Ali Media Network

#kan_na_dhibu
==============


Xiqqoo ishee ka'eetan
Waa xiqqoo barreessa
Waan yaadaan na goolu
Kan jiru na keessa
~~~~~~~~~~~~
Anaan kan na dhibu
Anaan kan na goolu
Yaanni natti hammaatee
Narra bulee oolu
~~~~~~~~~~~~~
Imaanaa maaf nyaata namni
Waadaa maaf dagata?
Imaanaa hawaasa bal'aa
Karaatti maaf gata?
~~~~~~~~~~~~
Namni maaf wal gaada
Namni maaf wal jibba?
Umriin keenya silaa
Hin dabartu dhibba
~~~~~~~~~~~~
Jiruu bultee coolagduuf
Maaliif wal dadhaba?
Miila maaf wal cabsee
Mataa wal gadi qaba?
Namni yoo wal jaallate
Cubbuu maalii qaba?
~~~~~~~~~~
Qilleensi jijjirame
Jenna bara bara
Barri maal nu godhee
Nutoo dhabe gara
Nut nyaatee wal balleessuuf
Hablee jibbaa qara
~~~~~~~~~
Gamtaadhaan wal jibbee
Namni wal darara
Qalama jibbaatiin
Summiin wal sarara
~~~~~~~~~~
Inni qabeenya qabu
Goolaa ola iyyeessa
Sakaalee kuffisee
Kiyyoo itti kiyyeessa
~~~~~~~~~~
Qabeenya fixeensaaf
Dadhabee wal nyaata
Maaliif hamaa yaada
Maaf wal jibba laata
~~~~~~~~~~
Ilmi namaa hundi
Maaf wal hin jaallanne
Bakka ofii yaadutti
Maaf wali-n laallanne
~~~~~~~~~~~
Maaliif inni humna qabu
Isa-n qabnee-n yaadne
Dhukkuba isa tokkoo
Gargaaree hin aadne
~~~~~~~~~~
Huccuu jaalalaa baasee
Jibba wal uffisa
Miila wal sakaalee
Namuu wal kuffisa
Waliif yaaduu fi jaalalli
Maaliif nu nuffisa
~~~~~~~~~
Maaliif kaan jibbisiisa
Inni kaan gochisaa
Maaliif wal hadoocha
Maaliif wal boochisa
~~~~~~~~~~~
Wal cabsee wal laaluuf
Uumamni maaf fiiga
Inni aangoo qabu
Hawaasa maaf diiga


Kutaa 2ffaan..........


✍️..... @Sabaa_Ifaa


Join
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360

Dhimma Og-barruu!

Galaa egereef keenyee
Biyya lafaarraa tarru
Hin dhiisu,nan dubbadha
Anis waa'ee og-barruu!
Aartii jechuun ergama
Miti daldalaaf bu'aa
Akkuma afaaniif aadaa
Ni dhalata, ni du'a!....
Og-barruu jechuunumtuu
Ogummaa barreessuudha
Ulaagaasaa eeganii
Dhalootaaf tarreessuudha
Boru akka hin taaneef
Nama dhaloota hube
Beekumsaan barreessuudha
Sirnaan eeganii qubee
Meeqatu nuun gahuudhaaf
Laboobni ibiddaa gube?

Gaafa aartiitti seennu
Miira hawaasaa dubbifna
Gaddu waliin gaddinee
Yoo gammade shubbifna
Dhugaa argaaf dhageettii
Laallee gamaaf gamana
Dhaloota dhufaaf dabraaf
Ol kaa'uudha namana!.....

Malee....

Walaloon dhama malee
Kan hin rukunne mana
Asoosamni hin barsiifne
Kitaaba miti anaa!....
Dubbii gandarraa guurree
Hayyoota akkeessinee
Faayidaa ofiif jecha
Kitaaba fakkeessinee
Dhalootaaf keenya taanaan
Kun hin ta'u cubbuudha
Aartiin dhimma sabaati
Og-barruun bar lubbuudha!..
Ajandaa torban tokkoo,
Kan namarraa woraabne
Kitaabadha yoo jenne
Nutu egeree woraane
Og-barruu gudeeduudhaan
Dhalootaan gaafatamna
Garaaf jiraataa taanee
Seenaadhaan yaadatamna
Gufuu nuti har'a dhaabnuun
Dhalli keenya maaf caba?
Kanaafuu akka taanu
Na dhageessuu yaa sabaa
Madaa keenya qoorsina
Hin boonyu kulkulchinee
Bargocha bilcheessina
Oolchinee bubbulchinee!....
Walumaan gidirfamaa
Kufaa cabaas okkolaa
Sadii afur gulaalchisaa
Gaafatama ofkolaa.....
Utubaaf dagaleedha
Ijaaree gad sidhaabaa
Yoo bilcheeffatte malee
Gad hin baasin kitaaba!

✍️.. Riyaad





Join
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360

"Guyyaan firii qormaanni biyyoolessaa kutaa 12ffaa itti ibsamu hin murteeffamne", Reedii shifaa.

Daayirektarti sabqunnamtii
hawaasaa Ejensiin madaallii barnootaafi qormaataa biyyaalessaa Reedii Shifaa "Qorumsii "sororfamaa jira jedhan.

Reedii Shifaa guyyaan qormaanni kun itti ibsamus akka hin murteeffanne dubbataniiru.

Firiin qormaataa guyyaa kana ibsama jedhamee wanti ibsame hin jiru. Kanaaf guyyaa kana ifa godhama jechuun hin danda'amu jedhan.

Naannoowwan rakkoon nageenyaa jirutti barattoota qormaata hin fudhannef, ji'a tokko booda qormaata akka fudhatan ni goona jedhamee kan ture yoo ta'us, haala yeroo ammaa jiruun kennamuu akka hin dandeenye ibsaniiru.

Naannoowwan kun tasgabbaa’aa kan jiran yoo ta’us, barattoonni kun qormaata fudhachuuf of qopheessuu akka qabanis, dhaamnaiiru. Hunda keessaniifuu Carraa gaarii!!

#komattuu!!

Waan qalamaan hin barroofne
Waraqaa adii dubbista
Waan hin jirre uummattee
Mana keessaa shubbista

Jechi kee gocha caalee
Baay'iftee nama dhibda
Nama qulqulluu jirtutti
Xurii fuutee dibda

Teessee soba funaantee
Nama faalta dharaan
Jecha keen sobaa hin dhiiftu
Ittuu caalta baraan

Qabxii tokkoon malee
Nama irratti duulta
Jecha arraba keetiin
Hamaa irratti tuulta

Sobdees maxxansita
Dhugaa namaa haqxa
Oliif gadis joortee
Wali-tt nama naqxa

Biqila gaarii namaa
Arraba keen cirta
Oliif gadi labdee
Wali-tt nama dirta
Isa tokkoof laatame
Ofii kee kaaniif hirta

Waan inni-n jenne jetta
Jedheera jettee himta
Dhara dhugaa fakkeessitee
Uumtee waliin simta

Foon obboleessa keetii
Alanfattee nyaatta
Baraan hin sirrooftu
Baraan cubbuu baatta

Ergaa siifan qabaa
Na dhagahi maaloo
Waan hin jirre jettee
Namatti hin kuusin haaloo

Dhaabbata kee laalladhu
Lafa hin taane-n oolin
Nama akka keetii
Komattee hin goolin

Beekii akeekkadhu
Bor duutee akka samtu
Addunyaa kana irratti
Akka hin hafnee kamtu

Akka imaltu beekii
Lafa irraa hin galletti
Obboleessa kee hin sharafin
Waan isaa-n malletti

Madaala irra hin kaahin
Kiiloo isaa gadi buuftee
Sobdees ittin mooqin
Dhara walitti kuuftee

Akkuma siin jedhamuu jibbitu
Namaanis jechuu hin fedhin
Waan ofii kee hin jaallanne
Qomoo keetiin hin jedhin

Kabaja obboleessa keetii
Hin sharafin homattuu
Dubbii waliin hin dhahin
Dhiisi mee yaa komattuu



✍️.... @Sabaa_Ifaa





Join
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360

Beekaa beekumsa kuuse
Maqaan keessan dhibba
Mootii bu'aa buuse
Hayyuu maaltu jibba

Teenyaan ni bareeddu
Deemsi keessan tolaa
Nageenya jaallattu
Mo'attu yoo lolaa

Jibbaa buqqistanii gattu
Jaalala facaaftu
Dhugaa mirgaan qabdanii
Soba bitaan mancaaftu

Jaalala lallabdu
Utubaa isaa dhaabdanii
Nageenya faarsitu
Teessoo nagaa yaabdanii

Isin faajjii keenyaam
Kabajamaa namaa
Goota nageenya labsu
Kan hin beekne hamaa

Arjaa gameessa namaati
Sassannaa hin qabdanuu
Rakkataa rakkoo baasuuf
Goonkumaa hin dhabdanuu

Abbaan jifaar hayyuudha
Kan uumama tolaati
Injifataa yoo maraa
Kan nagaa fi lolaati

....✍️ @Sabaa_Ifaa



Join
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360

Hammuma lafaa kaatuun
Yeroo baay'ees kufta
Deddeebiidhuma keessa
Ulaa kufuus cufta

Baay'ee deddeebi'eef
Funyoon dhagaa mura
Yeroo dheeraa turee
Boombiin muka ura

Atis deddeebiidhaan
Deddeebi'ii yaali
Rakkoof haraka-n laatin
Rakkoo kan kee caali


#By @Sabaa_Ifaa



Join
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360

Namichatu du'uuf jedha. Hafuura ishee dhumaan haadha manaa isaa waamee dhaamsa dhumaa akka qabu itti hime. "Hin dubbatiin! Homaa waan dhaammattu hin qabdu; callisii ciisi ni dadhabdaa!" jetteen. Inni immoo, "Lakkii dirqama dubbachuun qaba. Lubbuun koo nagaan boqochuutu isheef ta'a. Obboleettii kee, hiriyyaa kee fi hojjettuu kee waliin sagaagaleera. Maaloo dhiifama naaf godhi!" jedheen.

Isheen immoo afaan isaa irraa fuutee, "Sirriidha, kana hunda nan beeka. Anis kanumaafan summii si nyaachise!" Jetteen jedhan halkan gaarii!!
😂😆🤔😂🤔😂😆

"Utuun boo'e illee nan boo'aa
Imimmaan koo harkaan ciraa
Maalan godhammoo boo'ee
Kan naaf dirmatu maaltu jiraa?

Yeroo hiriyyaan koo baratan
Ani gadi-deebii namaan ta'e
Abdii koon kutadhe yaa lammii
Rakkootu narratti harca'e

Abbaa koo gaachana koo
Ergan du'aan dhabee
Utuuman hin guddatiinan
Meeladhee saggoo cabee

Haati koo tokkittiin koo
Erga narraa godaantee
Sagalee kootu ukkaamame
Firan dhabe fira aantee

Naaf owwaachuu didani
Namni ani kaleessa beeku
Kanuman miidhamu irrattuu
Na madeessani ceekuu

Ofii isaanii yoo darban
Naan bowwaatti kuffisu
Ofii soofaa irra ciisaa
Naan dhagaa irra raffisu!"

Jedhee utuu rakkataan boo'uu
Sobdee hin ilaaliinii qara
Gargaarii barsiisi lammii kee
Baratu fidaati bara

Seenaatu si kabajaa
Sirraa haxaa'ee laaqii
Karra ofittumaa cufii
Balbala hiyyeessaaf saaqii




Join
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360

Anoo sin jibbu silaa
Ni beekta kuullee koo
Maaf narraa fagaatta
Maaf teessa fuullee koo

Jaalala kee dheebodheera
Dheebuu koo na baasii
Gadda jaalala keetii
Kottuu narraa kaasii

Jaalalli kee hamaan
Onnee koo na hidda
Qaamaan natti siqxee
Hubachuu maaf didda

Natti siqi maaloo
Halaala maaf teessa
Atoo galma qabdaa
Onnee kankoo keessaa

Maaf dhuftee hin taa'in
Banaadhaa hoo manni
Yoomuu hin cufamuu
Birraan dhufus ganni

Fuullee kan koo taa'uu
Gahaa meemee dhiisi
Harka kee lallaafaan
Laphee kankoo jiisi
Natti maramii harkaan
Qoma koorraan ciisi

Hin taahin fuullee koo
Natti siqi margitu
Siin ala ijji koo
Kan biraa-n argitu


...✍️ @Sabaa_Ifaa

Join
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360

#Dirri_Lafaa


Addunyattiin kuni
Buburreedha bifaan
Sagal jijjiiramti
Dukkanaafi ifaan

Gollishees baay'eedha
Kuustuu gola cubbuu
Kan saalfii hin qabne
Balleessitu lubbuu

Qore ishee qarsitee
Nama hunda rakkitu
Nama nagaa aarsitee
Badii male yakkitu

Kan hamaa kunuunsitu
Gaarii nyaattee gattu
Xurii qulqulleessitee
Qulqulluu kan hattu

Gaariin namaa badeeti
Jiraata irra hamaan
Namaaf gaarii hin hiltu
Qarri ishee lamaan

Galfata namaa nyaattee
Kuttee gatti jiraa
Kayyoo maseensitee
Nama kutti ciraa

Gadadoo yandistee
Ibidda qabsiifti
Tiruu namaa murtee
Nama onnee dhabsiifti

....✍️ @Sabaa_Ifaa

Join @Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360

Yoom gammadee jiraata
Qaamni keenya nafti
Yoom akka keenya-tt nu baata
Qabeenyi keenyaaf lafti
Keenya kichuun reefii
Karaa gubbaa-tt hafti

Nu dabarsuu dhiisee
Yoomuma nuuf darbaa
Dhiigni keenya dhangala'ee
Kuufame akka garbaa

Bara baraan gadadoo
Bara baraan du'a,
Himachuun jabaate
Maal ta'a uumaa koo,
Garaan kee inni bal'aan
Naasuu nuuf qabaate

Bara baraan boonya
Waan keenya wallaalle
Nutoo kallattii dhabnee
Kichuu baay'ee awwaallee

Ijji harmee hin qoorre
Imimmaan lakkuu buusti
Ganamaaf galgalas
Teessee yaada kuusti

Harmeen dhiiga boossu
Mee yoom bo'uu dhiifti
Yoom aara galfattee
Nagaan mana ciifti

Dhala keenya qaalii
Kayyoonshii maseene
Osoo gammachuu eegnuu
Gaddi mana seene

....✍️ @Sabaa_Ifaa

Join
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360

#DHANGAA_NAMUMMAA
***
Mee dhiisaa yaa Jarana
Gocha Qoosee Nu Cabsuu
Afeerraa Irbaata Mufii
Dhiisaa Nurratti Labsuu

Dubbii Suuta furamu
Beenzilaan hin Yaalinaa
Dahoo Seeraa Diigdanii
Keessaniin Hin Caalinaa

Rakkinni yoo uumame
Rakkoo biraa dhalchuuree?
Moo Tasgabbiin Ilaalanii
Toora Sirrii Galchuree?

Rakkoof Maddi Rakkochaa
Qoratamuu Danda'aa
Mee Akkasiin Duudhaa gaariin
Horatamuu danda'aa?

Dubbii Gurraaf hin tolle
Kan Ollaan Bahee furuu
Qottoo Hammeenyaa Qaranii
Maaf Dullaa waliif Muruu?

Bineelda Hawaasawaadha
Nii yaada dhalli namaa
Osoo Ol nama dhufuu
Waliif obsuun Dirqamaa

Ani kan tareef miti
Kan dhufuufan Odeessaa
Yoo hin taane Maaliree
Gahee ofiirratti Ogeessaa?

Yoo Firaafi Ollaa ofii
Alagaafis Yaadanii
Hin dhalan, hin dhalchaniim
Gufuu Rakkoo Aadanii

Rakkina Maseensanii
Nagaa Rimaa taasisuum
Galmee seenaa ulfeessanii
Ragaa Cimaa baasisuum

Gaaddisa waaraa Dhaabanii
Jalatti wal simatuu
Malee Walirratti diiganii
Akkamiin Wal Ifatuu?

Osoo iji koo arguu
Dhugaan maaliif jallata?
Namni falmu dhabamee
Cituuf akkam Qallata?

Ani Ofiif hin dubbadhu
Nan danda'a callisuu
Garuu, Maal na dhibdeen hin taatu
An Namummaa hin salphisuu

Waliif kan hin jiraanne
Eenyuufiree Naaf ibsaa
Sakaalee nu kuffisaam
Wal miidhuun bu'aan isaa

Ilaaf ilaamee wayya
Seeraaf Seenaa eeganii
Ta'uu baannaan akka Bineensaati
Dhibdee walii hin beekanii

An ofiif gaarii yaadaa
Dabarsinaan jiruukoo
Dhangaa Namummaa Affeeree
Mararfannaan tiruukoo

Jiraachuu nan danda'a
Abdadhee Rabbii Jabaa
Tajaajila beenyaa hin qabne
Jabaa Jabdootaan Qabaa


#By @Sabaa_Ifaa

Join
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360

#GURRA_KEE_GUDDISUUF
___
Deemsa kee sirreessii
Iccitiikee cufii
Ulaa banaa dhiistee
Nun affeerin mufii

Namummaa hin xiqqeessin
Seentee gola cubbuu
Maaf na hatte jettee
Hin balleessin lubbuu

Na gante, na hatteem
Ati na basaastaa
Milkiikoo jibbiteem
Narratti Hasaastaa

Jettee haadhoo hin galchin
Dhiibdee gola gaddaa
Wal mararfachuurraa
Burqaan milkii maddaa

Qaamakee hin affeerin
Deemsa gala hin qabnee
Durattuu jaalalaa
Wanti nuti dhabnee

Ulaagaa Deemsakeef
Eessarra akka deemtuu
Daangaa itti gootee
Tikfachuu akka beektuu

Gurrakee guddisuuf
Hin Akeekin Hamtuu
Karaa kan si maqsu
Xiqqeenyakee Kamtuu?

Karaa Qaxxaamuraa
Deemuu Fixanneerra
Gaarii waliif oolaa
Deemuu Filanneerra

Gaaddidduu kee Shakkinaan
Biiftuu Jalaa Maqii
Gaaddisa Filannaan
Homtuu hin jiruu Lakkii

Kan gaaddidduu shakku
Namammoo akkam yakka?
Qooda shakkiin dhumtu
Mee godhadhu akka

Odeessaaf Of kennaa
Shakkiif bantee kara
Dubbiin hiikoo dhabee
Ta'uu mala Dharaa

......✍️ @Sabaa_Ifaa

Join @Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360

Akeeka kee Akeekkadhu

"Akka abaluun sirbaan morma nama jallisa" jedhu warri keenya Yeroo mammaakan. Mammaakan dubbii eegalu, mammaakan dubbii xumuru. Kuni dubbiin Oromoo Oromoo jennee eenyummaa keenya ittiin dhaadhessuuf osoo hin taane seeraaf sirna isaa keessatti uummanni keenya kallattiin ati badii qabda ykn ati yakkamaadha ittiin jechuurra kallattii inni ittiin hin miidhamneen ergaa dabarfata.

Baay'ee dubbachuu koo irra garan waanan dubbachuu barbaaddettan deema na faana bu'i. "Akeeka kee Akeekkadhu" akkuman dura mammaksaan eegale. Jireenya nuti addunyaa kanaa irratti jiraataa jirru keessatti harki caalaan namoota isa namoonni muraasni dalagan daawwachuudhaadhan maamila(customer) ta'anii jiraatu. Kun dhiibbaa warri muraasni Uumaniin garri caalu dhiibamaa oola. Isaan ofii isaanii miseensa (Subscriber) taasifachuudhaaf hirriba dhabu.

Warri miseensa ta'an immoo qoosaa ykn tapha akka gaariitti illee barnoota dabarsuufii hin dandeenye irratti sa'aatii isaanii gubaa oolu. "Akeeka kee Akeekkadhu" . Barreeffama olii kana akka fakkeenyaattin xiqqoo irraa dawwadhe. Kan Akeeka ofii malee nama akeekkatan danuudha. Ati Akeeka qabdaa ?. Akeekuma keetti jirta moo waanuma namni jiraatuuf jiraattee,waanuma namni nyaatuuf nyaatta ?. Yoo akkas tahee rakkoo hin qabu isa hojjetuuf miseensa(Subscriber) taatee jiraachuudhaan namoota biroof illee akeeka isaa fiixaan baafteefi darbita.

Yoo akeeka qabatte immoo akeeka kee irra ejjettee galma kee bira gahuudhaaf kan namaa faana fiiguu dhiiftee kan keetiif mataan si bowwaafata. Akkas taanan as na dhageeffadhu. Daboo ollaadhaaf kan deeman ofii hojii dhabanii miti. Guyyaa biraa atis ofii kee daboo kadhachuu waan dandeessuufi. Akkuma kana akeekni kees of eeggannoo godhaafii fiiguu qabda ykn guyyuma hundaa deemtee dhaabbatta taanan akka kufte beekkadhu. Daldalaan tokko hojii daldala isaa guddifachuuf asiif achi kan fiigu,maaloo beeksisa naaf beeksisi maamiltoota koo naaf jajjabeessi kan siin jedhu yoo tahe akeeka isaa fiixaan baafachuuf areeda. Atis akkuma isaa daldalaa taheen hojjedha jettee fiiguu hin qabdu. Ni baratta taanan barnoota keetiif bakka gaarii kennitee Akeeka keef of eeggachuu qabda.

"Akeeka kee Akeekkadhu"

Gumaata aartii

Qax jettema haftaa
Yeroo laman duutuu
Jiraachuu barbaannaan immoo
Taatee nama guutuu

Kitaaba dubbisii
Carraa argatte maraan
Guutaatuma bultaa
Taraadhuma taraan

Hir'inaan jiraaachuu
Eenyutu fedhamaa
Namni hin dubbifne immoo
Hir'uudha jedhamaa

Hir'uu qaamaa miti
Isa qaama caalu
Hir'ina sammuutii
Wallaalummaan dhaalu

Kanaaf ha dubbifnuu
Dubbisuun bay'eessa
Hundumti ilma namaa
Daayimaaf gay'eessaan

Dubbisuu keessatti
Suuraa kankee gartaa
Dubbisi dubbifnaan
Woma baay'ee bartaa

Dubbisuu keessaa bartaa
Shiraafis maloota
Yoo kana tilmaamta
Egeree dhalootaa

....✍️ @Sabaa_Ifaa

Join @Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360

HARMEE
*******
Siif himuu dhugaa kee
Takko takkoon katabee
Atuu anumaaf jecha
Lafeen kee si cabee

Garaachi garaa kee
Yaaddodhaan madaa'ee
Dafqii dhiigaan makaan
Qaamakeerraa yaa'ee

Har'a na nyaachiftee
Isa boruuf yaaddaa
Lagaaf Tabba ceetee
Nyaata koo barbaaddaa

Utuu dhiigni kan kee
Lafa yaa'u jigee
Lafee qaama keetii
Ba'aan addaan diige

Ayyoo too yaa jiruu koo
Maal siin jedhu laata
Dugdi kee hin boqannee
Baraan ba'aa baata

Ati somba kootii
Ati seelii keenya
Maashaa qaama kootiti
Ati anaaf qabeenya

...✍️ @Sabaa_Ifaa

Join @Aliyyee360
@Aliyyee360
@Aliyyee360
@Aliyyee360
@Aliyyee360
@Aliyyee360