WKU Muslim student ጀምዓ(አስ ሰለፊይ)

👉(((አስቸኳይ ጥያቄ)))

ሰላትህ ላይ ምን ላይ ነህ⁉️
ጭራሽ ትተኸዋል⁉️
እያቆራረጥከው ነው⁉️
ፈጅርን ዘለህ 4ቴ ብቻ ሰጋጅ ነህ⁉️


የሚገርመው እኮ ሃረጎች እና ዛፎች እኮ ያለማቋረጥ እየሰገዱ እንደሆነ ተረድተሃል❓❓

وَالنَّجْمُ وَالشَّجَرُ يَسْجُدَانِ
ሐረግና ዛፍም (ለእርሱ) ይሰግዳሉ፡፡

አንተስ ??

ወንድሜ ይቺ ንግግር ሰበብ ትሁንህ እስቲ አሁኑኑ ሞት ሳይቀድምህ ለፈጠረህ ሃያሉ ጌታህ አጎንብስ

ልብ በል ‼️
ልብ በይ‼️
👉እስቲ ስለ አስፈሪ ቅጣቱ ደግሞ (ላስታውስህ)ልጠቁምህ ቁርአን ላይ ቃለ ምልልሱ ተመልከት ሱረቱል ሙደሲር ከ41-43 👇👇👇👇👇👇
عَنِ الْمُجْرِمِينَ👉
مَا سَلَكَكُمْ فِي سَقَرَ❓👉
قَالُوا لَمْ نَكُ مِنَ الْمُصَلِّينَ❗️👉
ከአመጸኞቹ ኹኔታ፡፡
ይሏቸዋልም) «#በሰቀር ውስጥ ምን አገባችሁ?»
(እነርሱም) ይላሉ «#ከሰጋጆቹ አልነበርንም፡፡

👉 #ከሰጋጆቹ #አልነበርንም፡፡
👉 #ከሰጋጆቹ #አልነበርንም፡፡
ልብ እንድትል ነው የደጋገምኩልህ

አበቃሁ ወንድሜ አበቃሁ እህቴ አሁኑኑ ቆርጠህ ተነስ አሁኑኑ ቆርጠሽ ተነሽ አስፈሪው ቀብር ሳያጨልምህ/ሽ

እንዳንተው ብዙ እያሰቡ ሳይመሽ የጨለመባቸው ብዙ አሉ እና ያ እጣፋንታ ሳይደርስህ ፍጠን!!!


ታናሹ ወንድምህ ✍️Abu selman
https://t.me/abuselmanprofile
https://t.me/abuselmanprofile

ማንቂያ ደውል!!

وَمَا تَدْرِي نَفْسٌ مَّاذَا تَكْسِبُ غَدًا ۖ وَمَا تَدْرِي نَفْسٌ بِأَيِّ أَرْضٍ تَمُوتُ ۚ إِنَّ اللَّهَ عَلِيمٌ خَبِيرٌ
ማንኛይቱ ነፍስም ነገ የምትሠራውን አታውቅም፡፡ ማንኛይቱ ነፍስም በየትኛው ምድር እንደምትሞት አታውቅም፡፡ አላህ ዐዋቂ ውስጠ ዐዋቂ ነው፡፡

💢ሞት ሚባለው ነገር ታመህ የምትሞት ብቻ ነው የሚመስልህ አይደል ?

ድንገተኛ ሞት ስታይ አንተጋር ሚደርስ አይመስልህም አይደል?

አስተውለህ ታቃለህ ግን???
👉በተኛህበት እኮ ሊወስድህ ይችላል ጠዋት ቤተሰቦቼ ይቀሰቅሱኛል ስትል ነኪርና ሙንከር አስደንግጠው ሚቀሰቅሱበት ቀን እኮ መች እንደሆነ አታቅም ።

⭕️እስተውል ጠዋት አነጋለሁ ብለህ
በስልክህ ሃራም ተመልክተህ
👉ሃራም ፖስት አድርገህ
ፎቶሽን በትነሽ ፎቶህን በትነህ

👉ቢዳዓ ኹራፋት በቻናል በትነህ
👉ዒሻእ ሰላት ሳሰግድ በሚዲያ ፍጥጥ ብለህ እገሌ እገሌ እያልክ ባላወቅከው ስትቀባጥር
👉ውስጥህ እንደማያገባት እያወቀ ለጊዜያዊ ስሜት እህትህን ስታባልግ ቻት ስታደርግ።
👉ቀኑ ላይ ወላጆችህን አስከፍተህ
👉ሚስትህ ካንተ ጋር እየተጨዋወተች ደስ የሚል መኝታ ልታሳልፍ ለአልጋ ፈልጋህ አንተ ግን ስልክህ ላይ አፍጥጠህ:
👉ብር ኪስህ ውስጥ አስቀምጠህ የቅርብ ቤተሰቦችህ ተርበው
♨️ጠዋት አነጋለሁ ብለህ ተኝተህ ጠዋት ላይ የቀጠርከው አላርም ወይም ቤተሰብ ስትጠብቅ ድንገት ያቺ ጠባብ ቤት ውስጥ እራስህን ካገኘህ እና ሚያስፈሩ ሁለት መላአይካ የቀሰቀሱህ ቀን ዋ ቁጭትህ!! ዋ ፀፀትህ!ዋ ድንጋጤህ

👉ወሏሂ ቢሏሂ ተላሂ ቀኑ ሩቅ አድርገህ እንዳታስበው በጣም ቅርብ ነው
አሁን ያለንበት ሁኔታ የተረዳ ሰው ስለሞት መረዳት ለሱ ቅርብ ነው ።
ስለዚህ ወንድሜ /እህቴ ንቃ/ንቂ
በዚህች ምድር የሆነን ጥፋት ካጠፋህ ፖሊስ ይዘሃል እስር ቤት ትገባለህ ሽሮ በልተህ ትወጣለህ ኻላስ
አሏህ ግን ይታገሰሃል!! ይታገሰሃል !!ይታገሰሃል!! የያዘህ ቀን ግን አያያዙ የበረታ ነው። ልብ በል
ذَٰلِكَ بِأَنَّهُمْ شَاقُّوا اللَّهَ وَرَسُولَهُ ۖ وَمَن يُشَاقِّ اللَّهَ فَإِنَّ اللَّهَ شَدِيدُ الْعِقَابِ
ይህ እነርሱ አላህንና መልክተኛውን በመከራከራቸው ነው፡፡ አላህንም የሚከራከር ሰው (ይቀጣዋል)፡፡ አላህ ቅጣተ ብርቱ ነውና፡፡(ሃሽር 4)

በሰራኸው ደሞ እያንዳንዱ ትያዛታለህ ቆም ብለህ አስብ
كُلُّ نَفْسٍ بِمَا كَسَبَتْ رَهِينَةٌ
ነፍስ ሁሉ በሠራችው ሥራ ተያዥ ናት፡፡
(አል ሙደሲር 38)

አበቃሁ ወንድሜ  ይህ የታናሽ ወንድምህ ምክር ነው እስቲ አሁኑኑ ወስን ሞትን ተጠባበቃት ካለህበት ወንጀል ተላቀቅ የተውበት በሩ ሁሌም ክፍት ነው።
✍️Abu_Selman abdulalim

https://t.me/abuselmanprofile

የእለተ ጁምዓ ሱንናዎችና ስርኣቶች
—————
① መታጠብና መቀባባት
ከሰልማነል ፋሪሲይ (ረዲየላሁ ዐንሁ) ተይዞ ነቢዩ ﷺ እንዲህ ብለዋል አለ:- “አንድ ሰው በእለተ ጁምዓ ታጥቦ፣ ከመፀዳዳትም የቻለውንም ተፀዳድቶ፣ ከሚቀባባ ነገርም ተቀባብቶ፣ ቤቱ ውስጥ ከሚገኝ ሽቶ ተቀብቶ፣ ከዚያም ከቤቱ ወጥቶ በሁለት ሰዎች መካከል ካልለያየ፣ ከዚያም የተፃፈለትን ከሰገደ፣ ከዚያም ኢማሙ በተናገረ ጊዜ ዝም ካለ፣ በዚያች ጁምዓ እና በቀጣዩዋ ጁምዓ መካከል ያለውን ወንጀል ይቅር ይባላል።” [ቡኻሪ 883 ላይ ዘግበውታል]

② ከሌላ ጊዜ የተሻለ ቆንጆ የሆነውን ልብስ መልበስ
ከሙሀመድ ኢብን የህያ ኢብን ሂባን (ረዲየላሁ ዐንሁ) ተይዞ የአላህ መልእክተኛ ﷺ እንዲህ ብለዋል:- “አንዳችሁ ለእለተ ጁምዓ ከሌላ ጊዜ የተሻሉ ሁለት ልብሶችን ብይዝ የተሻለ ነው” [አቡዳውድ 1078 ላይ የተዘገበ ሲሆን አልባኒ ሶሂህ ብለውታል]

③ በጊዜ ወደ መስጂድ መግባት
ከአቢሁረይራ (ረዲየላሁ ዐንሁ) ተይዞ የአላህ መልእክተኛ ﷺ እንዲህ ብለዋል:- “በእለተ ጁምዓ ለጀናባ የሚታጠብ አይነትን ትጥበት የታጠበ፣ ከዚያም (ወደ መስጂድ) የተጓዘ ሰው ልክ ግመል ለሶደቃ እንዳቀረበ ነው፣ በሁለተኛው ጊዜ ወደ መስጂድ የተጓዘ ሰው ልክ ለሶደቃ ከብት (ላም) እንዳቀረበ ነው፣ በሶስተኛው ጊዜ የተጓዘ ሰው ልክ ቀንዳማ የሆነ ሙክት እንዳቀረበ ነው፣ በአራተኛው ጊዜ ወደ መስጂድ የተጓዘ ሰው ለሶደቃ ዶሮ እንዳቀረበ ነው፣ በአምስተኛው ጊዜ ወደ መስጂድ የተጓዘ ሰው ለሶደቃ እንቁላል እንዳቀረበ ነው፣ ኢማሙ ሚንበር ላይ ከወጣ መላኢካዎች ኹጥባውን ለማዳመጥ ይሳተፋሉ።” [ቡኻሪና ሙስሊም ዘግበውታል]

④ መስጂድ ከገቡ በኋላ በሁለት ሰዎች መካከል አለመለያየት (በሁለት ሰዎች ትከሻ ላይ አለመረማመድ)
ጃቢር ኢብን ዐብደላህ (ረዲየላሁ ዐንሁ) እንዲህ አለ:- የአላህ መልእክተኛ ﷺ እየኾጠቡ እያለ አንድ ሰው ገባ፣ ሰዎች ላይ እየተረማመደ ነበርና የአላህ መልእክተኛ ﷺ እንዲህ አሉት:- “ቁጭ በል! በእርግጥም አስቸግረሃል አርፍደሃልም።” [ኢብን ማጀህ 923 ላይ የዘገቡት ሲሆን አልባኒ ሀሰን ብለውታል]

⑤ ሱረቱል ከህፍን መቅራት (ማንበብ)
ከአቢ ሰዒድ አል-ኹድሪይ (ረዲየላሁ ዐንሁ) ተይዞ የአላህ መልእክተኛ ﷺ እንዲህ ብለዋል:- “በእለተ ጁምዓ ሱረቱል ከህፍን ያነበበ ሰው በእርሱና በበይተል ዐቲቅ መካከል ብርሃን ይበራለታል።” [አልባኒ በሶሂሁል ጃሚዕ 6471 ላይ ሶሂህ ነው ብለውታል።]

⑥ ዱዓ ማብዛትና በእለተ ጁምዓ ዱዓ ተቀባይ የሚሆንባትን ሰኣት መጠባበቅ
ዐብደላህ ኢብኑ መስዑድ (ረዲየላሁ ዐንሁ) የአላህ መልእክተኛ ﷺ እንዲህ ብለዋል አለ:- “የጁምዓ ቀን አስራ ሁለት ሰኣት ነው፣ ከእርሷ ውስጥ አንዲት ሰኣት አለች ሙስሊም የሆነ ባሪያ በዚያች ሰኣት አላህን ከጠየቀ አላህ የጠየቀውን ይሰጠዋል፣ (ያቺን ሰኣት) በመጨረሻ ሰኣት ከአስር በኋላ አካባቢ ፈልጓት።” [ሶሂሁል ጃሚዕ 8190 ላይ አልባኒ ሶሂህ ነው ብለውታል።]

ከአነስ ኢብን ማሊክ (ረዲየላሁ ዐንሁ) ተይዞ ነቢዩ ﷺ እንዲህ ብለዋል:- “የዱዓ ተቀባይነት የሚከጀልባትን ሰኣት ከአስር በኋላ ፀሀይ ወደ መግቢያዋ እስከምትቃረብ ድረስ ባለው ጊዜ ፈልጓት።” [ትርሚዚይ 1237 ላይ የዘገቡት ሲሆን አልባኒ ሀሰን ብለውታል።]

⑦ በነቢዩ ﷺ ላይ ሶለዋት ማብዛት
ከሶፍዋን ኢብን ሱለይም (ረዲየላሁ ዐንሁ) ተይዞ ነቢዩ ﷺ እንዲህ ብለዋል:- “የጁምዓ ቀን እና የጁምዓ ሌሊት ከሆነ (ከገባ) በኔ ላይ ሶለዋት አብዙ።” [በሶሂሁል ጃሚዕ 776 ላይ አልባኒ ሶሂህ ብለውታል።]

ማሳሰቢያ:- ይህ ተግባር የሚመለከተው ወንዶችን ነው። በተለይ ሽቶ ተቀብቶ መውጣት ለሴት ልጅ ሙሉ በሙሉ ሀራም ነው። ሴቶች ምንም አይነት ጌጣጌጥ ያለውን እና ወንዶችን ሊፈትን የሚችል ልብስም ሆነ ሽታ ያለው ቅባትና ሽቶ ሳይጠቀሙ ሙሉ በሙሉ የሴቶችን ሸሪዓዊ ስርኣት ያሟላ አለባበስ ለብሰው በአደብ ወደ መስጂድ መሄዱ አይከለከሉም።
✍🏻ኢብን ሽፋ (t.me/ibnshifa)
የተለያዩ ት/ቶችን ለማግኘት የቴሌግራም ቻናላችን ⤵️ #join በማድረግ ይቀላቀሉ
https://telegram.me/IbnShifa
https://telegram.me/IbnShifa