الشاعر عباس الكرغولي

السيدة زينب عليها السلام

ياكربلة امضيعين ضعن الحبايب
وين آني اسألج وين عني الگرايب
ناموا بأرضج كربلة،،،،، عافوني حرمة وعايلة
،،،،،،،،،،،،،،،،،، *** ،،،،،،،،،،،،،،،،،،

ياكربلة كرّ وبلة سويتي بأهلي الزلزلة
مثل الذي امضيع هلة وكل غالي
شدعي عليج بغربتي وزعتي عالگاع اخوتّي
يمج أودّع عزتي وكل غالي

ياكربلة بگاعج وگع شبل النبوة أمخضب
عاش وربة بحضن النبي شو هسة بيج امترب

جروح،،،، وزعت فوك الغبرة
ينوح،،،، احساسي بيج شكبرة
واروح،،،، عنج ونة متحيرة،،،، حسين

ياغدر منج بان من اعتنينة
ياشوفة الخوان شحت علينة
جينة اعلة گاعج قافلة،،،،، عافوني حرمة وعايلة
،،،،،،،،،،،،،،،،،، *** ،،،،،،،،،،،،،،،،،،

محتارة اضمد ياجرح شوكلهن انترسن ملح
وگبالي مصرع والذبح بعيوني
مابيك حيل امن الطبر ولابيك ضل سالم شبر
جثمانك اتحول نذر بعيوني

اصرخ وانادي كربلة اسويتي ببن الزهرة
مطروح اخوية أعلةالرمل وداست العشرة بصدرة

غريب،،،، ومتاني جيت احبابة
سليب،،،، وماضل ستر بثيابة
خضيب،،، بدم النحر وصوابة،،،، حسين

ياكربلة امن النوح جبدي تفطر
وحسين نحرة يصيح الله واكبر
وشفافة تقرة البسملة ،،،،، عافوني حرمة وعايلة
،،،،،،،،،،،،،،،،، *** ،،،،،،،،،،،،،،،،،

عباس ذل بيج العطش شايل علم من اثنعش
أرضج تكفيلة نعش حاجيني
خطواتة تدبج عالضهر عطشان بس ذل النهر
وأنطاج من صيتة الگمر حاجيني

ترابج يقبل خطوتة ودنك عليه وباسة
ساقي العطاشة والنعم ياهو اليضم احساسة

جفوف،،،، طاحن علة امسناية
تشوف،،،، عيونة بس الرآية
اطوف،،،، الشال مني اولاية،،،، حسين

يانينوى اتغدرين بدر العشيرة
بفراگة ملجومين والحيرة حيرة
عالنهر راعي المرجلة ،،،،، عافوني حرمة وعايلة
،،،،،،،،،،،،،،،،، *** ،،،،،،،،،،،،،،،،،

جاسم تحرمينة العرس فرحان ويّ اهلة امس
احترگت خدودة امن الشمس والحنة
زفتة ارمآح النايبة طعنتة سيوف العايبة
وشموعة ضلت ذايبة والحنة

قُل هوةَ تقرة الملحمة وانتي الغدر اطباعج
ضديتي اهلي كربلة وآليتي كلمن باعج

بدر،،،، وجهة يشع بلحومة
عمر،،،، ضليت اعد برسومة
جمر،،،، كلبي استعر ويلومة،،،، حسين

لأمة شبعد تخفين عرسة بمصابة
يارملة والعريس أتحنة بخضابة
شعلت شموعة وتسألة،،،،، عافوني حرمة وعايلة
،،،،،،،،،،،،،،،،، *** ،،،،،،،،،،،،،،،،،،

الأكبر برز للملحمة وجهة يشع نور السمة
يشكي العطش من الضمة شح مايج
أمة تباري بالخيم تدعيلة بس كونة سلم
دلالهة حس وعلم شح مايج

بوجه الحسين اتبشرت نظراتة الأكبر بيها
ساعة وتشاهد نظرتة عيونة الزعل غاطيها

جمال،،،، شايل علي باوصافة
دلال،،،، والزعل فوك جتافة
زلال،،،، صار العطش بشفافة،،،، حسين

سيوف الغدر ورماح طعناتة مية
مارجع لمة اندار صوب آل أمية
امة اصرخت وين اندلة،،،، عافوني حرمة وعايلة
،،،،،،،،،،،،،،،،،،، *** ،،،،،،،،،،،،،،،،،،،

وآنة العقيلة ام الخدر باريتي بعهودج غدر
عاونتي ازلام الكفر يسبوني
مني اخذتي كل هلي عز وحمة جانوا ألي
صاحوا مشت بنتك علي يسبوني

يمج اودع كل هلي وامشي اعلة هاي النية
باجر تصيرين الشفة وگبورهم مبنية

مزار،،،، للشيعة والمشاية
قرار،،،، كربلة صرتي وغاية
منار،،،، وجنّة فوك الثاية،،،، حسين

ياكربلة تصيرين بحسين جنة
عز وشهامة وطيب تنولين منة
حلمي آنة ارد امدللة ،،،،، عافوني حرمة وعايلة



الشاعر عباس الكرغولي
@ALkarakoly

كلشي زين .. ياحسين
كلشي زين .. ياحسين
كلشي مابيه فقط دمعات عين .. يا حسين
............
راسك ويايه واطوف انه البلاد
وحالي مايبجي أحس يجي الجماد
شكد علاقه بيني ما بين الحداد
وكل نهاري بغيبتك صاير سواد

كلشي زين بدنيتي
فاركوني اخوتي
بعيني ضلت دمعتي .. محتارة
كلت ما ابجي ابد
رغم كل عزي ابتعد
حسين مايرجع بعد .. لديارة

والعجيبه ناكتي .. تبجي لجل مصيبتي
نار نزلت دمعتي .. تجوي خدي ومهجتي

والحنين .. يبقه عبرة .. احساسي جمرة .. وكلشي زين
كلشي ما بيه فقط دمعات عين .. ياحسين
........
امشي للشام بوصيتك بالعيال
كلها زينه وصعدتهم عالجمال
الشام ضيعه وضيعاني وحالي حال
شامخ بهيئة علي وفاكد دلال

خطوتي خطؤة ابي
مهجتي تكفل نبي
بداخلي حبل وسبي .. لطفالي
روحي طير ورفرفت
وعالضعينه خيمت
بالوصيه من مشت .. يالوالي

من اشوفك اطمئن .. وأشرع بهيئة سفن
وراسك أدري بي يحن .. يعتذرلي بالحزن

صدلي عين .. هيه نظرة .. الكلبي عصرة .. كلشي زين
كلشي ما بيه فقط دمعات عين .. ياحسين
........
يوكف اكبالي جرح كده السماء
وبالي مو يمه واحمله بكبرياء
كلبي يعصرني ينادي كربلاء
يم كفيلي راحله وشال اللواء

أمشي للهم واعبرة
والمواجع حايرة
اوكف اعله الكنطرة .. مهضومه
الماي بي ريحةكمر
بطعمة أحس جف ونظر
يمة دلالي انعصر .. ويلومه

شعجب مابية يحس .. اني اخيتة بل أمس
الكمر ماحن للشمس .. جاسم بعازت عرس

بالونين .. نارة كبرة .. يدك حسرة .. وكلشي زين
كلشي ما بيه فقط دمعات عين .. ياحسين
............
الحمد لله أمشي بس جروحي جيش
شكد متت بس راسك يخليني اعيش
اطفالي تنشد عمه هذا الصار ليش
علي وينه كربله تطلبنه بيش

الحمد لله والشكر
امشي بعيالي بيسر
لو درة بكلبي شكثر .. مشتاكة
حسين اخذ روحي ومشة
بالمدامع تنعشة
وانه بعدة عايشة .. بفراكة

وينه قتال العرب .. الموت لو شافه ارتعب
خل يجي يشوف العجب ..كل طفل عدنه انسلب

علي وين .. خل نحضرة .. يعوف كبرة .. كلشي زين
كلشي ما بيه فقط دمعات عين .. ياحسين
............
دمعتي عالكاع توكع تبني دار
لو خرابه والحزن بيها شعار
تعيش بيها ذكرياتي بانكسار
ابلا أمان ابكل وجه ذكرة صفار

من مشيت ابلا أمل
ونظرتي كلها زعل
وبعد ما ادري شحصل .. بحسيني
كالوا اصبع منبتر
وخيل داست الصدر
جسمة ماضل بي شبر .. يحميني

ذكرتي مثل النعش .. شوك جواها انفرش
خل تموت أمن العطش .. ترفة ماتحمل دغش

والمعين .. ربي ادرة .. وبيه سرة .. كلشي زين
كلشي ما بيه فقط دمعات عين .. ياحسين
.................

الشاعر عباس الكرغولي
@ALkarakoly

سلام،، جان موضوعة العطش
سلام،، بموقف الطف اندهش
حسين واگف وحّدة وهدة البعد
والله حيرة بعبرتة يروح ويرد ،، سلام ،،
،،،،،،،،،،،،،،،،،،،،،،،،،،،،،،،،،،،،،،،،
عاشر وغبرة وخيول وموت قادم
قرع الاطبول ابوكاحة امن الملاحم
هاجت الفرسان سيل تدوي خيل
عالحسين تريد بالطف ذبحة لازم

حاوطوا نهر الفرات
زمرة الذل والطغات
منعوا اهلة امن الحياة

خيام ،، كلهة عطشانة وتصيح
خيام ،، لو وگع كلهة تطيح
وگف ضامي وللشهادة مستعد
والله حيرة بعبرتة يروح ويرد ،، سلام ،،
،،،،،،،،،،،،،،،،،،،،،،،،،،،،،،،،،،،،،
وكف عباس اعلة طولة عيونة حمرة
يريد رخصة يجيب ماي انفاسة جمرة
اخذ جودة والعلم صد للخيم
ودع سكينة ومشة وزينب تنطرة

يمنتة طاحت غدر
يسرتة وكعت بتر
بعينة يتلالة الخدر

سهام ،، منها صاب عيونة
سهام ،، انغدر ويعرفونة
ابسهم المثلث دليلة ينمرد
والله حيرة بعبرتة يروح ويرد ،، سلام ،،
،،،،،،،،،،،،،،،،،،،،،،،،،،،،،،،،،،،،،،
شاف الاكبر ضهر ابوه كسرة عضيدة
هلال صار امن الكمر گطعولة ايدة
برز للحومة وگصد بيهم حصد
بالسيوف وبالرمح طعنوا وريدة

جسمة من طعن الرماح
وصل من الجسد طاح
حسين عكس اوليدة راح

ضلام ،، سكن بعيونة عليه
ضلام ،، الكون كلة يشوفة بيه
جابة متوذر وأخذ بيدة الجبد
والله حيرة بعبرتة يروح ويرد ،، سلام ،،
،،،،،،،،،،،،،،،،،،،،،،،،،،،،،،،،،،،،،،
قدم ازغر جندي عندة للشهادة
ويا دللول الولد عند امة عادة
لحضةلن اگماط طاح بصفةصاح
امشابك اني اوياه جنة امن الولادة

هاجرت ريح العبير
من وردها اعلة الحصير
ابهالخلك مات الضمير

كلام ،، ما املحگلة الولد
كلام ،، وصار تابوت المهد
حسين جناز ودفن بيدة الورد
والله حيرة بعبرتة يروح ويرد ،، سلام ،،
،،،،،،،،،،،،،،،،،،،،،،،،،،،،،،،،،،،،،،،
ودّع ايتامة ودخل سوح المعارة
يزيح غارة بسيفة تتلگاه غارة
ساعة ويشوف الخيم هجّت حرم
والشمر شايلة غيض أيطلبة ثارة

بالوجه صابة الحجر
حسين بالمگفة انطبر
ثنعش طبرة بالنحر

أمام ،، بغدر واتعنولة
امام ،، خيل سحكت طولة
حسين شمسوي يعالم ينضهد
والله حيرة بعبرتة يروح ويرد ،، سلام ،،
،،،،،،،،،،،،،،،،،،،،،،،،،،،،،،،،،،،،،،،

الشاعر عباس الكرغولي
@ALkarakoly

الإمام الحسين عليه السلام

غافي،،، عالرمل غافي
غافي،،، بحيرتك غافي
غافي،،، وجدمي ضل حافي،،،، حسين،،،
،،،،،،،،،،،،، ** ،،،،،،،،،،،،،،

انطيني وحدة أمن السوالف ولو كلمة
وآنة ابطل دمعتي
الخيمة والنيران هم صاحولي عمة
ويم سمارك صفنتي

عيونك الحلوة تغمض عالرمل
حزام ضهرك منك اتواخذ غفل
عفت حمل الزينب اوداع وثكل

دافي،،، اموادعك دافي
دافي،،، بكل وكت دافي
غافي،،، وجدمي ضل حافي،،، حسين،،،
،،،،،،،،،،،، *** ،،،،،،،،،،،،

جيتك بعازت ولي ومكسور ضهري
أمشي وأعثر وأوصلك
أَلرمل حآر ويجّوي جروحك ادري
وبعباتي اضللك

جروحك تفور وتذبلهة الشمس
بعظم نحرك خوية تحجيلي همس
كل صفاتك البيك متغيرة أحس

طافي،،، أمن الشمس طافي
طافي،،، بالعطش طافي
غافي،،،، وجدمي ضل حافي،،، حسين،،،
،،،،،،،،،،،،، **** ،،،،،،،،،،،،،

علة الغبرة نايم بحرّ الضهيرة
واللهب بخيامي
تايهة اطفالك وماعدهم عشيرة
واليسر گدامي

كل مرة العدنة عشيرتهة أجت
بس بناتك يالولي أمضيعة البخت
عيني تنظر راسك بحرگة وبجت

شفافي،،، ترتل شفافي
شفافي،،، ذبلت شفافي
غافي،،، وجدمي ضل حافي،،، حسين،،،
،،،،،،،،،،،، **** ،،،،،،،،،،،،

حرگوا خيامي وگلب ليل النهار
والرماد بكل مكان
خيول وكحة ودآست اجساد الزغار
اطفالي محتاجة الحنان

(٨٣) طفل أوية الحرم
ضاعوا بليل هدعش بين الخيم
وين اروح وبايك احلامي السهم

كافي،،، أمن الظلم كافي
كافي،،، أمن الضرب كافي
غافي،،، وجدمي ضل حافي،،، حسين،،،

،،،،،،،،،،،******* ،،،،،،،،،،،
علة الناگة أصعد وصاحوا سبية
والرمح گدامي
ذابلة شفافك وتتبسم ألية
بس سلامك دآمي

رمح راسك من ثبت فوك الوطية
جان يتلفت يدور عن رقية
جابوا ألهة الماي بس ضاعت خطية

صافي،،، هالعذب صافي
صافي،،، وذبلت اوصافي
غافي،،، وجدمي ضل حافي،،،،حسين،،،
،،،،،،،،،، *** ،،،،،،،،،،،


الشاعر عباس الكرغولي
@ALkarakoly

حسين أسمع مني بس احجاية
لو رحت ياهو اليضل وياية
جني أشوف اكبالي ..... تنذبح يالغالي
ومنهة أصبح بالضعن مشاية
..........
غالطت بعيوني نظرات المصاب
شكد تمنيت الحقيقة جن سراب
واني فوك التل وتاني بالجواب
خوية كوم انفض عباتي من التراب

عله التل الزينبي وانطر خبر ...
وجني أشوف المذبح اكبالي صور ...
ايحز نحر دلالي ..... وتنذبح يالغالي
شعجب كلبي ما عرضلي بهاية
ومنهة أصبح بالضعن مشاية
..........

خوية كلشي بروحتك يصبح ضلام
وراح اقرة الفاتحة عن السلام
انتة بس تروح يعني اشكف سهام
حجاية مني اسمعها مضمون الكلام

اليروح بنية اهلة ترشلة ماااي...
الماي شح راح آني اشمرلك كفاي...
وانتة تدري اشحالي .... وتنذبح يالغالي
جفن عيني اخذة هوة وماية
ومنهة أصبح بالضعن مشاية
...............
نظرة منك تسوة أيام العمر
كلب اليودعك فلا يحمل صبر
امعاتب اوية الريح لتطلع الفجر
مو تجيني الشمس وتجيب الشمر

من يجي الذبّاح لا يصعد عليك ....
لا يثنّي ركبتك ويحز اديك ......
وياك ياخذ بالي ...... وتنذبح يالغالي
وشيبتك ياضنوتي امدماية
ومنهة أصبح بالضعن مشاية
.........

حلمي وياك انتهة بأرض الطفوف
وروحي ماتت من متت واني أشوف
راسك اعلة العسكر بدمة يطوف
وين ذيج الهيبة ليش بكلبي خوف

علة الرمح السمهري رأسك علة .....
هم الك رجعة الطفوف اتزلزلة .....
الحالي ماضل والي ...... وتنذبح يالغالي
وآنة اعرفنك كفوو الاحجاية.....
ومنهة أصبح بالضعن مشاية ....
...........
يجر بية كلبي يم المشرعة
يم كفيلي يكلي أمشي انودعة
عيوني ماتقبل أشاهد مصرعة
رآيتة بصفة وجفوفة امكطعة

شعجب مايشعر كفيلي بحالتي ....
مو وعدني لا متنزل دمعتي ....
اتبعثرت آمالي ..... وتنذبح يالغالي
خوة حيلي وطاح يم الراية ...
ومنهة أصبح بالضعن مشاية ....

........

الشاعر عباس الگرغولي

@ALkarakoly

الأمام علي الأكبر (ع)

علي ياقل هوة ،،،، يابدر اللوة ،،،، يانسمة هوة
بالميدان زمجر ،،،،،،،،،،،،، شايل موت الأكبر

،،،،،،،،،،،،،،، *** ،،،،،،،،،،،،،،،

جمالة ،،،، علة العالم يوصفونة بجمالة
كمالة ،،،، يابدر البرز تمم كمالة
خذالة ،،، العسكر من برز موقف خذالة

دخل للحومة الأكبر يقرة صورة
فرك خشم الزلم سجل حضورة
يوسف من جمالة اعلن سرورة
بعث بيهم حظر حدَ الخطورة

اتبختر من برز ،،،،، كتائبهم فرز ،،،، لاضمهم خرز
سبحة وخيطها أخظر ،،،،،،،،،،، شايل موت الأكبر

،،،،،،،،،،،،،،،،، *** ،،،،،،،،،،،،،،،،،

حلالة ،،،، ورثها الملحمة وصارت حلالة
هلالة ،،،، تكور سيفة وتحول هلالة
بجالة ،،،، الطف ابكل ميادينة بجالة

بلحومة اليكصدة تصيبة خوفة
علي شمرت علي وطبرت جفوفة
صلاة الوحشة صلة الي يشوفة
عليهم طب غضب شمَر جفوفة

عالصيدة يهم ،،،، سوآهم حلم ،،،، ماضلت زلم
لآ قآدت معسكر ،،،،،،،،،،،،،، شايل موت الأكبر

،،،،،،،،،،،،،،،،،،،،، *** ،،،،،،،،،،،،،،،،،،،،،

قتالة ،،،، مآخذ شمرة عالسيف بقتالة
كفالة ،،،، دك عباس ألة صدرة بكفالة
سؤالة ،،، شجعان العرب صارت سوالة

مآخذ من عمامة أصل البطولة
وعباس ألكتب تاريخة صولة
علة عمة الگمر فعل ورجولة
صمصامة يضل بگرابة لولة

تربات الگمر ،،،، سوة ألطف خطر،،،، والحومة حظر
بسيفة الموت كبَر ،،،،،،،،،،،،،،،،،، شايل موت الأكبر

،،،،،،،،،،،،،،،،،،، *** ،،،،،،،،،،،،،،،،،،،

دلالة ،،،، بركان ويطك لو حل دلالة
خصالة ،،،، فن المعركة امكابل خصالة
حجالة،،،الاخرس طلع اللسانة وحجالة

مثل واضح بكر لمَن برزلة
جوادة يصهل وسيفة وكزلة
مآلحك يغض عينة وفرزلة
جسمةورآسةخزرةسيفةحزلة

گطع رآسةورجع ،،، وحسين انفجع،،، يشكيلة الوجع
عطش والتعب والحَر ،،،،،،،،،،،،،، شايل موت الأكبر

،،،،،،،،،،،،،،،،،،، ***،،،،،،،،،،،،،،،،،،

حنالة ،،،، العسكر لمن اتوازة حنالة
دعالة ،،،،حسين يرد علي سالم دعالة
وصالة ،،،، يرجع لمة ويكمل وصالة

طب الخيمة أمة تنطرة هية
ودعهة علي اودآع المنية
يباصرهة وخذت بيدة الرزية
وغدر أخذوه بالرماح آل أمية

كتب قصة بطل،،، عالضالم حمَل،،، بدر بس ما كمل
صورة بنهر كوثر ،،،،،،،،،،،،،،،،،،، شايل موت الأكبر



الشاعر عباس الگرغولي
@ALkarakoly

الإمام القاسم عليه السلام


صول بيهم ،،،
هدَ عليهم ،،،
حني اديهم ،،، عرس جاسم حومة،،،
حنة صارت والعساكر حايرة
وزفة القاسم اموادع صايرة
،،،،،،،،،،،، ***،،،،،،،،،،،،،

گمرة واتعنت الحومة امبارك وهلهولة
عرس المبارك يجاسم والفرح كولولة
عمك السجل وداعك للملاحم صولة

أمشي يمة أتقدم اعلة أعدائك،،،
تحزّ ساعات المنايا اشلائك،،،
گمرة والعريس هاي اسمائك،،،
الحومة ضلت تبتشر بدمائك،،،

عرسك احمر،،،
صابغ ألبرَّ ،،،
عيَد الحر ،،، عرس جاسم حومة ،،،
حنة صارت والعساكر حايرة
وزفة القاسم اموادع صايرة

،،،،،،،،،،،،،،،، ***،،،،،،،،،،،،،،،،،

ألبس أعمامة ابوك وشيل بيدك سيفة
وأدخل بصدر الثنية وأخذ منهم حيفة
الحومةسويهةألك صولةسيفك يحب كيفة

جاسم اوليدي وتعب أيامي،،،
خل شبابك يزدهر گدامي،،،
أهدي عمرك للحسين أمامي،،،
أشمحلةطولك قل هوالله ودامي،،،

من حسدهم،،،
لا تذمهم ،،،،
صيح يمهم ،،، عرس جاسم حومة ،،،
حنة صارت والعساكر حايرة
وزفة القاسم اموادع صايرة

،،،،،،،،،،،،،،،، ***،،،،،،،،،،،،،،،،،

دخل عريس الهواشم والطفوف اگبالة
بجفة حنة وشمعة تضوي يرعب الخيالة
زفتة الحومة عدل واتلاگة ويَّ جتالة

عرسك اتوقع شهادة أعدامك،،،
خلّي اباهي بموتتك اعمامك،،،
جنَّة الفردوس هية احلامك،،،
لو متت تلگة الحسن گدامك،،،

أمة صاحت،،،
فرحة لاحت،،،
دمعة طاحت،،، عرس جاسم حومة ،،،
حنة صارت والعساكر حايرة
وزفة القاسم اموادع صايرة

،،،،،،،،،،،،،،،،، **،،،،،،،،،،،،،،،،،

اكتب بتاريخ طفك عرس حنَّة الحومة
ورد يزرع بالمنايا والبرائة ارسومة
بطل بارز للمعسكر ازغر أمن أهدومة


درعة سجل وية ابوه صولاتة ،،،
سيفة شاهد كل عزم ضرباتة ،،،
رمحة سولف للسمة طعناتة ،،،
الحرب تشهد للحسن غارآتة ،،،

لا تردلي ،،،،
حني ضلي،،،
وآني أصلي ،،، عرس جاسم حومة ،،،
حنة صارت والعساكر حايرة
وزفة القاسم اموادع صايرة

،،،،،،،،،،،،،،،،، *** ،،،،،،،،،،،،،،،،،،

أتعنة يمة بشسع نعلك اسحك اعلةاركابهم
لمهم وطشر جثثهم وادخل الاصلابهم
عالمنايا وقعلهم واختم اعلة اكتابهم


يبني ازعل لاتخاوي الميلة ،،،
حرز يمّة اخذ مني الشيلة،،،
يا بقيتي وانتة بدر العيلة ،،،
حملي طايح ياهو الي ايتجيلة ،،،

بآلي يمك.،،،
نزف دمك،،،
شلون ألمك ،،، عرس جاسم حومة ،،،
حنة صارت والعساكر حايرة
وزفة القاسم أموادع صايرة


الشاعر عباس الگرغولي
@ALkarakoly

الإمام العباس عليه السلام

ياخوية يعباس ~~~~
،، *،،،
حالي من بعدك غريبة يحلّال الشدد
يبجي لمصابك عجيبة يعباس الوعد

طحت بعدك عيلتي
تحدي بيها غربتي
رحت ومشيت،، وانة بگيت،، سبية وحايرة
ياخوية يعباس ~~~~
،، *،،
صحت وينك ونينك جرح خوية الكلب
سهم عينك وادينك رميّة ابيادرب

وين جودك والعلم
طاحن وطاح الخيم
علة الخدّر ،، تحسّر ،، عداكم جايرة
،، *،،
سرت بضعون والامتون تسايل بالدمة
تبجي العيون وأنة شلون أرد امحشمة

وانتة نايم عالثرة
دمة من عينك جرة
ألك ونيت،، وحنيت،، صفيت امحيّرة
ياخوية يعباس ~~~~
،، *،،
من بين ادينك خذوني عجيبة ابلآ خدر
وأبگة خدري لجيتك يخوية ينتظر

خذوا مني عزتي
بنوح اسير برحلتي
عذبوني،، وخذوني،، بدمعتي سايرة
ياخوية يعباس ~~~~
،، *،،
بين أجنان وسلاب قسة بية الدهر
اشرح اسباب والاعتاب مرد گلبي بقهر

والعجيبة ناگتي
تبجي لجل مصيبتي
والسلامة،، يتامة ،، بدونك صايرة
ياخوية يعباس ~~~~
،، *،،
شمر بسياط بالازماط ضربني بقسوتة
والعدو حاط الاوساط بدة يصب بلوتة

ضرب ضعني وألّمة
وعيني تبجيلة دمة
يارمية ،، لمية ،، تدور الدايرة
ياخوية يعباس ~~~~
،، *،،


الشاعر عباس الكرغولي
@ALkarakoly

الإمام العباس عليه السلام


حآر راسك نآر كبرة يابو فاضل
علي سمآك ورتبتك صرت كافل
رآيتك ثآر ،،،، بسيفك النآر ،،، وأحنة خطار،،، يبو فاضل

،،،،،،،،،،،،،،،،،*******،،،،،،،،،،،،،،،،،،

ألّزم اعهودك يالگمر وأرعد عليهم موزمة،، ابتّارك
آنة اخيتك بلخيم اشتد عزم وأموسمة ،، بأخبارك
أگلب الطف مذبحة وادبج برجلك ملحمة،،ابأيثارك
هذا يومك يالفحل رآويهم نجوم السمة،، وأقدارك

عطشونة،،، حاوطونة ،،، أطفالي تربي الجربتك
بيهة املنة ،،، ياحلمنة ،،، يافخر زينب رآيتك

صول بيهم سيل حامي عالمناية
وأفرك خشوم العدوا برفّت الرآية
وأنتة بتآر ،،، بسيفك النآر ،،،وأحنة خطآر،،، يبو فاضل

،،،،،،،،،،،،،، **** ،،،،،،،،،،،،،،

أبرالك آنة بخيمتي وأنتة احرگ اعروك الحطب،، گدامي
گول وفعل يابة الفضل بعيونك أمبين الغضب،، يالحامي
هاي العساكر سدرت لحدودنة وشرهم گرب ،، لخيامي
نشهم مثل نش الغنم رآويهم افنون العجب ،، يالضامي

جود بيدك ،،،،، وآني اريدك ،،،،، تنشر علينة امروتك
صدلي عينك،، خوية وينك ،، بلخيمة تجوي حرورتك

حآرس اخيامي بكربلة صايتك نخوة
امدللني دومك ياشهم خوتك خوة
خوتك صآر ،،، بسيفك النآر ،،،وأحنة خطآر،،، يبو فاضل

،،،،،،،،،،،،،،،،،******* ،،،،،،،،،،،،،،،،

أمشي علةحدود الجرف اوگف وأصد اعلة النهر،، ناعورة
حارمني صدّت طارفك ضعّف علي شوف النظر،،والصورة
گلبي يدك دگة رعب ويگلي لآفينة الخطر ،، مجبورة
الرآية رفت وأبتسم ساعة وأحس گلبي انعصر،،معذورة

عيني اصدهة،، وروحي عدهة،،، رآيتك تعنيلي الامل
مني راحت،،، جنهة طاحت،،،خاطفها من يمي الاجل

راعي العلم وينة الخلك تدبج بدالة
من فدوة راحت هالزلم كلهة الخيالة
الفكر طآر ،،، بسيفك النآر ،،، وأحنة خطار،، يبو فاضل

،،،،،،،،،،،،،،،،،، *** ،،،،،،،،،،،،،،،،،

انظر علة وجه الشمس غيّم حسين ونظرتة،، مخطوفة
عاف الخيم غفلةوفزع ويكفكف أبدةبدمعتة،، بجفوفة
مو هوة اخوية من رجع أمترب أجاني ومشيتة،،ملهوفة
جايبلي جودك بي سهم وعالنهر يصرخ رآيتة،، ملفوفة

صد عيونة،،، راح اخونة ،،، عباس طاحت خيمتة
گص جفوفة،،وطفة شوفة،،طايح وحاضن جربتة

فوك الشريعة نايم ورايد اعذرة
بنص عينة سهم النايبة ويريد اجرة
قدّم اعذار،،، بسيفك النآر،،، وأحنة خطآر،،، يبو فاضل

،،،،،،،،،،،،،،، *** ،،،،،،،،،،،،،،،

عالناگة ماني امعودة اصعد بدونك ياهو لي،، يصعدني
مجتّفة حبال برگبتي واطفالي تصرخ ياعلي،، ساعدني
ماعودتني غيبتك صار الشمر بعدك ولي،، ويضهدني
يضرب حسين اعلةالنحر وبسيفة يذبح كل هلي،، ويبعدني

عنكم امشي،،،،،،، وراح كلشي،،،،،، واليسر گدامي
جنت أميرة،،، هسة اسيرة ،،، وانتة مرمي ودامي

ضرب مشوني بيسر واطفالي تبجي
وعيني ويّ راسك الحآر شكثر تحجي
بولية أشرآر،،، بسيفك النآر،،، وأحنة خطآر،، يبو فاضل

،،،،،،،،،،،،،،،، **** ،،،،،،،،،،،،،،،،



الشاعر عباس الكرغولي

@ALkarakoly

الإمام العباس عليه السلام


جودي زمزم ،،،،
سيفي ملزم ،،،
أكره الدم ،،،،
اخطف أنفاس ،،،،،،، أنا العباس

،،،،،،،،،،،،،، ***،،،،،،،،،،،،،،،

اكره العركة ألي مابيها رجولة
كون ادگ برجلي وآني اسحكلي جولة
بس اطبها اسجلت لية بطولة
شيمتي شيمة علي حيّ الله طولة

گلي تسلم،،،،
يبني أعلم،،،
اكره الدم ،،،
اسحگ ارجاس ،،،،،،، أنا العباس

،،،،،،،،،،،،،،، *** ،،،،،،،،،،،،،،،

آني من يوم الصرت ماگمطوني
ماگو گدي اگماط جود يجتفوني
توني أمشي وهلي للحومة خذوني
علة رنّ السيف جآن ايعودوني

طفل وأحلم،،،
بجودي مهتم،،،
أكره الدم ،،،
تشهد الناس ،،،،،،، أنا العباس

،،،،،،،،،،،،،،، *** ،،،،،،،،،،،،،،،

آني أبن دآحي الباب وأسد خيبر
سيفي من يدخل أگرابة احسة جمّر
اسألوا صفين عني ويشهد الكر
ياطفوف اليوم اجاج الموت الاحمر

والمخيّم ،،،
بية يعلم ،،،
أكره الدم ،،،
هيبة وأحساس ،،،،،،، أنا العباس

،،،،،،،،،،،،،،، *** ،،،،،،،،،،،،،،،

طبعي دومة بلقتال يصير مگبل
آني ضرغام المنايا العني يسأل
أكر عالفرسان واشتد لمن أزعل
ألة أخلي الحومة للشجعان مقتل

والشرد هم ،،،
مني يسلم ،،،
أكره ألدم ،،،
طبعي نبرآس ،،،،،،،،،، أنا العباس

،،،،،،،،،،،،،،، *** ،،،،،،،،،،،،،،،،

أبغض اليحجون عني بلخديعة
طبعي حآر ورآسي حآر اعلة الفجيعة
آني صگار الزلم حامي الشريعة
بزودي تبقة امدللة اختي الوديعة

هيّة بلسم ،،،
وألي مرهم ،،،
أكره الدم ،،،
دخن الرآس ،،،،،،،،،،،، أنا العباس

،،،،،،،،،،،،،،، *** ،،،،،،،،،،،،،،،



الشاعر عباس الكرغولي
@ALkarakoly