك صدري بنوحي
بلكي تطلــع روحي .. وشمحله هالبين

العقيـده البيه
وني والطميه .. عاشك هالاثنين

مجلسه رباني الك لا ماتاني
نفس كل يماني شهر الحسين
ــــــــــــــــــــــــــــــــــــــ
يا هلال الامي
ناذر انه ايامي .. لبن الزجيه

حسين كـل لحظاتي
وصفنتي وخطواتي .. والمو بديه

بدنيتي واخــــرتــي
هوه الي يسد خلتي .. غيره شليه

يوكف اعالمحشر
وادري مايتكــتـر .. عينه عليه

بلحشر ماعاني الك ﻻ ماتاني
نفس كل يماني شهر الحسين

ــــــــــــــــــــــــــــــــــــــ
وسفه تبجي الزهره
بمجلس وماحـظـره .. مامره عفته

كــــل مسيه اطـلــــع
وفوكي نورك يصطع .. والشاهد انته

وبلعـزه زنجيلـي
ينعكد وي حيلي .. وكلبي وفطرته

بلمنام او احــلـم
اني اقيمن ماتم .. ودمعي سجبته


مايخف ميزاني الك ﻻ ماتاني
نفس كل يماني شهر الحسين
ــــــــــــــــــــــــــــــــــــــ
زينب امـــواعــــدهه
ادري اصيرن ضدهه .. منترك عزائي

المابجه وياهه
يعني مايهواهه .. وﻻ كربلائي

ابصبرهه الحــره
طهرة كل فطره .. وحتى المرائي

الا جلهه اتـحــــزم
القامه تشهد والدم .. حبي وﻻئي

اسست وجداني الك ﻻ ماتاني
نفس كـل يماني شهر الحسين
ــــــــــــــــــــــــــــــــــــــ
حسين مو بلحظره
دنك اعله اليســـره .. ابكلبي تلكاه
والگمر عبــــاســي
ملك كل احساسي .. مو سهله انساه

وجمر كـــل دﻻلي
زينب اخت الغالي .. وكل صيحتي الاه
وحك دم اليرضع
يسمع المايسمـــع .. كــــل عمـري انعاه

ربي الختـاراني الك ﻻ ماتاني
نفس كل يماني شهر الحسين
ــــــــــــــــــــــــــــــــــــــ
صح نصيح العوده
الشــاعــــر ورادوده .. وحتى المنابر

لمن نصــعــد بيهه
نلكه دمعه اعليهه .. تحب الشعائر

المنــابــــر خشبه
وتربة الطف تربه .. للاهل المظاهر
واحنه نعرف سرهه
كعبه نتــــصــــورهه .. انحجهه ونحاذر

طينتي وعنواني الك ﻻ ماتاني
نفس كــــل يماني شهر الحسين

صادق الاعرجي

هذا الصار ياشيعته ...

انه ياشيعه العليله اول جرح
من جروح الطف لبو اليمه صبح
صبت كلب حسين من قبل الذبح
من كلتله وياك اخذني وماسمح

وشفته شلون هل دمعته

....
انه كاشفته اعله همي وشدتي
وهوه يمي ونار تسعر جمرتي
كتله رحت اشتاك الك ياسلوتي
مثل ما مشتاكه لمك عمتي

وكلبي يذوب من فركته
....
كلي عفتج انه لجل ام البنين
من تطول الرحله وتخون السنين
بيج تشتم عطري وانه الحسين
بلجي من اتشوفج اتبطل الونين

لم عباس كل غايته
......
اختلف لون السمه وطعم الهوه
وراح ابويه الجان مملكة الدوه
الكلبي من وجهه وحنانه ماروه
شصار بيه كبالي من طلعو سوه

وعيني تشوف كل عيلته

...
صفت دار اهل النبوه بلا امام
خيم الهندس عليهه والظلام
والحمام البيهه ضل مات الحمام
حسين راح وعالمدينه اقره السلام

تنوح اعلي تضل كعبته
....

وانه اقارن بس حميده بهل الدهر
عمي مسلم راح ظلت تنتظر
تالي لارد لا اله شافت كبل
بس اجت اخباره مرمي من القصر

وهاي الناس ماذكرته

...
سيد صادق الاعرجي

الله كلشــي بيهه مخـلـي قسمه
اعتب بويه وادري عتابي زحمه
اول جرح ماصير
وتخون التعابير
ــــــــــــــــــــــــــــــــــــــ
كاــلو العنــده محب
لابد اعيــونه تصب
بويه حبك مو سهل غرابه

تمرني جم صفنه وسهر
اشلون اعيش بهالـدهـر
والمــحـب تــدري كلـف غيابه

افكد اعيون الصبح
وعلتي تصبح ذبـح
والكلب غيم حــزن عذابه

ينكره لــون الـورد
والنده باجــر يضد
والامل يصبح اجل حسابه

كلشي ينـكــره بويه بغيابك
اعلك كلبي وعيوني علبابك

وكلبي ويلهوه يغير
وتخون التعابير
ــــــــــــــــــــــــــــــــــــــ

الدنيا تحرمني الضوه
منك اشــتــم الــهــوه
يــعــنــي بتك تختنك هضيمه

لليلي من بي يجن
ينكلب بيتك سجن
وذكــرياتك سلسلة جريمه

مــن اصــد اعالنـجــم
تواعــد اعيــوني حلم
بطيفي ماشوفك تجي حريمه

الناس تندم عالمضه
وعلمضه كلبي رضه
كــل حنانك من بعد يديمه

العاش ويلشمس وسوالف الهيل
تخنكه المغـربيه وخــزرت الليل

حالي ماله تفسير
وتخون التعابير
ــــــــــــــــــــــــــــــــــــــ
امسح بجفك علي
شافي علتي ياولي
انته تــربــة كــربله طبيبي

فطرس وذاك الجنح
قصه تاليهه صــلــح
بفضلك الله بي قبل حبيبي

بلكي اشفه من المرض
حتى محد يــعــتــرض
وياك امـشــي وينكطع نحيبي

يذوب جفوفي الدمع
من اضل ابهل الوضع
ازهي بوجـودك جنت نصيبي


مجلس انـذر ابروح الزجيه
اذا تاخذني وي اختي رقيه

لمن ضعنك يسير
وتخون التعابير
ــــــــــــــــــــــــــــــــــــــ
من بقى واشفى ونفترك
اتعافــه بس وينه الخلك
مــن احــنــــن انــلــچــم يغالي


الينجرح جرح الهجر
جمرة تطفي وتستعر
اليرحــل يخــلـي اثر يوالي


انته مملــكــة الــدوه
انته والكـعبــه ســوه
راسي يم بابك سجد ليالي

لو يجي يشبهك بشر
بكلبي مايــلكــه كتــر
بويه حــبــك يمتلــك خيالي

هم ترجع بسمتي كبال عينك
وتغــذه علـم بــويــه بحنينك

بلطفك كونك يدير
وتخون التعابير
ــــــــــــــــــــــــــــــــــــــ
وداعك يصفن العجب
عــلــتــي بيهه السبب
واجــب اعليــه نكتب يوالد

لمــرك ولامــر السمه
خــادمتكم فــاطمــه
ادعي بس سالم تـرد وناشد

خوفي من هذا الزمن
مــايــردك للــــوطـــن
سوالف اعيونك تظم وشاهد

يلــتــكــلــي امــودعــه
جفي يثــكــل بلــدعــه
احجيلي عن هذا السفر يقائد

صح تقره القلاقل من تسافر
بس كلبي قــره بويه التكاثر

دربك كله تحذير
وتخون التعابير
ــــــــــــــــــــــــــــــــــــــ
من تنصبــون الخيم
وكلبي بلموقف علم
منك اطلب هالطلب اليه

بس ثواب انه ردت
وبلكي مني تقبلـت
من يصدلك حرمله بمنيه

ثوب ابأسمي السهم
حتى تشملني النعم
ونرجع ابدار الخلــد سويه

خنصرك من ينفرز
عمتـي تشـيله حـرز
يحمي ضعنك من ضلم اميه


رجعت عمتي دمعات لو عيد
يم الله بعد كـل حكمته تريد


امره يسوي تغير
وتخون التعابير


سيد صادق الاعرجي

شكد دمعة الليل ثكيله عله اليهجرونه
والمشو يدرون نعم هل فركه ملعونه

ام وراح ابنهه دنيه وشلكه منهه
.....
ستفتح بيه دهري وهاجر حسين
ابن حبه نقسم بس عله كلبين
بكلب ام الزجيه وام البنين
رحل والدنيا شبحت بس اله العين

هالدنيه يا ناس تتاني الفرصه كل لحظه
واليحب مبخوت تره لومره صح حظه

ويايه صلفه جنهه دنيه وشلكه منهه
.....
اغط بصفنتي وكل ذكرياته
تطوف اعليه واذكر صفاته
العرش يهبط اذا قام بصلاته
واذا يدعي وبجه تنكع عباته


يستغفر شلون يعجبني من اسمعنه
واني ادري لحسين يناس نخلقت الجنه

وامه شحجي عنهه دنيا وشلكه منهه
.....
مات براسي كلشي تشوفه العيون
بس همومي عدله وتطلك اظنون
اني الي عشت ماادري اشلون
اذا كلشي اشوفه كبالي فرعون

انظر للورود سهام وتظحك كبالي
ودخان الخيام اشم بيهن تراوالي


وتراويلي فنهه دنيه وشلكه منهه

....
انه التقبض بروحي المغربيه
من تغيب الشمس شيصير بيه
بكل نجمه اشاهدلي رزيه
ويجيني الصوت من نجم الثريه

نجم الثريه يخبرني اشجره لزينب
ينقلي الاخبار على احبابي واضل انحب

ويرجع روحي ظنهه دنيه وشلكه منهه
....

بقى بنجم الثريا فكري محتار
عن الطف حجه اروع مصادر
يبشرني بحليبه الكله طاهر
ويكلي عاللولد شهدت كناطر

سد وكفو اكبال بحر شر بعقيدتهم
وادفعو عالنور ابو اليمه بشهامتهم

والغبره شفنهه دنيا وشلكه منهه
.....
كلتله اكطع كلامك يانجم هيد
بعد لاتحجي بحروفك هواديد
عله خله الكلب يسالني ويريد
وين حسين وين الفرحه والعيد

ادرير الوجه كام سمانه من اريد اسأل
وانه عله هل حال بعد كلولي شاتامأل

ام وراح ابنهه دنيه وشلكه منهه



سيد صادق الاعرجي

بخدودي تعثر دمعتي تنشدني علجرالي
واتكلي يم الاربعه ماتخلص الليالي

عنج مشه حسين خل تهمل العين..

؟؟؟؟

صبت ادموع الهجر
كلبي بي مات الصبر
اخذ كلشي حسين من عافاني

فتح اعيونه الدهر
الدنيا غركت بلقهر
والامل ماصخ صبح بذهاني

الحظه تنعد بعمر
نكطعت انفاس الفجر
والشمس لبست سواد احزاني

ملك المنيه المابجه دمعت عليه اعيونه
ونزلو ملأكة السمه وماكدرو يصبرونه
يحجي بلونين خل تهمل العين

.؟......
شفرة اهات الزمن
نطحنت احلامي طحن
والهوه بجنح العصف ذراهه

نعجنت بدمي المحن
وجفي للدعوه يحن
وشيلتي على الراس ماخلاهه

كل مسامتي دعن
ويه وجهي توجهن
ربي ردلي حسين كل دعواهه


كل لحظه اصلي على النبي والنيه هيه حسيني
ولو اصفه اكو من نيتي خل واحد يحاجيني
وينه اليجي وين خل تهمل العين

........
تسلبت كل صفتني
بيش اصبر حالتي
ختفت من راسي ظنون الحاير

شلون اوصف حركتي
من افز من شهكتي
ارد اسال نفسي شنهو الشصاير

نجمع حيلي بكعدتي
كمت اطيح ابوكفتي
بكيفه دهري بحيلي كام يتاجر

بس ذكريات الي مشو مثل الشمس بعيوني
واحجي شكثر وي الصور بس همه ميحاجوني
جارت هل اسنين خل تهمل العين
.....
١الحسره تخنكلي النفس
الحزن مني اختلس
الغربه كلهه تربعت بدياري

حالي حال الينحبس
ويمتحن باعظم درس
وامتحان الفركه اصعب ثاري

ماكو شي منه احترس
انكشف سرهه النجس
الدنيا ناعور وتحب انظاري

ملك اليعد قطر المطر لا مايعد وناتي
والجمره لا مو بلكلب الجمره تحرك ذاتي

تحوطني نارين خل تهمل العين


.....
والعليله التبجي دم
تكلي حل بي اليتم
تجي يمي تسولف ابحساسهه

وانه مابي عزم
حايره بوضعي واهم
شلون اصبر طفله راحو ناسهه

الكلمه متجفنه بسهم
والهه احجيهه برحم
والمصيبه انسه وامسح راسهه

ازرع بسمتي عله الوجه غركانه بالمدامع
وي العليله احجي بترف كم يوم ابوج وراجع

ضلينه الاثنين خل تهمل العين

...
سيد صادق الاعرجي

تهل ماتهل احنه ذوله احبابه
تهل ماتهل ما نسينه مصابه


.....
ندري قصدك من تهل انته علينه
رايد اتذكرنه هوه احنه شنسينه
عله حب حسين ومصابه وعينه
بعالم الذر الله حسسنه وبجينه

تهل ماتهل شفنه دم خضابه
تهل ماتهل ما نسينه مصابه
....

....اليحب حسين حكه يوجه أعتاب
الك يهلال الرزيه واعظم امصاب
واجب ابيوم الطفوف بذبح الطياب
تخضع الصبر العقيله وتصبح اتراب

تهل ماتهل الشيعي يبقى اعتابه
تهل ماتهل ما نسينه مصابه
....

انته من النور الشمس نورك ملكته
وله لونك اسود اي وبعلمي شفته
وظهرك انه ياهلال شكد ركبته
والشمس نور الحسين الماوصلته


تهل ماتهل انسجد على اترابه
تهل ماتهل ما نسينه مصابه

...
بدر زينب غاب والحاله رهيبه
عالنهر يهلال وبحاله عجيبه
وانته همك تكتمل تضوي بمغيبه
وكمر تصبح عل مله وزينب غريبه

تهل ماتهل يشع حتى غيابه
تهل ماتهل ما نسينه امصابه

.....
احنه اعلام الطفوف البث على الكوان
المديرتنه الزجيه بكل الازمان
عدنه جبريل اليصور عزه العطشان
ومخرجتنه الحره زينب ام الاحزان

تهل ماتهل ننعى دوم امصابه
تهل ماتهل مانسينه مصابه

......

سيد صادق الاعرجي

لا تتعجبين...بطبرة راسي لا يازينب
تشوفين حسين...الدم من نحره شلون يصب
يذبحون الغالي اكبالج ... والطف شيسوي بحالج

ــــــــــــــــــــــــــــــــــــــ

لايبنتي ... ينشده بالج عليمن شنهي شفتي
لايبنتي ... حمدي الله هينه يابويه طبــرتي
لايبنتي ... ظمي دمعــج لاتصبينه المحنتي
لايبنتي ... بويه تحتاجينه للطف لو رحلتي

وهم تحتاجين....بالطف ادموع ويه دموعج
ومن اتونين...لا محد يهده روعج
لامحد يتعنالج ... ... والطف شيسوي بحالج

ــــــــــــــــــــــــــــــــــــــ

ادري عجبه ... من الزجيه جف نذل خدهه يضربه
أدري عجبه ... من ابن ملجم يصل راسي ويصوبه
أدري عجبه ... من اعيف انه الايتامه بحاله صعبه
ادري عجبه ... من الحسن جبده يسمونه ويذبه

وادري انه الدين...تتهدم اركانه من ارحل
وادري تحسبين....بغيابي لخدرج من يكفل
ويصح زينب كفالج ... والطف شيسوي بحالج
....
والله حقج ...من تكلولي ياهو بعدي يحمي خدرج
والله حقج ...خفتي أشرار الخلق زينب تنظرج
وآلله حقج ...انه اطيع بكل وكت يالحره امرج
والله حقج ...انه بلطف من تندبيني احظرج

لا تحتارين..خدرج عباس الي يكفله
وانتي تعرفين...الشمس اضواهه عليج يزعله
يزعل لو بان خيالج ... والطف شيسوي بحالج

ــــــــــــــــــــــــــــــــــــــ

اه يزينب ...شيجره بيج بكربله من ضعنج يطب
اه يزينب ... من الج خيمه الكمر بجفوفه ينصب
اه يزينب ... بكلشي بالج يلعقيله خــــل يحسب
آه يزينب ... مثل نهران المصايب ضدج اتصب

ابطف حسين ...يصير الماصير بالدنيه
واشكد تلكين ...جيوش ال سبيج متعنيه
وابنار الهم تدنالج ... والطف شيسوي بحالج

ــــــــــــــــــــــــــــــــــــــ

ايسي منه ... بجوده من يرحل ابو فاضل كمرنه
ايسي منه ... من يعطشون الورد من تبجي سكنه
ايسي منه ...من تضيك الوسعه بلطف محنه محنه
ايسي منه ...من يشبون الخيم ويطلع خدرنه

بحرك الصيوان....ابني الكافل مايرجعلج
احمي والنسوان....وذليه الكرب ويذلج .
ولا تنسي اطفال اعيالج ... والطف شيسوي بحالج

ــــــــــــــــــــــــــــــــــــــ

حيره حيره... من يصعدج عالهزل لو رحتي اسيره
حيره حيره ... وانتي مجتوفه وبلا اهل وعشيره
حيره حيره ... وراس ابو اليمه شمر كبالج يديره
حيره حيره ... او يمر بيج اعلخوتج الكلهه غيره

اعله الاجساد....عمدا الحادي يمر بيجن ...
ويبقى السجاد ... اتعزنه ويعزيجن
بوضعج تفرح عذالج ... والطف شيسوي بحالج



سيد صادق الاعرجي

ياعلي ياعلي ماترجع النه
ياعلي ياعلي بالشده طحنه
.....
ياعلي شنشكيلك وماظل كلام
يزيح هم كلوبنه ويمحي الظلام
صعبه صعبه بس نخبرك يالامام
اعله كلشي ياعلي اقره السلام

ياعلي ياعلي يحير وضعنه
ياعلي ياعلي ماترجع النه
.....
نهدم دينك ياعلي من ساسه
ومثل راسك انطبر هم راسه
ذوق مابي ويبس كل ياسه
ومنه قله البي يعيش احساسه

ياعلي ياعلي كلهه تضدنه
ياعلي ياعلي ماترجع النه
......

ياعلي ضل دينك ومحد اله
شبه زينب من بقت متعلعله
بلا محامي وكلهه ضدهه بكربله
وشافت القران عالرمح اعتله

ياعلي ياعلي باسمك ندبنه
ياعلي ياعلي ماترجع النه
.....
بعد ماكو يتيم رافع هامته
مدنكه كلهه وجوعه ياكل عبرته
والضماير عميه وشكد شافته
عنده بس الله وعلي في دعوته

ياعلي ياعلي بيهه نفجعنه
ياعلي ياعلي ماترجع النه
.....

والرامل ياعلي بحيرة وضع

تنذبح كل يوم ويحيهه الدمع
والستر يا ابو الحسن من ينفجع
ينلجم كلب الزجيه وينصدع

ياعلي ياعلي بيدك امرنه
ياعلي ياعلي ماترجع النه

......
سيد صادق الاعرجي

اليضدنه انحذره اليضدنه نحذره
....
رساله وخلهه ترجيه ابذانك
يمبغض حيدره وطاغي زمانك
على شيعة علي لتمد لســانـك
علي موكال عنه ان خنته خانك

صونه ونول المغفره اليضدنه نحذره

....

اسمهه الدنيا نمحي من تضدنه
نمسحه من الوجود بكل جهدنه
بعد ماننطي عطوه احنه الخصمنه
ومثل منحب علي انحب وطنه

انحب وطنه وحيدره اليضدنه انحذره

.....

روافض من نثور يدخن الكون
نهد هدت كمرنه وهمه يدرون
الارض ويانه تبلع بل يعادون
مدرسنه ابوفاضل نرسب اشلون

درسه يوم الكنطره اليضدنه انحذره

..

اذا شحت القاده الهه منحتاج
نقود ارواحنه احنه ونلبس التاج
نضحي وحيدره يبصم على الباج
ونعبر عالصراط ابلايه احراج

وسوه ندخل موسره اليضدنه انحذره

.....

تربينه بحظن هاي المنابر
الحياة وكل ملحهه بهل شعائر
علي الكرار مالك هل ضماير
وبلحسين ومحبته كلبي حاير

نخدمه دنيا واخره اليضدنه انحذره

..

ولي يكول منكم بيكم اني
الكلام الحق ولايصغي ثواني
يظم راسه ويكول انه اتاني
ابوصالح انطره لو اجاني

ندري صارت مسخره اليضدنه انحذره


سيد صادق الاعرجي